香港長跑網 - 長跑長友

標題: 對「長跑」的尊重... [打印本頁]

作者: iohckk 時間: 2013-2-23 20:55
標題: 對「長跑」的尊重...
"其實從頭到尾，對於長跑，我最執着的，是馬拉松的距離為42.195公里。而十公里就是十公里。請不要綁架「馬拉松」三個字就好了。"
長跑，在乎怎樣完成

作者: kokyan_lam 時間: 2013-2-23 21:03
所以我從來都清楚話俾身邊人聽我係10k跑手

作者: chuen3182 時間: 2013-2-24 04:38
說得對

作者: kinchu 時間: 2013-2-24 05:56
冇錯冇錯

作者: trektrek 時間: 2013-2-24 07:29
本帖最後由 trektrek 於 2013-2-24 07:30 編輯

有些朋友話參加佐渣打"馬拉松".
的確好容易比人一個感覺係全程個隻.
不過真係跑慣的跑友通常為免誤會都多講: 10K, 半馬, 全馬.
不過請不要太介意了.
都係個比賽名累事.
如果叫渣打長跑賽可能較少誤會.
不過肯定好多人接受唔到.

作者: felixcat 時間: 2013-2-24 14:09
執著嘅人其實幾討人厭，玩下啫使唔使咁認真？不過我習慣咗俾人憎，因為我都執著，尤其筆者講點跑法方面。人地點睇自己唔緊要，自己點對待自己先至重要。好高興今日跑咗滿意嘅全馬，唔係因為時間好定壞，係認真訓練後對自己嘅表現有所交代。

作者: Pawda 時間: 2013-2-24 14:57
其實好難怪，一般對長跑冇認識嘅人，唔知42.195 km至係馬拉松。
每次有朋友問我係咪跑馬拉松，我都會紏正佢，話我只係參加10 km 長跑賽，42.195 km至係馬拉松！

作者: rabbit88 時間: 2013-2-24 15:47
10km 同全馬所付出既真係天壤之別

所以我都每次同人講明係 10k, 半定全

作者: little-fish 時間: 2013-2-24 17:07

rabbit88 發表於 2013-2-24 15:47

登錄/註冊後可看大圖

10km 同全馬所付出既真係天壤之別
所以我都每次同人講明係 10k, 半定全

每種距離比賽都可以好大付出，只不過練習不同，距離不同，要求也不同而已。

作者: water 時間: 2013-2-25 10:59
其實真係唔同種類啫，跑35min 10km 相信比跑完一個全馬需要付出更多。同渣馬只不過係一個節目名稱唔須太認真。反而我對嗰d話咁辛苦為乜既人更不爽。

作者: raccon_mama 時間: 2013-2-25 19:07
很多人不明白的人是因為他們真的不明白, 別太介意!! 我跑了渣打十年(近3年先上全馬), 以前我全屋企, 我老豆, 阿媽連百萬行,馬拉松都覺得係同一樣野, 對我完成的距離更加全無概念, 到今時今日, 佢地已經經很清楚這些距離的分別喇 (我成日坐車時同佢地講, 由邊到去邊到, 即是20K lor, 半馬lor, 全馬邊度起點, 經過邊度, 終點邊度) 佢地明白之後, 有時親友食飯講起邊個邊個有玩馬拉松ga, 佢地都會好醒甘問 - 10K, 半定全ne?! 而我自已呢, 實在無咩所謂, 總之自已跑得開心, 賺左個比賽經驗同經歷就可以了!

十分認同不是跑到全馬就叻過跑10K, 是不同的跑法, 不同的辛苦!! (我基本上覺得10K難跑d, 因為要出盡力甘跑) 如果跑了10K就當自已跑了馬拉松, 也肯定是個跑步初哥罷了, 別怪他~~~

作者: mtkdc 時間: 2013-2-27 15:37
多多鼓勵身邊朋友!....動起來!....10K 一小成, 半馬睇風景, 全馬便是熱誠了!!

作者: eokcyu 時間: 2013-2-27 16:03
認真準備及尊重賽事，無論短途、中距離、10K、半、全馬跑手都值得尊敬，不須太著重個名。

作者: Pepe 時間: 2013-2-27 18:31
跑者對時間及距離的執着，非跑者唔會明，也無謂明！

作者: ericwcl 時間: 2013-2-28 10:04
最重要係對跑步有熱誠，就算400，800還是全馬都一樣值得尊重

作者: kootaktak 時間: 2013-2-28 11:33

water 發表於 2013-2-25 10:59

登錄/註冊後可看大圖

其實真係唔同種類啫，跑35min 10km 相信比跑完一個全馬需要付出更多。同渣馬只不過係一個節目名稱唔須太認 ...

