渣馬太渣
本帖最後由 bunbun 於 2014-2-13 06:32 編輯壹週刊 2014-02-13
坦白講
渣馬太渣
羅禮文，四十五歲，任職航空公司，輪班工作常熬夜。五年前，眼見竟有七名同齡同事先後心臟病發，開始發力狂奔，逃避死神。
誰知一跑不可收拾，加上員工福利唔好嘥，他已去過廿多個地方、跑過七十多場馬拉松，發現那四十二公里路除了有好風光，亦反映了當地人的價值觀和做事方式。
至於渣馬，跟這城市一樣，只講效率，沒有情趣。
今年梁振英龜縮唔出席，連噓幾聲、消消氣的功能都冇埋。同日，他會飛日本，參加京都馬拉松，朝拜白雪中的金閣寺。
香港的生活係黐線嘅，尤其近幾年，社會上好多嘢你都無能為力，但總要搞掂自己的情緒。耐力運動堅持上一段時間後，會進入類似禪修的狀態，跑完至少peaceful一點。
跑步亦令我認識香港。由大坑道轉入跑馬地，原來有錢人係咁樣生活？上到寶雲道，先知香港係咁靚。肯雅的失明跑手、奧運冠軍尹約基每次來港，我都會陪佢去深水埗，電鑽、防盜、機械零件乜都買。佢話深水埗係天堂。唔係嘛？他跑遍各國，日本、歐洲怎會不是天堂？但我去到肯雅便明白，當地想搵一對跑鞋都難，深水埗卻乜都有。現時我仍會定期把募捐得來的舊跑鞋送去肯雅。
但渣馬我只跑過一屆。田徑總會冇視野、亦冇心去搞。點解天未光就要入隧道食塵？沿路唔會有機會同親友、途人互動。十點幾就頒獎，效率超著，只要瞓晏少少，呢件「全城盛事」對你來講，就像冇發生過一樣。但與其嘥氣去鬧，不如留力去享受好嘢，影響身邊的人。今年渣馬當日，京都和高雄都有賽事，風光更好，跑過你就唔再幫襯渣馬。
日本人細心，會為每位跑手計好速度，等你大概知道幾點會去到邊度，方便親友到時到候來打氣。法國人好玩，波爾多馬拉松開賽前一晚，先在古堡開party、放煙花。沿途穿過酒莊、葡萄園，靚酒任飲。跑到三十八公里、就嚟想死時，忽然有生蠔！到三十九公里，仲有燒牛肉！令你冇辦法唔跑落去。台灣有人情味。但我最深印象，係每次主持開幕禮的政治人物，都以民眾為大。有次台南市市長賴清德在台上致辭，台下有人用台語打斷。後來才知那人跟朋友失散，想市長嗌咪尋人，賴清德冇托手踭，只因民眾有選票在手。十幾年前，他們跟大陸人一樣，我在機場見得多，小小事就地大鬧。但有民主後完全唔同，尤其是新一代。所以冇民主香港就可以拜拜。我知我嘅諗法好離地。移民、去外地跑馬拉松都係用腳投票，連件大會tee都由New Balance變特步，或者好快，連渣打馬拉松都變中銀馬拉松了。 每年港馬, 就會有大量文章去抨擊搞得如何不濟, 如何差劣, 件tee 如何肉酸.
坦白講, 我厭倦了, 甚至覺得討厭.
港馬絕對有再改善既空間,
但係唔係真係咁差? 差到要認為參加者係犯賤? 我不敢苟同.
作為一個跑者, 在42.195公里內,
沿途有打氣, 有吶喊, 有得食有得飲當然好,
就算沒有, 只得我一個, 我也不介意.
管他是大街小巷也好, 三橋三隧也罷.
我見到的, 只是一條我要盡力跑完的路.
