小弟想問其實青山公路係咪一條幾難既練習路線?
小弟跑左青山公路好多次, 亦見原來呢個網站0係4月30號搞左個荃灣去屯門既長跑活動都係跑青公, 所以小弟想知其實係咪算有難道?小弟半年前開始跑青公, 由友愛出發, 如果想操短課就跑到海員訓練學校折返, 想長d就直情去深井折返, 再長d就汀九折返. 小弟練長跑既日子好短, 初頭幾次出現ITB病徵, 就係因為跑青公! 結果又要搵醫生, 又要物理治療師先搞好! 先發現大欖之後既斜路幾攞命(由深井回程時)! 近乎死咁滯! 不過都一直keep住去征服!
早兩日試下依據以上既活動路線跑一次, 由友愛出發去荃灣西站, 要1小時45分, 本來冇諗過返轉頭, 想搭西鐵走, 不過以前跑去汀九都係跑返屯門, 於是試下跑回屯門! 結果用左4個多小時跑返友愛(中途有停油站及七仔買水同朱古力補給同拉筋) , 發現大欖至黃金海岸既斜路足以殺人!因為由荃灣入到大欖已經根疲力盡..... 少d意志都死!
唔知有冇新界西既師兄有同樣感覺定係我水皮呢 ?
[ 本帖最後由 camij6152 於 2010-5-7 13:47 編輯 ] 小弟做唔到4小時內完成, 不過感覺好似跑左個馬拉松.......我今年有跑渣打全馬, 不過完全準備不足(工作問題....), 跑左一半已經死左, 捱左十幾公里先去到馬師道就行人止步lu! 仲欠1.5公里先完成.......
自呢次失敗經驗之後, 一直想搵條模仿渣馬既路線去跑, 當然住屯門梗係想跑返屯門區啦! 於是搵到青公黎練, 就係睇中佢有多條斜路(當然斜道及長度不昂船洲橋.....) 因為我發覺成日跑平路對於練渣馬既幫助唔夠大! 當日跑過渣馬先知原來成程既平路係廖廖可數, d路一係上斜, 一係落斜......... 你好hjhem37hj
個人覺得青公某程度上係幾難跑...尤其好多紅磚路凹凸不平...但又好鐘意跑hjhem03hj
荃灣西 <> 海員訓練學校 & 三聖 <> 鄧記 呢2段路比較平坦，跑得幾舒服
問題就出係 海員訓練學校 <> 三聖 呢段...雖然唔係大斜...但好多上落波幅...
跑過2,3次 荃灣西 <> 三聖 ~34k 無一次成功均速完成...hjhem40hj 次次係回頭跑到返深井/汀九橋個人就爆爆地uhgjuem01hj 原帖由 camij6152 於 2010-5-7 13:45 發表 https://www.longrun.hk/forum/images/common/back.gif
大欖之後既斜路幾攞命(由深井回程時)! 近乎死咁滯!...
唔知有冇新界西既師兄有同樣感覺定係我水皮呢 ?
我都有同感,不過我係真 '水皮'! 平時星期六日朝早跑開麥十,但有時跑厭咗,會間中轉跑青公.
試過由恆福附近跑到汀九來回,但由黃金至大欖一段,不論去還是回程,通常都係半行半跑. 有時,我覺得辛苦可能係自己心理問題.
由青龍頭至汀九一段靠海路段,一樣有斜路,但沿路可欣賞風景兼空氣較清新,跑起上來冇咁辛苦.但黃金至大欖條斜路,全程都係沉悶冇風景嘅車路.自己本身已經討厭跑嘈雜多車嘅公路旁 (個心 '營' 住周圍都係汽車廢氣同懸浮粒子),仲要係斜路,所以覺得額外辛苦. 等我又講下先...
平均每月走3-4次...多數走22K為主
荃灣出...路程：
來回青龍頭共16K
來回小欖共22K
來回三聖共34K
基本上我好鍾意走呢條線...有上有落...幾好...(全平路會好快悶)...
始終在路邊...最好走夜晚...感覺上少D車空氣好DD...(心理作用)
最愛路段 青龍頭至小欖一段...極少人...約3K...
唔鍾意位置：
深井7仔燈位..成日窒步
黃金海岸堅持走對面..因為個處咖啡灣D人燒野食..好鬼香...定力唔夠好易奶野...
黃金至三聖多左少少路口位...
另外...好多師兄提過條路因為舖磚..是幾傷腳...呢點要注意下...
