香港長跑網 - 長跑長友

標題: 点解?不明!! [打印本頁]

作者: kktsui 時間: 2014-9-23 09:16
標題: 点解?不明!!
点解香港的跑友喜歓要来日本参加那些又貴又要抽選的馬拉松、人頭勇勇、連来回機票也貴、其実日本由南到北、基本上毎個星期都有形形式式的賽程、有全馬、半馬、比全馬還要長的也有、有平路、有上高落底、還有越野、各位可以依自己的假期、也可以選機位淡季、跑完還可以去観光、連香港仲未有団去的景点看看、各位有何意見?　我所知、有網友也一個人也来玩過日本的地方全馬、那賽事只有她一個外国人参加。

作者: shogikin 時間: 2014-9-23 09:23
香港人一般不會看日文呀
要報名,搞住宿
非國際賽都不是容易參加

Kin in Running

作者: kktsui 時間: 2014-9-23 09:42
不是国際賽也有好多有英文版

作者: Samuel 時間: 2014-9-23 09:50
我都有參加第十屆富山清流馬拉松……全場就得我地4件香港人……

作者: Samuel 時間: 2014-9-23 09:56
今年去咗跑波蘭馬拉松，全場就只得3個香港+中國……
點解參加大賽係可以理解的，面對文字、文化嘅陌生，人會有不安感……

作者: 柔詠 時間: 2014-9-23 18:05
錦有無多d日本冷門好馬介紹？最好有中/英文官網……等我們多d選擇，thx.

作者: 柔詠 時間: 2014-9-23 18:09
師兄，你呢隻富山馬好玩嗎？點報名？

作者: minmin 時間: 2014-9-23 19:09
師兄請post D 賽事link出嚟啦!!!好有慶趣玩D冷門D嘅比賽

作者: wlau 時間: 2014-9-23 19:56
本帖最後由 wlau 於 2014-9-23 20:02 編輯

因為有D 比賽連英文都未必有提供, 報名亦用唔到佢地網上報名, 之前見過幾個比賽, 佢地既網上報名, 只可以選日本既地區, 無其他或海外選擇, 如果係外國人, 要另外SEND E-MAIL 去問.... 咁自然令大家對果個比賽卻步..
例如我提過的熊本城馬拉松咁..

https://www.longrun.hk/thread-24061-1-1.html

沒有海外報名版面, 要另外電話或FAX 去查詢, 對我D 日文唔得, 英文半桶水既人來講.. 真係會好想去跑, 但又得過睇字..

作者: wlau 時間: 2014-9-23 20:03
我估你講果個係小叻師姐

作者: felixcat 時間: 2014-9-23 21:48
究唔朋D香港跑來跑去都係去日本咯，世界咁大，一張日本機票分分鐘可以飛歐洲啦。
歸根究底，香港人生活繁忙，有時間都抽左去練跑，去旅行仲要自由行就百上加斤，又要睇機票諗行程，再加埋海外跑馬，除了能力以外，又要計劃又要適應時差、天氣等問題，簡直係千上加噸，你估話咁易咩！明未？

作者: wlau 時間: 2014-9-24 00:56

felixcat 發表於 2014-9-23 21:48
究唔朋D香港跑來跑去都係去日本咯，世界咁大，一張日本機票分分鐘可以飛歐洲啦。
歸根究底，香港人生活繁忙 ...

去日本機票好多時千幾有交易... 連埋酒店..三千頭..可以三日來回...
去歐洲..幾平既機票連稅都要五千或以上...去得歐洲就無可能三, 四日來回.. 當六, 七日PLAN連埋食宿..一皮野一個人走唔甩.....
所以日本同東南亞馬係香港人比較易參加既比賽...

