香港長跑網 - 長跑長友

標題: 有冇師兄師姊跑左25/9荃灣NB10K呢? [打印本頁]

作者: Andison 時間: 2011-9-27 17:51
標題: 有冇師兄師姊跑左25/9荃灣NB10K呢?
唔知點解大會要安排當日跑完先至排隊取記念TEE,搞到跑得慢少少既跑手冇SIZE揀!!

記念TEE啫!都要先到先得揀SIZE?唔通跑得慢就要比人睇唔起?

作者: kf 時間: 2011-9-28 10:06
其實有好多比賽tee個意義, 係完成比賽g後做紀念 , 所以當完成左個比賽先會分派架

作者: lewischan 時間: 2011-9-28 11:22
其實最好系報名時問左SIZE,
跑完按報名個size 派

這樣不論快慢
人人平等

作者: felixcat 時間: 2011-9-29 14:54
如果只係記念TEE啫，攞唔到就算囉，或者當係推動力下次跑快啲。所謂比賽都係一般志在參與嘅聚會，要賽嘅係自己，要記念嘅亦唔在於件TEE，除非要著出嚟話比人知囉。不過真係介意完成賽事先有紀念TEE，最簡單就係唔參加杯葛個比賽，反正跑季成日都有比賽，睇吓唔參加令報名人數少咗，大會會唔會妥協囉。

作者: Andison 時間: 2011-9-29 16:55
跑完先拎TEE當然冇問題,只係大會有責任協調好,協調得未夠好,跑手都可以表逹下意見架!唔係點有進步喎?

作者: felixcat 時間: 2011-9-29 17:38
如果大會無講明係跑之前定之後派，有錯！如果之後先派，但大會又無預先問定個別跑手想要乜，但又承諾要乜有乜，有錯！不過話明之後派又無特別安排，就一定有人攞唔到想要既大小，除非二千人參加，大中細碼每款都做二千件。

我都係俾吓意見啫，如果可以，不如唔好派，直接減報名費，或者憑號碼布去門市攞。想大會大財團改善？咁就用行動話佢聽，例如唔參加就直接，想佢地進步？不如自己努力啲練習去進步仲實際。

作者: Andison 時間: 2011-9-29 19:15
所以我咪冇參加NB15K,轉參加同日既沙田10K挑戰賽~自己努唔努力練習同大會改唔改善都冇直接關係既

作者: felixcat 時間: 2011-10-1 15:09
標題: 回復 9# 的帖子
件嘢梗係唔值錢啦，仲幫贊助商做埋宣傳，有賺啦，只不過係贊助商唔係跑手本身囉，到唔用掉果時，送去堆填就人人俾錢處理。

作者: Andison 時間: 2011-10-1 17:08
睇開D,社會係咁架啦~唔通個個穿白底衫先至係申張公義,反大財團咩?

作者: felixcat 時間: 2011-10-1 17:49
標題: 回復 11# 的帖子
所以我咪話記念TEE啫！攞唔到咪算囉，世界係咁咖啦，見慣咗接受咗，就唔會覺得有乜唔妥，發聲嚟做乜？

作者: Andison 時間: 2011-10-2 02:03
論壇發聲有咩問題?有咩錯?

作者: Andison 時間: 2011-10-2 02:16
我只係跑步初哥,第一次玩10K公開賽,想有件合身既記念TEE留念一下,有咩錯?就算拎唔到都冇辦法!只係說說吧!唔係人之常情咩?

