方力申: 想練肌肉 所以唔適合長跑
東方日報 2015-03-16小方撐女友運動健將
對於女友鄧麗欣（Stephy）化身排球女將，方力申昨受訪時表示：「佢成日都有練習，好認真同熱誠。我之前仲笑佢唔夠Fit，其實佢好有運動細胞。」問到會否組「情侶檔」齊齊打排球？Alex笑說：「我冇爆發力，又跳唔高，唔啱我玩。」
方力申化身相撲手出戰三公里慈善賽跑。
此外，小方昨早出席慈善跑步活動，亦爆Stephy不時練跑，但兩人通常分開練習，很少機會孖公仔「跑街」。有份參與三公里賽的小方穿上充氣相撲手衫上陣，他表示曾參加馬拉松賽事，甫起跑即發力直衝，最終「拉柴」過終點。今次化成「重量級相撲手」的他說：「之前第一眼就覺得好得意，仲有個假髮襯埋，我有意認購呢件衫，遲啲萬聖節可以再着。」積極操肌做大隻仔的他因擔心跑步會減磅，最近減少練跑：「教練話愈跑會愈瘦，我想練肌肉，所以唔適合長跑，要跑短程同變速。」
係咩？點解我weekly50-60km都唔減磅，明明成身肥肉
頁:
[1]
