2008葵青區越野賽

michaelyw

今日參加康文署葵青越野賽(10K)，不知是大部分的chings 都跑糖尿會，還是10度以下的嚴寒影響，我參加的成年組只有9個人、元老組只有29人來到。是我現時跑10km以來最少參賽者、天氣最寒冷的一次。

是次賽段是城門水塘，由主壩開始沿水塘跑，到5公里處折回起點。有些斜路到飛起，就算行都吃力，有好多斜路我最後選擇走路。

由於太少參賽者的關係，沿段有不少時間都係得自己一個人跑。還好沿途有一些行山人仕打氣，要不然今次都跑得幾寂寞。

最後跑得53分幾完成，自己組排尾三(7/9 成人組, 27/38 成人+元老組)。

跑完見到有成班猴子在面前橫行，更搶了其中一位跑手的跑鞋，大概佢地以為係食物吧，見佢地"扶老攜幼"成群如隊，可能山上難找要吃的吧。

每組都有頭四名獎盃及六至十名優異獎牌，因為我個組得九個人，所以個個都有獎攞，>50分鐘都有獎都係第一次聽過 = =。影完相後，獎牌卻要沒收，因為獎牌都係2007 的，要過幾日係辦事署補領。

其實今次都跑得幾開心，如果沒有比賽的話，相信我今日一定唔會出去跑，更加唔會去到城門水塘，而且有一份意外收獲。日後我會繼續努力尋求進步的，希望有日會突破50分鐘。