香港長跑網 - 長跑長友

標題: 談奧運跑手路易故事「銀行界長氣袋」重英雄 [打印本頁]

作者: bunbun 時間: 2014-9-23 09:52
標題: 談奧運跑手路易故事「銀行界長氣袋」重英雄
http://blogcity.me/blog/reply_bl ... 20821&id=667242
頭條日報 2014-09-23

談奧運跑手路易故事「銀行界長氣袋」重英雄

馬拉松季節又開始啦，Kelly身邊唔少CEO朋友都加緊做Gym同埋練跑，不得不提其中一位「銀行界長氣袋」張樹槐，佢曾到過世界各地完成四十五個馬拉松同遠征挑戰賽，佢最近喺網上發文，大談奧運跑手路易．任貝里尼嘅感人經歷，真係「識英雄，重英雄」。

金融界係人都知道張樹槐熱愛跑步﹗現職恒生銀行傳訊及企業可持續發展總監，唔單只擔任多項公職，亦係多所學院嘅顧問，運動方面亦非常了得，曾經喺世界各地完成四十五個馬拉松同遠征挑戰，亦係首位跑完珠峰馬拉松的香港人！認真巴閉！

二戰曾做日本戰俘

一講跑步，張樹槐有好多心得，佢就分享美國奧運跑手路易．任貝里尼嘅傳奇故事，路易嘅故事最近仲被安祖蓮娜拍成電影。路易幼年時喺加州做小偷，喺偷竊過程被人追捕，發現自己跑得快，踏上運動員之路，後來參加二戰，慘成日本戰俘，曾被仇恨蒙蔽，計劃去日本殺死仇人，後來諗通咗，變身勵志嘅演講者。

張樹槐話，自己熱衷於馬拉松，唔只敬佩路易嘅跑步成就，對佢逆境求生嘅無限勇氣、信仰嘅堅持，以及超越常人的寬恕心都非常欣賞。

Kelly聽完都覺得值得大家學習，希望多啲人可以透過跑步，改變人生啦！

歡迎光臨香港長跑網 - 長跑長友 (https://www.longrun.hk/)