香港長跑網 - 長跑長友

標題: TCS Amsterdam Marathon 2014.10.19 [打印本頁]

作者: minmin 時間: 2014-9-15 04:48
標題: TCS Amsterdam Marathon 2014.10.19
http://www.tcsamsterdammarathon.nl/en/
有無人報咗?交流一吓!!!小妹第一次去歐洲跑好緊張!!

作者: kf 時間: 2014-9-15 13:07
報左

作者: wowodog 時間: 2014-9-15 14:56
I ran the 2012 edition, the route was flat and the atmosphere was great. You get people cheering you up at least 60% of the time. The temperature was around 8 to 10 degree which was a bit cold while I was waiting at the starting line but it gets very comfortable as the race goes on.

Free 30mins foot massage is provided at the expo after the marathon.

作者: minmin 時間: 2014-9-15 22:43
8 to 10 degree perfect for running

作者: wowodog 時間: 2014-9-19 16:12
Hi, on race day I suggest you to take the metro instead of the tram or the bus because some roads will be closed during the race.

Take the metro with thousands other runners are safest

作者: dudulung 時間: 2014-9-19 21:55
Will try it next year

作者: minmin 時間: 2014-9-21 14:06

wowodog 發表於 2014-9-19 16:12
Hi, on race day I suggest you to take the metro instead of the tram or the bus because some roads wi ...

oh thank you!

作者: brompton 時間: 2014-9-25 22:36
已報，一個全馬，一個半馬。已book市內民宿，離起步點祇是幾個電車站。帶埋單車上飛機，去阿姆斯特丹踏單車旅遊，觀光，當市內交通工具。係荷蘭踏單車，代步，平過坐公交。飛機運單車去阿姆斯特丹，運費全免。跑完，租車(載埋單車)渣去玩瑞士、法國，比利士踏單車。

瑞士已book民宿，唔貴。其它的地方，就渣車渣到邊，就就地找民宿。

作者: brompton 時間: 2014-9-25 22:42
本帖最後由 brompton 於 2014-9-25 23:33 編輯

今次，已第二次跑歐洲，上年跑柏林。模式一樣。又係帶單車上飛機，去到德國就以單車代步、觀光、旅遊。上年，都係跑完租車，載埋單車去遊德國，捷克，奧地利。又係全程民宿，唔貴。一晚民宿包早餐，約$180-$300港紙一晚。食，又唔貴。平過香港，出街食或自已係民宿煮。買超級市場野，自已煮，食物CitySuper質素，1/5價錢。入到超市，平到笑，任買開心到唔洗計錢。

玩左二十三日，連報柏馬報名費，租車，油錢，食住，來回機票。洗左二萬一，一個人。平到笑:-)。又好玩。

作者: brompton 時間: 2014-9-25 22:47
今次，係阿姆斯特丹租車，租十五日，混燃日本Toyota，$4200已連稅。唔貴。上次，係德國租左架Benz C200 Station Wagon，都係$10,000，租二十三日。歐洲渣車，正！踏單車，重正好玩。去歐洲玩，最好有架單車，四處去。又有完善的單車設施和單車徑。係德國，奧地利旅遊點或國家公園內踏，好似係大花園內踏咁。

作者: brompton 時間: 2014-9-25 22:53
用單車係歐洲城市內，好過渣車。因為，市區渣車貴，又多路牌，一不小心，就會落入抄牌陷阱。有車，租民宿可遠離市中心，然後用單車代步，踏去市內境點，非常方便。係歐洲，坐公交唔平，踏單車代步，慳回唔少。而且，可以出入皇宮，教堂，境區。好過，下下用腳行。

因為，境區頗大。一個皇宮可以行瓜你。半個柏林，紐輪堡，咁大，點行？而且，境點又分散。踏單車，祇要跟著個GPS地圖內的POI，就有導航單車去各境點，方便。

作者: brompton 時間: 2014-9-25 22:56
上次去柏林，去市內舊機場鑼號碼布，塞車塞到無輪。因為，個個都渣車去鑼號碼皮。我渣車，塞左成個鐘先找到迫位，去鑼號碼布。今次，阿姆斯特丹，咪搞，踏架單車去鑼，算數。

