無傷無痛，馬不停蹄~

vcbid · 發表於 2017-11-27 16:18:37

purejoey 發表於 2017-11-27 15:21
五連馬完滿落幕(不過抖多一星期後開始三連馬)
富士山馬拉松僅僅sub5(4’59”35)
個人認為差勁原因絕不是5連 ...

想問師兄, 有邊隻日本馬係全平路易跑架? 想叫女友一齊跑

purejoey · 發表於 2017-11-27 16:35:18

vcbid 發表於 2017-11-27 16:18
想問師兄, 有邊隻日本馬係全平路易跑架? 想叫女友一齊跑

比較平又大路D可以試下金澤或者岡山，兩個都有完成牌～

purejoey · 發表於 2017-12-12 17:08:40

日本宮崎縣青島太平洋馬拉松很差的時間完走-4’42”
賽道係非常好跑，衰在自己，係25K 整到ITB，之後行多過跑～
頭20K跑得好順，近期罕有地keep到平均5:30，但在宮崎市打蛇餅路段忍唔住用多左力，之後跑上大長今暗斜後跌watt，諗住keep到6:10到尾完走都應該4’10”內。
到25K去到又長又彎的鑊型高架橋已經心知不妙，已提高警惕放鬆跑，到頭來相隔三年在全馬再整痛ITB，今次唔學上次福岡馬忍痛不停步跑完之後落唔到樓梯，今次行多跑少到尾，轉彎及落斜唔跑，最後失望地完走～
以30K打後賽道黎講，呢隻馬係我跑全馬以來景觀最靚的，賽道跑入熱帶花園、沿住望到鬼之洗板及青島神社的海邊暢跑。自己只能行過無法歡樂地奔馳很無癮，大把貨但跑幾跑就痛停，果一刻覺得自己好似局外觀光客散步睇人地跑馬，心情複雜，索性放開自己影下相眺望風景，但時間過得不慢～
雖然賽事無牌，但只因為無牌對這賽事不屑一顧而失去機會去體會一個日本少有南洋風情的runnet長居十大報名秒殺的超人氣賽事實在太可惜～
今次AKB靚女係NGT48奈良未遙～

登錄/註冊後可看大圖

purejoey · 發表於 2017-12-18 22:53:57

本帖最後由 purejoey 於 2017-12-18 22:56 編輯

日本櫪木縣芳賀路馬拉松順利完走-4’14”，賽道多上落斜時間自己已很滿意，尤其上周整傷ITB的陰霾下無咁放收慢左～
氣溫起步6度唔算好凍，問題係跑到尾溫度仍維持單位數，鼻水長流不息，自己跑得又慢又唔放身體唔夠熱量，好在腳無事由頭跑到尾，見唔少人行果陣凍到縮埋好悽涼～
最後30K打後的表現令我自富士山同宮崎慘敗後重拾信心，多得賽道轉為又平又直田野，自己仍有戰鬥力，期間尾段拾科披重現不斷行過其他人，衝線前執埋雞同嘉賓女跑手high5後衝線～
賽事約2.5K人，規模細，但水準應該好高。自己不算太慢，但我附近的跑手多數係五十代的，相信五十以下的衝晒前面塵都食唔到～
賽道景觀不太特別但不悶，打氣者很用心，地方好鄉下但旁人不限於老人家，可能經過五個區市的村頭比較多人住～
途中更落左小雪，意境迷人～
值得一提係途中遠處山邊見到一架蒸氣火車(唔係大樹)勁噴煙經過，好似睇D旅遊相咁靚，可惜影唔切相。所在位置偏僻要特登去睇都幾麻煩，見到是緣份，已經值回票價～
今年所有海外馬已完成，出年專注日本馬，地方更新鮮，很期待～
今次AKB靚女係同優子一樣櫪木縣出身，AKB48 Team8 本田仁美～

登錄/註冊後可看大圖

purejoey · 發表於 2017-12-24 15:46:33

香港皇者之戰全馬無事完走，時間差-4’32”
自己前年初拾科的賽事退步成咁，可能去太多日本凍馬食好野～
又或者懶招積著陸王衫跑但著錯Atlantis衰鞋(實情係Adidas)(笑)
今場無目標，預計後半出太陽會溶，前半任性放盡跑，好爽，好耐無試過平路5’16”。
諗住前半無咁熱賺到盡，但第21K開始要還，仲係好高息，無耐已經6’30”，30K後跌破8分，跑完40k頂唔順行到運動場先扮晒野跑到衝線，義工交個牌俾我，我問清楚係全馬牌先敢收～
十月起三個月以來計埋皇馬跑足10隻全馬，終於可以小休，出年渣馬再戰～
今次AKB靚女係乃木坂46西野七瀬～