[ 本帖最後由 Parco爸 於 2010-5-7 23:25 編輯 ] 我最曾跑大欖至三聖段, 個地好硬
青公係多斜但每條斜好短, 練唔到乜, 其實是風景靚, 有海風, 空氣好同夠静, 最好夜晚跑 我記得係比賽前一個月左右, 每個禮拜都跑一次三聖, 荃灣西來回, 係渣打全馬都可以4小時到完成......再講多d,比賽前5個月開始每星期練一次長課,由20km開始, 每個禮拜 or 兩個禮拜加上去.......有時無態就睇時間跑, 唔理跑速, 1.5hr就回程..... 如果師兄們有興趣, 不如約埋每個禮拜日朝跑.......不過小弟呢家既功力只可以睇時期跑回程or 深井回程....未必跑得晒全程....而我既速度約 5:30 ~ 6:00min/km 原帖由 Parco爸 於 2010-5-7 23:22 發表 https://www.longrun.hk/forum/images/common/back.gif
黃金海岸堅持走對面..因為個處咖啡灣D人燒野食..好鬼香...定力唔夠好易奶野...
我有同感，真係好鬼吸引！:lol:lol:lol:lol 原帖由 ahhuman 於 2010-5-8 06:06 發表 https://www.longrun.hk/forum/images/common/back.gif
如果師兄們有興趣, 不如約埋每個禮拜日朝跑.......不過小弟呢家既功力只可以睇時期跑回程or 深井回程....未必跑得晒全程....而我既速度約 5:30 ~ 6:00min/km
星期日朝唔錯呀. 朝早起身,個人精神D,空氣清新D,車流少D. 原帖由 Parco爸 於 2010-5-7 23:22 發表 https://www.longrun.hk/forum/images/common/back.gif
等我又講下先...
平均每月走3-4次...多數走22K為主
荃灣出...路程：
來回青龍頭共16K
來回小欖共22K
來回三聖共34K
基本上我好鍾意走呢條線...有上有落...幾好...(全平路會好快悶)...
始終在路邊...最好走夜 ...
Parco爸,
下次跑到嘉頓時轉左入園跑麻(不過別人地方，要靜d:o )！
可以避開深井d燈位...不過辛苦d跑多二三百... 原帖由 TCRunner 於 2010-5-8 07:55 發表 https://www.longrun.hk/forum/images/common/back.gif
星期日朝唔錯呀. 朝早起身,個人精神D,空氣清新D,車流少D.
我都試過一次朝早跑，的確唔錯！
可能個人瞓醒左精神會好一點，比起放工後晚上跑舒服好多...
而且始終係公路...早上跑比較安全一點... 小弟聽日 730 就係 三聖恆福大家樂, 7:40出發,今次目標係連跑120min......不限速道, 距離........
如邊位師兄有興趣歡迎加入:handshake 由海關去三聖路面較窄, 車多, 真係唔好跑, 尤其是夜晚跑時車頭燈光令眼睛不舒服.斜路長度可以接受, 不是太辛苦. 原帖由 ahhuman 於 2010-5-8 10:26 發表 https://www.longrun.hk/forum/images/common/back.gif
小弟聽日 730 就係 三聖恆福大家樂, 7:40出發,今次目標係連跑120min......不限速道, 距離........
如邊位師兄有興趣歡迎加入:handshake
原來大家啲時間都好夾.我跑麥十通常係8:00-9:00開始,青公就會提早到7:30-8:00開始. 好,我第一個join 你,明早見.
ps. 恆福沒有大家樂,只有大快活,現正進行內部裝修.
回復 16# 的帖子
聽朝730見 上次 9/5 半行半跑下用了 3個多小時跑完 三聖恆福至深井7仔......家陣放緊傷假,差唔多日日跑 ......如果今個禮拜六,日, 可以依上個禮拜一樣跑就可以做到我人生第一個 over 100km/wk...
同時, 好希望我可以做到呢家起keep 100km/wk, 直至玩渣打全馬, 好想知可以有乜野成績......希望有呢個決心 原帖由 ahhuman 於 2010-5-13 17:02 發表 https://www.longrun.hk/forum/images/common/back.gif
上次 9/5 半行半跑下用了 3個多小時跑完 三聖恆福至深井7仔......
家陣放緊傷假,差唔多日日跑 ......如果今個禮拜六,日, 可以依上個禮拜一樣跑就可以做到我人生第一個 over 100km/wk...
同時, 好希望我可以做到 ...
師兄,9/5我地只係回程嘅時候因為太曬太熱先至半行半跑,即係3/4跑,1/4行啫! 話時話,你一週跑100K,等於我兩個月喇!
頁:
[1]
2
