香港長跑網 - 長跑長友

標題: 進擊小巨人 9歲瀛妹KO成年跑手長野邑香 Nagano Yuka [打印本頁]

作者: bunbun 時間: 2013-6-25 05:24
標題: 進擊小巨人 9歲瀛妹KO成年跑手長野邑香 Nagano Yuka
星島日報 24/06/2013

進擊小巨人 9歲瀛妹KO成年跑手

近年不少長跑賽事，大家可有發現一名「小氣袋」的蹤影？年僅九歲的日籍女生長野邑香（Yuka Nagano），不但常越級挑戰成年組長跑賽事，更常奪冠而回。她往後將繼續挑戰一眾「巨人」，夢想有一天能代表香港跑進奧運！記者、攝影：曾灝昇
部分相片受訪者提供

很難想像眼前如此「Kawaii」的日本女孩，卻是一副天生的長跑機器，連Yuka的爸爸長野先生亦嘖嘖稱奇：「兩年前我為健康開始跑步，常拉Yuka跟我一起。怎料她像有跑不完的體力，首三公里我倆還可以一起跑，之後我已跟不上她了。」

跑齡兩年屢獲殊榮

天份，確是難以解釋的東西。身高只有約一米四的Yuka，3,000米紀錄不需12分鐘，跑上10公里的時間更只需45分09秒。兩年間小妮子合共獲得二十多個公開賽事冠軍，有次在農曆新年於業餘6公里賽事奪得少年組冠軍，時間更勝所有成人組跑手。

Yuka的教練葉啟德曾培育出陳敏儀、姚潔貞、吳希雯等長跑好手，他對愛徒亦評價甚高：「日本民族服從性及自律性高，父母皆為日本人的Yuka訓練時用心專注，因而事半功倍。」

不過，葉教練強調幼苗尚須小心琢磨：「Yuka體重輕、跑姿美、心肺功能強，具備長跑好手的所需條件。現時她年紀尚輕，將以提升速度及爆發力為主，三、四年後慢慢調整為長跑選手。」

跟Yuka談起夢想，小妮子展露可愛笑容，以簡單英語回答時盡現志氣：「Olympic！我希望能為港參加奧運！」未來大家參加長跑賽事之際，小心被這位「小巨人」迎頭趕上呢！

長跑3大階段啟蒙期年幼跑手應先由短距離練習開始，直至十二歲左右，才可參與中長距離練習，練習長度在三千米以內，不宜超過10公里，以免影響發育。青年期步入十八歲，人體發育基本完成，身體機能已趨成熟，體能恢復較快，無論參加10公里或半馬拉松賽事，在適當訓練下，均可應付自如。成年期長跑重視肌肉耐力及心肺功能，對爆炸力要求不大，反而講求經驗及技術，不少運動員在三十歲時才做出個人最佳成績，故不應過早放棄。

長野邑香 Nagano Yuka
年齡：9歲
出生日期：2003年10月2日
就讀學校：清水灣小學
最愛跑手：保特
最愛運動：跑步、羽毛球、網球個人
獎項：2012年城門河皇者之戰暨力行社籌款長跑賽全場女子冠軍、2013年大年初一利是跑6公里賽女子少年組冠軍，2013年飛達慈善復活跑女子公開10公里亞軍

作者: 龜兔競跑 時間: 2013-6-25 07:41
利害! 多謝分享!

作者: 馬拉 時間: 2013-6-25 08:16
我地叫佢日本娃娃，很厲害，佢地晚上經常在TKO新路或運動場出現，昨晚才見佢兩父子在將軍澳運動場練跑，媽咪同妹妹又一才落來玩，想見佢細細個靚麗跑姿，入來將軍澳啦！

作者: 細康 時間: 2013-6-25 09:27
偑服。前途無限。

作者: Mimi 時間: 2013-6-25 09:46
厲害厲害!!!

作者: JIMTSE 時間: 2013-6-25 09:52
已多次於比賽中領教過佢既耐力，非常堅毅！記得有次同佢拉锯咗成5K……佢仍然可以追上嚟……厲害！

作者: kokyan_lam 時間: 2013-6-25 10:17
暫時, 暫時我成績同佢差唔多(過一兩年我一定完敗), 真係想領教一下^^

作者: kokyan_lam 時間: 2013-6-25 10:17
只希望佢大個左唔會走番去代表日本.....

作者: tank1438 時間: 2013-6-25 11:06
暫時同佢同場比賽都仲領先佢少少,過多兩年就....