作者: brompton 時間: 2014-9-25 23:04
去歐洲跑馬拉松，自由行，good fit。交通方便，唔洗識講當地話。一般走動，旅遊區，普通話加上英文，用埋手勢，就一般都無問題。去到Tourist Information，有埋繁簡體旅遊介紹。唔會唔知邊度有野玩。

住民宿，多如天上的繁星，一打開個GPS，民宿處處。一路渣車，一路格價，還可以睇埋民宿的環境，慢慢決定都唔遲。歐洲經濟唔好，淡季，星期日至四，處處有空房。星期五、六，就要預先book或，渣車去離d找，都會有。

作者: brompton 時間: 2014-9-25 23:11
歐洲跑，個心肺功能好過係香港。上次跑柏林，濕度係1%。我以為自已聽錯，睇錯。但真係1%，唔係眼花。藍天白雲，氣壓高，空氣包含氧量高，心肺好，做PB就無咁辛苦。當然，都要視乎其它因素。

作者: brompton 時間: 2014-9-25 23:21
上年跑柏林，住左間遠離起步點的民宿。因遲左book民宿，要住很比較遠。初時，還擔心一早坐公巴的問題。原來，擔心係多餘。我住個間民宿，大部份宿友，都係當地人住，預備去跑馬拉松。個朝，民宿還特地煮早早早餐給去馬拉松的宿友食，然後我就跟著大隊去。

真方便。一上公交，全架車，都係馬拉松跑手。

作者: brompton 時間: 2014-9-25 23:27
跑完，走左去河邊旅遊區食德國咸豬手，慶祝一番。$120港紙，大大隻。已經覺得平。係正旅遊區中心，河邊睇住靚境。一個人，就真係食唔晒。跟住，後黎有一日，渣車去到唔知乜鎮玩，有間大大的Shopping Mall，係food court食德國咸豬手，祇要$60港紙，一樣咁大舊咁好食。

德國野，平到，訓訓下覺都笑醒。後黎去左捷克玩，比德國還平！一個意粉晚餐，包任食Salad Bar,餐湯。好高檔情調的餐館，都係$50港紙，平到唔信。

作者: brompton 時間: 2014-9-25 23:31
去到奧地利，d野比德國貴，但都係約$100港紙一個晚餐，又係食到飽。住係Salsbury，旅遊區，都係$350-$500一晚。但其它的旅遊區，就平番d，如Fussen，去玩新舊天鵝堡，一晚都係$350，連免費泊車。去到Monsee區內的十幾個湖區，民宿都唔貴。

作者: brompton 時間: 2014-9-25 23:38
去過歐洲跑/玩，覺得返大陸跑，好貴，有點唔值。空氣，食物，唔得。但，都會繼續返大陸跑，因為始終都係方便，三幾日，就OK。唔洗下下長假。

作者: minmin 時間: 2014-9-26 01:31

brompton 發表於 2014-9-25 23:11
歐洲跑，個心肺功能好過係香港。上次跑柏林，濕度係1%。我以為自已聽錯，睇錯。但真係1% ，唔係眼花。藍天白 ...

1%喉龍唔乾咩?

作者: brompton 時間: 2014-9-26 09:36
初到無耐，因濕度頗低，會感覺週身痕，好似有野咬咁。沖完涼要用護膚品。可以係德國買護膚和美顏品。又平又正。好似現在係香港賣廣告的德國入口洗頭水，係德國賣一半價錢。同行的人，到左專賣美顏的超市，成幢幾層。就大量入貨，買左成箱美顏用品，返香港。一味話，好抵，好抵。

跑馬時，要注意多飲水。因濕度低，身體無汗出，唔好以為唔洗補充水。其實唔係，就算覺無需要，要到水站個口濕濕水。如常用口呼吸，喉嚨會出現妳講的問題，如慣常跑馬時，用鼻呼吸，情況會好點。

作者: brompton 時間: 2014-9-26 09:39
我今次，跑完荷馬，會租車專登經過德國入瑞士，去德國買護膚/美顏用品。所以，要預留行李quota，回程會鑼成箱用品回來。送禮，自用都好。

作者: brompton 時間: 2014-9-26 09:42
本帖最後由 brompton 於 2014-9-26 09:45 編輯

係德國買眼鏡框，某個德國出名品牌，平香港門市一半有多。一個全Titanium薄輕身眼鏡，約一千元港紙。如薄輕鋼的，約$600-700。唔洗等特價，行入去，標出價錢已經好靚。眼鏡框打住Made in Germany。

