父親節一起身眼見各壯男烈女同太陽伯伯玩遊戲,禾呢D草男只可以同Moon玩遊戲。
堅持每周一30K,寧要里數唔要質數。
全程好似焗桑拿,自己就像光波爐入面的燒雞。
到轉車站,終於知道「港式奶茶」先係跑友最佳朋友。
見到三隻貓停低撚下~
最後好辛苦捱完,絕對辛苦過sundown全馬~
今次AKB靚女係剛以外星人姿態在AKB總選歷史性連冠,HKT48 Team H 指原莉乃~
今日黃昏fun run,試新路由九龍貿易中心出口起步,沿大連排道》葵涌道》荔景山道》荔枝角公園》深旺道》南昌公園》回程返九貿~
係瑪嘉烈醫院附近迎面遇上NSF大軍,同佢地high5後向南昌公園進發。諗住fun run但一點都唔fun,熱到使,回程途中美孚上荔景山路一段甘過晒跑開的青公路段,跑到荔景剩番落斜及平路慢慢回氣返終點~
今次AKB靚女係剛生日的AKB48 Team B 柏木由紀~
自己做左個統計,今年截至今晚共跑了14次30K,舊年全年只有6次。希望30K長課可一直堅持下去~
感覺上一周內跑到一個有質量的30K,再加跑班衝圈,及/或一次fun run 就夠皮了~
今晚稍為放鬆跑完30K,效果都唔錯,時間都唔係跌好多,休息時間也大幅減少。今晚青公好熱鬧,沿途遇到多個跑友,好易撞到跑友就係跑得夠長好處之一~
今次AKB靚女係NMB48 Team BII,快將卒業的渡辺美優紀~
仆街芒熱潮下第一個30K。諗住順便孵蛋,需要開著個app跑,手機著住芒在腰袋內,搞到心不在焉,驚唔夠電,更驚部手機overheat,pacing有D亂,前半pacing偏快,趕住中段小休時check下孵咩。後半跌晒watt無電,人機一樣,經過荃西海濱在訓練員人海中經常要停下行過,尾5K要熄app先可以聽住歌捱完30K。時間差左~
今次AKB靚女係行將卒業,HKT48 Team H 前隊長穴井千尋~
Hea左成個禮拜無跑,今日點都要繼續30K否則上半年的30K長課前功盡廢~起步前段身重重,腳部僵硬,鬥志甚差,成日諗住不如21K算,放龜跑完前半~轉車大休,入夜後狀態好轉跑番應有pacing,回程經荃西覺得訓練員少左,不過當時係食飯時間~少障礙可以順著跑免減速,後段追番D上半D時間,完成的時間可以接受~
今次AKB靚女係HKT48 Team H 田中美久~
又成個禮拜無跑唔想郁,多得周日有大型長課跑青公,否則就會脫課~
下午四點屋企起步到荃西與眾跑友會合。起步自己懶醒跟前頭步隊,點知佢地玩放題,4分尾披醒,小弟知衰減速至5:15-5:20左右,仍比過往跑開的快,直頭係比賽披醒,到轉車站大休後,回程要還了,做唔到十科披不特止,荃西同眾人分手後自己跑返屋企已經爆晒,最後葵盛圍平路都要六分披,完成時間只係快標準時間1分,有D失望~
不過同跑友們一同團跑係開心事,特別起勁~
今次AKB靚女係HKT48 Team H 秋吉優花~