強烈反對渣打馬拉松加價

Oscarynk

真係好難跟晒咁多位師兄的討論，不過，睇完又覺大開眼界，正如參加渣馬有65000人﹝2011﹞，有人想攞獎金，有人要做PB，有人要開心，有人要辛苦，但大部份人都只係想參與，而大部份這裡討論組的人都係後者，就如樓主提出討論，我相信都只不過是因為自己尚未有獨立工作能力，300元是一個大負擔，有『人』問收250好嗎？唔收錢好嗎？相信不用問，對未有經濟能力的人來說，答案自明。

莊兄其實不用太介意香港田總的主辦方式，如果你可以影響到果6500個位只得果100零個要sub-3hr﹝睇個未update list得70多人﹞參加，田總自然要改，如果65000個位一早爆滿，田總點解要改？65000乘300是接近2千萬元，是個不少的收入，除非有新贊助商，否則加一樣野就要在2億元裡分出來，點解要減少收入。倒不如就當香港的特色就是一個很mean很悶的比賽，反正總得有個特色。

幾個從專業跑手角度出發來討論的人兄，講得太多不如考慮自己如果攞獎金，依種精英心態相信是大家進步的泉源，不過渣馬不是世運不是亞運，始終是個大眾跑步運動﹝如果香港真係有65000個馬拉松選手，點只支持申辦亞運，申辦世運都是合理的呀﹞，請多點宽容，接受一般人的想法。

好多討論都係籨經濟角度出發，其實田總有冇將盤數交出來睇過？﹝我以前未留意過也沒有時間去找﹞，如果大家都學我想當然的諗，只會各有各諗，沒有結論的。我個人的諗法是點解唔係叫田總馬拉松而係叫渣馬，當然渣馬有好多贊助，所以T-shirt等等一定唔係果2千萬元內支出。又如記得有年smart﹝車﹞是指定大會車，咁你以為大會要買幾架smart coupe定smart要比贊助費呢？攪過大型event都知是一個大商機，又點會要大會自己出資買水買蕉，只有果D同政府有關的events先會由區議會出錢。我依個諗法可能太naive，不過在沒有資料下，惟有如此想了。

最後
>>回複師兄個問題：如果你有途徑，讓我們出力…
>>我答案好簡單：跑個好成績出黎，乜都有得deal，你信唔信？
>>(下刪三百字，小弟自己都覺得唔太適合)

依種精英心態，真係好難接受。唔係個個都可以做霍公子。師兄請見諒。

[ 本帖最後由 Oscarynk 於 2010-10-3 09:55 編輯 ]

joserose

Oscarynk：
小弟點會介意，直頭支持你個睇法tim
精英精神並非出於本意，只係見倒跑友們對於"香港呢個國際都會搞D咁嘅比賽"、"點解咁都做唔好"等等嘅要求，作出同等付出嘅良性建議。

josam

加價我冇意見 反正一年一次 只希望煮飯單位可以投入多啲熱情

awyh

原帖由 joserose 於 2010-10-3 00:35 發表

                               
登錄/註冊後可看大圖

跑步建立信心係來自於自己！係自己做唔做倒，冇人幫倒你！如果打個x會信心盡失，咁打個o會唔會好D？唔打記號又話唔理你，打記號又驚你唔舒服，咁要唔要報名果時開一欄比跑手選咗先？

我鐘意呢句！

pires7

其實係咪每年都有類似o既post?! 加價...貴...差...好...
我發覺有些人兄不知不覺, 想將自己的認為強加給別人, 人人唔同好難比較, 打個比喻...我失緊業你加成10%報名費我一定唔係咁開心, 你岩岩加左人工, 又有閒錢炒下股, 10%只係碎料。今晚睇完無綫個節目, 題目係"投訴之都", 講下香港人好鍾意投訴, 其中有一part講d接投訴o既人分享, 好多時客人投訴都係為啖氣, 比多d時間佢地講, 發洩左問題會易解決好多, 其中有一句話大約係, "接投訴時唔好著眼係件事情對或錯, 如果個客錯你岩, 就問題大", 況且呢度都唔係接投訴的, 大家發表下意見已經ok啦

sunrise

政府對本地田徑運動直接投放的資源有限, 田總靠一年一度的馬拉松比賽籌集資金, 其實都是無可厚非的.

