香港長跑網 - 長跑長友

標題: 「全城街馬」：街馬出哲學 [打印本頁]

作者: bunbun 時間: 2014-3-28 07:21
標題: 「全城街馬」：街馬出哲學
蘋果日報 2014-03-28

毅行出哲學：街馬出哲學

香港人曾經相信過渣打馬拉松主辦者──因為交通封路、市民安全、不阻商戶做生意等原因，在香港舉辦馬拉松，天未光起步，42K只有最後1K才可接觸群眾，是有理由的。有些謊言說一萬次，也不能成為真理，因為過去十多年，跑步在香港越來越普及，香港人並且把跑步和另一項香港人最愛──旅遊──結合。在東京、倫敦馬拉松賽道上，四處見到香港人蹤影。香港人親眼看到，馬拉松不應該是這樣，渣馬講大話！

渣馬權貴漠視訴求

馬拉松應該是城市嘉年華，賽道走入社區，與眾同樂，全城參與一項充滿歡樂的活動。東京能，倫敦能，香港不能？熱血跑友口誅筆伐，傳媒也加入這場討論，香港能否擁有一個引以為傲的馬拉松？可是，香港人發現在馬拉松這課題，他們碰上堅硬無比的高牆。這高牆代表可能是香港最厚顏無恥的一群人，叫體育權貴。香港體育界儘管不停出現令人震驚的不合理事情，這麼多年來，體育權貴位置穩如泰山。體育權貴依照自己一套方式做事，對外界及運動員要求，充耳不聞，因為權貴認為只有他們最清楚，甚麼最適合香港體育界利益。渣馬權貴被揭發涉嫌利益衝突，冇有怕，因為權貴權力來源，從來不是公眾。你有你鬧，渣馬繼續它做事方式，渣馬逐漸變成一項被四方八面抨擊的盛事。

這故事去到這裏，本應完結，因為渣馬權貴厚顏神功太厲害，不過故事峯迴路轉，因為有三個人特別不服氣，認為靠把口或支筆鬧，是無用，他們決定付諸行動，以行動向港人展示，渣馬不是適合香港的唯一方式，馬拉松有其他可能性。這三個人是「全城街馬」（Run Our City）創辦人：張亮、魏華星和梁百行。

全城街馬三子不是採取抗爭方式去打擊渣馬，而是身體力行舉辦另一項長跑活動，以行動證明馬拉松的其他可能性。他們不是靠鬧，反而是做足渣馬權貴認為只有他們做得到的事情，例如與區議會、警察、醫療、交通部門、贊助商戶、技術支援等單位協調磋商，以合作方式舉辦一項五千人參加的長跑比賽。上星期日，全城街馬證明馬拉松不一定須天未光起步，工作人員不一定呼呼喝喝，賽道不一定是大橋隧道。全城街馬證明親人朋友一同參與的嘉年華會，是很開心。還不止，全城街馬是具延續性的社企，除了舉辦比賽，它宗旨是以跑步改變人生，特別是年輕人。有興趣朋友，請瀏覽全城街馬網址：http://www.runourcity.org。

渣馬權貴此時一定是藐藐嘴：「搞個10K賽，就也文也武，班細路太天真。」渣馬權貴，你們企穩，地下有條裂痕。

蔡東豪

http://trailwalkerasphilosophy.blogspot.com

作者: PiTA 時間: 2014-3-28 08:37
" … 在東京、倫敦馬拉松賽道上，四處見到香港人蹤影"

我相信我同好多香港跑友一樣，都嘗試過抽倫敦馬拉松好多年但都係無一次成功。筆者話喺 "倫敦馬拉松賽道上，四處見到香港人蹤影"？我真係唔知邊個 "講大話"，邊個 "厚顏無恥" !

作者: 大文DaiMan 時間: 2014-3-28 08:54

PiTA 發表於 2014-3-28 08:37
" … 在東京、倫敦馬拉松賽道上，四處見到香港人蹤影"

我相信我同好多香港跑友一樣，都嘗試過抽倫敦馬拉松 ...

Did you sound a little too garbled? He said "在東京、倫敦馬拉松賽道上，四處見到香港人蹤影。" Not only in London's.

作者: PiTA 時間: 2014-3-28 09:59

大文DaiMan 發表於 2014-3-28 08:54
Did you sound a little too garbled? He said "在東京、倫敦馬拉松賽道上，四處見到香港人蹤影。" Not o ...

我都係引用番筆者嘅原文啫。當然，佢都有講到東京馬拉松，雖然我無提東京但係唔代表我否定筆者對東京馬拉松嘅觀察。至於倫敦，我就唔認同嘞。

我相信有智慧嘅讀者係唔需要我再多講都能夠領略到我想帶出嘅要點，so I rest my case.

作者: ahleung 時間: 2014-3-28 11:23
獨立對個別賽事的批評意見，是為對它既愛之又緊之表現。不約而同眾方群起而樹之以敵地批鬥，而明顯相比下受益是另外同一賽事，難免令人懷疑這等對比的批判，有否背後人士志在要改變事實的真實性而為之？有句話「真的我不需多說，向你不停的說的不用置疑是假話」！且可能帶有擄掠利益性的！

作者: water 時間: 2014-3-28 12:37
事實證明香港搞長跑並唔係田總專利，有心人搞多個馬拉松大家都歡迎。不過如蔡東豪講搞個10km又使唔使大鑼大鼓啊？係咪主辦單位識多啲傳媒日日講幾次就變成真理？

作者: Glad222 時間: 2014-3-28 13:53
又一篇貶低別人抬高自己的文章，令人反感。
無可否認觀塘 10 Km 街道賽為我們帶來很多新的衝擊
業界可以好好沉澱和借鑑，力求進步
可惜蔡東豪語帶恐嚇的文字，猶和怨婦般時而潑辣，時而譏諷
實在令人討厭

講真：請觀塘10K主辦者設計三條分別是42、21和10k 的賽道，既要走跑時間不在清早、地點在鬧市、容納六七萬人、同日舉行、沿途有市民打氣...... 看看他們交甚貨色出來？

良性互動、理性溝通、同步成長不是更好嗎？

作者: alexlau 時間: 2014-3-28 15:15
這篇文章的重點, 是說很多香港人去過世界各地跑馬拉松之後, 他們明白香港馬拉松有很大的改善空間. 他們嘗試和田總等主辦單位反影, 但最後賽事都沒有很大的進步. 於是這班有心人便走出來另起爐灶, 希望辦到一個理想的香港馬拉松. 他們想用行動証明, 主辦單位聲稱的困難, 不是不能克服的.