作者: chuen3182 時間: 2011-10-2 13:02
Andison Ching 你完全無錯，錯在NB尺碼出了問題，M碼超細件。
第一次玩公開賽而攞到一件不合自己心水紀念品，的確是有點兒不是味道。
我都攞咗件不合身的M碼，最後送了她人。如果是L碼我會與你交換或送給你。
Felixcat Ching他是經常參加比賽跑友，因每場都有紀念衫，所以覺得沒什麼大不了。
我絕對相信他不是有意或有心針對你的，只是一場誤會。

得閒可以留意下約跑區，有很多地方可以參與一齊約跑，見面時打個招呼便可以融合一齊。
~~~經常約跑，最緊要是會進步很多呢！~~~

作者: hawkins 時間: 2011-10-2 14:13
我同意駿哥所講今次係NB的問題, 並不太關賽前攞衫定賽後攞衫的問題...

如果比你賽前攞衫, 假如唔可以試身, 或者冇sample比你睇, 你攞左M碼一樣係唔岩身, 除非佢比你換...

就算當日你跑得快過Thomas, 返到終點佢冇sample比你睇你自己慢慢諗, 選一個碼都可能會唔岩身...

希望gold coast 15K, NB會改善依個d碼亂咁黎既情況, 唔係可能會失去一班支持者

作者: felixcat 時間: 2011-10-2 17:34
標題: 回復 15# 的帖子
駿哥，首先要多謝您的說話。其實我在這裡也是一名新丁，可能只係跑過Andison多一兩場比賽罷了，亦無意針對任何人。其實我係覺得欣賞Andison，因為我條老狗早已接受現實同妥協，反而像Andison那樣抱不平的年青人更值得鼓勵。不過我覺與其響呢度講一輪，現實係唔會改變嘅。參加比賽都係為開心啫，自己唔開心最唔抵。如果真係接受唔到，咪試吓寫封信去NB，或者集合眾人嘅不滿做件實事。如果我無記錯，跑網亦發動一次我拍爛手掌嘅行動，就係聯合大家向警方反映舉辦賽事申請嘅不滿。羅馬唔會一日就建成，唔滿意就要去改變，一係改變自己，一係改變現實。今年係申亥一百週年，像Andison這樣有理想的年青人，社會需要你呀！無論如何，如果我嘅說話令Andison不快，我誠心同佢講聲對唔住，你就當我癲狗亂吠好了。

作者: chuen3182 時間: 2011-10-2 21:09
Felixcat Ching,你講得無錯，＜跑步＞我們都是尋找當中的開心及樂趣。
我知你的心態出發點是善意的。但後來知道Andison Ching的苦處，初嘗公開賽，
感覺對他不公平，無疑中帶給他有點失落感，年青人是不必氣餒的。
所以告知他是偶爾主辦單位出錯，並關注他感受，使到他重回跑步的正能量及樂趣。
~我今次講得有點老氣橫秋，其實我都是跑齡淺，年紀不會比你少。如果有緣的話，
看看在甚麼賽事相遇，一齊打個招呼~做個朋友

作者: Andison 時間: 2011-10-2 22:28
各位,Sure~如果有得失之處,請見諒~

作者: martin25 時間: 2011-10-2 23:17
andison ching 不要吾開心,這個比賽好多人拿不到合size t-shirt,我都一様,我的第一次比賽在沙田也拿衫,但現在多到可以天天不同衫,多的比賽,more t-shirt,more fun.

作者: felixcat 時間: 2011-10-3 08:17
駿哥，一言為定。單憑你嘅說話，就知你功力深厚，唔關係你老定他幼。要講錦上添花嘅說話談何容易吖，抱怨就更變成理所當然；和事佬從來都不討好，駿哥你好嘢。

作者: chuen3182 時間: 2011-10-3 12:49
felixcat Ching 我將會參加近期賽事有：30/10長跑會綠色半馬、6/11黃金海15K
13/11 Asics 10K、20/11Sportsoho沙田10K、11/12香港國際機場活力10K。
看看是否有機會碰到面，打個招呼~一齊哈哈哈……歡樂人生

作者: felixcat 時間: 2011-10-3 23:11
我都報咗綠色半馬同NB15k，應該有機會的。

作者: chuen3182 時間: 2011-10-4 12:08
綠色半馬 No:5093 我會穿長跑網背心,到時打個招呼。

歡迎光臨香港長跑網 - 長跑長友 (https://www.longrun.hk/)