登錄/註冊後可看大圖

purejoey · 發表於 2018-1-22 22:51:56

今屆渣馬無病無痛有戴表加足碳又訓夠，但時間比上屆差，無得賴，力已盡，跑完仲血尿～
上屆真輕鬆都4’10”，功力倒退，暑假考慮操下～
今次AKB靚女係幾日前飛日本捧佢處女con場，NGT48中井りか(理加)～

登錄/註冊後可看大圖

purejoey · 發表於 2018-2-6 20:38:25

愛媛馬拉松完走，僅sub5-4’55”
跑過最凍的馬，雖然有陽光，全程維持1至3度加上大風，體感應更低～
入面著多一件衫，頂得住，但起步開始呼吸不太暢順，維持拾科披花更多力。15K開始跌watt～
之後最敗筆係要開一大幾細，鬥志已崩潰，加上魔鬼話下周磐城馬，腳又抽抽地，曾想行到尾PW都無所謂，但一到無太陽位置就超凍，唯有有太陽同上斜就行，其他位就跑，但都係跑下行下～
開完第N次細後遇上sub5大軍，試下跟下，發覺好易跟，結果跟左幾K後越過佢地返終點連gun time都sub5，好感激pacer們～
愛媛係STU48(瀨戶內48)地頭，今次介紹STU48 center，有幾分似Stephy的瀧野由美子～

登錄/註冊後可看大圖

purejoey · 發表於 2018-2-12 21:45:07

福島縣磐城馬順利完走，時間不過不失-4’31”自己好滿意la，快過上周愛媛墜馬廿分鐘，從低谷走出來，而且尋回跑馬樂趣，繼續挑戰餘下三連馬～
今次AKB靚女係AKB48 Team8 茨城縣代表岡部麟～

登錄/註冊後可看大圖

purejoey · 發表於 2018-2-19 16:44:26

京都馬拉松順利完成 - 4’43”
完全無失望，仲好好玩～
想途中見參賽太田奈緒一面，佢初馬無往績，當佢六個鐘完成，但唔知佢咩block唯有自己排到最後排，要十幾分鐘先過起點～
賽道多景點，反正唔理時間，鍾意就停低影下～
跑極都唔見伊人芳蹤，正想放棄專心跑步之際，終於30K追到佢，佢已好謝要行，叫佢加油後繼續上路，尾段跟左陣電視台團隊搏上鏡，有D慢要收油，最後越過佢地衝線～
事後check番伊人5’01”初馬完走，恭喜～
今次AKB靚女當然係AKB48 Team8隊長太田奈緒

登錄/註冊後可看大圖

purejoey · 發表於 2018-2-27 00:23:23

長崎縣五島市全馬順利完成 - 4’52”
條路絕對甘過CCM，好多個梅子林、一係就10上10落，平路可能無2K，加上天雨全程雨衣無除過，去到海邊簡直寒風剌骨，無雨衣肯定低溫症，而且都係十上十落，想快都唔得～
發覺好多超馬人參加～
初馬後再一次全馬完成到已很滿意～
景觀都唔錯，有山有水、茶花、梅花等～
因為得四百人跑，路又甘，人分得好散，成日好似一個人跑～
打氣人唔多但仍然好落力～
到終點有得衝線，司令台會叫我個名～
呢隻馬太甘，五島市又太荒僻，插左旗後無下次～
今次AKB靚女係欅坂46五島市出身長濱ねる

登錄/註冊後可看大圖

purejoey · 發表於 2018-3-5 17:22:52

五連馬尾關靜岡馬順利完走，在相對高溫及烈陽下跑出4’18”，以現時的實力已經非常滿意。
天氣預報起步後太陽一出會高達19度，加上中段海邊公路暴曬下體感溫度更高，好在初段留力所以中後段都無爆。
排在較後的block，超過十分鐘先過起點，第一個放水位好多人浪費左幾分鐘，30K再去多次，餘下都全跑無行～
如果唔熱，呢條賽道直路多上斜少，可造時間～
五連馬玩完，休息多一星期再戰佐賀櫻花馬～
今次AKB靚女係欅坂46、靜岡出身的織田奈那～

