香港長跑網 - 長跑長友

標題: 跑友要爭取單車徑使用權利 [打印本頁]

作者: Vrindavan 時間: 2013-8-5 17:40
標題: 跑友要爭取單車徑使用權利
跑友要爭取單車徑使用權利，分開線道也好，
單車徑實際上應該是多用途運動徑。

注意!走上單車徑隨時罰$2000!
透視鏡：焗行單車徑上水途人被迫違法
http://the-sun.on.cc/cnt/news/20130805/00410_032.html

單車徑設計戇居運輸署製造意外
http://the-sun.on.cc/cnt/news/20130805/00416_001.html

作者: tango 時間: 2013-8-5 18:16
「多用途運動徑」... 好提議，但政府好唔得閒，相信無人會兼顧到

作者: tammytse 時間: 2013-8-5 21:42
看見這個post, 另一邊廂有網友在討論跑步還是游泳較受歡迎。記得以往在網上看過這份「香港人運動習慣民意調查結果報告」。2006年的，有點舊，不過仍有參考價值。
http://www.hab.gov.hk/file_manag ... 61218AnnexIII_e.pdf

報告說：
(g) 整體最受歡迎的首三項運動為跑步(25.6%),游泳(22.7%)、徒手健體 (18.1%);
(h) 長者與成年人多選擇參加與健體有關的運動項目,長者最經常做的運動是徒手健體、步行及太極。而成年人則是跑步、游泳及步行。至於青少年人則選擇一些需要掌握運動技巧及運動量大的體育項目,如籃球、跑步、足球等;
(i) 至於最希望學習的運動方面,長者及成人不約而同均希望學習游泳及太極,而青少年則希望學習游泳、網球及羽毛球;
(j) 游泳是所有人最希望學習的運動(12.1%);

可惜報告只是建議政府多鼓勵市民恆常做運動、在職人士多在上班前或中午做運動等。完全沒有提跑步，也沒有仔細研究跑者的習慣和需要。跑步是做多人做的運動，但政府投入的資源實在不成比例。

作者: Pawda 時間: 2013-8-5 22:37
坦白講，唔建議咁做！
人同車單炒埋一碟，只會令意外頻生，吃虧嘅始終係跑者，我寧願有關部門嚴格執行同嚴懲喺行人路踩單車嘅駕駛者！

作者: Kinght 時間: 2013-8-5 23:53
調返轉黎講,我約埋D fd一齊踩運動場,好似李慧詩咁玩場地單車賽你點睇?

作者: Pepe 時間: 2013-8-6 08:57
其實國內外很多地方的單車徑都是從馬路而不是行人路劃分出來的，而單車可以在單車徑、馬路及行人路上駛，是靠人人自律禮讓的。

作者: jameshui08 時間: 2013-8-6 09:16
係咪應該限制在單車徑上的單車時速, 大多數單車意外都係高速所致, 對行人或跑友都做成危險。另外, 係運動場的跑徑上, 係咪應該禁止行人佔用?

作者: HLC 時間: 2013-8-6 10:46

Pepe 發表於 2013-8-6 08:57
其實國內外很多地方的單車徑都是從馬路而不是行人路劃分出來的，而單車可以在單車徑、馬路及行人路上駛，是 ...

自律？
我相信香港1/4的人會，1/4不會，剩下的就是羊羣心態。
只要看見有人不守規則而又沒人制止的話，「羊羣」便會跟著做。於是變成大部份人都不守規則。

作者: HLC 時間: 2013-8-6 10:58
經常見到在寬闊的單車徑上走的單車不多，但仍有單車走上行人路，真的不能理解那些人的心態。
不過話說回來，也看過不少行人/跑友行人道上沒人仍會行/跑上單車徑。

作者: Vrindavan 時間: 2013-8-8 21:29
跑友要爭取單車徑使用權利，分開線道也好，
單車徑實際上應該是多用途運動徑。

政府建行人路不平，陷阱多才迫跑友用單車徑，又無跑步徑，我也怕單車友玩野和挑釁。
我當然反對不單行跑而平排跑的人。
跑單車徑是指好少單車時候才用，不是繁忙時候。

作者: Vrindavan 時間: 2013-8-8 21:41
轉貼其他人的評論︰

講開玩野，雙方牙齒印已經足以令到對方做出挑釁行為，城門河雙橋好多單車友就擺明打橫泊架單車霸晒成條行人路，見有跑步既仲要眼望望挑釁，你霸我條線我又霸你條路，各有各玩。

唔少跑友習慣戴耳機就更危險。

好多單車上行人路

磚路真係得個靚字，但係好傷腳和傷膝，元荃古道既石砌路仲硬，衝完斜之後兩星期相信可以休息。

不過要政府放寬單車徑有難度，一係完全開放比行人，呢個應該冇乜可能，一係非繁忙時間讓單車和行人或跑步既共用，問題係安全否，單車踩踩下失平衡跌低頭撼地或其它硬物死得人既，跑步有幾何會失平衡搞到個頭會撞落地或石牆，所以人單車共用單車徑又係冇乜可能，最後唯有係迫不得已跑步既偷偷地跑下單車徑，例如太過硬既磚地等等。

無謂爭取啦, 香港唔同外國, 大家唔同以共融架. 放棄吧.

