寄件者: problem_olp (原始留言) | 傳送時間: 2007/12/30 下午 04:30 |
今次比賽我其實事前無報名亦都無諗住玩,點知元朗有個姨姨報左10km又唔想玩,於是由我代跑 30km九點起步而10km則九點半,由於石崗好近元朗,第一次玩比賽7:45仲可以係屋企睇電視嘆早餐 入到郊區地方,天氣寒左好多,不過乾乾地幾好跑 無幾耐就撞見Kwan仔、 lawrence、阿霆...三個人都係玩30k,搞到我都心癢癢想跑理一份 等30k起晒步,我才施施然除衫熱身,今次真係無麥人跑,頂多二百幾人 由起步到turning point都跑得唔錯,一心以為50分內完成,點知回程不久,左腳就想抽筋(可能星期四做了interval),不得不停了一陣,俾好多人過我 last 2km仲俾個師奶過埋, 最後以均速走回終點,時間51分,都算唔錯 睇番成績,可能今年唐家欣、蔡雯斯都無黎,如果我有報名的話,應該有杯攞 對上一次跑路賽已經係nike的事,成個月無參加比賽,人都懶了,無麥心機練...今次玩完石崗,信心大增,d鬥志又開始返黎啦! 各位AAC會友,都要加油啊! 元旦1/1 我打算去跑長洲,可以即場報名,有無人有興趣??? |
歡迎光臨 香港長跑網 - 長跑長友 (https://www.longrun.hk/) | Powered by Discuz! X3.2 |