香港長跑網 - 長跑長友

標題: 鰂魚涌公園二期假期吳准跑 [打印本頁]

作者: 龜兔競跑 時間: 2013-4-13 21:14
標題: 鰂魚涌公園二期假期吳准跑

小弟見天氣吳錯,於是帶着愉悅

嘅心情,前往我經常跑步之路線(愛跌序灣至北角ICAC), 因為今日是長課, 所以較輕鬆, 可以啍吓歌仔都得, 點知跑到鰂魚涌公園2期狗仔公園時, 有個實Q 姐姐走出來同我講, 先生! 假期呢度人多吳比跑步架, 已經貼咗紙出來啦! 即刻成個人洩哂氣, 連步伐都沈重咗好多, 慢慢跑離呢個傷心地

, 後來跑多十分鐘心情先平服番

作者: 大力 時間: 2013-4-13 21:42
以跑步姿勢快速行咪得囉，從未聽過公衆地方唔比人行喎。

作者: allanccl 時間: 2013-4-13 21:55
那個狗公園是有一個不鏽鋼牌寫規則的，第一條是不准在公園內亂跑。你是正常跑步就不用理這個傻及不識中文的女食蕉，我睇過是沒有一條寫假期唔准跑，今日也不是假期，我星期日也會跑這路，好多人也跑，無人理會這個傻食蕉，聽住MP3無人停俾佢話的，下次你幾時跑這路，我來拍video，佢私自訂出假期不准跑，我會請傳媒來採訪她。

作者: 龜兔競跑 時間: 2013-4-13 22:54
小弟當時步速約6分至6分15秒左右, 真係慢跑步速, 而我每次咐近有人或狗仔, 都會好小心, 放慢小小, 點睇都吳係亂跑

作者: allanccl 時間: 2013-4-13 23:34

龜兔競跑發表於 2013-4-13 22:54

登錄/註冊後可看大圖

小弟當時步速約6分至6分15秒左右, 真係慢跑步速, 而我每次咐近有人或狗仔, 都會好小心, 放慢小小, 點睇都吳 ...

唔係亂跑就唔洗理佢，我見過佢想截人，但人地聽住MP3無理佢，佢就算數的。
下星期我會找區議員一齊去睇下佢憑甚麼條例不准人跑步。

作者: akirayuki 時間: 2013-4-14 00:04
星期六係假期? 咪玩啦!

作者: ritalau 時間: 2013-4-14 00:35
我剛剛同ching一樣同日同路線，跑2點，無人出嚟話我播，我諗都唔係D條例唔準跑，係執法人員自己加的條款，寵物公園入面都有個跑步剪影擺設啦！

作者: wlau 時間: 2013-4-14 01:33
本帖最後由 wlau 於 2013-4-14 01:36 編輯

其實重點果度係寵物公園, 好多人都因為果度有兩重門, 而放心放狗繩俾D 狗自由活動, 到時如果師兄入左去跑, 而果時又多狗既, 人跑步, 會引狗追, 到時真係有乜狗咬人, 人踢狗既事件或其他意外既出現, 就真係唔係咁好..
當然, 我未正式去過新這個寵物公園, 但如果佢跟之前灣仔海旁果個一樣, 就真係唔應該係果度跑步...

作者: wlau 時間: 2013-4-14 01:44

allanccl 發表於 2013-4-13 23:34

登錄/註冊後可看大圖

唔係亂跑就唔洗理佢，我見過佢想截人，但人地聽住MP3無理佢，佢就算數的。
下星期我會找區議員一齊去睇下 ...

亮哥.. 其實果度係一個難得既大型寵物公園.. 入去跑步, 真係會引起D 問題, 正如我上面所講, 除非佢係分開左個公園同海旁徑, 如果唔係, 係一個專門俾寵物既活動既地方去跑步, 真係會引起好多不必要既爭吵...
人可以去大部份公眾地方跑步, 但狗係大部份地方唔可以入, 如果連入一個寵物公園之後, D 狗都仲要全部用狗帶拖住.. 咁起這個寵物公園既作用其實係廢既..

作者: randyip 時間: 2013-4-14 15:25
入狗公園前左轉出馬路跑就唔會有磨擦啦...