文章最後一段, "渣馬權貴此時一定是藐藐嘴：「搞個10K賽，就也文也武，班細路太天真。」渣馬權貴，你們企穩，地下有條裂痕。" 是想說這只不過是一個開始, 他們會繼續努力, 証明給主辦單位看, 不是做不到, 只是他們不去做.

看到樓上一些朋友的comment, 我很想提出幾點討論一下.

1. 很多人對全城街馬主辦單位的動機有懷疑, 能說出他們有什麼實際利益嗎?

2. 如果你的志願是做警務署長, 起碼要由見習督察開始. 現在便批評他們第一個主辦的賽事只是一個10k賽, 不是馬拉松, 會不會太苛刻呢. 事實上, 渣馬也要到第4年才有3個不同距離的比賽. 始外, 作為第一次主辦10k賽事, 確已經比很多其他本地10k賽事出色.

3. 如果他們真的辦到一個令很多市民一同參與的市區馬拉松, 那對改善香港長跑賽事的質素, 鼓勵市民運動的風氣, 加強人與人之間的距離, 不是很有幫助嗎? 最後得益的, 還不是我們香港跑友和大眾市民, 那我們不是應對他們加以鼓勵, 提出正面的意見嗎?

作者: hifilo 時間: 2014-3-28 15:58
Anyway, support competition in fair and square manner. Support Runourcity. So far, well done.

作者: armanchi 時間: 2014-3-28 19:51
筆者的訴求是：馬拉松應該是城市嘉年華，賽道走入社區，與眾同樂，全城參與一項充滿歡樂的活動。

這個訴求，不是渣馬賽會能提供的，是全香港市民來提供的。東京倫敦是全城參與而香港不是，有相當大程度是因為社會文化差異、跑步文化差異。筆者只覺得外國的月亮份外圓就埋怨渣馬賽會，我覺得是不公平的。渣馬賽會在香港這路少車多人多環境搞一個馬拉松真不簡單，需要動用多少警力人力物力。

要全城參與？很簡單，叫政黨在比賽當日系屋村搞D“觀賽團”，拍下月餅咪得囉。

其實，對於真正跑者的真正訴求，估計筆者也不清楚。跑者真的需要系跑緊個陣"全城參與"?

作者: Hennatalk 時間: 2014-3-28 22:02
本帖最後由 Hennatalk 於 2014-3-29 08:03 編輯

這個賽事，終於舉行及結束了。自己很期待知道當天的狀況，因為想知道主辦者的誇誇奇談，是否如我所料，自己的搬石頭擲自己的腳。先申報，我不支持這賽事，當然沒有參與，但我會抽身以一個觀察者看。
大會一直說，香港賽事（尤其渣馬）沒有氣氛，它強調兩大原因：一是開跑太早，甚少人能起身打氣；二是渣馬禁人打氣。大會將開跑時間推至八時半，又鼓勵打氣。但可惜，從師兄們拍下的照片，我找不到很多自發來打氣的市民（大會請的，當然不計，他們不能支持它的論點）。這現象，可以證明平時大會說的一套，不攻自破。也如我所想，這賽事，跟許多在香港八點開跑的十公里，實分別不大，這結果也很正常。只是大會不斷吹擂，在跑場稍有資歷，也清楚明白。大會經常以氣氛去攻擊別人，自己卻不能做到預期的氣氛效果，我覺得是失敗多於成功。

作者: Hennatalk 時間: 2014-3-28 22:20

alexlau 發表於 2014-3-28 15:15
這篇文章的重點, 是說很多香港人去過世界各地跑馬拉松之後, 他們明白香港馬拉松有很大的改善空間. 他們嘗試 ...

https://www.longrun.hk/thread-22153-1-1.html

大家意見都在這

作者: luiwai5 時間: 2014-3-29 00:18
5000人同超過50000人既比賽規模是完全兩回事,
唔知點解ㄧ定要以早開跑呢樣黎抽渣馬水.
而且唔覺跑街有乜特別吸引, 值得不斷強調?
其實做好自己咪得, 點解ㄧ定要啄住渣馬咁小家?

作者: luiwai5 時間: 2014-3-29 00:20
5000人同超過50000人既比賽規模是完全兩回事,
唔知點解ㄧ定要以早開跑呢樣黎抽渣馬水.
而且唔覺跑街有乜特別吸引, 值得不斷強調?
其實做好自己咪得, 點解ㄧ定要啄住渣馬咁小家?

作者: divejy 時間: 2014-3-29 10:44
咬人唔放是宣傳技兩之一

作者: wlau 時間: 2014-3-29 11:39
講真... 由蘋果同主場新聞做今次官方傳媒開始, 都知係劍指乜人..

成個比賽咁多問題, 生果就避而不問, 但創指田總同政府就口誅筆伐乜都齊..

俾著係親中團體攪這個比賽, D 收入去向唔清唔楚就已經日日見報啦.. 所謂慈善, 但D 錢去晒創投公司先.. 扣除一切開支, 先再捐出去.. 捐俾邊D 公司, 要俾我地D 跑友炸爆佢FB , 先講會捐俾邊類既機構, 係邊類.. 而唔係指定..