老實說, 田總有不少賽事是賺不到錢, 甚至是蝕本, 但為了推廣田徑運動, 都仍然舉行.  我個人認為, 香港馬拉松參與的65000人當中, 真正熱愛長跑的只有少數, 大部分都是湊熱鬧的群眾, 田總用他們的錢, 去推動田徑運動, 是十分正確的做法! 而我們熱愛跑步的人, 應該不介意付出多少少, 去幫助推廣跑步運動, 特別是年青的跑手, 是需要很多資源去培訓的!

慢子 Wilson

原帖由 hksis8888 於 2010-9-29 09:02 發表

                               
登錄/註冊後可看大圖

加11% 到 $300 , 對我呢類低收入人士係負擔 .

點解唔俾人自由選擇要唔要件衫 ? 唔要就減報名費 .

potsuen

原帖由 sunrise 於 2010-10-4 11:16 發表

                               
登錄/註冊後可看大圖

政府對本地田徑運動直接投放的資源有限, 田總靠一年一度的馬拉松比賽籌集資金, 其實都是無可厚非的.

老實說, 田總有不少賽事是賺不到錢, 甚至是蝕本, 但為了推廣田徑運動, 都仍然舉行.  我個人認為, 香港馬拉松參 ...

贊成!!

chisuet

原帖由 sunrise 於 2010-10-4 11:16 發表

                               
登錄/註冊後可看大圖

政府對本地田徑運動直接投放的資源有限, 田總靠一年一度的馬拉松比賽籌集資金, 其實都是無可厚非的.

老實說, 田總有不少賽事是賺不到錢, 甚至是蝕本, 但為了推廣田徑運動, 都仍然舉行.  我個人認為, 香港馬拉松參 ...

無錯, 除長跑賽外, 田總也有不少田徑賽及競走賽, 報名費都只係三四十元, 青少年組則更便宜,
一些較冷門的項, 如道路競走賽得只廿零人玩但要封路, 肯定蝕得好緊要.
但我覺得為了推廣不同的田徑項目也應該繼續.

當然, 我希望佢加得價, 係配套支援方面也應有所提升.

allanccl

好高興大家理性討論及可以自由表達意見!
講句公道說話，睇下舊年既報名費，係$320，Early bird提早報名減$50，其實今年$300係平左，不過沒有了Early bird提早報名減$50這優惠而矣。點都好，今年公開報名幾日就爆了，未報既又想跑這個賽事既朋友報名要快手了。
歡迎繼續發表意見!

Oscarynk

各位贊成或反對都必定有原因，唔會明知自己錯都當對。不過，要講加價是否合理，最好有客觀數據，可惜我真係搵唔到內幕資料，知道筆錢點使。

搵左一輪，只係在HKRUNNERS的討論中，見到2007年HKAAA換主席時有些討論涉及渣馬及田總的財政，節錄少少：

"A source close to the HKAAA disclosed yesterday that the organisation had accumulated more than HK$20 million, mainly from revenue from the Hong Kong international marathon. The association charged each participant HK$270 to take part in this year's races (10km, half marathon and marathon). With 43,000 entrants for last Sunday's races, the HKAAA's bank balance would have been boosted by up to HK$11.6 million. Of that amount, it is understood the HKAAA is expected to make a profit of about HK$1.5 million after expenses, including paying 29 per cent of the entry fee to a company - owned by the chairman of the marathon's organising committee, "
( http://www.hkrunners.com/?q=node/750 )

大概是

• 田總由渣馬累積了一些儲備﹝香港渣馬是1999年舉辦第一屆的國際賽事﹞，不過田總的取向是把錢投資在股票市場而非在推廣香港田徑運動上。
• 2007年渣馬報名費收入1千1百六十萬元，撥入儲備約會有1百50萬，而當年報名費的29%要支付一所負責主辦的公司﹝由主席擁有﹞
  

實際上好多賽事都唔係由主辦單位直接主辦，外判一間公司做，而這間接辦的公司當然盆滿砵滿。所以你今年交300元報名，如果以為可以資助本地田徑發展，就最多有30元左右會入左落田總戶口﹝未必攞出泥用﹞，其他都是支出。唔係想計，因為計完要玩就都係要比錢玩﹝老實講，我2001年玩過，唔會再玩﹞，只係大家都義正詞嚴咁批評有人話貴，如果唔知D錢的去向，講野就冇乜ground。

