強烈反對渣打馬拉松加價

比因

好！講完，報名最實際！

明年賽場見！

LMF

查實大家報渣馬,唔理10K定全馬,唔多唔少都希望肯定自己的努力,
得到人地認同,會唔會全馬,半馬同10KD衫會唔同,
至少俾全馬的人覺得,我係同一般跑不同,付出的努力,汗水,心機.................
比人地多好多好多好多好多.........................................
個心都安慰D
BTW,ching ctse一齊加油LA

joserose

小弟初到貴版，如有得罪請多多指教。

睇到呢度，個人想法係覺得大家好有趣。香法跑友、本地賽事，變成講人地點好點好，好似都幾搞笑。美國總統老甘講咗句流傳萬世嘅笑話：『唔好問國家比咗咩你，先問自己為國家付出咗咩！』

睇真D先啦~大家跑咩成績呀？你又要咁又咁，咁你又比咩出黎？比賽D獎金去咗邊呀知唔知？比人帶走晒呀~！成續唔好，咁又想比幾多支持？可能大家會話做得好好、好努力。但結果就係唔夠好、唔夠努力。已經比個本地獎金出黎，開條路比大家"機會"去證明返D野，然後呢？邊個帶得走？冇！放咗响度未郁過。

計你自己個袋度果300蚊，又有冇計過獎金要比幾多？又知唔知"請"個職業跑手要洗幾多錢？醫療支援D人力呢？有冇計過水站要幾多人力物力去"支持"你？果件3D錢，你真係以為你果300蚊入面夠比咩？唔要3比小d？咁唔飲水得唔得呀？飲兩站可以可以又平D？要唔要開個買三送一？

人地國家、人地城市點點點…小弟去過七個國家比賽，唔敢話咩都見過，但該見嘅應該都見過！42公里比4個水站見過未？42公里限時4個半鐘，水站3點之後開始收見過未？依家有成14個水站，個個站都滿水，有晒醫療睇場。比賽收你2萬港幣，完全冇SUPPORT，連水同食都要自己帶，見過未？年年都有開比賽，見過就唔會覺得有咩問題！

信唔信由得各位，但小弟可以肯定！如果你跑倒第一名，帶走晒D獎金，你一定會話300蚊好平！超值！如果係冇想過要贏，只係想參與嘅話，我地係唔係應該要有感謝嘅心情呢？300蚊真係咁大？大到可以足夠我地叫幾萬人陪我地跑步？大到要全港上千萬嘅人停半日比我地响呢個城市度玩半日？我疑惑！


覺得好笑嘅係，大家話要支持跑馬，但大家所討論嘅正正就係負面嘅動作！
300蚊貴？250好唔好？25夠未？唔使錢都仲得~
你跑倒42KM 2:30比返錢你都仲得
一個國家入面：『唔好問國家比咗咩你，先問自己為國家付出咗咩！』
跑馬世界入面：『唔好問比賽提供咗咩比你，先問下自己比咗個咩成績個比賽！』


無意得罪，如有不悅，煩請息怒

Mike_Li

發人心醒, support

原帖由 joserose 於 2010-10-1 19:27 發表

                               
登錄/註冊後可看大圖

小弟初到貴版，如有得罪請多多指教。

睇到呢度，個人想法係覺得大家好有趣。香法跑友、本地賽事，變成講人地點好點好，好似都幾搞笑。美國總統老甘講咗句流傳萬世嘅笑話：『唔好問國家比咗咩你 ...

awyh

原帖由 joserose 於 2010-10-1 19:27 發表

                               
登錄/註冊後可看大圖

小弟初到貴版，如有得罪請多多指教。

睇到呢度，個人想法係覺得大家好有趣。香法跑友、本地賽事，變成講人地點好點好，好似都幾搞笑。美國總統老甘講咗句流傳萬世嘅笑話：『唔好問國家比咗咩你 ...

講得好！

凌志

原帖由 joserose 於 2010-10-1 19:27 發表

                               
登錄/註冊後可看大圖

跑馬世界入面：『唔好問比賽提供咗咩比你，先問下自己比咗個咩成績個比賽！』

wadee

原帖由 joserose 於 2010-10-1 19:27 發表

                               
登錄/註冊後可看大圖

小弟初到貴版，如有得罪請多多指教。

睇到呢度，個人想法係覺得大家好有趣。香法跑友、本地賽事，變成講人地點好點好，好似都幾搞笑。美國總統老甘講咗句流傳萬世嘅笑話：『唔好問國家比咗咩你 ...