作者: mtkdc 時間: 2013-4-14 15:26
係咪有個牌寫住:"不准在公園內亂跑"...之後,"引狗追, 到時真係有乜狗咬人, 人踢狗既事件或其他意外既出現"就可以有免責權??...太古怪了!...不如換上"只准狗隻內進"! 本人亦有飼養狗,可惜只去過一次!!!~~唉!總之一句"家教要嚴格一點"!!

作者: Yan 時間: 2013-4-14 17:58
本帖最後由 Yan 於 2013-4-20 21:57 編輯

randyip 發表於 2013-4-14 15:25
入狗公園前左轉出馬路跑就唔會有磨擦啦...

如果出現人狗爭路咁就無謂啦。所以若然實Q趕，我都會轉出馬路跑。

作者: wlau 時間: 2013-4-14 22:21

mtkdc 發表於 2013-4-14 15:26

登錄/註冊後可看大圖

係咪有個牌寫住:"不准在公園內亂跑"...之後,"引狗追, 到時真係有乜狗咬人, 人踢狗既事件或其他意外既出現" ...

因為個公園係公罛既, 所以你話寫死只可以俾狗隻入, 又唔可以. .但問題係有師兄講, 有人可以專心到可以咁大個實Q 想阻佢都話見唔到, 咁更何況係一個小孩, 一隻狗仔..所以果度唔建議亂跑, 就係想減少意外, 但如果出事, 佢係唔係完全免責呢, 我相信, 如果個實Q 有阻止過, 而亂跑者繼續一意孤行既, 咁結果有乜損傷, 我相信管理者會係法律上比較有利D, 當然, 如果話因為一D 設施損壞左, 而令跑者整親.. 咁當然都係關公園問題啦, 但如果到時係跑跑下, 發然有隻細狗係前面, 因避隻狗而整傷左自己, 例如撞到D 柱之類, 咁個責仕就當然係跑者身上..
好多時, 有D 野唔寫死, 係想大家自律, 但如果真係要玩零和遊戲既, 到時真係會攪到大家都你吵我爭, 咁為乜..

作者: allanccl 時間: 2013-4-14 23:51

wlau 發表於 2013-4-14 01:44

登錄/註冊後可看大圖

亮哥.. 其實果度係一個難得既大型寵物公園.. 入去跑步, 真係會引起D 問題, 正如我上面所講, 除非佢係分開 ...

想問一下閣下住在那區？香港島跑友想搵條路跑都無，我們多年來好期望有一條路可以由柴灣跑去中上環，而家有少少希望時，竟然人不能跑，狗大晒，都不知是甚麼道理？小弟不想也沒空閒時間和你為爭拗而辯論，請你來視察一下，筲箕灣、則魚涌、北角，可有甚麼運動場給我們跑嗎？則魚涌海濱非常狹窄及多行人，完全不適合跑友跑步，而家人不能跑，只有有錢養狗人才能享用，是甚麼歪理？難道人不如狗？
我不會再回應你的歪論，請你將心比己，如果人的價值不及一條狗，那就無話可說!

作者: Charles56 時間: 2013-4-15 00:51

allanccl 發表於 2013-4-14 23:51

登錄/註冊後可看大圖

想問一下閣下住在那區？香港島跑友想搵條路跑都無，我們多年來好期望有一條路可以由柴灣跑去中上環，而 ...

我真係希望有朝一日可以用海濱長廊跑到上環但如果要人、狗分路，是否應張海濱留給人，至少人應會比狗更加懂得欣賞這美麗的海港。

作者: 龜兔競跑 時間: 2013-4-15 02:09
期待有朝一日海濱長廊落成, 跑友們可＂真正有份 " 欣賞美麗維港, 享受跑步之樂趣!

作者: ejpprun 時間: 2013-4-15 02:31
我星期六下午也有跑過鰂魚涌公園2期寵物公園, 當時好多狗在公園內, 有些狗在公園跑得幾快,但大家小心地慢跑, 我覺得沒有問題, 也沒有人阻止. 但之前在公園入口的臨時圍欄上好似有告示話不可以在寵物公園跑步,我覺得這告示不是正式的,也不合理; 不知是否可以向區議員反映這個不合理的限制.