五千報名果度更神奇.. SPORTSOHO 同佢FB 俾人問到唔答重點問題, 就早早話FULL 左.. 之後就不停搵D 工商團體叫佢地派隊出賽.. 咁果五千個位FULL D 乜呢?

我唔反對有人有心有力攪比賽, 亦都好支持真心攪比賽既人, 但唔好講到好似得佢地有心攪..好似除左渣馬, 就係得佢地咁.. 香港仲有其他更大型既比賽 , 仲有其他有心攪比賽團體.. 唔好講到好似得佢地..

作者: ahleung 時間: 2014-3-29 12:05
「在東京、倫敦馬拉松賽道上，四處見到香港人蹤影。」我想筆者所言的香港人會有幾多個？1.幸運抽到的有幾多個？2.而又減去辨認到又有幾多個？（全靠衣著）再減與多相遇又幾多個？數字真可誇啊！一是筆者將大部日本人誤認、或是筆者吹水作大不經大腦！

作者: chtang 時間: 2014-3-29 23:07
其實只係一個普普通通的10K跑，係唔應該作到咁大，收咁貴。加上再藉隹NGO名義，就會令人更反感。就我而言，跑步主要係鍛練身體，挑戰一下自己，有沒有人在旁打氣，俾食物和飲品，根本就不重要。

作者: alexlau 時間: 2014-4-1 12:19

armanchi 發表於 2014-3-28 19:51
筆者的訴求是：馬拉松應該是城市嘉年華，賽道走入社區，與眾同樂，全城參與一項充滿歡樂的活動。

這個訴求 ...

什麼是真正的跑者? 我個人認為, 只要能在路上跑, 不論他/她是用雙腳, 單腳或輪椅, 不論他/她是快或慢, 不論他/她是全力以付或輕鬆進行, 只要是用自己的力量去完成賽事, 他/她就是一個跑者. 那你可以告訴我什麼是跑者的真正訴求?

香港人事事講求效率, 對自己沒有利益的事, 一般都很冷漠. 就算下一年的馬拉松在尖沙咀, 旺角跑, 相信也不會有很多人出來打氣. 但是不是就放棄不去嘗試改變?

要做到像東京倫敦等馬拉松, 的確不是主辦單位要做便做到. 但他們有嘗試嗎? 難道真的不可以多給輪椅選手5分鐘嗎? 不可以仔細分開起步時間, 將快慢選手分開起步嗎? 有需要對自發派食物的市民也百般阻撓嗎?

"全城參與" 難道不是一件好事嗎? 除非你不認同這理念, 否則實在不明白,為什麼不單只不鼓勵他們, 還對他們冷嘲熱諷.

作者: alexlau 時間: 2014-4-1 14:26

Hennatalk 發表於 2014-3-28 22:02
這個賽事，終於舉行及結束了。自己很期待知道當天的狀況，因為想知道主辦者的誇誇奇談，是否如我所料，自己 ...

我也沒有參與這個10k, 因為對於我來說, 該賽事是否適合做pb比較重要. 這個像嘉年華會式的比賽, 不是我喜歡的類型. 但對於他們的理念, 我卻是非常支持.

你說得對, 開跑太早和賽程的設計, 的確不是沒有氣氛的主要原因. 沒有氣氛的主要原因是香港的跑步文化和香港人的冷漠. 這絕對不是渣馬主辦單位要做便做到, 也不是一時間可以改變過來的事. 但他們有去做什麼去改變這文化嗎?

要做到"全城街馬", 絕對不是主辦1個10k賽就能改變過來. 正如蔡東豪先生所言, 這只不過是一個開始. 他們的目的是改變香港跑步文化, 令香港馬拉松可以比美東京馬拉松. 當然, 他們還有很長的路要走. 但在這個時間去判斷他們是成功或失敗, 是不是沒有意思呢.

其實最不明白的, 難道我們香港人不想有一個如東京馬拉松的高質素比賽嗎? 如果想的話, 不是應該對他們加以鼓勵嗎?

作者: alexlau 時間: 2014-4-1 14:39

ahleung 發表於 2014-3-29 12:05
「在東京、倫敦馬拉松賽道上，四處見到香港人蹤影。」我想筆者所言的香港人會有幾多個？1.幸運抽到的有幾多 ...

東京馬拉松可從大會資料得到.

"第八屆東京馬拉松計有36,000人參加。其中外國人數共計4,038人，又以台灣人1,676人位居第一，參加人數位居第二、第三的分別是美國（697人）及香港（619人）。" (資料來源: 運動筆記)

作者: timduncan 時間: 2014-4-1 15:20
Why don't respect each others?

"其實做好自己咪得, 點解ㄧ定要啄住渣馬咁小家?"

I totally agree

作者: timduncan 時間: 2014-4-1 15:29
本帖最後由 timduncan 於 2014-4-1 15:31 編輯

大家包容好D

作者: alexlau 時間: 2014-4-1 16:03
其實有不同意見是正常, 如大家能理性地, 對事不對人地討論, 絕對是有益的.

除非批評的都不是事實, 否則把做得不夠好的, 可以改善的拿出來討論, 怎算是"啄住"呢?

作者: timduncan 時間: 2014-4-1 16:05
大家都喜歡跑步，是同道中人。
尊重別人就等於尊重自己。

不應有門户之見。

作者: timduncan 時間: 2014-4-1 16:39
Alex 講得好。
最重要是對事不對人。

作者: armanchi 時間: 2014-4-1 19:01

alexlau 發表於 2014-4-1 12:19
什麼是真正的跑者? 我個人認為, 只要能在路上跑, 不論他/她是用雙腳, 單腳或輪椅, 不論他/她是快或慢, 不 ...