行人路其實都唔預人跑步，有無試過跑過阿婆側邊後，俾人話你嚇親佢，又或跑跑下，前面個小朋友忽然轉線，撞到佢既話都幾大件事，嚴格黎講就算運動場都只開放俾緩步跑，唔俾衝圈或練速度，要跑應去荒山野嶺或引水道，郊野公園，渺無人煙都可以

共融？？你講得出都比個讚你。。。而家香港，共融呢樣野越走越遠啦，個個只企係自己面睇，唔識對住面鏡睇。。。

>> 其實一個人靠邊跑單車徑班單車友又唔會太過介意，得閒理你咩，爭拗挑釁無非因為一班不守規矩霸晒成條線練跑既跑友開始

不對，我一人靠邊跑也遇過很多次俾單車友打擾訓話或響鈴挑釁或好貼住我身邊飛過，條單車徑又闊又冷清清。

作者: Vrindavan 時間: 2013-8-8 21:51
有些單車友想法很膠，執著於死板不完善的法例，
來向跑友訓話或挑釁，不懂共融。

作者: little-fish 時間: 2013-8-10 13:25
本帖最後由 little-fish 於 2013-8-11 09:15 編輯

Del............

作者: kinchu 時間: 2013-8-11 05:44
香港係適合踩mountain bike同跑山

作者: meimei 時間: 2013-8-11 15:37
其實有關當局有沒有想過跑手有行人路唔跑要跑單車徑的主要原因｡我想很大原因是行人路鋪晒磚,行路還可以,但跑步却很傷腳｡當局決定要在行人路鋪磚的話事人一定是一個不跑步的人,我想如果在行人路上騰出一至兩呎闊改為鋪紅毛泥,一定有絕大多數跑開單車徑的跑手會改番去跑行人路｡有關當局特登用納稅人D錢把好地地的紅毛泥路改晒磚地令到跑手被迫跑紅毛泥路的單車徑,你話系咪自己捉虫?

作者: victorexpress 時間: 2013-8-12 19:38
跑步, 單車, 兩樣都有玩, 但要在單車徑上跑就不同意, 無論對車手和跑友都是非常危險, 就算行人道上跑步都存在不少變數, 何況比跑步快上不少的單車? 車手並不是個個都技術精湛, 有不少是遇到障礙會騰雞手忙腳亂, 更不用提為數不少的不守規舉, 胡亂切線的單車友!

支持加建跑步徑, 但怎麼也不能同意在單車上跑步

作者: kokyan_lam 時間: 2013-8-12 20:11
點解單車友同跑友會互相佔用對方的路徑? 就係因為單車徑或者跑徑好多設計上都好唔合理! 單車徑好多都係一截截斷開既, 或者有橫置既欄杆; 跑徑或行人路橫穿單車徑, 或太窄, 甚至要同行人, 單車共用, 多不勝數! 而兩者都多有路面不平或沙尼多容易打滑, 呢一個情況下大家又點可能唔去被迫佔道? 好簡單, 城門河馬場果邊既跑徑, 如果迎面有跑友來, 除左行上單車徑外我諗唔到有咩方法可以讓路, 仲要擰頭睇下後面有冇單車駛過來! 唔想咁樣, 可以點樣?

我地既政府, 無論港英定特區政府, 對體育方面何曾有重視過? 起個葵涌公園, 塊地27年來一直曬太陽!

作者: tango 時間: 2013-8-12 21:48
本帖最後由 tango 於 2013-8-12 21:49 編輯

victorexpress 發表於 2013-8-12 19:38
跑步, 單車, 兩樣都有玩, 但要在單車徑上跑就不同意, 無論對車手和跑友都是非常危險, 就算行人道上跑步都存 ...

我都唔贊成跑單車徑, 同樣, 單車都唔應該係踩行人路, 但我住屯門, 常見有單車踩行人路, 我係行人路跑步時都要擰頭睇下後面有無單車黎緊先敢轉跑線

歡迎光臨香港長跑網 - 長跑長友 (https://www.longrun.hk/)