作者: brompton 時間: 2014-9-26 09:50
德國，係一個非常好購物的地方，d價錢真係平，(唉！可想而知香港野係幾貴)。望住Euro的標價，初到時真係唔慣，乘開十算，嘩！乜咁平？我自由行，有時間，踩住架單車，唔急，慢遊。可以係城市四圍去。去一般市民居住的地方，食野，購物。

作者: brompton 時間: 2014-9-26 09:54
德國的皮鞋，平靚正，真皮手工做，HandCraft in Germany。係香港，無兩，三倍價錢，唔洗唸。見到廚窗，樣樣都想要。總之，Made in Germany唔會貴得去邊。入口野，就另計，價錢比香港貴好多。

例如，香港一部大行20"摺車，香港賣$2000，係德國可以賣$4000，一d都唔奇。所以，要野買Made in Germany，先會咁平。

作者: brompton 時間: 2014-9-26 10:02
離柏林鑼號碼布舊機場無遠，唔知乜Suburb。我無喇喇跟錯GPS，渣左入去。感覺好似係深水涉，四圍一望，全是平民食野的地方，又有不少雜貨店。裡面的餐館，好似係聯合國開咁，乜餐都有。由唐餐，至東、中歐餐，西歐餐，印度餐，土耳其餐，數都數唔晒。係香港，無乜機會食土耳其餐，入到去，見到個餐單，main course，都係十元，八塊歐羅($80-$100)。唔識點叫餐，就見週圍客人食緊乜，我就指住要乜。

一個main course，一個人係食唔晒。德國食餐的份量，係好大。以香港人的標淮計。

作者: brompton 時間: 2014-9-26 10:08
德奧捷，我去左好多境點，全不收錢。唔同大陸，一間唔知乜廟，都要收一百，幾十人民幣。所以，觀光，祇要有部單車(或可以坐公交)，就可以不花一分一毫，進進出出入觀光點。如果坐公交，就貴鑼。

問過同我買荷蘭飛機票的旅行社，五日任用公交的pass(好似係五日，或者係四日)，價錢係$1250港紙！我都係踏單車算。

作者: brompton 時間: 2014-9-26 10:11
公交咁貴，唔怪得荷蘭大部份人口，都以單車代步。

作者: brompton 時間: 2014-9-26 10:14
玩左二十三日，我祇比左兩個境點錢，一個是參觀新天鵝堡(要預先係網book好時間，旺季好爆。係門票買，隨時無票)，另一個是係國王湖遊船。

去歐洲跑馬，如果有時間，真係唔好跑完即走。慢遊行下，玩下。歐洲，生活節奏慢。不過，德國的生活節奏，同香港有得fight。德國係一個高效率，高記律，高要求的國家。

作者: brompton 時間: 2014-9-26 10:20
跑歐洲馬，旅遊資源豐富，交通便利，民宿處處。如果，以人生路不熟為理由，選擇跟跑馬團，無可厚非。又或者，成團跑馬人，有照應，同聲同氣，有傾有講，亦無不可。

但，如果想試下自由行，感受當地平民風情，風險亦不高。而且，價錢必比跟團平。不過，要視乎個人性格。有些跑友，平日生活工作，已經好忙，無乜時間plan行程，又或者用行有大小，自由行不方便。跟跑馬團，亦是一個不錯的選擇。

作者: brompton 時間: 2014-9-26 10:26
我習慣自由行，可能係我有在人生路不熟的地方，踩單車的能力。一部單車，一個單車包，就可以天地咁任去。加上可以渣車，無論左軚右軚，都無問題。就算無租車，係歐洲穿州過省踩單車都得。

跑馬+踩單車/租車自由行，係我至愛。

作者: brompton 時間: 2014-9-26 10:28
未來都會以歐馬為主，計劃有西班牙馬，東歐馬。模式，都係咁玩。流浪玩法，平民消費，體驗歐馬風情。

作者: brompton 時間: 2014-9-26 10:34
祇要鑼住一部三防的手機，載上GPS地圖，離線GPS單車/汽車導航功能，離線歐洲旅遊指南，離線民宿資料，交通資料。一張銀聯提款card，歐遊就無問題。加上唔咸唔淡普通話，英語加手語。

