點解通常参加全馬的40歲以上組別人數最多？

靜水

今年第一次参加渣打全馬，亦是第一次被編入Master 2，以為係呢組最後生的"年輕人"會有D着數，需然用咗4:13跑完，但係成績表上發現係呢組原來有好多好多勁人，由此得知，地球上最艱辛的運動之一"馬拉松"，是一項中年人甚至上年紀人仕都十分熱愛的運動。點解呢????
我以我自己的理解揾咗几個原因，唔知啱唔啱：
一、揾番以前年青時當Fit的我
       人步入中年，腰圍猛漲，手脚開始遲頓，以前G2XXX買褲，依家要揾先X、永X公司的粗腰大籮Cuting先至啱身，為了重塑以前形象，對於一種可以令你回服"魔鬼"身材的運動，是每個由中年人仕都在渴求的。(我依家都可以去返G2XXX買褲)
另外，人到中年又買唔起BMW，我成日會話比自己聽我對脚仲勁過人地過部BMW。
二、一種最經濟、任何時間、任何地點、不用約朋友的運動
      除咗可能會不知不覺有咗"行街買鞋"嘅事好外，跑步可算一個唔使花錢的運動，連車錢都唔使。加上人到中年，D Friend都有自己家庭，約得出呢都唔知幾時。任何時間，你只需選擇你自己的最佳伴侶--"心愛嘅跑鞋"就可以開操。
三、令中年的你不會覺得一事無成
    人到中年,你總會覺得自己總是一事無成，你會在長跑或馬拉松中証明自己不是一事無成，你亦能克服自己，戰勝自己，可以揾返久遺的滿足感，及重拾自信心。
四、改變自己的人生態度
    當你經過你的三四十年，你會被你的生活經歴磨蝕了你的鬥志，你缺乏了心灵的支撑(或信主或信佛)或多或少變得消極。而長跑可使到你變得更積極主動，習慣面對困難、享受困難，
五、鬆馳神經，練習及比賽都使你放下所有煩腦
    人到中年，背負家庭重担，上有高堂，下有妻兒，工作事業壓力重重，當你踏着你輕快的脚步，或在翠綠的山徑上漫跑、或在昏暗晚燈下稀疏的人影中在街中穿梭，又或者與千百個志同道合的兄弟姊妹在賽道上不斷地提舉你自已孤獨的雙腿，你都會感受着心境的放鬆，起碼在你的長課練習時暫時聽不到老婆的"白天鵝"，有時你會放下MP3，在跑步中修整你的思維。
六、爭取你的剩餘時間
    人到中年，會發覺你自己的剩餘時間愈來愈小，跑步就是爭分奪秒，長跑就是長時間的爭分奪秒，熱愛人生的中年人，熱愛長跑就是他熱愛人生的一種最自然的表現，我相信葉伯會同意這一觀點。
七、長跑使你更熱愛你的家庭
     熱愛長跑的兄弟姊妹，都會有良好的生活習慣，嫖賭飲吹都少有(因為你沒有多餘時間)，你的健康生活會使你的家庭變得更和諧，她們都會全力支持你的長跑，當他們在終點替你加油時，你會好感動，你怎样會不熱愛你的家庭呢。
以上是我覺得中年人熱愛長跑的原因點滴，分享分享。

desmond

Agreed!! I think most of us share similar thoughts as yours. Add oil bro

blurmax

Totally agree with your sharing

onon

good points x 2

Alfred

點解師兄你咁叻知道我哋個腦入面諗嘅嘢架？唔通你可以、、、、、、

bluesky

A interesting  analysis. Thanks for your sharing.

I am over 40. and had joined a Marathon . I just think as a runner, I have to  complete at least a marathon in my life.  
.

[ 本帖最後由 bluesky 於 2008-5-4 07:36 編輯 ]

ram

無錯,小弟可以係豬2000買番褲
重可以係1X年前既褲頭
真係好開心架！

慢子 Wilson

原帖由 靜水 於 2008-5-3 22:03 發表

                               
登錄/註冊後可看大圖

今年第一次参加渣打全馬，亦是第一次被編入Master 2，以為係呢組最後生的"年輕人"會有D着數，需然用咗4:13跑完，但係成績表上發現係呢組原來有好多好多勁人，由此得知，地球上最艱辛的運動之一"馬 ...

