香港長跑網 - 長跑長友

標題: 有個怪人每早在花墟公園跑步 [打印本頁]

作者: leehyalbert 時間: 2009-2-3 21:56
標題: 有個怪人每早在花墟公園跑步
我一個星期都會有五日練長跑, 因為旺角無田徑場或長跑徑, 所以去花墟公園(近旺角大球場)練, 但是有一現象, 已經出現了好久, 就是有一怪人(佢每日都跑), 佢有兩樣同常人唔同既野, 第一, 正常人跑圈都係逆時針跑(我上網查過, 係有科學根據的), 但係佢係順時針, 重係唔慢果隻. 第二, 重有就係跑完之後, 就會係度大叫好多聲(果時係清晨六時左右), 我有幾次就俾佢嚇死. 就算果度附近無住宅, 因為果度都好多人晨運, 如果附近有D人一個唔該, 會俾佢嚇死!

有無跑有都遇過類似的情況呢?

作者: ivanbaby 時間: 2009-2-3 23:53
下..我間唔中都會順時針跑...有咩問題

作者: kenneth 時間: 2009-2-3 23:57
提示: 作者被禁止或刪除內容自動屏蔽

作者: hobbywet 時間: 2009-2-4 05:37
標題: 回復 1# 的帖子
香港乜人都有

作者: alexywk 時間: 2009-2-4 07:42
其實跑圈應該要經常要轉換方向跑步, 一時逆時針跑, 一時順時針跑, 尤其係跑運動場跑圈, 因為跑圈時會令某一隻腳長時間受力, 容易受傷, 如逆時針跑, 轉彎時左腳會受力較大, 所以到運動場跑圈, 內圈會見到D人逆時針跑, 而外圈會順時針跑, 咁就唔會相撞。

作者: cu83 時間: 2009-2-4 08:37
唔通大聲叫可以練好氣d??

作者: leehyalbert 時間: 2009-2-4 09:43
標題: 回復 5# 的帖子
但係我係網上查過好多資料(不過唔係好記得網址), 逆時針跑既好處係同人個生理結構有關, 所以田徑場既設計都係逆時針跑.

作者: 瘋瘋 時間: 2009-2-4 09:52
提示: 作者被禁止或刪除內容自動屏蔽

作者: yaldaboath 時間: 2010-4-6 14:15

原帖由 leehyalbert 於 2009-2-3 21:56 發表

 登錄/註冊後可看大圖

我一個星期都會有五日練長跑, 因為旺角無田徑場或長跑徑, 所以去花墟公園(近旺角大球場)練, 但是有一現象, 已經出現了好久, 就是有一怪人(佢每日都跑), 佢有兩樣同常人唔同既野, 第一, 正常人跑圈都係逆時針跑(我上網 ...

我知你指邊個，這個跑手已經在那裡很多年了，呢個post係一年前o既，2010年佢都仲晌果度做早操啊…
由我中三時已見到他… (大約12年前, 那時我偶爾會清早去跑幾個圈…但沒下決心)，即係佢可能在那裡跑 12 年以上了… 逢假日就不見踪影。(感覺上佢12年後真係無乜變老到)
在花墟運動場晨運的老友記都有跟他打招呼，相處不錯的…(相反我到現在也不知應該跟晨運的老友記打招呼…試過一次，佢地無應我，於是就唔再試…只係點頭就算…亦唔知佢地見唔見到)
佢會放嗓門練氣，只是有時較為大聲…有點像在理工大學對著街大叫練聲的那批人…間中也有老友記會興起唱下歌咁(但少見)…

作者: chisuet 時間: 2010-4-6 15:30
維園早上也不時有晨運客大嗌幾聲早晨, 半個維園都聽到.
正如樓上講應該是放嗓門練氣.
都習慣左, 也不覺得那是怪事.

作者: CharlesAF 時間: 2010-4-6 18:02
將軍澳運動場我都見過有位伯伯拉筋時會大叫一聲
怪又唔算好怪既......只不過少見多怪

作者: breakice 時間: 2010-4-6 20:07
順跑逆跑都可以，如果唔滿意，通知場地主管係冇用既，可以打電話搵警察屈佢係恐怖份子拉佢坐監。

作者: 拜仁之魂 時間: 2010-4-6 22:19
順時針跑係冇問題,因為if跑慣逆時針會對隻foot唔係幾好,so要跑下順時針,我有時都跑順時針

作者: 拜仁之魂 時間: 2010-4-6 22:21
元朗park every day 都有人大叫係morning個時

作者: imofean 時間: 2010-4-7 12:14
我住果度以前都有個伯伯朝早會大叫，成個屋村都聽到。聽佢講話係練氣功時一種吐息方法。後來因為俾人投訢，所以就冇再做

歡迎光臨香港長跑網 - 長跑長友 (https://www.longrun.hk/)