全城參與，對我黎講，有系bonus，無亦OK。At the end，跑步都系跑自己。

作者: alexlau 時間: 2014-4-2 18:06

armanchi 發表於 2014-4-1 19:01
全城參與，對我黎講，有系bonus，無亦OK。At the end，跑步都系跑自己。

如果你享受跑步, 覺得這是一件有益的事, 不是應該推薦給你身邊的人, 向推廣跑步的團體表示支持嗎? 香港跑步文化的問題, 正是"跑自己"這種想法.

作者: water 時間: 2014-4-3 12:01

alexlau 發表於 2014-4-2 18:06
如果你享受跑步, 覺得這是一件有益的事, 不是應該推薦給你身邊的人, 向推廣跑步的團體表示支持嗎? 香港跑 ...

易地而處，咁渣馬唔係做同一樣野，仲做得仲好咩？點解有d人鬧到主禮嘉賓係邊個都要鬧，到最後自己又請高官去走步？當然渣馬問題多多，但某些人既批評已經係無理。所以我話最好有人搞多個，香港又唔係有法例只搞一個馬拉松，田總又冇阻住另一d人搞…

作者: fullysettle 時間: 2014-4-3 14:05
渣馬盡管還有很多不如意的地方，但為何總要與其他地方馬拉松比較？唔係好多人有時間同金錢可以去各地參加馬拉松，所以不少人都以渣馬賽事作為一個目標。你可能會講，真係熱愛就唔同講法，出去多走走多見識，我無言。跑步，當然係跑自己啦，難道要同職業選手比拚？可能我孤陋寡聞，我很少聽到跑友們會為一場比賽提出個別單挑較勁。跑步當然係一件賞心樂事，值得與人分享，但跑步並非運動的全部，只可推薦，不可勉強。我不強求有嘉年華式的賽事，我不太需要有人沿途吶喊，我希望參加的人都係有心去完成一項賽事的人，而非沿途拍照留影的參加者。

作者: alexlau 時間: 2014-4-3 15:15
其實我不太明白你的回應跟我說的"跑步文化"有什麼關係. anyway, 我嘗試回應你的意見.

首先, 想講講渣馬做得好和可改善的地方. 主辦一個如此大型的賽事, 的確絕不容易. 渣馬在效率上, 賽事程序安排, 和資訊發放, 都是做得非常好. 但是, 他們卻欠缺從跑者和他們相關的人的角度去關心他們的需要, 在賽事執行上也欠缺人情味.

全城街馬要主辦的賽事, 就是要針對渣馬在這方面的不足. 作一個比喻, 渣馬就好像2008年北京奧運開幕表演, 華麗而有效率但欠缺人性. 全城街馬的目標就像2012年的倫敦奧運會開幕表演, 表演者是歡樂的, 他們沒有整齊一致的千人操, 但整個表演都洋溢著歡樂與人性, 感染著觀眾.

很難說那一個較好. 這完全是取決個人喜好. 但如閣下所說, 最好是他們去搞能另外一個馬拉松, 一個以人為本的馬拉松. 選擇多了, 最後得益的, 還不是我們香港跑友.

從傳媒看到的文章, 或者在這裡討論的跑友, 都發現相方都有一些用詞不客氣, 或只是針對某一,兩點的偏激言論. 如果大家都是希望香港跑步文化得到改善, 比賽的水準愈來愈進步, 是不是不應該只是紏纏在這些沒有意義的指責?

作者: alexlau 時間: 2014-4-3 15:43

fullysettle 發表於 2014-4-3 14:05
渣馬盡管還有很多不如意的地方，但為何總要與其他地方馬拉松比較？唔係好多人有時間同金錢可以去各地參加馬 ...

和其他馬拉松比較, 便可以明白有什麼可以改善的地方. 從來也沒有叫人走出香港跑馬拉松.

你所說的跑自己, 是挑戰自己. 如挑戰自己最快或耐力的極限等. 但跑步不應只是為了挑戰自己. 可以玩cosplay, 可以宣傳環保, 可以為了身體健康, 甚至可以只是趁熱鬧輕輕鬆鬆地跑. 所以賽事也不應單一的模式. 比賽後的嘉連華會, 可以為跑者和他的家人朋友歡渡一過愉快的早上.

可能閣下是一個每一次比賽都全力而付, 努力特破自己的跑者. 所以對一些抱著耍樂心態的跑者不以為意. 但只要主辦單位能認真地執行和分開快和慢的選手起步時間, 那他們便可以共存而不影響對方.

作者: water 時間: 2014-4-3 16:19

alexlau 發表於 2014-4-3 15:15
其實我不太明白你的回應跟我說的"跑步文化"有什麼關係. anyway, 我嘗試回應你的意見.

首先, 想講講渣馬做 ...

其實可唔可以具體講下點欠人情味？

其實唔係我地冇意義指責，我係見到有d傳媒濫用自己權力，日日講到渣馬垃圾不如，參加者係白痴比人X。我地冇聲出既一群只係喺個forum仔表示渣馬並唔係佢地所講咁差啫。你要鬧就鬧嗰d亂咁寫既寫手啦。

作者: alexlau 時間: 2014-4-3 17:15

water 發表於 2014-4-3 16:19
其實可唔可以具體講下點欠人情味？

其實唔係我地冇意義指責，我係見到有d傳媒濫用自己權力，日日講到渣 ...

如阻撓自發派食物的市民, 對輪椅選手的苛刻限時, 賽道上補給不足, 欠缺選賽者個人特色的資料(如碼布, 場刊沒有選手名字) 等等.

當然, 如我之前的留言, 主要是因為香港跑步文化和香港人的冷漠. 要改變, 是需要長時間的宣傳和教育市民. 不是主辦單位要做便可以做到, 雖然有些事他們是可以做卻沒有做.

我自己也是他們口中一個"比x"的跑手. 他們有些用詞確是過份, 但我信相會花時間在這個forum的朋友, 都是熱愛長跑和希望香港長跑比賽愈來愈進步. 所以這幾天我也花了不少時間和大家討論. 望大家減少言語上的紛爭, 想想什麼才是真正令香港跑手得益的.