同意
不過件T-shirt可以改個設計就更加好la
btw 我都成日著住件t-shirt倒垃圾

potsuen

原帖由 joserose 於 2010-10-1 19:27 發表

                               
登錄/註冊後可看大圖

小弟初到貴版，如有得罪請多多指教。

睇到呢度，個人想法係覺得大家好有趣。香法跑友、本地賽事，變成講人地點好點好，好似都幾搞笑。美國總統老甘講咗句流傳萬世嘅笑話：『唔好問國家比咗咩你 ...

300蚊有幾大??  個個人都有唔同見解! 見人見智吧!

但公道一點講, 香港渣打馬拉松肯定唔算貴.

每年渣馬前後都聽到好多負面聲音, 但以小弟玩比賽3年,玩過香港及國外國內由5km至全馬既比賽.

上兩次參加渣馬既感受絕對係 "好"既.

無人想加價, 但300蚊而言仍是值得的.

成績 ??? 冠軍只有一個. 要贏人先要贏自己, 每一次既目標就係要比之前成績好. 咁先會進步.

awyh

原帖由 potsuen 於 2010-10-2 12:20 發表

                               
登錄/註冊後可看大圖

300蚊有幾大??  個個人都有唔同見解! 見人見智吧!

但公道一點講, 香港渣打馬拉松肯定唔算貴.

每年渣馬前後都聽到好多負面聲音, 但以小弟玩比賽3年,玩過香港及國外國內由5km至全馬既比賽.

上兩次參加渣 ...

Good! 呢個Post開始有番D正能量喇！

好好享受場比賽既，各位！

potsuen

細心再一看各位的回應, 再有感而發.

hksis8888
“點解唔俾人自由選擇要唔要件衫 ? 唔要就減報名費”
60000件衫既數量計,唔計New Balance個名,每件成本唔使$15.00 ,根本對收費影響不大.

leefs
“要求主辦單位增加透明度公開有關賬目及收入用途”
我都贊成既,不竟動用了大量公眾資源,有須要令大眾了解多點.

Hychong
“「我個仔話，倒垃圾果個挺住個肚腩都係著呢件衫啦！佢都唔似跑步啦！」”
我未跑步長都幾想有件渣打衫,覺得幾型, 當我玩比賽後就無了呢個感覺,因此件衫太普通了.
跑步無外型睇既, 好多比賽你都會見d唔似跑友既人跑, 以貌取人不是太好.

Miller
“有一段大約600-700米o既路要落水馬，成本要超過$50,000，你話佢地收$60點cover成個賽事o既使費？”
食飯唔知米貴, 謝謝分享資料, 等大家知米貴.

~~菲菲~~
“件衫年年同款, 咁真係接受唔到囉”
贊成! 係時候要改變一吓! 我贊成全馬要有一點分別. 等想擁有呢點 “分別” 既跑友努力進軍全馬.

Mike_Li
“曾穿馬拉松T shirt 倒垃圾，但我並無覺得有甚麼好笑”
我都有著過嚟幫朋友搬屋,又試過著嚟出國旅行, 以質料而言係一件好衫.

Oscarynk
“區議會有錢要使姐”
無錯! 區議會每年有政府撥經費攪活動, 如有特殊項目又有得申請攞錢攪活動 (如慶祝申辦東亞運成功等)
所以會平d, 所以大家千其唔唔參加. 要善用資源.

jogging_cat
“第一次跑長跑就係2007渣馬10k，記得我攞到件衫既時候都不知幾開心，簡直就當佢係真蔵”
我覺得紀念品 & 跑初係必要既, 對好多跑友都有紀錄價值,如第一次比賽,第一次升呢半馬or 全馬.
所以請大會為設計 “上心”一點

比因
“我地又可唔可以調轉頭諗下, 係香港呢D環境可以搞到馬拉松已經係唔易? “
贊成!...我試過參加吉隆坡渣打, 有幾段人有人跑,車有車行 , 相對而言香港全程封路仲想點丫?