登錄/註冊後可看大圖

purejoey · 發表於 2018-3-19 00:37:22

佐賀櫻花馬拉松順利完走 - 4’35”
天公造美，起步稍涼外其餘時間維持十幾度，而且無咩出太陽，亦無落雨。
賽道主要平路，風不大，比靜岡馬更好跑～
上仗靜岡馬用多左，今次狀態稍差，水站食唔少野，30K橫隔膜痛可能關事，要慢跑至7到8分披舒緩痛楚，但堅持唔行驚跑唔番趕唔切回程機返港。尾段痛楚消失後上番六分尾披，預計最差時間內完成～
全程好少櫻花，跑友話自從提早到月中舉辦就少左，好在上次河津睇到飽～
今次AKB靚女係日前AKB筆試考第一、AKB48 Team K向井地美音～

登錄/註冊後可看大圖

purejoey · 發表於 2018-4-3 11:03:25

日本高知縣四萬十川櫻花馬拉松順利完走 - 4’22”
因為跑完要趕起跑後五個鐘開出的列車，完走時間預計要四個半鐘內先趕到，否則要遲兩個鐘搭下一班影響往後行程。
快將起步時大會以為要讓路給救護車，要暫停起步跑手們需讓路但唔見有車過，等左幾分鐘大會話搞錯左重新起步，遲左七分鐘，自己非常焦急，前段開到5’25-5’30”近期好少做的披醒，頭中段風景太靚影好多相，也損耗體力，中後段跌watt，但條賽道救左我未至於大跌，最後比預定快八分鐘，跑完趕到車～
呢條賽道最大特色係至少一半路程係落斜，合晒我河車。大長今都有，集中在尾段幾攞命，有半K都要行，損耗多三四分鐘。時間緊迫，只去左一次廁所～
賽道的天氣連日都放晴，四萬十川有D位見底，好在戲玉兩條「沉下橋」下面水量夠，跑過時感覺好好～
沿住賽道的櫻花集中在前中段，非常多，雖然過左滿開期，仍有七至八成花，加埋櫻吹雪，山頭亦花開盛放，景觀靚到唔識形容。自己可以在這賽道身在其中太好運了，上屆是落雨的～
呢隻馬極力推薦，大會宗旨係「用跑去遊覽」，跑完終於明白，賽道大部分落斜，如果前段留力，可以較輕鬆完走～
呢隻馬景色之美令我諗起秋天滿山紅葉的岐阜揖斐川馬，春秋兩隻川馬，鍾意跑步享受大自然呢兩馬唔會令人失望，不介意無牌的話，雖然揖斐川馬上屆第30屆出左紀念牌，今屆未必有～
今次AKB靚女係NGT48高倉萌香～

登錄/註冊後可看大圖

purejoey · 發表於 2018-4-17 23:16:40

長野馬拉松順利完走-4’34”
號稱造時間的賽道，但似乎不夠靜岡及佐賀平坦，已盡所能，對賽果滿意～
大部份時間落雨，幾凍下，無戴手套係失誤～
另外犯了兩個大錯，賽前訓床位唔自在，好夜先訓，另一大錯就係轉左隻cheap雞gel，食左等於無食，15K後大跌watt，竟然擔心過時限，及後食左大會gel後有番料到，加到小小速，保持披醒完走～
唔敢停少影相專心跑～
今次AKB靚女係NGT48中村步加，前晚Concert親眼目睹營運宣報佢同其她研究生終於昇格，成為新team Team G成員，恭喜晒～