我明白不會所有人也同意我所說的, 但我一直盡量保持平和,客觀的心態和大家討論, 實在不希望有人覺得我在這裡"鬧"人.

作者: marcoyip 時間: 2014-4-4 00:56
It is fantastic if families members, friends cheer you in the roadside when you are in road racing. No doubt most recreational runner dream about it. Road race with a carnival is not bad idea too!
However it is disgusting to see the way Mr. Choi (if the above article is said by him) bully the organizer of Hong Kong Marathon.
The message he want to deliver is hatred, conflict, injustice, distrust of authority (actually politicalized the issue which is really meaningless).
What Mr. choi's article said is not relevant to man who love to run but the interest of next Kwun Tong 10K

作者: wlau 時間: 2014-4-4 02:12
本帖最後由 wlau 於 2014-4-4 02:17 編輯

alexlau 發表於 2014-4-3 17:15
如阻撓自發派食物的市民, 對輪椅選手的苛刻限時, 賽道上補給不足, 欠缺選賽者個人特色的資料(如碼布, 場 ...

我覺得, 如果攪街馬係真心為跑, 就唔應該不停發動傳媒戰來講到自己幾有心, 但又不停去對其他比賽帶有攻擊性既心態, 尤其係街馬既官方既傳媒蘋果及主場新聞為街馬不停出D 社論來批評渣馬, 當官方媒體不停去批評對手既時候.. 我睇唔出, 點解其他人要客氣咁對番街馬既攪手?
你指好多人針對街馬幾點來講, .. 但你同樣指出渣馬有不足既都一樣係來來去去果幾點... 現在既街馬, 只係一個假市區比賽, 係一個可以話無車無人既地方攪.. 連假期都唔多的士肯入既郵輪碼頭攪, 完完全全觸動唔到真正市區比賽最核心既問題...交通封路同阻人上下班等.., 用五千人同六萬人來比較, 10 公里同全馬既比較.. 究竟有乜公平可言呢?
我完全唔反對街馬既推廣.. 但這種咁政治抺黑式既推廣, Sorry, 我完全唔認同同接受........

作者: chuen3182 時間: 2014-4-4 07:26

wlau 發表於 2014-4-4 02:12
我覺得, 如果攪街馬係真心為跑, 就唔應該不停發動傳媒戰來講到自己幾有心, 但又不停去對其他比賽帶有攻擊 ...

絶對同意！看看今日730報又如潑婦駡街，應該完結了的事，現在舊事重提，漫駡⋯⋯炒作。(我都無興趣睇咯)

作者: water 時間: 2014-4-4 08:54

alexlau 發表於 2014-4-3 17:15
如阻撓自發派食物的市民, 對輪椅選手的苛刻限時, 賽道上補給不足, 欠缺選賽者個人特色的資料(如碼布, 場 ...

號碼布，場刊那些都係錦上添花，做到當然好做唔到都唔算欠人情味吧。加上我見香港有得自訂號碼布既比賽（之前將軍澳同呢次街馬），其實大半跑手都唔會寫自己個名上去，寫都係寫個英文名多… 同其實日文好多比賽加個名係要另外比錢的…

派食物，賽道支援的確要改善，不過我覺得呢d野係執行問題多於決策。冇蕉問題相信係因為之前好多人鬧d蕉比半馬既人食晒，於是水站d人收埋d蕉之後派，所以跑4個鐘既冇蕉食反而5個鐘既有蕉食。呢個我覺得係有得改善既，例如，我跑完真係已經唔要條蕉了，d食物不如放晒去水站啦。歡樂滿港馬事物都係溝通問題啫，可能當事人唔覺得係…我都係食佢地d野同佢地high5希望以後仲見到佢地…

輪椅賽，呢樣就真係冇乜野講喇，真係做得幾肉酸。其實我覺得大會真係唔想搞於是hea搞。每次渣馬前我都見到好多輪椅選手去將軍澳d單車路同track練習都覺得佢地好有恆心，如果大會搞到佢地好似阻住人地不如唔好搞喇。

即係我覺得，渣馬的確如師兄講好多問題，有d真係對選手不公。不過我會考慮佢好多野都係因為賽道時限問題。只要有咁多人就會出現。例如，塞人並唔係因為全馬太多人，係因為半馬同全馬時間撞，呢樣野一係半馬同全馬分開跑一係大量減少半馬人數（或者cut左半馬）。分開跑又冇可能叫半馬既11點先開跑唔係一定熱死，咁cut人啦，唔講大會賺少左，跑手參賽機會少左都時唔知有乜反應了。

其實講咁多野，都係想講，辦個全馬有好多野要考慮，尤其是而家香港做乜都會有人鬧既，渣馬係咪好多問題？係。渣馬差到要執左佢？唔係。係咪跑橋就冇人情味？絕對唔係。你話香港菜唔夠日本菜好食，最簡單就係開檔日本菜，而唔係一年365叫檔香港菜收檔。

最後，我由頭到尾都冇覺得師兄搵交嗌，我都覺得唔駛對個新比賽咁harsh（其實我一句都冇鬧過個街馬），不過師兄都要明白網友咁大反應都係有原因既。

作者: alexlau 時間: 2014-4-4 10:58

wlau 發表於 2014-4-4 02:12
我覺得, 如果攪街馬係真心為跑, 就唔應該不停發動傳媒戰來講到自己幾有心, 但又不停去對其他比賽帶有攻擊 ...

首先, 渣馬和街馬不是對手, 以香港近年對跑步比賽參與的提升, 他們是可以共存的.

根據從宣媒看到的資訊, 他們是曾經向田總反影意見, 但結果卻沒有太大的改善, 所以他們在用語上, 的確看到對田總有點恨意. 作為一個普通市民, 實在不知道誰是誰非. 所以師兄不滿他們在文章上用語和立場, 我沒有意見.