作者: blam 時間: 2013-4-15 09:19
我無停底去睇, 但好似係"jogging is not recommended", 唔係唔准

作者: lewischan 時間: 2013-4-15 09:22
本帖最後由 lewischan 於 2013-4-15 09:56 編輯

我無理佢照跑，佢又無理我照企。
人跑比狗追，見過細狗都比大狗狂追，唔通馬上唔比細狗跑?
帶狗的人好多都跑緊啦! 見圖!
[attach]20677[/attach]

作者: jpg_chu 時間: 2013-4-15 11:44
我成日都係依度跑、又唔見有實Q同我講、唔淮跑喎！^_^

作者: momolone 時間: 2013-4-15 13:25
約十日前一個晚上係狗公園跑步時比狗兇，一對男女主人有一架推狗車，4隻松鼠狗，每2隻松鼠狗比一條好短的狗帶兩邊狗帶尾互相扣住，其中一隻惡嘅松鼠狗係咁吠我，我閃開打橫跑諗住避開佢，佢照樣向我衝埋黎吠我，個男主人係咁意叫咗隻狗一聲，但都無出手阻止隻狗，最後我都成功避開隻狗!!

作者: snail 時間: 2013-4-15 17:50
建議有用開個一個公園跑步的, 要向康文署反映. 唔出聲一定俾D狗霸曬.

作者: Pepe 時間: 2013-4-15 19:34
如果人人自律禮讓，根本不用訂出咁多例。

作者: allanccl 時間: 2013-4-16 00:01
小弟已收集大家客觀的意見，只求辯論不客觀的意見已剔除，已約了明天早上會見區議員表達東區極需要一條跑步徑，多d人以最廉宜的跑步運動可以減少心血管病及長期病患，減低政府的醫療開支，反對只顧及少數有錢養狗人仕專利霸佔行人步道作為狗公園，因這狗公園的設立，公共屋村偷養狗隻日趨嚴重，映響安寧及使住戶間發生磨擦(小弟鄰舍也開始非法養狗，日嘈夜嘈，非常討厭)。
請問大家還有甚麼想向區議員表達？這區議員競選時承諾爭取建設一條由柴灣去中環的海濱長廊，而家起的長廊部份竟被用作有錢人放狗的廁所，人竟然不能使用，會質詢他是否食言。

作者: 龜兔競跑 時間: 2013-4-16 00:41

allanccl 發表於 2013-4-16 00:01

登錄/註冊後可看大圖

小弟已收集大家客觀的意見，只求辯論不客觀的意見已剔除，已約了明天早上會見區議員表達東區極需要一條跑步 ...

絕對支持東區盡快興建跑步徑!

作者: LL3578 時間: 2013-4-16 01:04
你地所講既相關路段我都試過跑過一次
未試過俾"食Q"趕(可能當日係平日)
但果段路事實上就真係比較窄，冇一期同埋愛秩序灣海傍既路段咁寬
Anyway, 各位途徑呢個路段小心
(其實唔止呢段路，跑入村屋果D路都要小心，因為村屋D住戶好多時都有養狗)

作者: allanccl 時間: 2013-4-16 11:32
剛會見了區議員，表達了：
1. 政府沒投放任何資源在鼓勵運動上，強烈要求興建中的港島北岸海濱長廊要加設跑步徑，鼓勵全民以最便宜方法運動，改善健康、減少心血管病及長期病，以減低醫療負擔。
2. 取消現在的狗公園，改給市民步行及跑步運動之用，因為狗狗不會欣賞海景，窄窄長長的設計不利狗隻嬉戲跑逐。
3. 連接則魚涌公園長廊有條太窄的路，不宜步行或跑步。

獲即時回覆及會提交區議會的事項：
1. 的而且確在興建柴灣至中環的港島北岸海濱長廊，北角段設計是雙層天橋形式，上層行車，下層行人，寬闊得有食物亭設置。
2. 現時的狗公園是以前存在了的，會覓地興建一個闊d，適合放狗嬉戲跑逐的。到時現有的狗公園會改返做海濱長廊。
3. 連接則魚涌公園長廊有條太窄的路因為是煤氣公司的XX站，現正商討另覓地方搬，搬左該段就會開闊直通。
4. 會在區議會提出港島北岸海濱長廊加入緩跑徑。
5. 會同康文署商討狗公園的管理，真係唔准跑步就出正文件及告示牌，不能靠保安員口講唔准。

作者: pp3824 時間: 2013-4-16 15:10
絕對支持.