登錄/註冊後可看大圖

?_nc_cat=0&oh=b40c9992750568c2216f19aa40e9d8e8&oe=5B6E87EC

登錄/註冊後可看大圖

purejoey · 發表於 2018-5-28 22:23:33

本帖最後由 purejoey 於 2018-5-28 22:25 編輯

昨日福井東尋坊初超馬52K無事完走-6’48”，雖然比目標6小時內超出好多無晒尊嚴，但跑完不太辛苦延續fun run精神，水站嘗盡美食，已經好滿足～
以後跑全馬都當係碎料～
起步有個儀式，將準備好的心願牌縛上氣球放上天，大叫「愛してるヨ」好特別～
之前練習當全馬練，呢隻超馬只係多左10K，策略係頭10K超龜速7分披，10K後就當全馬開始，提速至六分半左右，到水站就花幾分鐘食野補水～
全程暴曬，賽道無封路，等同自己跑街，賽道好多都無行人路或者有都狹窄，要留心車輛。參賽人數少，跑跑下拉開左前後唔見參賽者，好似獨跑咁。有段賽道更加係石春路，急行仲快過跑，其中兩個位要踏上河川上凸起的石頭過河，一失足就濕腳大檸樂～
全程要留心賽道方向指示牌，只要睇漏一個就會迷路。有時跑極都唔見指示牌驚死自己睇漏左個牌心裡好不安。路上也會見到其它非賽事指示牌，當左係賽事牌走錯路又大穫～
賽事點驚險都好，無事完走，無爆過跑完唔辛苦，跑完返酒店在窗邊看日落，人生一大快事～
今次AKB靚女係NGT48研究生西村菜那子～

登錄/註冊後可看大圖

purejoey · 發表於 2018-9-26 23:37:42

全程落雨下第55馬海参崴馬拉松無事完走。相隔約四個月後完走全馬，亦揭開密集跑馬的序幕～
起初以為呢隻馬五個半鐘時限好寬鬆唔駛驚，但跑落發現賽道好不平凡，前半已經有上次田澤湖咁魔鬼，而後半段更攞命，高低落差好大，因為要經過兩條好高的斜拉橋，好多時都頂唔順要行。
如果無上次田澤湖的DNF長課相信今次實DNF。
其中一條係世界第一長的俄羅斯島大橋，橋纜用上國旗使用的白藍紅三色點綴，好俄羅斯好壯觀。
另外經過前排舉行的東方經濟論壇場所，一定要拍低。
今次AKB靚女係上個月有份去海参崴拍mv的NGT48成員們～

登錄/註冊後可看大圖

purejoey · 發表於 2018-11-12 22:27:00

第56馬 - 日本新潟城市馬拉松
2018/10/8
4'53"

首次6連馬的頭關。第一隻翻兜並且完走的日本馬。完走時間比上次慢左近50分鐘。

賽日剛剛在台風過後，變成烈陽廿幾度。賽道同上次有大幅改動，後半要落海底隧道令上落斜多左，加上前半用多左，開季狀態又差，結果後半行左好多K，很差的時間完走。

新賽道係難跑左，但新潟市作為愛團NGT48的主場，下屆也傾向再戰。或許下次有NGT成員參賽就可以一齊跑~

登錄/註冊後可看大圖

purejoey · 發表於 2018-11-12 22:27:28

第57馬 - 日本宮城縣東北復興馬拉松
2018/10/14
4’36”

6連馬次關。在完美的跑馬天氣-天陰清爽15度左右，加上近乎全平路，呢個時間完走反映了現在比上季退步。
6分披只能項到27K，之後就放慢跑，啱啱水站食物開始豐富，沿途打氣聲不絕，掩蓋了沉悶的景觀。
下次再跑的話，疊埋心水美食跑～

登錄/註冊後可看大圖

purejoey · 發表於 2018-11-12 22:27:56

第58馬 - 日本千葉縣千葉AQUALINE馬拉松
2018/10/21
4‘51”

6連馬第3關，遲上線被安排在最後面起跑，前半塞人及上橋影風景用上太多時間，反而保留了體力應付後半更多上落斜的烈陽高溫跑。
很多中小學生沿途打氣，三十幾K的傳說派零食水站大開眼界，好多跑友裝滿大袋狼狽地完走～

登錄/註冊後可看大圖

purejoey · 發表於 2018-11-12 22:28:16

第59馬 - 日本愛知縣名古屋歷險馬拉松
2018/10/28
4‘32”
6連馬第4關，跑市民休憩地帶，有草地、上落樓梯、單線雙程，要小心翼翼跑，所以叫「歷險」。
不過空氣很清新，在高溫烈陽下好有心機跑無行過。
有交通管制但無封路，會同當地住民共用道路。沿途見到市民打棒球、欖球，空地休憩，互不相干。

登錄/註冊後可看大圖

		自動登錄	找回密碼
密碼			註冊

無傷無痛，馬不停蹄~

點評

點評

點評

點評

點評

點評

點評

點評

點評

點評

點評

點評

點評

點評

點評

點評

點評

點評

點評