我在意的, 只是能否實現自我, 僅此而矣. 又係啲晉惠帝何不食肉縻的言論,我地當中大把人都到外地跑過馬拉松,每個地方都有它的特色,港馬其實都唔係真係好差,收你300蚊跑個全馬想攞番啲嘜嘢走(我唔講300蚊跑10K值唔值),唔通沿途有鮑魚,三文魚食, 仲要有Lafifte飲,好唔好, 講無地方俾人打氣,跑咗咁多年(今年第7次跑渣全馬)都唔見得洛克道,東角道有好多人打氣,我唸就算開放晒成條跑道都唔會有太多人打氣, 跑過首爾,春川, 深圳, 珠半馬都唔見太多市民打氣, 當然大家都想渣馬攪好啲,特別是人流控制方面可以做好一點,唔好單單著眼於人數的增長 我係呢個討論區加入日子唔多，發言亦唔多，但見到呢個post，大家都好似抱著
其實 「渣打真係唔係太差」「香港要封路係咁架啦」「有得玩仲求d咩」
咁紐約 倫敦 東京又唔駛封路咩？點解人地可以全民參與，香港個個要偷雞摸狗？
大家話呢度係講跑步，唔講政治，但現實就係政治 (區議會 政府同田總既官僚主義)令到香港唔可以有更好既馬拉松，香港本身有好好既跑道，沿著維港兩岸跑。香港人時間係咪真係咁寶貴呢？連1/52既星期日都可以就一就馬拉松？要同香港市民講馬拉松既好處，除左所謂靠政府打破官僚主義(機會好細)我地身為參加既一份子，或者會唔會都可以趁機同身邊朋友同事講下，其實封路一日半日對大家既影響都係有限，可能有人覺得好傻，咁講無用既，但多一個人知道全社會參與馬拉松既重要性，先至令呢個香港馬拉松有機會作出改變。
自問海外參事經驗唔多，只係三年前去過巴塞羅那同去年大阪，以及下星期東京(希望唔會變極地狂奔)，但外地賽事，民眾既參與係跑手一大動力，真係好希望有一日香港人可以係沿路有打氣既街道上完成一個馬拉松。
stevenchau 發表於 2014-2-13 14:55
真係架、儍的嗎 !
呢位個羅先生, 真系作大到...頂佢唔順, 5年前開始跑全馬, 重去過20幾個地方,話跑了 ...
師兄唔洗同呢本嘢咁認真,在此多言只是唔想俾一些新進師兄有一個錯覺,覺得完成一個全馬和半馬是一件易事,可能本人天資差,我一個星期儲60k里數,個個星期練, 一年應付4, 5隻馬都練到無命咁制,我地只係業餘,仲要返工,照顧屋企, 落得場跑就要認真跑,要食生蠔, 燒牛肉,飲紅酒, 不如慳番啲錢去食自助餐 我覺得羅生有點兒用他的幸福，來踐踏了我們大部份人的僅有的生趣。就好像有人嘗他的珍饈百味之時，卻百般挑彈我們在吃吃的豬扒飯。不過！我依舊淡然享用我的豬扒飯！:) 每個地方都各有特色，以香港地少都能夠辦到每年一次盛事都很好。去外地跑好多人都想，但要有錢同有假期至可以去。你話如果全跑市區路，我諗比人投訴到PK，依家咁封路都有好多人搾型。咁又點可以唔一早跑，趕住開番路吖！同埋運動點解又要同政治放埋一齊，理得乜水主持開跑，最緊要各部門同市民支持，我們只要跑得開心，享受賽事已足夠！ 超記老味、又是壹週刊的意見 本帖最後由 kennethwk 於 2014-2-13 09:10 編輯
這是個運動盛事 不談政治
再講香港有什麼地方有代表性地方可以做賽道,有得上昂船洲大橋,青馬大橋,汀九橋,西隧再入香港心臟中環銅鑼灣未夠?仲要找一個有42.195長的賽道和能關閉八小時以上的地方, 莫非要關閉整個香港島一日唔比車行比你跑去淺水灣再叫你朋友燒嘢食等你? 咁每個跑手有幾個朋友咪有幾十萬人開Party... 香港有幾大你唔係今日先知呀...
至於開跑時間到是盡量將賽道封閉對市民的影響減到最低,
壹傳媒信得過,豬乸都會上樹香港人真係負能量上腦...