作者: ritalau 時間: 2013-4-16 15:13
手快快, 按錯制, 應該5個like

亮哥, 唔該哂

作者: allanccl 時間: 2013-4-16 15:48

ritalau 發表於 2013-4-16 15:13

登錄/註冊後可看大圖

手快快, 按錯制, 應該5個like
亮哥, 唔該哂

唔緊要，已刪除評點，可以再評點。
其實和議員講得好清楚，我們絕對不是及更不想和狗主對立，現在的狗公園真的不適宜放狗，希望能搵到更理想地點興建更佳的狗公園，我們跑友能有條跑步徑可以運動健身。

作者: eokcyu 時間: 2013-4-16 16:47
公園吳比跑步????咁要公園做乜????!!!!!

作者: allanccl 時間: 2013-4-16 17:02

eokcyu 發表於 2013-4-16 16:47

登錄/註冊後可看大圖

公園吳比跑步????咁要公園做乜????!!!!!

那是被劃分為狗公園的部份，請師兄由頭看一次才加評語。切勿為拗撬而過度反應，我們歡迎理性、有建設性、可行性的提議或意見，收集後會向區議員反映，期望跑友們團結一致，爭取政府投放資源興建跑步徑。謝謝!

作者: ChowChow 時間: 2013-4-16 19:12
其實可以唔入個狗公園的, 由架船嗰面穿過去之後可以出返馬路的, 條馬路無乜車, 最多得啲靈車, 個公園唔算長, 唔夠1K, Skip咗佢算啦

作者: natural7s 時間: 2013-4-18 20:39

allanccl 發表於 2013-4-16 11:32

登錄/註冊後可看大圖

剛會見了區議員，表達了：
1. 政府沒投放任何資源在鼓勵運動上，強烈要求興建中的港島北岸海濱長廊要加設跑 ...

雖然唔係這區，不過師兄為了各跑友盡心盡力, 感謝感謝!辛苦晒
(點評手快CLICK錯, 應該5個LIKE, 不好意思)

作者: hoosier 時間: 2013-4-19 23:42
其實，平日唔多人的話 (我早上跑步多)，我都會跑入去。保安員他們不會理會我的 (還互相叫大家早晨)。但到假日，我自己都選擇跑到狗公園前就轉左，情願跑出街都不跑入去，主要原因是有標語告示，第二是避免被人撞倒或狗繩絆倒，因為假日入面真是有很多大大小小的狗隻。我本著祇要大家互相尊重，大家開心！跑步對我其中一個原因是減壓，不是令我增加麻煩！所以，在假日我喜歡跑出去，無人阻檔！

作者: sm_man 時間: 2013-4-20 09:37

ChowChow 發表於 2013-4-16 19:12

登錄/註冊後可看大圖

其實可以唔入個狗公園的, 由架船嗰面穿過去之後可以出返馬路的, 條馬路無乜車, 最多得啲靈車, 個公園唔算長 ...

我同D朋友跑都會係停車場出口轉出去跑外圍, 因為更加大地方跑唔使人狗爭路出意外

作者: wlau 時間: 2013-4-22 01:20
本帖最後由 wlau 於 2013-4-22 01:54 編輯

allanccl 發表於 2013-4-14 23:51

登錄/註冊後可看大圖

想問一下閣下住在那區？香港島跑友想搵條路跑都無，我們多年來好期望有一條路可以由柴灣跑去中上環，而 ...