沒有一件事會獲得所有人贊同, 所以, 正如我之前的留言, 我只是希望透過在這裡的討論, 讓大家想想, 什麼才是對香港跑步運動有益的. 因此, 我一直都沒有主動去抨擊渣馬的不足 (對渣馬的批評, 只是回應師兄們的提問), 也沒有說街馬做得有什麼好. 老實說, 要不停的指責對方做得不足的地方是很容易, 但對跑步比賽的進步, 卻沒有什麼幫助.

其實我一直也不主張去比較渣馬和街馬, 他們的理念, 規模, 性質都不同. 而且渣馬已經有了18年經驗 (2014是第18介), 去比較一個擁有18年經驗的人和一個第一年出來社會工作的人, 是絕對不公平的.

事實上, 他們不應視對方為對手. 如果街馬能夠成功, 他可能是一個香港各大小比賽的借鏡, 對改變香港跑步文化, 可有革命性的改變.

作者: water 時間: 2014-4-4 11:16

alexlau 發表於 2014-4-4 10:58
首先, 渣馬和街馬不是對手, 以香港近年對跑步比賽參與的提升, 他們是可以共存的.

根據從宣媒看到的資訊 ...

渣馬係咪乜都冇聽？10km轉地方，加長比賽時限，港島路線變，水站姐姐驚你悶同你打氣，完賽派獎牌。師兄唔好聽得多就覺得佢冇吋進。

你睇下am730你話邊個想同渣馬比喇。都係嗰句，如果佢係一個普通10km比賽係做得好好，但有人係要同渣馬咁咪同渣馬比囉～

作者: alexlau 時間: 2014-4-4 11:26

water 發表於 2014-4-4 08:54
號碼布，場刊那些都係錦上添花，做到當然好做唔到都唔算欠人情味吧。加上我見香港有得自訂號碼布既比賽（ ...

多謝師兄的意見. 很高興看到一些對事的討論. 其實渣馬的好與壞, 在其他的地方已經討論了千百次, 我想都不用再花時間了. 我絕對贊同要主辦一個如此大型的比賽是絕不容易. 尤其是看過鏗鏘集那個講述渣馬準備和善後工作的那一集, 真的要對所有參與的工作人員敬禮.

我明白各師兄為什麼對街馬有關人等不滿. 但希望各位在批評一部份人之餘, 不要連他們所做的和他們的理念, 也因為不滿他們的言論而一并否定. 我個人真的希望街馬能夠成功, 到時, 其他比賽可以互相參考而互補不足. 如果比賽進步了, 選擇又多了, 參與跑步的朋友又多了, 那最後得益的, 還不是我們一眾跑友.

作者: wlau 時間: 2014-4-4 11:58

alexlau 發表於 2014-4-4 10:58
首先, 渣馬和街馬不是對手, 以香港近年對跑步比賽參與的提升, 他們是可以共存的.

根據從宣媒看到的資訊 ...

對街馬, 我帶左一點反感既原因係佢收費上同人數報名以及一開始就好似講到香港得佢地有心攪比賽等既問題. 因為佢標榜慈善賽, 我係FB 問過佢地幾次, 會有幾多百份比俾到D 受助機構, D 喜年華同演唱會(演唱會後來有寫贊助商)有幾多係受贊助等.. 但佢地都迴避左個問題.
現在佢話有四千多人報名, 當佢二百元為一人來計.. 咁都有差不多一百萬, 佢話扣除一切開支, 但D 開支係乜, FB 唔答, 現在亦無交代, 傳媒只係不停繼續口誅筆伐渣馬(今日AM730 仲暗示埋其他比賽都唔及街馬等), 好似只為這個比賽貼金咁..
而報名人數更係一個奇怪.. 當FB 佈滿好多唔同既提問, 要求佢地交代既時候, 突然話全部報名FULL 晒, 而且一次過出左好多其他既官方信息, 去將所有提問推到極低.. 版面突然變得好和諧, 但之後不停收到唔同公司被要求組隊參賽訊息, 我亦被朋友問有無興趣幫佢地公司跑..咁是否真係一早滿左額呢? 定為左逃避問題, 而草草CLOSE 左公開報名呢?
原本諗住結束左場比賽, 我就只係睇下會唔會交代番D 錢既去向, 清清楚楚有一大份去到受助機構到既, 我下年就會支持佢地..
點之係之後連續不斷既傳媒攻擊..究竟係傳媒良心起, 插港馬, 定有人借自己同某D 友好傳媒既關係來攻擊另外D 主辦機構 , 我相信一路有留意開件事既人.. 係自然會心知肚明...

作者: 大力 時間: 2014-4-4 14:51
支持平價比賽, 以前一年總有三五個青蟹比賽, 最近紅衫魚居多, 想不到季尾以大牛結束, 無言。

南區長跑會, 希望妳 2014/15 繼續舉辦青蟹10K賽, 等經濟能力稍差嘅人同學生哥都可以參加。仲有, 妳今年件紀念 T 好正!

作者: wlau 時間: 2014-4-4 14:56

alexlau 發表於 2014-4-4 11:26
多謝師兄的意見. 很高興看到一些對事的討論. 其實渣馬的好與壞, 在其他的地方已經討論了千百次, 我想都不 ...

我並唔否定他們所做既, 姑勿論佢地係真心定想為名, 但現在既傳媒窮追猛打, 好似要置對手於死地既心態是否有必要呢?
如果佢地有心吸納意見, 我覺得唔係咁囉.. 似係要為自己既不足, 搵其他對手來轉而視線咁..
今次AM730 用HKTV 來例子, 係想借HKTV 既不平來比喻自己係受迫害咁.. HKTV 事件觸動好多人既神經..
咁既比喻, 好易令人有一種先入為主既心態..從而不能宏觀睇每件事..