還有帶備自拍神棍，藍牙自拍神器。:-)

作者: brompton 時間: 2014-9-26 10:40
本帖最後由 brompton 於 2014-9-26 10:44 編輯

如果係荷馬，師姐見到有個好似香港人咁款，踩/推住架Brompton仔，出現係鑼號碼布，或起步點的地方。可以同我打聲招呼。我們一行四人，三架Brompton仔，一架Dahon摺車。

作者: brompton 時間: 2014-9-26 11:08
本帖最後由 brompton 於 2014-9-26 11:18 編輯

IMG_7731.jpg
IMG_7875.jpg
DSCN2120.jpgDSCN2257.jpgDSCN2272.jpg

作者: kf 時間: 2014-9-26 12:31
我住起点附近，18号一早會到expo拎野，之後坐火車去睇風車

作者: minmin 時間: 2014-9-26 14:10
我都係18號一早到,去expo,

作者: minmin 時間: 2014-9-26 14:16

brompton 發表於 2014-9-26 10:34
祇要鑼住一部三防的手機，載上GPS 地圖，離線GPS 單車 /汽車導航功能，離線歐洲旅遊指南，離線民宿資料，交通 ...

好似可以租單車,但係唔識路,唔知踩去邊?

作者: tango 時間: 2014-9-26 15:55

brompton 發表於 2014-9-26 11:08
IMG_7731.jpg
IMG_7875.jpg
DSCN2120.jpgDSCN2257.jpgDSCN2272.jpg

多謝分享，，好吸引

作者: brompton 時間: 2014-9-27 20:51
Holland Bike Route Map:

登錄/註冊後可看大圖

作者: brompton 時間: 2014-9-27 20:53
荷蘭，全平路，踏單車代步，旅遊，找尋平民美食，係最好選擇。可惜，係風大

作者: brompton 時間: 2014-9-27 21:01
我早你們幾天到。星期日跑完，星期一，就渣車離開荷蘭，途經德國去瑞士。因同行人仕，想係德國掃美顏用品和眼鏡框，所以要停一晚德國。上次，買到滿載而歸，今次想再下一城。

作者: brompton 時間: 2014-9-27 21:05
我已經報了西班牙，Zurich巴斯隆拿馬拉松，2015年3月15日，開跑。

作者: brompton 時間: 2014-9-27 21:09
本帖最後由 brompton 於 2014-9-27 21:24 編輯

都會係用同一模式。租車自駕遊加上單車，一個背包，走天涯。粗略睇過西班牙，巴斯隆拿的民宿，唔貴，都係$200-$400一晚。民宿咁價錢，消費應該唔貴，可能比荷蘭平。預計會玩埋，葡萄牙，直布羅佗。

作者: brompton 時間: 2014-9-27 21:10
本帖最後由 brompton 於 2014-9-27 21:21 編輯

跑歐馬，平過跑日本馬，澳紐馬，好多。一個日本東京馬，報團，五日四晚，都要差唔多兩萬！！！一個京都馬，報團，要$9700，加上稅，導遊錢，要一萬二咁上下。

作者: brompton 時間: 2014-9-27 21:11
本帖最後由 brompton 於 2014-9-27 21:22 編輯

寧願跑歐洲。一個日本東京/澳紐馬，可去兩次歐馬，化算。

作者: brompton 時間: 2014-9-27 21:16
如今次，荷馬，自由行計。如果玩八天，消費大約：

1) 荷航 $7500(已連稅);
2) 民宿 $450 x 六晚;
3) $200食 x 七天；(假設一般飲食，如大飲大食可大可小)
4) $500 公交。(一般市內觀光)。

總數約$12100。這個數，連報一個日本東京馬拉松團，都唔唔得。

作者: brompton 時間: 2014-9-27 21:19
如跑一個上海馬，五日四夜，都要五千幾。如以，同日數，七日六晚，係上海都要洗七千多。以跑馬的空氣質素，食物質素，觀光質素，歐馬會比跑上海好。

作者: brompton 時間: 2014-9-27 21:36
去到歐洲，可以踏單車，這個我最喜歡。空氣好，風景靚，慢遊，不受公交的限制，影相可以隨時停。而且，住民宿，可以識多一點不同國家的旅客，別有一番情趣。如果跟歐馬團，就無左這份樂趣。踩住架單車，有不少同路的歐洲人，打招呼。