亮哥, 我正正係住係東區, 我由出世已經係東區人, 住左成三十幾年, 我點會唔知東區情況.... 我住北角一樣無路跑, 但我一樣可以跑太古, 跑維園, 跑北角碼頭, , 狗唔係大晒, 我都同你講左, 果個係難得既大型狗公園, 你講跑友等左好多年, 但狗友同樣唔係等左好多年咩? 人同狗一樣, 係無分, 分既, 係人既自私, 你成日話人歪理, 但你自己有無諗清楚點解果度要寫明寵物公園, 因為大部份既公園, 都係狗隻不能入.. 所以果個公園先會有比較多限制, 好似你咁講, 個個人都只係為左自己既樂趣, 可以無視限制, 咁所有有寵物既, 都可以去晒所有講明狗隻不能進入公園既, 因為放狗都可以放鬆人既心態, 亦可以慢行半個鐘至一個鐘, 一樣可以對健康有幫助, 仲有, 唔好講到有錢人先可以養狗, 養狗兩,三個月既使費可以平過買一對美津濃CREATION 系列, 一隻GPS 錶, 可以俾我以前隻西施食一年有多....,
你叫人將心比心, 但左一句歪理, 右一句歪論, 你有將心比心過咩? 你有為寵物主人諗過呢? 不過當你覺得有寵物既人, 一定係有錢既人先會養既.. 我就知我問都多餘.. 點解咁多流浪者身邊都有隻狗.. 因為狗比人更能成為心靈伴侣.. 更無任何機心..

你自己都講, 只係寵物公園既一部份, 果度佔左成個海濱又有幾多呢? 點解唔可以大家傾下點樣介? 令到大家都有得益呢?

你覺得我無將心比心, 我最少有諗過東區走廊下面D 柱"等"位連埋起條長跑徑, 咁仲可以真正由第日既維園海濱連到你所講既東區海濱, , 你現在只求寵物公園搬走, 但搬去邊就由得佢... 我都唔識可以講乜..

當然, 你反正當左我所講既歪理, 又話我無將心彼心, 但你亦回左我咁多, 我亦多謝你既回覆先, 你唔再回我, 當我係歪論, 我亦無計, 但如果你仲有乜野想討論既, 我會好樂意同你討論...

作者: wlau 時間: 2013-4-22 02:00

allanccl 發表於 2013-4-16 17:02

登錄/註冊後可看大圖

那是被劃分為狗公園的部份，請師兄由頭看一次才加評語。切勿為拗撬而過度反應，我們歡迎理性、有建設性、 ...

條跑徑可以連到入面既太古城既魚則魚涌公園, 果度本身有緩跑徑, 將果度連埋, 過番大晶果個位, 再連番出海旁, 同樣都做到一個連續不斷既跑步徑

作者: lewischan 時間: 2013-4-24 09:12

sm_man 發表於 2013-4-20 09:37

登錄/註冊後可看大圖

我同D朋友跑都會係停車場出口轉出去跑外圍, 因為更加大地方跑唔使人狗爭路出意外 ...

師兄，我最近都系學你0甘轉出去，路寬好多直跑到警署，回程到公園筲箕灣公園出口，共5.5K.
跑2次就11K 了。

作者: sm_man 時間: 2013-4-28 17:14

lewischan 發表於 2013-4-24 09:12

登錄/註冊後可看大圖

師兄，我最近都系學你0甘轉出去，路寬好多直跑到警署，回程到公園筲箕灣公園出口，共5.5K.
跑2次就11K 了 ...

CHING 我地見過的, BENNY飲宴上....

作者: lewischan 時間: 2013-4-28 17:51

sm_man 發表於 2013-4-28 17:14

登錄/註冊後可看大圖

CHING 我地見過的, BENNY飲宴上....

作者: 大力 時間: 2013-4-28 20:09
政府資金來自賣地同税收，所謂取之於民用之於民，每項公共設施都應該以“民”為本，公屋，天橋，泳池，甚至狗公園都係一樣，目的是為“人”制造一個更美好嘅生活環境。

我有養狗，之前偷偷係鯉景灣溜狗，鰂魚涌起咗個狗公園之後多咗個去處，算係受益者。但係如果話狗公園唔比人慢跑，我就好有保留，咁做等於將所有納稅人嘅錢用係一小撮狗主身上，有違公共開支公平原則。同用公帑起公共狗泳池，狗公屋，專用狗公路一樣咁令人摸不着頭腦。