作者: tango 時間: 2014-4-4 16:20
心中有佛，所見皆佛，心中有惡，所見皆惡

以事論事，唔好咁陰謀論喇

作者: fullysettle 時間: 2014-4-4 16:29

alexlau 發表於 2014-4-3 15:43
和其他馬拉松比較, 便可以明白有什麼可以改善的地方. 從來也沒有叫人走出香港跑馬拉松.

你所說的跑自己, ...

師兄的觀點很令我費解，一方面你說自己沒參加街馬，因「該賽事是否適合做pb比較重要，這個像嘉年華會式的比賽, 不是我喜歡的類型」，我說跑步跑自己，師兄又不同意，認為「但跑步不應只是為了挑戰自己，可以玩cosplay，可以宣傳環保，可以為了身體健康，甚至可以只是趁熱鬧輕輕鬆鬆地跑，所以賽事也不應單一的模式」。其實師兄咁支持街馬的理念，為何不放下做pb的想法，去玩下cosplay或者學你話齋趁熱鬧輕輕鬆鬆去跑以示支持呢？
我從不反對跑者在跑道上拍照留念，因為他/她們覺得係盛事，難得可參與其中（絕對是我片面想法），所以閣下末段的講法，我100%贊同，如有得罪之處，懇請見諒。

作者: wlau 時間: 2014-4-4 17:13
本帖最後由 wlau 於 2014-4-4 17:25 編輯

tango 發表於 2014-4-4 16:20
心中有佛，所見皆佛，心中有惡，所見皆惡

以事論事，唔好咁陰謀論喇

既然以事論事, 又何需借另一個已經俾大部份人假設左係被政府迫害既 HKTV 事件做例子呢?
以事論事, 但現在佢地只單向地批評, 抬高緊街馬三子名聲, 而無將街馬既問題正式分析過... 一方就隱惡揚善, 另一方就隱善揚惡, 正如上面既ALEX 兄所言, 外人唔知, 只看D 社論, 唔知其中事件, 咁事件會變成點呢?
我只會覺得, 香港現在好多三人成虎既事件.. 佢有可能會成為另一個...
心中有佛, 所見皆佛,
是不是陰謀論, 同樣已記在閣下既心中.

作者: alexlau 時間: 2014-4-4 17:26

fullysettle 發表於 2014-4-4 16:29
師兄的觀點很令我費解，一方面你說自己沒參加街馬，因「該賽事是否適合做pb比較重要，這個像嘉年華會式的 ...

我嘗試用兩個比喻回應你.

1. 我喜歡吃日本菜, 但我也會吃中菜, 西餐, 韓國菜等. 只是有選擇時, 我會選日本菜.

2. 我贊成素食比較健康, 但不等如我便要素食.

我想說的, 每個人都有自己跑步的喜好與理由, 跑道的闊道應該是很寛闊的, 可以容納不同目的的人. 你可以只是跑自己, 但跑步這運動不應只是包括跑自己的人.

作者: alexlau 時間: 2014-4-4 17:39

wlau 發表於 2014-4-4 14:56
我並唔否定他們所做既, 姑勿論佢地係真心定想為名, 但現在既傳媒窮追猛打, 好似要置對手於死地既心態是否 ...

凡事總有動機和目的, 可能我比較簡單, 如果他們是為名利, 以他們本身在社會上的地位和名聲, 我實在覺得他們有更多比較易和回報更大的方法.

所謂日久見人心, 我信相日後大家便知道他們的意圖.

作者: alexlau 時間: 2014-4-4 18:02

wlau 發表於 2014-4-4 11:58
對街馬, 我帶左一點反感既原因係佢收費上同人數報名以及一開始就好似講到香港得佢地有心攪比賽等既問題. ...

收費問題, 我也覺得他們的做法不太好, 之後的早報優惠, 我個人覺得可能大家對480元的報名費有很大的反彈, 所以立即推出這優惠"補鑊". 始終他們都沒有經驗, 所以做得不好. 不妨看看下一次他們有沒有改進.

至於慈善款項問題, 其實他們在facebook已有說明給那一些慈善機構. 但今日只是比賽後兩星期, 如果師兄已經想了解至如會計紀錄般仔細, 會不會要求太高呢.

至於今天在am730的文章, 我建議師兄看看主場新聞的文章, 這會有較全面的睇法. 簡單來者, 他們批評的, 不只是田總, 還包括政府和香港的跑步文化. 你可能不同意他的論點, 但我個人覺得他是在批評整個跑步文化而不單止是渣馬.

http://thehousenews.com/personal ... %E8%A1%97%E9%A6%AC/

作者: wlau 時間: 2014-4-4 18:29

alexlau 發表於 2014-4-4 17:39
凡事總有動機和目的, 可能我比較簡單, 如果他們是為名利, 以他們本身在社會上的地位和名聲, 我實在覺得他 ...

每個人有利後, 就自然想有名, 係無可厚非,
但連續不既傳媒廣告, 多個電視台既上鏡率及對另外既主辦機構窮追猛打...對某D 問題既迴避
就令我覺得佢唔係只係有心 PROVIDE 一個FOR FUN 既比賽咁簡單..
三人成虎後, 日後所聽, 都只會有一個曾經出現過老虎既事實而唔係傳說..
以上我都只係個人感覺...可能只係眾人皆醒我獨醉.

作者: armanchi 時間: 2014-4-6 10:42

wlau 發表於 2014-4-4 14:56
我並唔否定他們所做既, 姑勿論佢地係真心定想為名, 但現在既傳媒窮追猛打, 好似要置對手於死地既心態是否 ...