作者: PiTA 時間: 2014-9-24 05:57
跑冷門馬拉松另外一個要克服嘅問題係交通。世界各地熱門嘅馬拉松大部份都喺交通發展得完善嘅地區/城市進行, 外國參賽者都好容易座公共交通工具去到/離開比賽場地嘅。冷門馬就好難講啦。

我兩年前跑過 "Energizer Night Race 2012", 比賽起點&終點喺舉行一級方程式賽車 Sepang International Circuit. 初時我以為地點好近Kuala Lumpur, 誰知出發去地點時至發現由KL市中心去Sepang 賽道係要先坐機鐵去到機場，然後再轉車坐的士去目的地！去到嗰度我就發現 : 1 我係全場唯一一個非馬來西亞/新加坡籍嘅參賽者，2 Sepang 賽道係無巴士&的士站，除咗我之外，其他所有參賽者都係自己/有人揸車來往比賽場地嘅，同埋 3 我跑完之後都已經過咗KL機場運作時間，坐車返機場都無用！

自此之後，我發誓以後見到喺偏遠地方進行嘅馬垃松我都唔敢去！

作者: felixcat 時間: 2014-9-24 06:56
本帖最後由 felixcat 於 2014-9-24 10:25 編輯

wlau 發表於 2014-9-24 00:56
去日本機票好多時千幾有交易... 連埋酒店..三千頭..可以三日來回...
去歐洲..幾平既機票連稅都要五千或以 ...

師兄我唔係想駁你，我亦明你意思，不過用去日本最平嘅機票計，當然係去日本平，而所謂歐洲，亦不一定係英法德，所以我唔係想一概而論。

以我個人計，我玩過北海道馬拉松，機票五千幾加平往東橫Inn，同一價錢我去咗俄羅斯嘅西佰利亞跑半馬，夠冷門啦(零下廿度添)又夠偏僻，一個中國人都冇，係橙同蘋果咁完成不一樣，不過後者就費好多心力去報名同準備。

另外師兄話去得跑又不如玩埋，呢樣係另一條數，唔能夠計埋一齊。利申：我經常去台灣、日本參加比賽活動，都係今日去聽日比賽完返，又要順便玩埋當然得，不過講緊又平又慳時間又可以參賽，當然要有所取捨，但選擇依然有好多。

作者: felixcat 時間: 2014-9-24 07:01
本帖最後由 felixcat 於 2014-9-24 10:26 編輯

minmin 發表於 2014-9-23 19:09
師兄請post D 賽事link出嚟啦!!!好有慶趣玩D冷門D嘅比賽

呢個夠唔夠冷？我打算參加呀

http://www.absolute-siberia.com/en/pages/ice_marathon.html

作者: tango 時間: 2014-9-24 09:24

felixcat 發表於 2014-9-24 06:56
師兄我唔係想駁你，我亦明你意思，不過用去日本最平嘅機票計，當然係去日本平，而所謂歐洲，亦不一定係英 ...

同一價錢我去咗俄羅斯嘅西佰利亞跑半馬
=== === ===

好有興趣喎, 真係咁平, 可否給大家多些有關資料?

回樓主, 點解你覺得跑友喜歡參加又貴又要抽既日本馬拉松, 在我而言, 唔好話歐洲咁遠, 東南亞都有好多馬拉松選擇, 雖然在日本跑過4次, 但又唔係特別喜歡, 反正有其他選擇;
不過, 就算唔跑馬拉松, 日本都係不錯既旅遊地方

作者: teruteru 時間: 2014-9-24 09:38
其實都唔想駁，但看了數次都唔明你問乜？所以問下~~~

1. "点解香港的跑友喜歓要来日本参加那些又貴又要抽選的馬拉松"???

1.1 何以見得香港人到日本的比例比其他國家 (如中國/台灣) 高？
1.2 何以見得香港人去日本的比例比去其他國家 (如中國/台灣) 高？
1.3 日本同級馬拉松的收費真係比其他國家同級貴？
1.4 參加這些比賽的香港人真係覺得貴？

2. 為何要去日本，我今年第3年出去跑馬，永不會選日本，小日本~~~

作者: kktsui 時間: 2014-9-24 10:03
正呀　香港人真喜歓頂頚　我無説過去日本的比例給中国、台湾多、参加費貴不貴那就看各人的銭包大与小（＾ｖ＾）