好似，我去德國/奧地利邊境的Constanz湖區，踩單車遇去一對德國父母，帶著一個十五歲的小朋友，繞著Constanz湖區踩單車。總之，一架單車在手，就引出無限話題。係談話的過程，給我了解到德國一般中產的生活。

作者: brompton 時間: 2014-9-27 22:03
IMG_8219 拷貝.jpgIMG_8159.jpgIMG_8052.jpgIMG_7915.jpg

作者: minmin 時間: 2014-10-9 21:13
12-15度, 著長袖定短袖呢??

作者: wlau 時間: 2014-10-10 00:10
本帖最後由 wlau 於 2014-10-10 00:15 編輯

brompton 發表於 2014-9-27 21:16
如今次，荷馬，自由行計。如果玩八天，消費大約：

1) 荷航 $7500(已連稅);

師兄... 你用下年新年東京馬來比.. 仲要來團價.. 乜都貴啦..
如果你跑著歐洲馬係新年機票.. 真係無兩, 三萬, 一樣落唔到樓...
好似今年我大板馬.. 機票二千幾, 四晚住千五, 六左右.. 飲飲食食交通俾佢二千.. 埋單都係五, 六千..
來緊那霸, 三日PLAN, 機票千七, 兩晚三百幾酒店.. 飲飲食食都係俾佢二千啦.. 四千左右有交易...

你自己用到最平, 又民宿, 又淡季, 都要去到萬二.. 其實已經叫貴...
不過都多謝師兄既歐馬體驗.. 可以俾其他人一個另類既行程
但歐洲我自己唔主張自己一個人去.. 太多FRIEND 俾人搶野打劫經驗...岩岩連住德國感覺上咁安全既地方, 都俾人偷野.. 都係覺得人多跟團會比較安全..

作者: brompton 時間: 2014-10-13 10:33
10度咁上下，我都會短衫短褲，或長衫短褲。

作者: brompton 時間: 2014-10-13 10:38
這幾天，下載左幾條Garmin單車導航路線，放落我部Edge 800度。兩條風景郊野線，兩條市內遊覽古跡線。個GPX檔可提供turn by turn單車徑導航。

作者: brompton 時間: 2014-10-13 10:41
這些GPX單車徑導航檔，都係當地單車旅遊公司提供係網上分享。跑前兩天，會跟著這些單車線，踩踩當鬆腳。

作者: brompton 時間: 2014-10-13 10:43
我都係靠部Garmin Edge 800黎到做單車徑導航遊。吳洗自己找路踩咁麻煩。跑前跑後，用踩單車鬆腳，感覺良好。

作者: brompton 時間: 2014-10-13 10:46
係阿姆斯特丹，有上仟條單車導航路線免費下載。如果有Garmin Edge 1000/810/800, 就可提供turn by turn單車導航。

作者: brompton 時間: 2014-10-13 10:48
前日，我老友才跟住網上GPX單車導航檔，由瑞士踩到法國西部，然後巴黎回航。一條友，全包$21000, 玩左23日。全程法國餐

作者: brompton 時間: 2014-10-13 10:50
我星期三出發，一個單車盒，一個背包，就上路。

作者: brompton 時間: 2014-10-13 10:52
星期五去鑼選手包，然後去踩郊野段，約四十多公里。無車的單車徑。鬆下d關節

作者: brompton 時間: 2014-10-22 04:21
阿姆特丹，好跑！全平，氣溫適中。一起步，己無人阻。好過柏馬。

作者: minmin 時間: 2014-10-26 15:46
跑到30k係咁比半馬撞,個個都6呎幾7呎高,勁嬲,跑到見到風車但係無人影相,可能我跑得慢,15-25K 無人,得牛同一望無際嘅草地,幾悶吓!