"點解一定要靠踩渣馬抬自己?" - 原因很簡單，搵market leader黎“挑機”加“對比”乃常用的市場推廣策略，可以迅速被關注、製造話題、提高知名度，達到marketing 的目的。
各大運動用品生產商已經鋪排好，跑步用品消費未來幾年全球都會爆發性增長，系呢個area A記、N記、甚至特記等等個個都想插旗。你當我系小人之心都系甘話，搞個賽事有嗮marketing plan ＋ strategy，搵嗮名人／寫手日日出稿，目的何在，呼之欲出。
其實你有熱忱也好，有目的也好，系香港多搞幾個比賽，當然對跑者黎講一定系好事，可以多左選擇。但系我真唔鍾意呢個比賽系甘踩低人黎自己上位，踩渣馬，覺得賽會管理層好有問題、好廢，每個人嘅看法唔同，fine；但系，唔該唔好踩低當日嘅工作人員、義工、維持秩序嘅警員，甚至跑手，唔好一個鍾意，要promote自己個比賽啦，就一句否定渣馬當日所有人嘅參與、付出同努力。

作者: chuen3182 時間: 2014-4-6 11:21

armanchi 發表於 2014-4-6 10:42
"點解一定要靠踩渣馬抬自己?" - 原因很簡單，搵market leader黎“挑機”加“對比”乃常用的市場推廣策略 ...

十分同意，搞好比賽，有麝自然香。
點解係都要踩低別人，抬高自己，這行為做任何事都是要不得的。

作者: ChowChow 時間: 2014-4-6 23:17
本帖最後由 ChowChow 於 2014-4-6 23:22 編輯

好乞人憎的比較, 令人生厭的宣傳方法, 街乜馬呀, 咪又係10K, 學乜人講理念, 極醜惡
香港跑步文化係乜？原來參加啲比賽喺遠少少就係俾人奴隸化咗？痴筋
我去跑個啟德工廠區跑個爛鬼街馬遠過我入大尾督呀

作者: alexlau 時間: 2014-4-7 15:07

armanchi 發表於 2014-4-6 10:42
"點解一定要靠踩渣馬抬自己?" - 原因很簡單，搵market leader黎“挑機”加“對比”乃常用的市場推廣策略 ...

師兄, 他們的言論主要是針對田總和香港跑步文化. 公平點. 他們沒有否定工作人員的付出. 如果是對人不對事的批評, 除了可以發洩一點個人不滿, 實在看不到有什麼好處.

"唔該唔好踩低當日嘅工作人員、義工、維持秩序嘅警員，甚至跑手"

作者: water 時間: 2014-4-7 16:20

alexlau 發表於 2014-4-7 15:07
師兄, 他們的言論主要是針對田總和香港跑步文化. 公平點. 他們沒有否定工作人員的付出. 如果是對人不對事 ...

http://thehousenews.com/personal/澳牛的黃昏-渣馬版/

“大會職員趕人的臭臉”
“因為，你知道，你係特登跑渣馬畀人 X 的。”

作者: alexlau 時間: 2014-4-7 17:27

water 發表於 2014-4-7 16:20
http://thehousenews.com/personal/澳牛的黃昏-渣馬版/

“大會職員趕人的臭臉”

這是一篇兩個月前的文章, 內容是講述作者對渣馬的不滿, 全篇完全沒有提到街馬.

你提出的, 是整篇文章的一句, 作者講的是2012年渣馬的情況. 如果作者說的是事實, 也只是說其中一個工作人員的不禮貌, 用這個來說街馬主辦單位完全否定渣馬, "踩低當日嘅工作人員、義工、維持秩序嘅警員，甚至跑手". 這是不是斷章取義?

還有, 據我所知, 這文章的作者是一個街馬支持者, 不是街馬搞手之一. 如果我錯了, 多謝指正.

作者: water 時間: 2014-4-7 17:58

alexlau 發表於 2014-4-7 17:27
這是一篇兩個月前的文章, 內容是講述作者對渣馬的不滿, 全篇完全沒有提到街馬.

你提出的, 是整篇文章的 ...

你覺得佢係講個別人員，我就覺得佢講晒所有人員同跑手喇，師兄你係要拗我都冇你乎。個作者可能冇同一篇文鬧工作人只同捧街馬，但咁樣又重要咩？師兄，你可能覺得網友對人不對事，不過蔡生呢檔野都唔咁都叫對事不對人？做人公平d好。

作者: alexlau 時間: 2014-4-8 17:11

water 發表於 2014-4-7 17:58
你覺得佢係講個別人員，我就覺得佢講晒所有人員同跑手喇，師兄你係要拗我都冇你乎。個作者可能冇同一篇文 ...

咁樣講啦, 我從來冇話過街馬支持者的言論是對事不對人. 我一直提出的, 是希望師兄們不要因為不滿他們的言論, 便連他們的理念和所做的一概否定.

大家再花時間在言語上的爭拗是沒有意思的. 就由師兄們自己判斷什麼才是對香港跑步運動有益的.

作者: armanchi 時間: 2014-4-9 18:21
長跑，其實真系一個好簡單、好公道、好講求自我紀律與修為嘅運動，你無練，儲唔夠里數，你就做唔到時間，或者跑唔完。道理非常簡單，一D都唔複雜，亦都複雜唔到。

跑全馬個陣，去到30幾40K，比人過左頭，會踩油谷上去追，走一段，去到尾唔夠跑，會同自己講要再練多D，心裏邊會佩服過左我頭嘅人，良性競爭，no hard feeling；反之，過左人頭，唔會笑人，因為人地同自己一樣已經付出左好大嘅努力，先黎到呢個距離。

跑步，去到尾，都系跑自己。

明者自明。

作者: cc6236 時間: 2014-4-9 22:33
點解係東京馬拉松, 倫敦馬拉松, 而香港就是渣馬

作者: wlau 時間: 2014-4-10 14:19

cc6236 發表於 2014-4-9 22:33
點解係東京馬拉松, 倫敦馬拉松, 而香港就是渣馬

其實.. 渣馬係大家用左個贊助來叫..
全名都係渣打香港馬拉松, 新聞都係叫番香港馬拉松就算..
所以叫港馬, 同香港馬拉松, 其實都OK,

歡迎光臨香港長跑網 - 長跑長友 (https://www.longrun.hk/)