2017.01.22 石垣島馬拉松

wlau

沖繩本身有好多馬拉松比賽，石垣島馬拉松係其中之一
由於近台灣既關係，除左本身既直航，那霸轉機，台灣都有飛機飛去，而報名費勁平連埋admin fee 都係五千二yen
有興趣感受下小島既寧靜，值得去玩下

不過好多沖繩馬都有一個特色 就係無完賽毛巾，石垣都唔例外，但就有一個好特別既陶瓷製完賽牌，都幾有特色

以下為官網，想報名可以入application 果一版，因為報名系統係sportentry, 如果本身有跑過那霸或其他沖繩馬，一login 就有齊你既舊資料只係入番d 電話等同俾埋錢 ，唔駛五分鐘就報完。

p.s 小弟已報


http://www.ishigakijima-marathon.jp

wlau

tsaugary 發表於 2016-12-7 11:35
水哥，我希望2018跑呢隻馬，可否將你今次準備的行程分享一下？

HI, 我最後JOIN 左四日三夜既行程(因為香港直航無快閃)
第一日去到石垣, 大約中午十二點左右, 國外機場得香港機(台灣要夏季有機) , 所以國外COUNTER 入境要好耐, 而因為石垣係個島仔, 無乜大型運輸工具, 巴士都好少, 最好有車牌租車會好玩D.
個島仔細細, 環島一個圈(車) 都係幾個鐘就完.  個島境點就唔多,只玩垣, 連埋跑, 三日乜都得,  但如果玩埋D 外島, 同水上活動(但都凍凍地同大浪, 唔怕凍先會落水), 就好可能要留多三, 四日.
因為時間關係, 四日行程只有一日去左竹富島這個外島, 這個島主要交通工具都係單車, 大家可以租來玩, 成個島, 連埋D 好靚既海灘, 玩一日都夠, 半日就趕D , 可以係島上留宿, 因為成個島無乜屋, 光污染無乜, 夜晚如果無乜雲, 應該會超靚既星空睇(但可惜, 我留果三晚都超多雲) ,
果度既主食係石垣牛, 蕎麥麵等, 刺身有, 但唔係主食, 夜晚八點幾好多鋪都CLOSE 左, 不過仲有FAMILY MARK .
比賽日既氣氛都唔錯, 香港因為係當日最多既外地跑手, 所以用左日文, 國語同英文強調左幾次. 補給足, 但另外既補給就唔太多, 肯定無那霸同金澤咁豐富. 但個比賽境既賽道好多位都好靚, 會企定定係度影相.

總括而言, 佢係一隻值得推介既休閒馬, 大家唔想跑千篇一律, 太過都市化既比賽, 真係值得去跑下.

wlau

tsaugary 發表於 2016-12-7 11:35
水哥，我希望2018跑呢隻馬，可否將你今次準備的行程分享一下？

HI, Sorry, 咁遲先答你, 因我都未PLAN
只係買左機票直去石桓, 六去二返, 其他行程...到時先算.. HAHA
跑完返來再DETAILS D 講解啦

terrylkc

名已報 + 錢已付
到時見

tsaugary

水哥，我希望2018跑呢隻馬，可否將你今次準備的行程分享一下？

sevenskin

小弟都有去跑, 星期六班機九成都係去跑的師兄師姐 (大會話有202位跑手係香港人)  我同老婆去, 一到就租車, 先去醫肚, 去取選手包後就到商店街八下, 返民宿休息一下就出嚟食飯. 第二朝開車停响AEON, 走1K當熱身.  人唔多但氣氛唔錯, 有D位都大風而且上落多, 但唔係大上大落, 慢慢跑享受一下.  完賽個牌幾靚, 件衫都唔錯.  最正係跑完休息之後, 三點鐘可以去舊碼頭食嘢 (要出示完賽証書).  當晚再去食好正的石垣牛.  第二日八重山日報頭條報導馬拉松, 中頁有齊所有參賽者時間, 好有記念價值.  開車環島就一日玩晒.  之後再飛去大阪玩多幾日, 年三十晚先番香港過年啱啱好 !  
未玩過可以去試下, 洗費又平.  唔係大型賽事但見到大家都好投入 (民宿老細都有去跑, 佢話係當地當嘉年華咁玩)

mayto

Sevenskin c hing..請問你住邊間民宿?