作者: brompton 時間: 2014-11-5 16:10
下！你跑到半馬起步，都未跑完！？半馬係下午1:45才開跑禍。

二十天，荷蘭，瑞士，法國馬拉松之旅，完美結束。二十天，$22,000(包機票，租車)。

作者: brompton 時間: 2014-11-5 16:15
荷蘭停留左四晚，踩左三日單車。星期六，踩左去風車村。去風車村條單車徑，勁靚。其餘兩日，踩係市內遊，走左去荷蘭平民市場，買左d單車二手野，勁抵！(我懷疑係贓物)，一個Brooks真皮絕版軟牛皮單車座，係香港應要二千多。我祇用$200 HKD就買到。

作者: brompton 時間: 2014-11-5 16:20
玩左三個國家，最平係法國。一人一晚住宿約$220-$280 HKD(包早餐)，平均兩餐食約$150-$200一日。一個法國餐，有三道菜，都係$159 HKD，四道菜，$249 HKD。食左幾餐，正到無輪。法國紅酒，平過可樂。我地買左幾支飲，大約$30-$50 HKD一支。我地唔係飲家，已經覺得好好飲。

作者: brompton 時間: 2014-11-5 16:25
瑞士，比法國貴約1/3。住宿包早餐，約$360-$420一晚，食都係$150-$200兩餐，都算OK。今年瑞士唔冷，我地係少女峰山區，行山，地上有雪，氣溫都過十度。瑞士玩左六晚。Reinfall, Constanz, Interlaken, Montreux, Geneva。

Montreux，湖邊小鎮，靚絕。我去到沿湖踩單車，剛考是Lausanne馬拉松，真想再跑多一馬。

作者: speedpurple0 時間: 2014-11-5 16:30

brompton 發表於 2014-11-5 16:15
荷蘭停留左四晚，踩左三日單車。星期六，踩左去風車村。去風車村條單車徑，勁靚。其餘兩日，踩係市內遊，走 ...

你當日係咪大概5點離開風車村，坐火車走？

作者: brompton 時間: 2014-11-5 16:35
法國，停左五晚。停左Annecy, Grenoble, Gannat, Cancale, Caen。Annecy，湖邊小鎮，靚，踩左大半日單車。Cancale/St Malo，海邊小鎮，食法國海鮮餐，正！一般海鮮餐，有大大隻蠔，四道菜，都係$290 HKD落樓，抵到爛。好食。

Cancale/St Malo，去睇Le Mount Saint Michael。唔係咁靚。名氣大，現場睇無乜特別。

作者: brompton 時間: 2014-11-5 16:37
Caen，去睇紀念二戰D Day登陸紀念館，和去左Normandy的登陸海灘，見證當年盟軍登陸諾曼第的情境。睇左個360度，現場一樣的登陸片段電影院。

作者: brompton 時間: 2014-11-5 16:39
德國，停留左一晚，係Heidelburg。觀光都幾好行，係市內古物區，沿河踩單車。住宿都係$300 HKD包早餐。

作者: brompton 時間: 2014-11-5 16:41
比利士，回程時，停留一晚，係Antwerpen。市中心區，有古物睇。一個已沒落的海港城市，普經繁華。推想，好像是香港的未來。

作者: brompton 時間: 2014-11-5 16:43
這些停留的城市，睇黎無乜香港人/香港團會去。全程，祇是瑞士的Interlaken，遇到幾個香港來的旅客。其餘的地方，都沒遇到。

最深刻係Annecy, Montrex，St Malos/Cancale。正！法國，食住都平。可能，以同質素計，平過返大陸玩。

作者: brompton 時間: 2014-11-5 16:45
我book左架BMW 3 Touring，係阿姆斯特丹火車站鑼車，去到租車公司，升級左部Volve S70 Touring，大大部。四部摺車，剛好放得落。一額汗。如果是BMW 3 Touring，可能要唸唸計，才放得落。

作者: brompton 時間: 2014-11-5 16:49
全程渣左3500公里，繞左個大灣。係Annecy，同法國的旅客吹水，佢建議我地去玩Alps區，風景靚。無問題，我地其實無預訂行程。去到邊玩到邊，住到邊，又唔會預先book d住宿。渣左入Alps區，風景靚絕，但非常危險。因為，山區係秋冬天，已陸續封山，地上有雪。我渣架Volve上山，週不時都要行過雪地。危險。因，一面是萬丈深淵，沒有圍欄，單線雙程。

作者: brompton 時間: 2014-11-5 16:55
全程，祇是係Amsterdam和瑞士Interlaken預訂左四晚住宿，其餘全是walk-in。因為，去到，才唸行程，所以無book。最驚險的一晚，是係Alps山區，係雪地路渣車驚嚇完半天，本唸住再深入Alps找住宿。但因天已黑，路上又有雪，因為安全問題，就轉出Alps區，才找住宿。

