養兵千日，用在一朝﹗

阿聰

2011年 10月23日 (星期日)

地點: 慈雲山蒲崗村道運動場緩跑徑
長度: 10.5KM
時間: 1:17:33 (7:23.1/km)
氣溫: 24-28度 (天晴)


今日天朗氣清，不時仲有風吹過，令我練跑都覺得舒服，
加上自己不斷提醒要以均速去跑，使我練跑時間比之前兩次都有進步。

不過，是否往後日子都會天天進步，似乎連我都俾唔到自己一個答案.......

現在只有一股傻勁去練跑，唔知成效如何，但只要不令自己後悔，就足夠了。

阿聰

2011年10月24日 (星期一)

地點: 將軍澳運動場外單車徑6個圈
長度: 11.4KM
時間: 1:27:11 (7:38.9/km)
氣溫: 22-27度 (陰天)

事隔半年有多，今晚再次走入去將軍澳練跑。

雖則是夜晚，但仍有很多人參與練跑，氣氛真是比其他地區濃厚得多。

因此千里迢迢入去練跑，我覺得仍是值得的。

不過，連續兩日咁跑法，身體機能原來還未適應。

我回到家之後，不停有腹痛，甚至幾乎屙嘔。

都唔知係自己還未能適應，定還是練跑中間既時間太頻密呢....?!

阿聰

2011年10月29日 (星期六)

地點: 將軍澳運動場外單車徑5個圈
長度: 9.5KM
時間: 1:09:07 (7:16.5/km)
氣溫: 22-27度 (天晴)


如果唔係跑到半路中途肚痛要草草了事，今日我都希望練跑到10-12KM，都係拜之前飲左支「果汁先生」所致。
或者我真係要記住，練跑之前唔好飲任何果汁飲品，以免自己半路中途肚痛，得不償失。

我跑左呢段路線咁耐，但今日都係首次係中午陽光猛烈的時候練跑。
講真俾太陽直射都幾辛苦，幸好跑到中段天色較陰暗，令自己練跑起來也舒服些。

時間的確有點進步，但和之前最好的時間仍有一段距離.........

阿聰

2011年10月30日 (星期日)

地點: 慈雲山蒲崗村道運動場緩跑徑16圈
長度: 10.4 KM
時間: 1:15:49 (7:17.4/km)
氣溫: 22-27度 (天晴)


為了彌補昨天「差500米才跑足10公里」之遺憾，今日加長少少里數去練跑，
結果完成之餘，時間和昨日大致相若。
不過事後反覆計算，原來和昨日練跑相加之後所計出的平均數，
我只不過這兩日各跑了9.95公里 而已，都係差少少才達標。 (10.4km +9.5km) /2 = 9.95km
自己並非跑得相當「標青」，只是可以跑得正常而已。

既然自己可以跑到長一點的路程後，或者遲下可以逐漸加長里數去進行「長課」了。
否則，「2012渣打半馬」我根本沒有可能完成。

[ 本帖最後由 阿聰 於 2011-10-30 18:03 編輯 ]

阿聰

2011年11月1日 (星期二)

地點: 大埔元洲仔公園 >> 白石角科學園尾 >> 大埔元洲仔公園

長度: 10 KM
時間: 1:07:50 (6:47.0/km)
氣溫: 23-27度 (天晴)

事隔差唔多成年，今日先至有機會去進行晨早練跑。
雖然陽光猛烈，始終都係有點秋意，
加上沿途都有不少人練跑及騎單車，令我都不甘寂寞。

人家話晨早做完運動，全日都會好精神。
但我今早跑完後，直到現在還是很疲累﹔
睇黎做晨運，都係適合老人家的了.......?!?

tommyleung

原帖由 阿聰 於 2011-11-1 10:39 發表

                               
登錄/註冊後可看大圖

2011年11月1日 (星期二) 地點: 大埔元洲仔公園 >> 白石角科學園尾 >> 大埔元洲仔公園長度: 10 KM時間: 1:07:50 (6:47.0/km)氣溫: 23-27度 (天晴)事隔差唔多成年，今日先至有機會去進行晨早練跑。雖然陽 ...

