|
本來都想報這個賽事,但以10K來說,收費實在太狼死,報唔落手.
想報,唔起貪條賽道新鮮,而係想重遊舊地. 畢竟過往住在東涌的幾年間,大部份時間就是閒跑這條路,幾年間大大話話都在同一條路上跑了二三百次. 記得2004年1月,Adidas King Of The Road 也是在同一地方舉行,只是當時沒有包括中航大廈對開的一截天橋路,但起步及終點(中電變壓站附近),與及路線,大致上與今次的路線是完全一樣.2004年打後, Adidas King Of the Road 也停辦了……但這條路線並非自此就沒有比賽. 以自己親眼所見,這幾年間一些駐機場的機構或公司,都間唔中有聯合一齊在秋冬時舉辦過一些小型比賽給機場上班的員工.
記得2004年Adidas 主辦,收費係~$100,同樣有提供free shuttle bus 由東涌市中心巴士站去到起點的中電變壓站.賽後紀念品是一件灰色(黃線)Adidas 短袖跑衫.同年亦報了中國沿岸馬拉松,收費大約~$250 (實際數字唔係好記得,但係2xx字頭就走唔甩).
六年半後的今日,同一條路線,不同的主辦機構,收費卻由$100急升至$180. 所以我話佢收費狼死,都唔係冤枉佢.今年我亦報咗HKDRC 十一月個半馬,收費同樣係$180,但人家係半馬兼提供由港島/尖沙咀至大尾篤免費shuttle bus (講緊嘅差別係~$20市區至大尾篤 Vs $3.x東涌至機場車費). 聽講12/19尚有個沙田/大埔半馬,只收$80! 至於中國沿岸馬拉松,2004年我報名時,收~$250, 七年後的2011年,加埋網上報名,報名費都只係加到去$270. 所以,我實在好難認同今次機場10K feet of fire 主辦單位嘅$180收費水平.至於紀念品,我寧願乜都唔送收番平啲.講真,啲紀念品好多都係冇乜用,你話畀我知值幾多幾多都係多餘! |
|