去到一小鎮，已九時多。見到HOTEL的招牌，但因淡季和太夜，主持人都走了，住宿泡湯。係小鎮內轉呀轉，係山邊見到有住宿。沒有主持人，全間酒店，烏燈黑火。我地四處摸，發現後門和有兩間房沒有上鎖，就膽粗粗，入去訓左晚。

作者: brompton 時間: 2014-11-5 16:57
第二朝，主持人返黎開鋪，我地才解釋和比錢。超抵！$150 HKD一人一晚。

作者: brompton 時間: 2014-11-5 16:59
回程係比利士Antwerpen，又係相似經歷。係Normandy玩到天黑，才斯斯然渣車入比利士。入到市，已經八時多，住宿大多已關門。好不容易，才找到合適的住宿。

當然，如果是星級酒店，不愁沒有住宿，因有24小時 check-in。我地住係民宿和B&B，會早點關門。

作者: brompton 時間: 2014-11-5 17:00
係比利士，住左一晚，$280 一人一晚，包豐富早餐，都算係咁。係旅遊區食左個late dinner，每人$90 HKD。

作者: brompton 時間: 2014-11-5 17:07
講番，Amsterdam TCS Marathon，跑得過，係可PB賽道。不過住宿，貴了一點，比柏林的民宿貴。但柏林，唔夠Amsterdam咁好跑。

Amsterdam，自由行，絕無問題。難度幾乎係零，係網上預定B&B宿，就得。落機場，坐大巴/火車，$40 HKD直達市中心，就咁行十多分鐘，就到B&B住宿。係火車站，全是旅遊區，連公巴都唔洗坐。

比賽當日，大把人一齊係火車站坐地鐵去Olympic Stadium，跟住人衫尾，白痴唔識字都可以好順利去到起步點。

作者: brompton 時間: 2014-11-5 17:09
治安全無問題。我地晚上十時，十一時，還在行紅燈區，越夜越旺。好似香港的銅鑼灣，旺角。旺到似香港的購物區。

作者: brompton 時間: 2014-11-5 17:14
如果齋跑Amsterdam，假期唔多，六、七天，洗費都係有限錢。我係民宿，國外跑手好friendly，有俄國，法國，德國，英國…，我跑跑下/跑完，有老外同我打招呼，原來是民宿的宿友。我係東方人，易認，佢地係老外，我好難認得佢地個樣。

作者: brompton 時間: 2014-11-5 17:16
我跑完，戴上個finisher medal，影完相就收埋係行李。老外唔係，佢地係戴住個finisher medal一日！唔會放低。他們見到我，就問，我是否完跑？我就報上時間。他們就好奇怪，咁問我點解唔戴住個finisher medal？？

作者: brompton 時間: 2014-11-5 17:17
我食晚餐慶祝完跑，佢地坐係隔離，又係個個戴住個finisher medal。習慣唔同，要識應下。

作者: brompton 時間: 2014-11-5 17:21
Amsterdam TCS Marathon，個Expo真係雞d，無柏林個一個咁大。無乜好行。

作者: brompton 時間: 2014-11-5 23:03

speedpurple0 發表於 2014-11-5 16:30
你當日係咪大概5點離開風車村，坐火車走？

係。

作者: brompton 時間: 2014-11-5 23:12
本帖最後由 brompton 於 2014-11-5 23:13 編輯

[attach]28179[/attach]

當日，星期六由住宿踩去風車村的路線。圖中央位置，是濕地公園，風景靚。

作者: brompton 時間: 2014-11-5 23:30
[attach]28180[/attach]
[attach]28182[/attach]

[attach]28183[/attach]

[attach]28184[/attach]

[attach]28185[/attach]

作者: brompton 時間: 2014-11-5 23:44
[attach]28186[/attach]
[attach]28188[/attach]

[attach]28189[/attach]

[attach]28190[/attach]

作者: speedpurple0 時間: 2014-11-7 08:52

brompton 發表於 2014-11-5 23:03
係。

咁我見到你了

歡迎光臨香港長跑網 - 長跑長友 (https://www.longrun.hk/)