唔錯喎, 一星期都走到30km, 看來你已慢慢適應了, 仲有成3個月, 渣打半馬無問題啦, 繼續努力!

晨早跑係幾好架(如果你夠訓)

阿聰

原帖由 tommyleung 於 2011-11-1 12:13 發表

                               
登錄/註冊後可看大圖

唔錯喎, 一星期都走到30km, 看來你已慢慢適應了, 仲有成3個月, 渣打半馬無問題啦, 繼續努力!

晨早跑係幾好架(如果你夠訓)

謝謝。是否真正適應，還要睇往後是否每星期都可以跑到3-5次，每次都係10km 以上。

否則，我仍然覺得「半馬」未必可以完成。

tommyleung

原帖由 阿聰 於 2011-11-1 16:44 發表

                               
登錄/註冊後可看大圖

謝謝。是否真正適應，還要睇往後是否每星期都可以跑到3-5次，每次都係10km 以上。否則，我仍然覺得「半馬」未必可以完成。

一星期5次 10km以上?! 全馬都無問題了

阿聰

原帖由 tommyleung 於 2011-11-1 17:24 發表

                               
登錄/註冊後可看大圖

一星期5次 10km以上?! 全馬都無問題了

一星期五次10km，只是我希望的事，但目前為止，即使我咁諗，我的身體機能都未必負荷得到。

目前我只係為「渣打半馬」而努力，因此能夠到跑到一星期30km 就足夠，之後就要自己減磅先得。

阿聰

2011年11月3日 (星期四)

地點: 慈雲山蒲崗村道運動場緩跑徑16個圈

長度: 10.4 KM
時間: 1:14:09 (7:07.8/km)
氣溫: 24-29度

之前天文台話過今晚會落雨，但結果到我起跑時都只是大風而已。
當時我仲諗：今晚既時間可以有進步吧?!
但最後出來的，同之前差唔多。

或者，我真係要練跑多幾次，才會有實質性既成果了。

阿聰

2011年11月12日  (星期六)

地點: 慈雲山蒲崗村道運動場緩跑徑16個圈
長度: 10.4 KM
時間: 1:13:39 (7:04.9/km)
氣溫: 21-24度 (陰天，間中有陽光)


自從有件新網衫後，今日我都係第一次試著練跑，感覺都幾唔錯。期望真係到比賽時可以在派用場吧？！
今日途中撞到「根根」一齊練跑，聽佢講明天要預備參加Asics 10K的比賽，
這令我覺得自己今年係好懶惰，令這樣闊別多年的比賽，始終無法再度參加。

不過，這個也是推動力。自己不可再懶，要加倍努力！

阿聰

2011年11月13日 (星期日)

地點: 慈雲山蒲崗村道運動場緩跑徑16個圈

長度: 10.4 KM
時間: 1:15:24 (7:15.0/km)

氣溫: 21-25度 (陰天，間中有陽光)

今天都係很好的時節，因此今日來練跑的人也比平時特別多。

自己跑到半路中途，「又」見到根根來鬆腳，

他今早跑完Asics 10K 之後，還有剩餘氣力來練長跑，真係魄力驚人啊。

沼途我和他談了關於練跑的事情，他教我練跑可以跑一日長，一日短，而另一日可以練速度，這樣練跑才能跑得持久。

我聽完之後，也覺得幾有道理，始終人一開始是很難長期維持長課而不休息的。

因此我暫時諗到這個方法：「一短，一長，一休。」

希望可以適合自己喇﹖

講開Asics 10K，這個闊別多年的比賽，原定今年也想參加，只是今年太少練習而決定放棄。

見到今日他們參加完比賽的情景，自己沒法參與，的確有少許失落。

不過，在見到朋友的留言後，我的心情也平伏了。

「得到，失去的很多，不過已成過去﹔重要的是將來可能得到，比失去的更多及更重要。」

共勉之！

阿聰

2011年11月15日 (星期二)

地點: 慈雲山蒲崗村道運動場緩跑徑16個圈

長度: 10.4 KM
時間: 1:14:01 (7:07.0/km)