靜水兄真是十分講中中年男士的心聲 (男人之苦)！

靜水

回覆#6、#9

你哋一定得嘅，全馬是靠儲回來的，我06跑10K、07跑半馬、08跑全馬，只要付出訓練的時間，及絕對的紀律性一定可以成功。我嗰上司，53歲，上年第一次跑全馬用咗4:30，今年係我前面用咗4:07。我配服他不是他的成績(對於我們成績是次要，主要是能完成)，而是去年前他沒有参加過任何長跑，他只用了8個月的堅持訓練(每週里數積累)，他做得到了。

對於中年男人之苦，長跑正幫助我吔放鬆及復完。會令我哋重振"雄風"。你地睇吓布殊、英九哥都係靠跑步來振雄風。

正如D女人成日講，個個男人都係一樣，我係中年男人，緊係了解各位兄弟的想法啦。

vita375

跑馬拉松係咪真係可以重振雄風架？我跑10k都跑到嘔

blurmax

跑馬拉松係咪真係可以重振雄風架？我跑10k都跑到嘔

X 2 - 我跑 half marathon 都跑到嘔

lvrunner

靜水兄,

Thanks for sharing.  

[ 本帖最後由 lvrunner 於 2008-5-4 13:15 編輯 ]

Gills

駒駒數千字一語道出40以上男士跑馬眾多之原因, 小弟亦嘗試以女性角度感受一吓靜水兄既主提:
1. 女性40以上, 過半已婚及生兒育女, 而家庭型之女性, 日常以照顧兒女及料理飲食為主, 沒多注重自己既健康, 跑馬能重塑魔鬼身材, 比幫襯D咩廋身計劃來得實在, 因為佢地多半人會打回原形.
2. 家庭型之女性, 因為被煩瑣日常工作纏身, 忽略了儀容(貪靚者除外), 而跑馬正正可以使人容光煥發, 不C脂粉也看起來後生不少.
3. 不少40以上之家庭型女性, 被人叫"C拉", 其實尼個專稱唔多唔少有睇彽,睇少既感覺(小弟極度唔欣賞尼個稱呼), 跑馬亦可增強佢地既自信, 同埋增強係家庭心目中既形像.
4. 事業型之女性, 日常接觸廣泛, 對自己儀容有極高要求, 要著到靚衫, 同埋長期Keep到好既身型, 跑馬係上上之選.
5. 女性無論係身型及體能上一般較男性輸蝕(特別生育過之女性), 唔想係男性面前認彽威, 跑馬有超越男性之感覺, 不少女選手也跑得很快呢.


[ 本帖最後由 Gills 於 2008-5-5 15:52 編輯 ]

blurmax

跑馬亦可增強佢地既自信

Gills,

I guess you mean 跑步 mah.
Equestrian is limited to middle class and much expensive wor.

Gills

小弟好懶打字, 特別係經常重複果幾個字,
跑馬 = 跑馬拉松也
如上文解釋為跑步, 亦解得通.

blurmax

Gills,

Thx for the explanation.

However I can't agree with U that 跑馬能重塑魔鬼身材, coz most gal runners are quite slim por.  U can't run smoothly with a burden of haeavy weight mah.

Alfred

原帖由 Gills 於 5/5/2008 10:08 發表

                               
登錄/註冊後可看大圖

駒駒數千字一語道出40以上男士跑馬眾多之原因, 小弟亦嘗試以女性角度感受一吓靜水兄既主提:
1. 女性40以上, 過半已婚及生兒育女, 而家庭型之女性, 日常以照顧兒女及料理飲食為主, 沒多注重自己既健康, 跑馬能 ...

高手出手，果真神仙放屁，不同凡響。

靜水

Grill 兄，

多謝你對女仕心聲方面的补充，相信你對女仕定必觀察入微，關懷備至，及深受女仕歡迎。我對40歲以上女仕喜歡長跑的心態了解不多，但我絕對相信對女士"廋身"有十分大的幫助，至於可否有"魔鬼"身裁就不得而知，因女性的"魔鬼身材"与男性的定義有所分別。
至於女性愛上"跑馬"的，我是十分佩服的，除了體能上的差異外，她們的勇氣及堅持更令我們男仕折服。其中一個例子,湯告老斯的太太放下他的BB，今年初用了半年時間訓練，以5:30跑完她的第一次全馬，佩服佩服。

alfredyu

<三、令中年的你不會覺得一事無成
    人到中年,你總會覺得自己總是一事無成，你會在長跑或馬拉松中証明自己不是一事無成，你亦能克服自己，戰勝自己，可以揾返久遺的滿足感，及重拾自信心。>

呢句好幽默，笑中有淚 -