苦惱...跑左成年冇乜輕到......

imany

158cm, 128lbs
感覺輕了, 但體重冇乜改變, 仍然有肚腩, 背厚, 手臂肥...
一星期跑三至四天(但有時不能), 每次30min,
1.可能飲食有關, 奶茶早上一定飲, 但三餐不定: 有時豐富, 有時唔食一餐;
有時食到好飽, 有時冇乜胃口唔食
2. 意志力薄弱
3. 年紀大了? 差不多40了...
4. 唔知點算, 請指點, thank you so much!!!

[ 本帖最後由 imany 於 2010-7-3 23:43 編輯 ]

kenken

1.奶茶好高卡路里
2.跑步係鍛鍊意志力的好方法
3. 年紀大不是藉口 何況40都不算大
4.加跑時或次數

imany

如果加跑時到45min, 應在或可在中途小休?
謝謝解答!

比因

首先唔好用數字來決定你係咪過肥, 事必要減肥先

1. 你都識講, 咁你覺得你既飲食習慣係咪健康? 有無須要改進的地方?
另外, 你又自覺是不是一個健康的人? 例如朝早唔瞌眼訓, 跑得走得食得, 又會唔會有D長期揮之不去的輕微痛症, 或一個月例牌傷風頭痛幾日. . . . . . 等等.
2. 意志力薄弱, 又為何堅持到每星期去跑步?
3. 恆常運動, 任何年紀的人也會有可觀的新陳代謝.
4. 若能回答/做得到以上1,2,3, 便無須指點了!

imany

我的意志力薄弱就是未能改變飲食習慣...
跑步後身體好了很多幾乎整年也沒有感冒過
跑步我是會keep住的, 但感覺應該可以達到減磅效果, 但又未能做到,
不知是否錯在時間不夠長+飲食習慣?

比因

跑步令到你健康左, 咁毫無疑問已經達到目的了, 因為, 我們減肥都是為了健康!

時間呢D野, 唔好SET個死線迫自己去跟, 咁樣你會越跑越辛苦.
反而係跑步過程中感覺下咩呼吸頻率, 咩步速係會令你越跑越順, 叫你停你都唔想既, 咁會唔會好D?

如果還是對自己數字上的磅數不太滿意的話, 個人經驗: 早餐照舊, 午晚餐食到8成飽收手, 正餐外唔食無謂零食, 1年減到10磅, 又唔會極速反彈, 算可以接受了不?

imany

得到你的解答, 心裡舒服了很多!
有時工作晚了未能跑, 心也囉囉攣.
自己一個人跑, 有時想有些鼓勵和支持, 真的靠意志才可持續下去!
幸好發現了這個好地方, 看到了很多分享和心得, 學懂了不少!
真的感謝你們!

Tiffany0060

原帖由 imany 於 2010-7-1 22:31 發表

                               
登錄/註冊後可看大圖

3. 年紀大了? 差不多40了...

無關係的,我都40了,為健康著想,跑左大半年左右,次數同時間同你差不多.
我本身體重唔重,但都比跑前輕左8-10磅,bmi以前係標準,現在卻過輕了.(我無節食,三餐照食)
所以40 都瘦到.

仲有,奶茶好肥ga,我都有飲咖啡習慣,但現在已改飲齋啡,走糖走奶

努力,繼續加油!

[ 本帖最後由 Tiffany0060 於 2010-7-2 10:53 編輯 ]

imany

開始重新計劃跑時及飲食習慣.....
謝謝tiffany0060的分享

hkyen

ar many~~~

路係要一步一步行出黎既
飲食方便我覺得就食既分量可以減少 但唔可以唔食 因為咩都唔食會令身陳代謝減慢的 做咩都冇氣冇力啦

我建議可以早餐食多少少 lunch就正常啦 dinner就少d好啦

訓前5個鐘唔好食野 仲要注意營養吸收 好似要食水果呀 protein calcium咁啦

唔係就算你瘦左面色都唔好啦

呵呵 我又唔係專家比d豬up見解only

叮叮噹

加油! Keep going!
肥胖不是一兩日的結果.......不良的生活習慣......一點一點地改善吧!
你能夠保持一星期跑3,4天, 有恆心, 繼續享受跑步啦!
可以嘗試慢慢加長跑步時間/ 距離, 增加運動量.
飲食方便學習節制, 正餐一定要食, 不言肚餓時亂食零食就唔好啦!