早幾日慢跑時聽見有一位貴婦人拖住佢隻貴婦狗向管理員投訴狗公園太多“閒雜人等”，影響狗狗耍樂，要求鎖上北角入口閘門，禁止非溜狗人士進入。我覺得沉默的大多數，是時候發聲了。

作者: wlau 時間: 2013-4-29 09:47
本帖最後由 wlau 於 2013-4-29 10:12 編輯

大力發表於 2013-4-28 20:09

登錄/註冊後可看大圖

政府資金來自賣地同税收，所謂取之於民用之於民，每項公共設施都應該以“民”為本，公屋，天橋，泳池，甚至 ...

大力兄你好, 我諗其實有一點想攪清楚.. 以人為本係無錯, 但唔係以人既行為為本.. 正如單車徑唔俾跑步, 踏單車唔俾上行人路, 係巴士上唔俾飲食, 公屋唔俾養狗等, 這是一個行為問題, 首先, 果個公園唔俾唔俾人入, 唔係只可以狗主入, 你可以一家大細入都得, 你可以坐, 你可以慢步海濱亦得..現在港島東並不是完全沒有海濱可以跑, 只係過番少少既近西灣河果邊已經有, 又或者過番北角果邊亦到有, 而狗公園只係一小個面積,點解一定要有連續性既海濱俾人跔先得? 正如果有師兄都講, 佢地會轉出去外面跑, 果度亦只係1K 左右, 點解唔可以大家好好地傾, 睇下點樣係外面整番緩跑徑或係內容加一條跑道(以到腰位既竹欄與狗公園分隔)令到大家有條路可以直跑呢?

正如你所講, 有狗主覺得唔應該俾閒人行, 我覺得係自私既行為, 但同時間, 既然定得狗公園, 點解D 人一定要入去跑, 甚至呼要求拆左個狗公園, 就係為左可以俾跑者跑步? 咁同樣亦唔係一個自私的行為嘛?

作者: shogikin 時間: 2013-4-29 12:33
資源有限，要求無限

長跑網為跑友爭取
狗主，動物組織為動物爭取
都無可口非

只希望大家都顧及下其他人的需要

作者: 大力 時間: 2013-4-29 20:37

wlau 發表於 2013-4-29 09:47
大力兄你好, 我諗其實有一點想攪清楚.. 以人為本係無錯, 但唔係以人既行為為本.. 正如單車徑唔俾跑步, 踏 ...

wlau 兄，你所舉嘅例子全部都係一部份人為咗另一部份人嘅福祉而約束自己嘅行為，呢個係社會資源分配問題，合理與否見仁見智。但為咗狗而去限制人合法享用公衆設施嘅權利，這是本末倒置的做法，本人恕難認同。

作者: allanccl 時間: 2013-4-29 23:32

大力發表於 2013-4-28 20:09

登錄/註冊後可看大圖

政府資金來自賣地同税收，所謂取之於民用之於民，每項公共設施都應該以“民”為本，公屋，天橋，泳池，甚至 ...

我有養狗，之前偷偷係鯉景灣溜狗，鰂魚涌起咗個狗公園之後多咗個去處，算係受益者。但係如果話狗公園唔比人慢跑，我就好有保留，咁做等於將所有納稅人嘅錢用係一小撮狗主身上，有違公共開支公平原則。同用公帑起公共狗泳池，狗公屋，專用狗公路一樣咁令人摸不着頭腦。

啊啊啊! 原來係你! 議員話唔知點解好多人喜歡係鯉景灣則魚涌公園門口溜狗都唔入寵物公園，哈哈哈! 半說笑而矣! 議員話：好多人喜歡係鯉景灣則魚涌公園門口溜狗都唔入寵物公園，使用率偏低，所以要搵原因，我告訴他現時的寵物公園是又長又窄的行人路，狗狗都無得跑，所以佢先話提議要搵過另一地方起一個大d，可以給狗狗跑跑、追追波的地方來起"寵物公園"。重申一次，而家呢個公園係叫"寵物公園"，可以帶條寵物蛇、寵物豬入去玩的，不是狗公園，更不是狗廁所呀! 哈哈哈!

