|
體育推廣社舉辦.城門隧道競跑賽
日期: 1990年N月N日
地點: 荃灣城門隧道管道收費廣場至沙田出口來回
腳程: 6K
天氣: 陰天間中有陽光
預告...唔想聽到的, 好多跑友話唔再跑, 無時間, 無左火, 無熱情...分享呢個比賽, 令各位對長跑有另一番體會.....
"體育推廣社"唔知有冇跑友認識, 英文short form係"AP",Office係灣仔近灣仔道, 跟現在的HKMP相似, 90代資訊無現時般發達, 冇話一上網就搵到比賽資料, 通常每次玩完比賽, 就會有唔少人係終點派宣傳單張, 一個接一個咁玩落去, 有時比賽會去完全唔熟悉的路, 或者係冇車去既地方, 好似荃灣城門隧道競跑賽, 就係荃灣城門隧道管道收費廣場跑至沙田來回, 當時城隧尚未通車, 亦係第一次也是唯一一次跑行車隧道, 由荃灣收費亭跑去沙田出口折返,
因隧道是貫穿兩座山, 中段會又出隧道再入沙田另一邊山既隧道,
相當特別, 當年玩長跑既人相對現在唔係特別多, 細賽都係二三百人, 唔同現在動下都成千人, 此賽有幾位跑友一同報名, 但當日唔知係搵唔到人, 定係比人放飛機, 得番自己跑, 由可風中學行去收費亭, 花了數十分鐘, 嘩...心想好彩唔駛跑該段路, 又長又甘, 到達收費亭, 可以用壯闊黎形容(鄉下妹以前未去過天安門,及後發覺天安門果種先叫做壯闊), 整齊闊大既收費廣場, 相比當年獅隧, 簡直係蚊比同牛比, 此時好多C兄/C姐已經開始熱身, 我亦連忙變身去也, 時間愈來愈近起步時間, 人亦漸漸多, 四處張望也有不少熟悉身影, 通常玩來玩去都見到個幾班人, 有些是一大夥像跑會的, 另外也有像我般單打獨鬥, 起步初段, 其實打算留前鬥後跑法, 但因排得較前, 不自覺地開快左, 但亦有唔少快腳好似一陣風咁係身邊漂過, 此時有位口痕又大聲講:[烏龜唔好係前面阻住], 說話都未講完, 已經擦身而過, 當時聽到D咁挑釁性既說話, 火都離....一直跟隨口痕友,你一步我一步咁, 原來已經走上了第2/3集團, 前面相若不到50米, 就係前領既跑手, 成世人都未跑過咁既速度, 當然咁跑法一定要付代價, 跑跑吓前面管道露出柱光, 好喇...終於到左一半, 一出管道口, 嘩...原來四周還是山草叢林, 不遠還有一個入口, 我的天...
|
|