不是人人都有 “員工福利唔好嘥，他已去過廿多個地方”。錢從何來:'(，我有得跑已經心足。 呢度都有王苑之？
點解只放大香港的缺點, 永不欣賞自己地方的優點, 自己人都不撐自己地方, 怎說服人來尊重你呢:@ 同埋那個羅先生, 5年前開始跑全馬, 只是去過20幾個地方,但跑了七十多場馬拉松, 唔夠1個月跑1隻馬,, 仲要每個地方跑3次, 就算係crew member 有1成平機票,都要就返工時間,比賽時間,練習時間, 跑完1隻馬唔洗 recover,有啲全馬仲要抽籤,唔通間航空公司佢開, 個馬拉松係佢主辦,本週刊又晌到作嘢 本帖最後由 nacorner90 於 2014-2-13 12:30 編輯
各位Ching, Ctse,這個羅先生的訪問在此,
http://hk.next.nextmedia.com/article/1249/17184038
恕我見識少他, 的身形橫睇惦睇都唔似跑咗70個全馬半馬 本帖最後由 tango 於 2014-2-13 12:53 編輯
跑馬仔有身型睇?跑得快既話係有，但志在完成真係無標準 個人是第一次參加半馬，
但在身體卻有不少人參加過不同的馬拉松，
而目的卻各有不同……對待的態度亦有很大差異……
所以跑……不等於隨便、亦不等於認真跑……
不過，就渣馬來說，
個人卻很期待，
因為這可說是在港搞得不錯的大形比賽了，
至少可以邀請到肯雅等老外強勁選手參加，
這不是「必然」吧。
而提到人情味和提供的資源，
坦白說，比賽只要能提供最基本的就很夠了，
這是一場耐力比賽，看重的是平日是否有足夠練習，
而不是來吃喝玩樂，如果想這樣，
相信本港還有不少慈善跑、家庭樂等長跑活動……
何必沒有準備下勉強參加又指不夠支援呢？
當然，渣馬亦有改善的空間，
就好似由於是次打算赤足完成，
又得知西隧出口路況極不友善，
如果在賽前能清理或修補一下路面，
相信會更好。 真係好煩～ nacorner90 發表於 2014-2-13 11:19
同埋那個羅先生, 5年前開始跑全馬, 只是去過20幾個地方,但跑了七十多場馬拉松, 唔夠1個月跑1隻馬,, 仲要 ...
跟內文條數就似乎係咁計,
但你知啦....... 其實好多人都分唔清咩係"馬拉松"
記者所講七十多場"馬拉松", 可能包括好多10k, 半馬.
如果加入呢個考慮, 5年 70場"馬拉松",
即係一年14場"賽事" 就易理解好多, 亦唔係不可能. tango 發表於 2014-2-13 12:47
跑馬仔有身型睇?跑得快既話係有，但志在完成真係無標準
如果5年完成70場全馬或半馬, 全馬在四個多小時跑完, 加埋平時練習, 都唔易keep到嗰位先生嘅身形.
未去過外地跑馬, 唔知係唔係好似佢講到咁正, 食住嚟跑先keep到呢? :lol 真係架、儍的嗎 !;P
呢位個羅先生, 真系作大到...頂佢唔順, 5年前開始跑全馬, 重去過20幾個地方,話跑了七十多場馬拉松, 唔夠1個月跑1隻馬...
但係羅生都係咁嘅跑步身型(我唔係人生攻擊, 以佢咁跑法, 我接受唔到囉), 唔通真係好似佢接受本週刊咁講...一路跑一路飲紅酒食燒牛肉. :( 算吧啦, 越近渣馬就越多人出黎抽水, 壹週刊當然唔放過呢個機會啦...重講埋民主, 真係 O 唒咀). 本帖最後由 小叻 於 2014-2-13 16:36 編輯
算吧啦~
有人靠作大, 老作搵食, 我們跑手是用腳投票的!
今次跑第17年渣馬, 第58個全馬...
上年跑咗11隻全馬, 尾7隻慢慢跑, 但雙腳仍然開始舊患發作, 所以果位仁兄如果5年跑到70幾隻, 真係.... https://www.longrun.hk/static/image/smiley/default/sweat.gif
香港渣馬, 我見證咗佢的進步, 亦比世界各地好多馬拉松攪得好!
果D平時唔練習, 跑馬拉松當百萬行或嘉年華的參加者, 其實他們並不需要一個真正的馬拉松比賽, 攪一個新春行大運的節目比佢地就OK!
頁:
[1]
2