跑步減肥戰友

imany

受到了鼓舞, 今日第一次下决心加時至40min, (以往總找借口: 已經跑到30min, 都好好啦, 應該夠啦)
今日下午6:00跑, 仍然有太陽下山的大陽光, 但心情好輕鬆和愉快, 這是前所未有的!
以往跑都有點受罪和吃苦的心情, 但今天卻是在享受跑步的感覺, 雖然很累, 但卻好精神!
好天氣+好心情!
人真的是需耍別人的支持和鼓勵, 這些化學作用令我得益不少, 我向着我的目標向前進發!
我還說服我老公明天開始跑, 我會繼績努力,  謝謝大家, 一起加油!

[ 本帖最後由 imany 於 2010-7-3 23:47 編輯 ]

chengcc209

其實我每天都會喝一杯奶茶或咖啡，既沒走糖也沒走奶。
我的高度跟你差不多，但我現在的體重比讀書時還要輕10磅多。跑步後其實反而會吃多些，是否你不自覺？本來我覺得這問題不大，但有氧運動必須連續做30分鐘以上才可有消脂的效果，因為首20分鐘消去的只是身體的醣，而不是脂肪。而你保持跑30分鐘，只算是剛及格，而且除了時間，運動的強度也是重要的，因為這會決定你消去多少卡路里。如果你用7分鐘/1K的速度來跑30分鐘，效果應該不及用5分鐘/1K 吧？

齋老味

講開飲野
我飲開 coffee
由無走甜
到少甜
家陣就全走甜
只要飲慣左就 OK  

kenmine

除左運動，控制飲食都真係好重要。

lokpo

我唔飲奶荼(因為飲親都肚痛),飲寧荼....好似仲衰寧荼重多糖

咁我朝早飲乜好?個餐包埋...冇理由唔要架,華田,好立刻會唔會好D?

Oscarynk

感覺健康就好了，當然體重減輕而體能不減的話，跑步都輕鬆許多。能夠減故然好，減不了也不是大問題。我跑了未足兩個月，沒有明顯減磅﹝可能少了一至二kg﹞，但10k由75分鐘進步到63分鐘，跑步時間由不足30分鐘到120分鐘，雖然未能減磅，但仍覺有鼓勵。

奶茶不能走奶，但可以走糖。檸茶同樣可以走糖，但你可能唔習慣，我就凍O茶都可以走甜，一樣好飲。如果未能走甜，就由少甜開始。

包和尚

我最高体重167磅( 173cm),今年初次玩10K揸打( 49分鐘完成),出年向全馬進發,
今 week 154磅,一星期跑40k以上(最少跑一次20 k),之後會再加碼跑2次 20k,
飲食習慣係冇變,公仔面,可樂(現存40罐以上),一樣照飲照食,但會有限制進食,
你試下一星期跑2次10 k,會有明顯效果(1個月)
我今年40有突

lokpo

[quote]原帖由 包和尚 於 2010-9-27 19:31 發表

                               
登錄/註冊後可看大圖

我最高体重167磅( 173cm),今年初次玩10K

waikwong

我在年多前由170磅滅到現在149磅.開始時一星期只跑三次每次4k左右，速度又慢。
過了一個月左右，每星期加一圈直到跑到10k，大約三個月後已跑到10k.
再加上節制飲食（滅了一半食量）已輕了十多磅.
後來改變訓練方法，用間歇跑法練速度，一星期二次，週末大約跑15-20k，體重在二個月跌多十磅。
去年第一次參加10k比賽49min。
今年沒參加比賽，等明年渣打，現加重訓練，希望3小時30分內能完成全馬。
跑步和減肥一樣，要有耐力，恆心和方法。
共勉之。