氣溫: 22-26度 (陰天，間中有微雨)


工作關係，今晚我還是遲了開跑。
在我練跑途中，風勢很大，後來還落了幾陣微雨。
途中先後見到 Mill 姐 同 LuLu 姐，
她們狀態很好，都日以繼夜練習﹔
我會反問自己：「我這些所謂練跑，還算得了甚麼？」

阿聰

2011年11月16日 (星期三)

地點: 慈雲山蒲崗村道運動場緩跑徑6個圈

長度: 3.9 KM
時間: 0:29:51 (7:39.2/km)

氣溫: 22-25度 (陰天)

原來「吃飯」真的是那麼重要。

今日中午和同事飲茶，只吃點心而沒有吃飯;

夜晚打算行上蒲崗村，已覺氣力不繼。

到真正練跑時，發覺真的很累，結果跑得咁少，最終也要放棄。

飯是有碳水化合物，可以補充體力，令你有氣有力。

俗語話「有米落肚」。你吃了飯，你才會感到滿足。

阿聰

2011年11月18日 (星期五)

地點: 慈雲山蒲崗村道運動場緩跑徑20個圈

長度: 13 KM
時間: 1:30:53 (6:59.5/km)

氣溫: 22-25度 (大雨)

我都知道今晚間中有雨，不過冇理由為左咁而唔練跑，因此照去練習。

但估不到的是，在我練跑的時間，不但是大部份時間都落雨，仲要係大雨，

令到我跑起上來幾乎看不到前面的方向。

LuLu 姐話落雨練跑係好舒服，冇錯真係幾舒服。

但成身濕哂，連對鞋都濕到入內，我都不知如何是好。

更重要的是，長時間淋雨，我會好容易病......

阿聰

2011年11月20日 (星期日)

地點: 慈雲山蒲崗村道運動場緩跑徑24個圈

長度: 15 KM
時間: 1:48:38 (7:14.5/km)

氣溫: 20-23度 (天晴)

今日天朗氣清，加上又有微風，的確係長課的好時機。

原先今日跑長一點，希望時間上也會快一點。

但最後出來的成績，又似乎唔係我所想......

不過，能夠最終練跑到15K，係一件滿足的事情，

期望下星期繼續跑到更加遠的路程。

阿聰

2011年11月22日 (星期二)

地點: 慈雲山蒲崗村道運動場緩跑徑17個圈

長度: 11.05KM
時間: 1:15:06 (6:47.8/km)

氣溫: 20-24度 (天陰)

今晚清涼的天氣，原先我只是跑10K 算了。
不過想起明晚未必有時間去練跑，因此也只是臨時加多1K而已。

經過多日練習，發覺今晚練跑完後也不是太疲累。
或者，係時候在平日再加長里數以挑戰自己了。

阿聰

2011年11月27日 (星期一)

地點: 慈雲山蒲崗村道運動場緩跑徑24個圈

長度: 15.6KM
時間: 1:47:10 (6:52.2/km)

氣溫: 20-25度 (陽光猛烈)

今日比較好的天氣，的確令我可以跑更長的里數。
我都以為今日會比較舒服點，無奈陽光猛烈，最終我末段都跑得相當辛苦。
距離渣馬只得兩個月的時間，但我還未有時間去練跑斜路，
實在令我都不知如何是好.......

阿聰

2011年11月28日 (星期一)

地點: 慈雲山蒲崗村道運動場緩跑徑6個圈

長度: 3.9KM
時間: 0:32:11 (8:15.1/km)

氣溫: 21-25度 (天晴)

今晚終於重返星期一逍遙跑，由於之前一日跑得較長，令我小腿變得酸痛，今晚所跑的變成「鬆腳」的一種。

亮哥教我跑步不需太急，維持自己的步速及心跳去跑，令自己可以有效減肥。

我明白這是一個好的方法，不過到我真正去跑，我都不自覺快跑了起來。

或者在我跑完長課，之後再恢復跑，這個方法就會有用了。

allanccl

小弟今晚已跑了個半鐘，你來時我已收工，下次會同你一齊跑，一齊研究一個完美的跑法。
加油啊!