大家好,,我有d野想請教大家,,雖然有d長,,但希望有人可以指點下我!!
首先我介紹一下自己先,,,小弟讀書果陣成日踢波(著白飯魚),,到左出黎工作之後就好似無時間踢,,但想keep 住運動,,所以轉左跑步,,
岩岩跑果陣都係著白飯魚跑開街(果陣大約19歲),,大約50-52min完成10k(一星期3次,逢1,3,5跑),,但愈跑就愈愛跑步,,開始想對自己好d,,買左第一對跑鞋 "米豬龍"..咩型號就唔知!!
初時都好似平時咁keep住輕鬆跑50min左右10k(一星期3次,逢1,3,5跑)..但愈跑就愈想進步,,直至上年(21歲),,,我開始唔跑街..因為我想計時睇下幾耐完成10k,,所以轉左去運動埸跑(貪佢可以計住里數同埋有個大時鐘,方便我計時,,我係極簡單跑步既人,,咩gps心率手表工具都冇,,只有一雙跑鞋同一條跑褲走天下,,)
轉左去運動埸跑果陣,,我就開始我自己構思出黎既方法訓練,,我既方法就係 : 跑25圈=10k,,每次跑果陣早一個圈加速,,例如第一次去跑就均速跑24個圈,,之後第25個圈加速,,再下一次去跑就均速跑23個圈,,第24,25個圈都要加速跑,,以此類推加上去,直至加到全部圈都快速跑(跟住就又用呢個方法繼續循環練,,只不過下次既均速跑要比上次快)
我自問好勤力,,,只要一放左工,,就算33度-34度都會去跑(因我收工時間唔定,,有時下午,,有時晚上..逢1,3,5風雨不改),,雖然呢個方法唔係每次都有進步,,但係經過2個月左右(過程好辛苦,,因為果排成日30度或以上,咁岩我收工又係3點左右,,都頂硬上去跑)..我平均都可以45min左右完成10k,,有幾次試過42-43min,,,但之後就一直無進步!!
我開始諗我既方法係咪有問題,,之後上網睇一下資料,,見到有人話要先練步頻,,後練步距,,我又跟住練180步頻,,練到180步頻再練步距,,我係聽mp3 180節拍器音樂練,,但練左2個月,,時間仲慢左平均46min完成10k..而且未試過係44min以內完成,,,令到我開始想轉方法練!!
就係琴日,,我咁岩係運動埸認識左位前輩,,我同佢講我既情況,,而我既目標就係想 : 1,令到自己可以40min以內完成10k (當然愈快愈好,,不過40min已經好滿足),,2, keep fit 同 健康 (因為我好喂食,,一日食成4-5餐,,零食甜野肉類乜都中意食,,如果唔跑一個星期肯定肥死),,而我可以付出既時間都係照舊 逢1,3,5,,每次2小時,,因為我2,4,6都會用2小時去做體能(掌上壓,sit up,引體上升,雙鋼,,俯後撐等)
果位前輩聽完,,就教我要做長課同短課訓練(我平時都有上網聽過下咩tempo tran,,心跳率,長課,短課果d,,但其實唔知係d咩,,因為我跑咁耐都係一個人跑,,冇同伴,冇跑友,冇加入跑會,冇比賽,,所以冇試過有人親身同我講解過呢d有系統既訓練) ,佢同我講長課我只要均速跑12k左右就得,,因為我個目標只係練10k,,,而短課就係 400米 要用1:30完成,,之後用1:30休息,,初時做5次,,之後慢慢加上去..加到15次左右,,就轉800米,,1000米,,當然轉左800,1000米之後完成時間,休息時間 同次數都會更改,,佢話短課練到1000米對我10k黎講已經好夠,,唔洗再升上去2000米 ,,3000米等,,講講下果位前輩因為有事夠鐘閃人,,而我跑步從來唔帶電話,,拎左佢電話都唔記得左,,所以好多野問唔切佢!!
我聽完之後我就諗住咁做,,逢 1,5 做 短課 ,,星期 3做長課 (因為我聽落去覺得短課比較練到野,,所以一星期3次訓練中佢做2次,,而長課做一次,,而且短課佢話會辛苦d,,所以我放係 星期1,5做,,長課擺星期三當休息)
各位前輩我跟住呢套方法練有冇問題呀??或者有冇前輩有其他方法指點小弟??(大前提都係一星期3次,,每次2小時以內,,而目標都係40min以內完成10k 同 keep fit ) ,,,如果我跟住呢個方法練,,我就要買隻手錶(我見好多post 都話d訓練錶有好多功能,,因為練短課要計時之用,,而咩心跳率果位前輩無提到,,可能唔記得提 或者唔需要 同埋 怕我唔識呢d野),,各位前輩有冇手表推介比小弟(只要功能配合到我訓練既需要,,貴d都沒所謂,,當然平靚正更好) 希望各位前輩可以指點下我,,順便講下我個人資料,,,小弟今年22歲,,身高167,,57kg,,多謝各位!!
|
發表於 2013-7-14 12:30:40
收藏
分享
Like
Unlike
分享
發表於 2013-7-14 13:24:18
樓主
發表於 2013-7-15 10:59:31
)C HING我呢個PLAN好唔好,,或者有冇更好的PLAN俾小弟??? 
jhk