都係留番坦克妹同佢比拚喇,原來佢地同年架....暫時落後佢好多,但加緊練習後,遲下應該可以同佢較量下既

作者: lamlamsir 時間: 2013-6-25 12:02
分齡賽睇場刊留意過呢個名,果時有事早走冇睇佢比賽,估唔到真係咁勁。

作者: Mickey 時間: 2013-6-25 12:09
後生可畏, 搵個機會同場跑，最好影埋相先得。

作者: JIMTSE 時間: 2013-6-25 13:13

kokyan_lam 發表於 2013-6-25 10:17

登錄/註冊後可看大圖

暫時, 暫時我成績同佢差唔多(過一兩年我一定完敗), 真係想領教一下^^

你都好勁吖仁兄，我呢啲就唔夠鏈啦

作者: kokyan_lam 時間: 2013-6-25 13:47

JIMTSE 發表於 2013-6-25 13:13

登錄/註冊後可看大圖

你都好勁吖仁兄，我呢啲就唔夠鏈啦

Jim師兄咪咁謙，你贏娃娃兩三分鐘吾成問題

作者: kk661234 時間: 2013-6-25 13:48
真係後生可畏, 九歲就已經俾佢介左
過多兩年我諗真係會追都追唔倒佢

作者: lamlamsir 時間: 2013-6-25 18:03

kokyan_lam 發表於 2013-6-25 10:17

登錄/註冊後可看大圖

暫時, 暫時我成績同佢差唔多(過一兩年我一定完敗), 真係想領教一下^^

有機會我都想再睇下佢比賽。

作者: awolswat 時間: 2013-6-25 21:36
第一次見到「小氣袋」係科學園比賽,當時都比佢嚇左一跳,
係第一個折返點對頭......當時估計已經快我1km!!

很厲害!!

作者: 馬拉 時間: 2013-6-25 21:58
大年初一利是跑,與日本娃娃同場,臨到終點見佢後面殺上黎,幸好快佢18秒！

有紀綠為証 https://www.longrun.hk/forum/home.php?mod=space&uid=6638&do=blog&quickforward=1&id=5

作者: kokyan_lam 時間: 2013-6-25 22:12

馬拉發表於 2013-6-25 21:58

登錄/註冊後可看大圖

大年初一利是跑,與日本娃娃同場,臨到終點見佢後面殺上黎,幸好快佢18秒！

有紀綠為証 https://www.longrun ...

馬拉師兄真係好強!

作者: kk661234 時間: 2013-6-25 22:20

馬拉發表於 2013-6-25 21:58

登錄/註冊後可看大圖

大年初一利是跑,與日本娃娃同場,臨到終點見佢後面殺上黎,幸好快佢18秒！

有紀綠為証 https://www.longrun ...

馬拉師兄真強 x 2, 我就係喺利是跑俾她"介"左

作者: bunbun 時間: 2013-6-26 05:37
星島日報 24/06/2013

防「吳希雯歷史」重演

回顧本港長跑界，十二年前亦產生了一名十一歲「長跑女神童」吳希雯（下圖），因被指年紀太小不宜練習長跑，引起各界爭論。

吳希雯當年以十一歲之齡，達到體院十四歲精英運動員的五千米時間標準，○一年更以42分53秒打破香港女子青少年1萬米紀錄。不過，她的年齡成為長跑界爭議話題，有人認為過度催谷有礙她的學業及身心發展。

香港田徑總會當時曾以年紀太小為由，拒絕希雯加入港隊受訓，其後更將註冊運動員的最低年齡下限，由八歲提升至十歲，惹來打壓長跑「幼苗」發展的輿論，當年擔任其教練的葉啟德炮轟此做法無稽。

如今再有新人Yuka出現，葉教練當然寄予厚望，但他亦強調要打好基礎：「Yuka現以短距離及身體素質訓練為主，不會經常參加十公里賽事，其他家長切勿誤解，更不要胡亂跟隨。」

小童長跑忌操之過急

馬拉松漸漸普及，不少家長都放心讓孩子參與長跑。不過，專家指出過量的訓練會影響骨骼發育，家長不應強逼幼孩超額訓練，以防受傷。

訓練過量影響發育

常有教練說，長跑訓練切忌揠苗助長，浸會大學體育學系副教授雷雄德解釋，這全因過量訓練易損骨骼生長：「兒童何時才可接受長跑特訓，要視乎身體狀況而定。不過，每個小孩都不可訓練過量，若訓練後骨骼出現痛楚不適，須馬上停止或減量。」
有醫學報告指，過量的長跑訓練易令腳部生長板受損，孩子觸傷生長板的年齡愈小，後遺症愈嚴重，隨時造成肢體縮短及彎曲。因此，雷博士極強調訓練的安全性：「家長應讓孩子自行判斷，不要強逼他們作過量訓練，並注意孩子訓練後的疲勞狀況，多作親子溝通及給予鼓勵。」

作者: LL3578 時間: 2013-6-26 23:26
其實呢位小妹妹早係上年10月係「行義我行先」10公里慈善跑已經係女子全場冠軍
而當時我有去影相既，見到佢差唔多衝線果陣都O嘴

登錄/註冊後可看大圖

你地講開"大年初一利是跑"果場，女子全場冠軍固然係Yuka，而小弟當時就拎到男子全場冠軍既，但我呢個冠軍就拎得比驚險，唔似得Yuka好輕鬆又拎冠軍
Anyway,希望佢繼續努力，繼續"創造傳奇一刻"la~~~

作者: tango 時間: 2013-7-7 16:30
吳希雯都好細個就跑到好成績, 但近年好似消聲匿跡

作者: Pepe 時間: 2013-7-8 08:09

tango 發表於 2013-7-7 16:30
吳希雯都好細個就跑到好成績, 但近年好似消聲匿跡

香港D小朋友，又要顧學業，又有N咁多課外活動，瞓都冇時間。除非家長首肯，又評定為天才，才有機會成長！

歡迎光臨香港長跑網 - 長跑長友 (https://www.longrun.hk/)