其實連慈善活動如TW都係唔見一大截，所以我唔會好熱衷咁用做善事的心情去參加。

[ 本帖最後由 Oscarynk 於 2010-10-4 15:35 編輯 ]

sunrise

原帖由 Oscarynk 於 2010-10-4 15:33 發表

                               
登錄/註冊後可看大圖

各位贊成或反對都必定有原因，唔會明知自己錯都當對。不過，要講加價是否合理，最好有客觀數據，可惜我真係搵唔到內幕資料，知道筆錢點使。

搵左一輪，只係在HKRUNNERS的討論中，見到2007年HKAAA換主席時有些討論 ...

正如你所說, 因為缺乏資料, 田總內部的管理是否妥當, 我地外人是很難評估, 不過我地又唔應該用陰謀論去推測, 呢次加費係為左增加佢地自己人架利潤!

從反應看來, 大眾對加費似乎沒有太大的意見, 如果真係貴, 應該少人報名才是, 不過事實就係反應依然熱烈.  所以我係贊成田總搵多d錢, 用黎推動長跑活動, 所謂收之于民, 用之于民, 可是現在田總似乎將係長跑比賽中賺到的錢, 花在短跑, 或徑賽項目, 就有負長跑人士的期望! 點解田總唔用錢支持全職長跑運動員呢?

Oscarynk

原帖由 sunrise 於 2010-10-4 16:39 發表

                               
登錄/註冊後可看大圖

正如你所說, 因為缺乏資料, 田總內部的管理是否妥當, 我地外人是很難評估, 不過我地又唔應該用陰謀論去推測, 呢次加費係為左增加佢地自己人架利潤!

從反應看來, 大眾對加費似乎沒有太大的意見, 如果真係貴, 應 ...

對呀，正正因為唔想估，所以先要找資料，我引述的一段討論其實都已廣為人知，所以我先會引出來讓大家多點認知。

外人不宜評論的講法，好多極權國家都好鍾意引用。其實只要光明正大，任何事都可以接受陽光測試，沒有內外之別。當然，純靠估就可免則免。

至於加價是多是少，不是由參加人數有沒有大幅減少來論斷的，我未讀過經濟學，對所謂物價的彈性的理論其實不太清楚。但我知道若果我每天要坐的黃石碼頭到西貢市的94號巴士要由5.8加到10.8我都要搭，最多去抗議下咁。

不停向前

我未出過去其他地方比賽, 只係玩過渣馬及幾個其他10km比賽,
但覺得渣馬既氣氛係最好既, support都好, 所以就算佢年年加價我都會參加
一來挑戰自己, 二來感受下途人打氣既氣氛

不過作為參與者, 有意見, 有要求係理所當然既, 有人出得聲, 就可能有值得改善既地方, 如果連年都有相同聲音, 田總都要諗下係咪有需要改善啦, 下話?
渣馬已經做得好好, 只不過, 收得錢又加得價, 比人感覺只係交左行貨就唔好啦

運動員挑戰自我, 主辦單位都應該精益求精~

smith

原帖由 hychong 於 2010-9-29 10:53 發表

                               
登錄/註冊後可看大圖

從大家唔想要T恤的反應，都知道呢件衫幾不受歡迎。聽跑友說：「我個仔話，倒垃圾果個挺住個肚腩都係著呢件衫啦！佢都唔似跑步啦！」聽完都覺得好笑又傷心。馬拉松衫，原本係一項身份，正正因為不思進取的田總，結果係 ...

莊先生,睇到你嘅留言,真係...唉...記者喎....唉....Too simple, sometimes naive.

倒垃圾果個挺住個肚腩都係著呢件衫啦！佢都唔似跑步啦！」聽完都覺得好笑又傷心。  - 乜倒垃圾,唔可以跑渣馬??莊先生會唔會太誇張哩?

你嘅言論,確實值得令人反思,但都應該包括跑手自己. 跑步究竟係為乜嘢? 為件衫?為啖氣?為成績?為香港?為健康?為獎金?如果,真係如你所言,香港渣馬如斯不濟,咁,點解年復年,人數都不斷增加?點解仲有60,000個傻人義無反顧咁去跑?有時少一份固執,嘗試去接受,欣賞,堅持,包容都係馬拉松另一種精神!