總結:
人多既地方意見就會多, 包容唔到別人的意見就會容易產生爭訤, 大家多一點包容吧!
真的包容不了便放棄囉! 呢年我都有一d比賽我 black list咗, 原因係覺得攪手唔係將攪好一個長跑比賽放係第一位, 例如路程唔足呀, 賽道安排差,嚴重樽脛導致跑唔到呀! 比賽完無成績出呀等等… 唔開名影響其他人喇!  渣馬?! 絕對係每年期待既比賽.

dominic.kwok

我一開頭都到渣馬加價有意見的，
但睇完咁多位師兄既ＰＯＳＴ，先知道原來水馬係咁貴，
又或者原來係有如全馬都係４個水站既比賽。

其實渣馬係氣氛差Ｄ，可能同起跑時間同地點有關，
上年我跑１０Ｋ　的，因為係東廊跟本就冇人可以去睇到，
只有係幾個天橋位有Ｄ大學生打氣。

３００蚊其實依家物價都尚算合理，但我總覺得成日參加跑步ＥＶＥＮＴ都好似拎埋一袋垃圾返屋企。。。　除左塊鐵有意義Ｄ　之外。

hychong

Joserose君:
「睇到呢度，個人想法係覺得大家好有趣。香法跑友、本地賽事，變成講人地點好點好，好似都幾搞笑。美國總統老甘講咗句流傳萬世嘅笑話：『唔好問國家比咗咩你，先問自己為國家付出咗咩！』」

討論一個比賽貴不貴、好不好，拿外國比賽和經驗作對照，應該沒有離題嘛。參與討論的跑手，也是因為對比賽有心，所以才發言。

不是大家不想付出，而是根本沒有途徑，讓大家付出。我去年曾問田總，可否在expo給我一個counter，付租也不緊要，讓我向跑手宣傳外國比賽，盡點綿力豐富一下expo的節目。答案是：「對不起，counter只提供給贊助商。」

布拉格馬拉松賽會主席訪港，想拜會田總。我曾經代問田總有沒有時間見客交流？田總第一個答案是：「對不起，我們的馬拉松是二月底。」我再問田總：「不如forward你個答案到布拉格？」他們改口說，看安排吧，但到他來港一天，田總仍是不置可否。其實沒有時間見，拒絕也可以，但一直不回覆，的確有點奇怪兼難預時間。

如果你有途徑，讓我們出力，請告訴我們。

「人地國家、人地城市點點點…小弟去過七個國家比賽，唔敢話咩都見過，但該見嘅應該都見過！42公里比4個水站見過未？42公里限時4個半鐘，水站3點之後開始收見過未？依家有成14個水站，個個站都滿水，有晒醫療睇場。比賽收你2萬港幣，完全冇SUPPORT，連水同食都要自己帶，見過未？年年都有開比賽，見過就唔會覺得有咩問題！」

我完全同意你的觀點，有些不發達的地方，辦得成比賽是難能可貴。但令人失望是，香港的主辦單位熱誠太少，若賽會多點熱誠，顧及參賽者的感受（上車的跑手號碼布要打X），細節上花點心思（T恤），其實已可以紓解很多人的不滿。這些要求，並不是不合理和苛求。以香港的條件，要求這些也合理吧。

「覺得好笑嘅係，大家話要支持跑馬，但大家所討論嘅正正就係負面嘅動作！
300蚊貴？250好唔好？25夠未？唔使錢都仲得~」

若有不同意見和討論是負面，大概這個討論區不需要存在了。

其實我都有諗過，組織打氣團在西隧出口打氣，不知你有沒有興趣參加？

Potsuen君：
「“「我個仔話，倒垃圾果個挺住個肚腩都係著呢件衫啦！佢都唔似跑步啦！」”
我未跑步長都幾想有件渣打衫,覺得幾型, 當我玩比賽後就無了呢個感覺,因此件衫太普通了.
跑步無外型睇既, 好多比賽你都會見d唔似跑友既人跑, 以貌取人不是太好.」

對不起，是我表達得不清楚，我的重點不是說倒圾培，不是肚腩，而是想講，馬拉松衫大家都不想要，寧可拿去送給別人，令小孩子有這些感覺。我可以找回該跑手，為我作證，我是於三項鐵人日聽他說的，他說衣服開都未開就送給人了。但我當下沒有寫埋這句。

比因

講到尾, 一個真正喜歡跑步的人, 焦點都會放在眼前的42.195公里; 比賽沒紀念品, 再沒氣氛也好, 那都是我參加的比賽, 不是別人.

尤記得當年首赴濠江參賽, 沒食物派, 沒有簇擁的打氣人群, 才知兩者(香港與澳門)的分別; 可是到了今日, 我仍會繼續去參賽, 因為對我來說, 澳門馬拉松天氣合適, 每次我都跑得很愜意, 那便夠了, 那是一個好比賽, 不需太多理由.