作者: Samuel 時間: 2014-9-24 10:09
本帖最後由 Samuel 於 2014-9-24 10:25 編輯

柔詠發表於 2014-9-23 18:09
師兄，你呢隻富山馬好玩嗎？點報名？

我經以下網站報
スポーツエントリー｜アマチュアスポーツ大会の検索＆参加申込みはこちら！ - http://www.sportsentry.ne.jp/

有好多日本賽事……
富山市今年有自己嘅市馬拉松啦……
我地之前個清流馬係係運動公園進行，並非市內，好彩自己揸車就方便，如果坐車就唔知點算……個賽事係走3圈，走走都幾悶，不過多嘢食，有菠蘿、西瓜、橙……又有簡單sushi……之後去浸溫泉……一流……所以我鍾意去日本

作者: Samuel 時間: 2014-9-24 10:14
去邊玩都係想開心咋，無謂計較邊樹好唔好啦……

作者: felixcat 時間: 2014-9-24 10:23
本帖最後由 felixcat 於 2014-9-24 10:27 編輯

tango 發表於 2014-9-24 09:24
同一價錢我去咗俄羅斯嘅西佰利亞跑半馬=== === ===
好有興趣喎, 真係咁平, 可否給大家多些有關資料?

之前報導過喇，去S7網站買機票，經莫斯科去顎木斯克，由香港去莫斯科又坐返國泰，價錢相差幾千蚊。
https://www.longrun.hk/thread-20536-1-1.html

作者: tango 時間: 2014-9-24 16:35

felixcat 發表於 2014-9-24 10:23
之前報導過喇，去S7網站買機票，經莫斯科去顎木斯克，由香港去莫斯科又坐返國泰，價錢相差幾千蚊。
http:/ ...

多謝分享,
冰天雪地相信會是很特別的經驗

其實我去日本的都唔貴, 6千至9千已經連報名費機票及全程使費
當然, 其他亞洲城巿還有更便宜的

作者: minmin 時間: 2014-9-24 21:30

felixcat 發表於 2014-9-24 07:01
呢個夠唔夠冷？我打算參加呀
http://www.absolute-siberia.com/en/pages/ice_marathon.html ...

好凍喎!!!!

作者: 小叻 時間: 2014-10-6 23:33
其實無咩好爭拗, 跑馬仔好隨心而行, 各取所需, 有的想要快路做時間, 有的想要出名的, 有的要湊熱鬧, 有的要冷門, 有的要多野食, 有的要好口啤, 有的要多紀念品, 有的想順便玩埋, 有的跑完即走, 有的喜歡跟團不用煩, 有的喜歡自己PLAN, 有的要有人陪...

以上咁多樣, 其實我都試過, 起初喜歡跟團, 跟一班人出去玩, 選快路做時間, 所以去咗N次廈門和台北...
而家喜歡自己PLAN, PLAN旅行都是樂趣, 尤其是可以自由行, 慢慢玩.

好像最近在台灣跑兩個第一屆舉辦的馬拉松, 杉林溪森林馬和桃園國門之都馬拉松, 前者只得6個香港人, 後者得我一個, 兩個風景都好美, 但超多鈄, 慢慢跑, 拍拍照才最享受~

不過兩個交通都很不方便, 加上我要玩景點, 於是花時間在交通上, 甚至賽前視察場地, 搵餐廳都行咗幾K, 想做時間就不合適. 而且賽前取號碼布等, 訂住宿, 都是遇上不少困難, 但最後完成到行程, 又好有滿足感!

又例如上次去日本榛名湖跑馬仔, 如果唔係得徐師兄幫忙, 我雞同鴨講都麻煩, 不過都幾得意丫~

因為一年去10次以上, 旅費都是考慮, 以前少放假就每年都去歐洲跑, 有假就想去遠D, 但現在東南亞機票真是平和吸引, 就去多幾次, 不過假期就要就住駛~

歡迎光臨香港長跑網 - 長跑長友 (https://www.longrun.hk/)