WalkBreaks

原帖由 allanccl 於 2010-10-4 15:11 發表

                               
登錄/註冊後可看大圖

好高興大家理性討論及可以自由表達意見!
講句公道說話，睇下舊年既報名費，係$320，Early bird提早報名減$50，其實今年$300係平左，不過沒有了Early bird提早報名減$50這優惠而矣。點都好，今年公開報名幾日就爆了， ...

心水清~ 讚!

shogikin

原帖由 Oscarynk 於 2010-10-4 17:23 發表

                               
登錄/註冊後可看大圖

至於加價是多是少，不是由參加人數有沒有大幅減少來論斷的，我未讀過經濟學，對所謂物價的彈性的理論其實不太清楚。但我知道若果我每天要坐的黃石碼頭到西貢市的94號巴士要由5.8加到10.8我都要搭，最多去抗議下咁。 ...

經濟學角度看
因為名額一早爆滿,很多人報不到名
是可以每年加價加到截至日才滿額
一定可以賺更多(甚至可能加價到不滿額,賺得更多)

但如果真是賺咁多
一定會有業內人士加入競爭

就全馬而言,滿得最快
但又無其他同類競爭者
可能不是想像中咁好賺
OR
田總壟斷了某些社會資源,使新來者難以加入市場

就半馬,10公里而言
競爭者多的是
就要大家帶眼識比賽
唔好見人多就報名
選擇適合自己的比賽

總結:
加價容易進步難
有競爭才有進步

Kin in Running

[ 本帖最後由 shogikin 於 2010-10-5 00:20 編輯 ]

awyh

原帖由 smith 於 2010-10-4 21:26 發表

                               
登錄/註冊後可看大圖

莊先生,睇到你嘅留言,真係...唉...記者喎....唉....Too simple, sometimes naive.

倒垃圾果個挺住個肚腩都係著呢件衫啦！佢都唔似跑步啦！」聽完都覺得好笑又傷心。  - 乜倒垃圾,唔可以跑渣馬??莊先生會 ...

都係一個抵讚既Post！

Oscarynk

smith >> 香港渣馬如斯不濟,咁,點解年復年,人數都不斷增加?點解仲有60,000個傻人義無反顧咁去跑?

今年會有65000人
其實大家點解要咁 Too simple, sometimes naive 去睇這件事？ 要有時少一份固執,嘗試去接受,欣賞,堅持,包容是做人的大方向，唔會有人反對，不過若沒有愛之深，就不會恨之切，其實改不改善香港渣馬都唔會死，要破十萬大關也不難，對跑手而言，可能有得跑青馬大橋比起跑其他日常可以練跑的地方更有吸引力，可能比600元甚至1千元去跑都唔會唔跑，但如果香港渣馬再辦得更人性化無異對推廣香港的跑步文化會更具影響力，畢竟，要推廣香港跑步文化，HKAAA是義無反顧的吧。

另外，香港渣馬並不是什麼慈善活動，就如我搭紅色小巴，他要加價，我還能支付，還是會搭，縱使心裡不舒服。所以我明白樓主反對加價的想法，也理解這裡有許多人不反對加價甚至欣賞加價的言論。至於引伸到如何辦好渣馬、T恤設計及收費的去向是另外的問題，都是有意思的討論，唔知HKAAA會否有人在長跑網收料的呢？

sunrise

原帖由 shogikin 於 2010-10-4 23:56 發表

                               
登錄/註冊後可看大圖

經濟學角度看
因為名額一早爆滿,很多人報不到名
是可以每年加價加到截至日才滿額
一定可以賺更多(甚至可能加價到不滿額,賺得更多)

但如果真是賺咁多
一定會有業內人士加入競爭

就全馬而言,滿得最快
...

同意shogikin兄的講, 要有進步, 就要有競爭; 不過攪大型的跑步比賽, 一定要有政府的支持同祝福, 而在這個條件下, 田總得到的競爭優勢, 其他跑步賽事的攪手, 似乎望塵莫及!

曾經聽聞有攪手想在廸士尼攪全馬的比賽, 如果成事, 或者會對渣馬構成威脅; 因為只要有賽道, 私人團體攪的比賽, 很多時都比田總的辦得好!