完全贊成好多非跑者覺得愈長愈勁

作者: 拉包仔 時間: 2013-2-28 11:56

water 發表於 2013-2-25 10:59
其實真係唔同種類啫，跑35min 10km 相信比跑完一個全馬需要付出更多。同渣馬只不過係一個節目名稱唔須太認 ...

同意,跑35分10km,全馬都唔會慢…
另外跑步都係挑戰自己,不是愈長代表愈強,對人哋點睇不需介意…

作者: 龜兔競跑 時間: 2013-2-28 14:02

拉包仔發表於 2013-2-28 11:56

登錄/註冊後可看大圖

同意,跑35分10km,全馬都唔會慢…
另外跑步都係挑戰自己,不是愈長代表愈強,對人哋點睇不需介意… ...

非常同意, 我非常尊重全馬跑友付出之努力,單是完成賽事已經不簡單,但亦認為各項目,距離,賽道只是形式,要求嘅分別,舉一個例子,牙買加飛人保特只參加一百米,二百米,難道我們能輕視他偉大嘅成就嗎?更不會説我地跑得比佢長,即代表比他更強, 賽事名稱有先天問題,真正跑友自己知道分別的,不需介意外行人説法, 所有跑手(年齡,成績,項目）都值得尊重嘅!

作者: chuen3182 時間: 2013-3-1 16:04
三色電視台〜呢幾年啲體育節目都報導錯誤，早三幾年前靚女劉小姐參賽10K，主持都報導吽馬拉松。叫足幾年啦

作者: lotustower 時間: 2013-3-3 16:16
不如改一下名稱，(10K)短程馬拉松、(半馬)中程馬拉松及(全馬)長程馬拉松，咁大家都開心啦

作者: Frankie7 時間: 2013-3-3 19:15
筆者但執着, 並自大.
係唔係跑全馬就高人一等?
如果跑10K唔可以話跑馬拉松咁係咪應該改名為渣打10公里,渣打21.0975公里及渣打馬拉松? T-Shirt 都要印3種咁你着住件馬拉松衫就威D, 開心未?
馬拉松喺好多人心目中只係一個長跑嘅代明詞, 人地跑10K講左跑馬拉松就話人地好綁架個名詞, 怕人滔你光嗎? 運動員應該帶有這種心態嗎?

作者: iohckk 時間: 2013-3-4 00:05
大約在公元前5世紀，波斯人入侵希臘，在一個叫馬拉松的小鎮駐紮，當時，波斯軍人強馬壯，雅典守軍勢孤力弱，就只好四出求救，結果得到各城邦響應，合力擊退波斯人，一位名叫費迪皮迪茲的信號兵一口氣由馬拉松跑去雅典報告打勝仗的喜訊，在完成任務之後，當場因為力竭而死亡。

由1896年第一屆現代奧運會開始，就設立馬拉松比賽，以紀念這段事跡。在所有跑步賽事中,只有馬拉松比賽不是以長度/距離命名。

馬拉松不單只是長跑的代明詞，還有代表一個人的毅力和鬥志，願意付出與堅持到底、不願放棄的精神！

作者: raccon_mama 時間: 2013-3-4 21:03
在我心中，42.195是一個神聖的數字，但我又玩過40k, 50k, 64k, 100k, 嚴格黎講也不是馬拉松，不跑步，不跑山的朋友，就會只是一句"呢個不是馬拉松wor"。咁我又覺得無需要以長過\短過全馬來做一個指標lor~ 自己付出幾多，跑完有幾開心，自己明白就好了！

作者: ccomeout 時間: 2013-3-6 12:46
有點野係就係，唔係就唔係！咁42.195先係叫馬拉松麻！

作者: chuen3182 時間: 2013-3-6 14:26
yes〜做人做事都要明確點好，等如：女人⋯亞媽係女人，亞婆係女人，亞妹係女人，要分清楚啲好

作者: SEA 時間: 2013-3-6 14:40
其實只是名字問題
固執來也沒有用
最重要自已跑得開心就可以了!

舉個例子
我是在消防處當救護員的
一講到消防處好多人只想到消防員
就連出到去做野,d 市民見到我地膊頭寫住消防兩隻字覺得好奇怪
如果執著別人怎看自已會好不快

所以看開一點

歡迎光臨香港長跑網 - 長跑長友 (https://www.longrun.hk/)