慶祝工聯會60週年暨奧運倒數60天長跑比賽

thugs32

Gills兄，
早沾勿藥。

onon

原帖由 peteruno 於 2008-6-9 15:58 發表

                               
登錄/註冊後可看大圖

承讓  撞彩而矣我提議下次有同樣活動，事前最好約個明顯地方集合，因為賽前我今日找不到你們，可能人太多。白頭佬

恭喜白頭兄大發新威, 攞獎影相. 勁抽!
 
集合問題相信在跑衣完成後會有所改善

xo523

白頭佬,果然係白頭佬勁勁勁

華哥

今日工聯會係馬鞍山舉行迎接奧運長跑，真係一肚氣。
話說今次係 Harley 幫我地報名同攞號碼布，佢話報名手續麻煩多多，攞號碼布個日仲亂，其中係亞雪報左名，有收據，但係攞號碼布個日，工作人員話報名的名單無左亞雪，Harley 幾經爭取，負責人答應跟進，所以要隔一日才派亞雪號碼布，奇怪係大會早期同中期都有同亞雪聯絡，而中期出Ｄ報名表仲加印上說明梁影雪全力支持，到出參賽名單時，竟然無左亞雪！
大會列明第一批係８時１５分起步，但係大會控制時間唔好，佢地請左某局長、某議員、主席等等人發言，但係佢地係８時１０分才開始，大會講一輪，之後輪到各嘉賓講一輪，係甘終於係差不多８時２７分起步，我地企係度等起步時又曬又熱，大家一齊喝倒彩。
比賽尾段有人係聽濤雅苑轉角位暈倒在地上，而旁邊有２名工作人員，佢地無係轉角位前擋住，所以令到後來的跑友轉角前完全唔知轉角另一邊有人暈倒阻礙路面，所以一轉角才發現，有Ｄ人要急促閃開，有Ｄ人避唔切，係暈倒個人上面跨過。
頒獎仲衰，當成績公佈貼在告示板上，蓮姐發覺唔見左自己個名，計計時間應該是季軍，於是立即向大上訴，大會話即刻 Check，過多５分鐘再去追，又話要等多１５分鐘，當１５分鐘過左，大會司儀公佈得獎名單，又無蓮姐個名，蓮姐立即向負責人抗議，但回覆話：得喇，我地 check 緊。
過左一陣，司儀話開始頒蓮姐個組Ｄ獎，我立即大聲話俾司儀知，呢組有人上訴，唔應該而家頒獎，個司儀無理我，開始頒第５名，我再大聲呼喝個司儀，呢組第３名上訴緊，我係２０分鐘前已經上訴緊，你唔可以頒獎，佢窒左成１０秒望住我，而全場Ｄ人、工作人員、嘉賓、記者都望住我，不過呢位四眼仔無詢問或請教身邊的人如何處理，反而我行我素，唔理有人上訴緊，繼續頒獎，跟住大會其他人行埋來叫開我詢問何事，我話係成半個鐘頭前已經提出上訴，而家你地又唔理仲繼續頒獎，仲做法唔得，而家頒完獎點可以返轉頭，點解知道有人正在上訴緊仍然頒獎？
原來外面Ｄ工作人員唔知入面工作人員正處理緊上訴，入面Ｄ人又無通知外面Ｄ人，個位工作人員立即跑入裁判室查詢，才知道入面Ｄ人正處理緊我地上訴，我發炮：初時你地唔知唔緊要，但係頭先係頒獎前，我都大聲話俾四眼仔知，個時佢剛剛頒第５名，佢應該立即停止，將第５名Ｄ獎品唔頒住，查清楚件事，為何佢仍獨斷獨行唔聽人講，而家Ｄ獎頒晒，人都走埋，你話而家點算？
後來到終點處 Check 電腦，結果一如所料，蓮姐得季軍，我就行去頒獎區，用如嚴厲同不友善的語氣，好大聲同指住司儀個四眼仔，指摘佢之前唔聽人講，叫左你唔好頒獎，我地上訴緊，你又唔理，而家 check 到我地係第３名，你話而家點算？
當時真係無名火起３千丈，蓮姐個獎係好辛苦同埋Ｄ汗水換返來，事件初期有人疏忽無通知你，但你頒獎係最後一刻，錯左就無得返轉頭，身為頒獎司儀，當有人講出正上訴緊，應該停一停，詢問下負責人如何處理，佢又唔問人又唔理人，自已一個錯誤的決定，而家連累大會多人向我同蓮姐道歉，承諾日後補送返個獎俾蓮姐，又連累大會去專登去做多一個獎座俾蓮姐，仲要連累大會派專人送個獎俾蓮姐。
年青人辦事總不聽旁人意見，試想下，如果當時佢肯暫停頒獎去查清楚件事，事情就好易解決，但係唔肯停，而家就連累好多人要做多好多野幫佢補鑊，又麻煩好多人，就是來填補佢一個人錯誤的決定。佢應變能力簡直係零分！做事一成不變，碌木一樣，唔識用個腦去思考。唔識做，又唔問人，仲要懶叻繼續去做，而家收唔到場。

