賽後投票---2013-11-10 ASICS香港10公里挑戰賽

shogikin

賽後投票---2013-11-10 ASICS香港10公里挑戰賽
細則: 只供有報名參加跑手投票

以10分為最高

投完票後, 請登出個人評分及就比賽給予簡評及/或意見
請登出個人跑評及個人評分及各個細項(可因應個人喜好增減)
格色如下 eg:
總分8 (賽道設計8, 賽事安排 8, 日期時間9, 紀念品7,收費6,氣氛9)

比賽後數日內開始
投票後討論,按情況關閉.各項細則,可按情況更改
投票結果及評論,只反映跑友意見,與本網立場無關

長跑傑

跑前後要行成K去拎/放行李... 中間就放ASICS宣傳攤位....

Attam

總分7 (賽道設計8, 賽事安排 6, 日期時間8, 紀念品7,收費7,氣氛7)

放行李的地方有別往年, 但現場指示不清楚, 又要走很遠才到.

Hennatalk

呢個10K，我是常客，雖然唔係年年跑，但我在以前Nike年代，己經參加，真懷念以前跑完有雪條食。我未見過今年咁差，行寄區安排古怪，人人都要經過所有的區，唔怪得啲人，散唔到啦。又少人手，欠標語指示，我身旁有幾個人，相信第一次玩，一路上起跑區，一路問，是否開跑了？開跑遲了，也不去通知後面啲人，很易使人迷惘嘛！
問心，其它10K賽，正不斷進步，氣氛、禮品、安排，正求突破。呢個，希望改善一下啦！

alvinz

總分6 (賽道設計8, 賽事安排 4, 日期時間8, 紀念品7,收費6,氣氛6)
玩左三年，今年安排最差。冇左消房局入面空地，少了地方熱身，而且大會舞台位置及成績公佈位置也因為此改動而少了氣氛。
往年好多跑友都想早上線，不過今年唔知咩事07:50先放人上天橋起跑線，但消防居對出已經企滿人。好多跑友又因為行李安排排不到上前列位置（要行到起跑線k幾先寄到行李），可能是令起跑時後面跑友心急往前衝令人跌倒原因之一。
上到起跑線，完全冇氣氛可言，遲開始不特只，冇MC，冇廣播，大家都唔知咩事係度等，到08:1x突然聽到雞聲先知開始左。

波波池

玩左四年，今年安排最差。
因早上線等了約45分鐘，更改起步時間沒有通知各跑手。
寄仔及取行李又行一個圈才能回，沒有明確的指示。
沒有換衫位置(如帳篷)因下雨。

JIMTSE

今年田總真係搞得好混亂！沒有了上年的規律:
優點:賽道一如以往，全程高底起伏，可以讓跑手盡情使出訓練後的成果。挑戰一流！舉辦商的廣告讓跑手試新鞋並送襪，供參加者拍照的地方頗多。
缺點:往年擺放行李區域設於消防局側之大型停車場空地内，但今年卻搬到外面的公跑上，令到擺放區要分散及要U turn才可到其它區域！指示不足！要令參加着冒雨下找尋！洗手間設施不足！六千人的比賽只有數十個洗手間！參加者冒雨等廁！供熱身的地方不足，令到參加者要到離起跑區若一公里外熱身！上線没有規矩，只封鎖一面，有其它跑手在正式上線時從左側賽道打尖上線！賽事延遲的通知不足！讓四十分區後的地方聽唔到！
天氣加上賽道及安排令到今次有很多高手表現失準，未能真正做到香港挑戰賽，失敗的一年！

fd092901

得一個 "亂" 字!!!!

shirley7806

總分：5.5（賽道設計7, 賽事安排 3, 日期時間6, 紀念品4,收費6,氣氛7）
港島出發，已搭頭班車，去到已7:45，寄行李，亂到9 彩，無指示，問工作人員女跑手邊度？叫我向前行，但行咗好耐只見男的，唔對到，再問，果條友答我無分男女架，你睇冧把啦。。。。。再前行，唔妥，再問，終於有個答到我，你應後行再U turn..........頂！就開跑你仲要我U turn？？？抱住個行李跑。。。。。想爆粗！！
要試鞋先有襪送，仲話送晒。。。。。多謝晒！
條路好多石仔，踩到大鑊！

chris11

今年大會安排勁混亂

hifilo

總分6 (賽道設計8, 賽事安排 4, 日期時間8, 紀念品7,收費6,氣氛6)
冇左消房局入面空地，少了地方熱身，而且大會舞台位置及成績公佈位置也因為此改動而少了氣氛。
往年好多跑友都想早上線，不過今年唔知咩事07:50先放人上天橋起跑線，但消防居對出已經企滿人。好多跑友又因為行李安排排不到上前列位置（要行到起跑線k幾先寄到行李），可能是令起跑時後面跑友心急往前衝令人跌倒原因之一。
上到起跑線，完全冇氣氛可言，遲開始不特只，冇MC，冇廣播，大家都唔知咩事係度等，到08:1x突然聽到雞聲先知開始左。
X2

bbtbb

總分7 (賽道設計7, 賽事安排 6, 日期時間8, 紀念品7,收費7,氣氛8)