作者: wlau 時間: 2013-4-29 23:56
本帖最後由 wlau 於 2013-4-30 00:07 編輯

大力發表於 2013-4-29 20:37

登錄/註冊後可看大圖

wlau 兄，你所舉嘅例子全部都係一部份人為咗另一部份人嘅福祉而約束自己嘅行為，呢個係社會資源分配問題 ...

狗唔係一個個體, 狗係有狗主帶住, 狗主帶住狗行, 同跑者在跑步, 都係一個行為, 既然你自己都識講, 會有一部份人為左另一部人既福祉而約束自己既行為, 咁點解跑者又唔可以約束自己既行為呢?
每個人都有唔同既角度去睇任何一件事., 你強調既限制合法享用公衆設施, 其實只係站在既得利益者既角度去睇.., 對漫步海濱既人, 有限制嘛? 對係度聽歌閒談既人有限制嘛? 正如設立一些海岸保護區, 同樣係唔俾人去遊水, 遊船河同潛水等, 以免破壞環境一樣, 同樣, 人亦不能享受, 咁又是否本未例置呢? 例子係誇張左D, 但我想帶出既, 係合理性, 正如我之前所講, 港島東並不是無海濱可以跑, 寵物公園只係少少一個位, 點解連一個咁既寵物公園亦容不呢? 一定要佢消失先得? 難度就真係不能全程都有海濱可以跑, 就唔得? 我係上一篇文都有講, 可以睇下有乜改善來令到佢條跑步徑有連續性.. 點解一定要係零和遊戲, 有你無我?
我同你都以唔同角度去睇件事, 所以你唔認同我, 我亦好難講服你.. 但只係想大家以多角度既方法去諗, 如果真係要個寵物公園消失先得既.. 一定要係零和遊戲既..我就會覺得好失望..

作者: 大力 時間: 2013-4-30 00:48

allanccl 發表於 2013-4-29 23:32
啊啊啊! 原來係你! 議員話唔知點解好多人喜歡係鯉景灣則魚涌公園門口溜狗都唔入寵物公園，哈哈哈! 半說笑 ...

亮兄，原因好簡單: 太遠。寵物公園用家多數係北角鰂魚涌客，而鯉景灣則多數本區同筲箕绶居民。

作者: 大力 時間: 2013-4-30 00:54

wlau 發表於 2013-4-29 23:56
狗唔係一個個體, 狗係有狗主帶住, 狗主帶住狗行, 同跑者在跑步, 都係一個行為, 既然你自己都識講, 會有一 ...

環保最終得益者係狗定人，自己諗下啦。討論唔一定可以舉到好例子，無就唔好求其作一個。

我無講過人狗唔可以並全，你要搞清楚，依家係狗主排擠慢跑者，由此至終我講緊嘅都係共融共存，只係偏執者睇唔到自己啫。

作者: wlau 時間: 2013-4-30 01:05
本帖最後由 wlau 於 2013-4-30 01:12 編輯

大力發表於 2013-4-30 00:54

登錄/註冊後可看大圖

環保最終得益者係狗定人，自己諗下啦。討論唔一定可以舉到好例子，無就唔好求其作一個。

我無講過人狗唔 ...

我諗大力兄, 如果你有睇前文, 就會明點解我會以狗公園消失這個論點來講, 你講我既例子好似好求其, 我亦一早指左我係誇張左來講, 我只係想帶出你所指既本未例置論係要由唔同角度去睇. 你可能會覺得我偏執, 我唔否認既, 因為我又係覺得自己有理, 就會據理力爭既人, 我講既, 係唔係完全無道理, 全部

作者: wlau 時間: 2013-4-30 01:11

大力發表於 2013-4-30 00:48

登錄/註冊後可看大圖

亮兄，原因好簡單: 太遠。寵物公園用家多數係北角鰂魚涌客，而鯉景灣則多數本區同筲箕绶居民。 ...

果個位其實係太古對出, 以前東隧既地方, 其實就算由北角去都遠, 因為北角果邊係半工廠區位, 住宅位少..
不過就因為佢既特別, 所以亦有特別既人會去, 好似寵物巴士已經PLAN 左會送D 寵物過去..可能之後會有定點寵物巴士都未定..