讓我們用腳去投票, 想參加的跑友, 早點報名吧, 去年只消10數天便告額滿了!

batistuta

睇完咁多位既post,覺得加三蚊都合理既,話哂都要好多人力物力
件衫就真係改吓設計都好,年年都差不多,不過我平時都好少會攞返著,都係比賽時先著

awyh

原帖由 比因 於 2010-10-2 22:13 發表

                               
登錄/註冊後可看大圖

講到尾, 一個真正喜歡跑步的人, 焦點都會放在眼前的42.195公里; 比賽沒紀念品, 再沒氣氛也好, 那都是我參加的比賽, 不是別人.

尤記得當年首赴濠江參賽, 沒食物派, 沒有簇擁的打氣人群, 才知兩者(香港與澳門)的分別 ...

有 Point ！

leefs

原帖由 potsuen 於 2010-10-2 13:34 發表

                               
登錄/註冊後可看大圖

細心再一看各位的回應, 再有感而發.
“有一段大約600-700米o既路要落水馬，成本要超過$50,000，你話佢地收$60點cover成個賽事o既使費？”
食飯唔知米貴, 謝謝分享資料, 等大家知米貴.
...

原帖由 dominic.kwok 於 2010-10-2 16:37 發表

                               
登錄/註冊後可看大圖

我一開頭都到渣馬加價有意見的，
但睇完咁多位師兄既ＰＯＳＴ，先知道原來水馬係咁貴，
又或者原來係有如全馬都係４個水站既比賽。

其實渣馬係氣氛差Ｄ，可能同起跑時間同地點有關，
上年我跑１０Ｋ　的，因為 ...

其實呢个比賽"水馬咁貴"係有完因嘅，
有關比賽今次所擺的水馬費用係由某公司贊助的，
但贊助者事先聲明要使用指定水馬出租提供公司，
所以價格不可作準,基本上正常未必咁貴！

potsuen

"攪比賽" 同跑比賽一樣, 唔係一定要贏第一既, 比之前自己成績有進步已經係贏.

只要個比賽攪到每年都比上年好, 咁已經係一個好既比賽.

joserose

小弟好單純，就係鐘意跑，跑嘅動力來自於個人鐘意跑步嘅熱誠。對手永遠都係得自己，其它跑手都係戰友而唔係敵人。

唔係比支援，唔係比比賽單位做得好唔好，唔係比件杉好唔好睇…係比緊條路、係比緊個人。
講真，我真係從來都冇在意過大會比咩我。水站個又得！四十個都係一樣！大會做得好唔好係大會嘅事，跑得好唔好就跑手嘅事。個個都係跑同一條路，個個都係飲咁多站水，個個都係响同一個條件下做同一件事：跑。

跑步建立信心係來自於自己！係自己做唔做倒，冇人幫倒你！如果打個x會信心盡失，咁打個o會唔會好D？唔打記號又話唔理你，打記號又驚你唔舒服，咁要唔要報名果時開一欄比跑手選咗先？小弟跑過一場100k，跑唔完果d比人收返個號碼牌，之後完全冇記錄，咁果d人咪死都唔得了？

每個距離件杉唔同樣，影響倒個結果咩？諗下，依家打個x响上面都咁難過，如果件杉唔同，咁著咗果件"比10k付出更多努力同汗水"果班跑手又點呢？會唔會更難過呢？又要唔要開三班車黎車三組唔同距離嘅跑手會舒服d呢？花咁多心思想個搞手出件杉好d，不如花更多心思諗下點樣令到自己個時間好d好過啦~仲易d tim~

我地係跑手又唔係搞手。
我地一路話個搞手咁唔好咁唔得，但搞手又有冇返頭話跑手咁跑唔好咁跑唔得？搞手搞得唔好比跑手話，比外國人笑，佢在意嘅話自然會搞好佢，佢唔在意嘅話，點話都冇用。但返轉頭，身為一個跑手，跑唔好，有冇比人話，有冇比人笑，搞手又有冇話過跑手？跑手又有冇在意過？




回複師兄個問題：如果你有途徑，讓我們出力…
我答案好簡單：跑個好成績出黎，乜都有得deal，你信唔信？
(下刪三百字，小弟自己都覺得唔太適合)

師兄好鐘意提外國，又討論下。
真係咁唔得，就唔會有其它國家嘅高手黎跑，佢地儍格？定係佢地未跑過其它比賽？又唔見佢地話有問題？唔通佢地跑果時有開冷氣咩？又唔見佢地話件杉唔得？打x唔舒服？冇！咩都冇！黎跑完之後帶走晒d錢好開心咁走咗，完全冇抱怨過半句，仲好多謝香港tim，點解！？點解！？我都好想知點解！

簡單，唔代表容易
輕鬆，唔代表舒服

如有得罪，還請見諒

leefs

點解有兩位師兄(可能係1位)個IP係一樣嘅！