神童威威

嘩！齋睇文章都一肚氣，完全明白你當時的感受！這位四眼年青人真係要好好檢討一下。

onon

如果...揾間搞開比賽嘅團體幫手, 揾多幾部對講機, 揾個水站擺正在運動場, 揾多些人手派所謂的記念品...可能無咁亂, 無咁嬲.

艾莉絲•韋

今日真係好熱好曬呀！ 我跑左3K 已經好辛苦...
睇見身邊D跑手一個又一個甘收腳，攪到我都好想停！
只好低頭龜速跑，好辛苦橕到入運動場，到尾段已經冇力"爆" LU。
到終點約 51 MINS 左右啦！

我都覺得大會安排有問題：
1. 放行李： 貼D號碼紙係欄杆，D跑手行埋去都遮晒啦？ 有咩用 ?  最尾問D工作人員又話唔駛跟號碼放野............
2. 派水、蕉、証書安排： 跑完仲要烈日當空，排超超超.....長龍才拿到野。 我都有D擔心自己暈低。

另外，件tee 好大件呀！ 我呢d 5呎多dd既女士，拿左S 碼都著左好似冇著跑褲甘！

P.S. GILL 兄，早日康復！

叮叮噹

原帖由 ram 於 2008-6-9 13:10 發表

                               
登錄/註冊後可看大圖

當時得悉Gills兄有事,真係非常擔心
幸好在ICU見到他時已經清醒~

希望Gills兄身體沒有大問題，
醫生幫他檢查清楚，
早日出院！

leefs

原帖由 叮叮噹 於 2008-6-10 00:17 發表

                               
登錄/註冊後可看大圖

希望Gills兄身體沒有大問題，
醫生幫他檢查清楚，
早日出院！

Gills兄已冇大礙，我明天會去探距…各位心意Gills兄會知道。

ar125

祝 Gill 兄 早日康復!

慢子 Wilson

勞煩Alan兄代長跑網兄弟向他問安
祝Gills快些康復過來

alex504992004

希望Gills兄早日康復!

miller

尋日比賽實在辛苦，希望Gills兄早日康復，健康要緊！

MJ576

祝 Gill 兄早日康復，狀態回勇　！

由天氣漸熱，各　C Hing & C Tse 們要多注意健康

ckleung

昨天Gills兄中暑入院，大家都感到擔憂與掛心，在此祝願Gills兄早日康復。
從這事中，可以看到我們真正發揮了長跑網的互助精神，由Gills兄暈倒開始，Leefs兄陪伴入院，並通知Kenneth兄作為聯絡各師兄的橋樑，慢子兄、Kenneth兄跟著趕往醫院。其他師兄、師姐知道消息後，立即替Gills兄尋找並設法聯絡到其家人，並取回行李前往醫院探望，大家緊急應變，互相關心幫助，實在令人感動。而且實實在在感覺到自己不再孤單，希望這種精神不單只要持續下去，更要將之發揚光大。

blurmax

昨天Gills兄中暑入院，大家都感到擔憂與掛心，在此祝願Gills兄早日康復。
從這事中，可以看到我們真正發揮了長跑網的互助精神，由Gills兄暈倒開始，Leefs兄陪伴入院，並通知Kenneth兄作為聯絡各師兄的橋樑，慢子兄、Kenneth兄跟著趕往醫院。其他師兄、師姐知道消息後，立即替Gills兄尋找並設法聯絡到其家人，並取回行李前往醫院探望，大家緊急應變，互相關心幫助，實在令人感動。而且實實在在感覺到自己不再孤單，希望這種精神不單只要持續下去，更要將之發揚光大。

Really impressive co-operation btw runners!  Thx very much!