作者: allanccl 時間: 2013-4-30 08:23

大力發表於 2013-4-30 00:48

登錄/註冊後可看大圖

亮兄，原因好簡單: 太遠。寵物公園用家多數係北角鰂魚涌客，而鯉景灣則多數本區同筲箕绶居民。 ...

聽你咁講，越敬佩這位區議員，完全就係佢講既重點，這個寵物公園之所以不受歡迎，就是地點不好、吊腳，太窄長不宜狗隻奔跑，太多狗及人聚集在則魚涌公園口映響公園使用人進出。所以要另覓地方搬遷。

作者: 大力 時間: 2013-4-30 08:34

wlau 發表於 2013-4-30 01:05
我諗大力兄, 如果你有睇前文, 就會明點解我會以狗公園消失這個論點來講, 你講我既例子好似好求其, 我亦一 ...

狗公園消失？唔好活係自己幻想當中先得㗎，我無話過要狗公園消失，再講多次，由始至終都係自私狗主想趕絕慢跑者。世界各地唔少國家有河畔/海濱長廊，唯獨香港咁腦殘唔比人慢跑，下次要用選票踢走呢個白痴政客。

作者: 大力 時間: 2013-4-30 08:37

wlau 發表於 2013-4-30 01:11
果個位其實係太古對出, 以前東隧既地方, 其實就算由北角去都遠, 因為北角果邊係半工廠區位, 住宅位少..
...

我見好多狗主用北角閘口出入喳。

我夜跑都見唔少狗，再多就真係。。。。

作者: chrislam 時間: 2013-4-30 10:59
人狗齊鍛練，真開心。

作者: 大力 時間: 2013-4-30 12:38

chrislam 發表於 2013-4-30 10:59
人狗齊鍛練，真開心。

咪係囉，我跑咁多次都未試過比狗追，亦無踩傷狗，唔明狗主為乜咁自私。

作者: wlau 時間: 2013-4-30 14:26
本帖最後由 wlau 於 2013-4-30 14:45 編輯

大力發表於 2013-4-30 08:34

登錄/註冊後可看大圖

狗公園消失？唔好活係自己幻想當中先得㗎，我無話過要狗公園消失，再講多次，由始至終都係自私狗主想趕絕 ...

大力兄.. 我想講呢.. 唔知點解我段文無左後半段.
我之後仲有寫,
"全部人睇完, 我係唔係唔係完全歪理, 或有我既道理, 自有公論, 再加上你其實你放開來睇, 就會知我唔係話你想要狗公園消失.."

但你話我幻想有人想狗公園消失.. 咁我諗你真係要由頭到尾睇清楚我寫"前文"這個意思啦...

而且另一樣野, 就係外國好多公園地方都唔會限制狗隻進入. 咁放狗既人, 就自然多選擇, 亦唔會有香港人, 狗分園既情況出現, 我係諗你自己都講, 夜晚既時候, 北角入口果邊好多人放狗, 如果再多D , 就已經有問題, 有可能產生到危險, 這正是問題既所在.. 所以我先係前文有寫過, 係內園加竹欄來SET 條緩跑經, 從而令到兩邊跑步位有得連埋..

作者: wlau 時間: 2013-4-30 14:43

大力發表於 2013-4-30 08:37

登錄/註冊後可看大圖

我見好多狗主用北角閘口出入喳。

我夜跑都見唔少狗，再多就真係。。。。 ...

寵物巴士已經PLAN 左12號會去果度..

https://www.facebook.com/99bus?fref=ts

到時可能真係多狗到嚇死人..
而且.. 睇FB 張圖....個公園都真係幾闊落.

作者: ChowChow 時間: 2013-5-15 22:26
yes ah, 可以唔入狗公園的, 過咗狗公園先右轉cut入海皮唔爭好多
無謂攪到大家唔開心

作者: sm_man 時間: 2013-5-18 12:52
其實新側公近北角有一小段地方真的寫明係寵物公園, 大家共融一下
就相安無事了...

歡迎光臨香港長跑網 - 長跑長友 (https://www.longrun.hk/)