飲左咖啡後跑步(代我太太問)

leehyalbert

我代我太太問(因為我一定唔會咁做)各位ching 或 ctse有無試過有以下的情況出現過: 佢平時一星期跑3日, 每次半小時左右, 上星期六晚7點左右我陪她去運動場練跑(我自己一早練左, 因為大家速度爭好遠, 所以各有各練), 跑左25個圈(10k), 1hr 9min左右, 佢覺得比平日快左又唔覺得辛苦, 後來反左屋企, 沖完涼, 食飯, 到11點左右, 睇睇下電視, 佢同我講, 佢突然覺得心跳跳得好快, 我同佢量一量, 成120/min, 又覺得好暈, 佢不斷深呼吸, 好似覺得缺氧咁, 兩隻手又有點痺, 好鬼驚, 於是同佢佢急症室, 醫生同佢檢查左一輪, 又量血壓(血壓有點偏低), 又照肺, 都唔發覺有甚麼原因會咁樣, 醫生容許她在病床休息一會, 到無事先至走. 後來在休息期間, 佢同我講, 佢下午四時左右, 同仔女在大家樂食下午茶餐時飲左一杯熱咖啡, 會唔會就係原因呢, 我太太都跑左成兩年步, 仲完成過兩次半馬, 平日都有跑開步, 無出現過問題. 所以想無可想, 會唔會係咖啡因令到佢咁樣呢?

我幾年前都曾經試過練長課時, 用過有咖啡因的power gel,引致事後個人好唔舒服, 疲倦等的不適, 決定以不再用有咖啡因的power gel. 但係我太太係練習前成3個鐘前飲果杯咖啡, 我諗下會唔會成3個鐘都散唔到呢?

請各位ching ctse幫幫忙!!!

Oscarynk

剛剛睇左少少Lore of Running，是一本籨多元角度討論跑步的書，當中有三處論及咖啡因在跑步運動的影響，雖然我未深入理解，不過好似有點關係，所以提出來大家研究一下，當然大家最好找原書一看。

咖啡因的研究始於加拿大選手Ben Johnson事件，加拿大希望研究結論指出咖啡因對跑手沒有影響，但實際事與願違，發覺咖啡因有以下數點影響：

• 咖啡因有可能增加轉化fat為能量的可能
• 咖啡因有利尿作用﹝即會減輕體重，而同書另外論及dehydration時提及運動員開始時適量缺水是合適的做法﹞
• 咖啡因可以延緩肌肉疲勞
• 咖啡因可以令運動員在沉悶的長跑中集中精神
• 咖啡因對一個小時左右的比賽最為有效

由於一定數量的咖啡因是合法的不作禁藥，所以書中主張運動員的賽前早餐中可包括兩杯咖啡﹝正式的咖啡十分細杯，我們港式一杯可以頂兩杯﹞，不過，作者強調咖啡含有太多其他物質，咖啡的作用未必跟直接用咖啡因相同。

以下純靠估：

由書中對咖啡因的描述，估計你太太飲了咖啡處於一個高度集中的狀態，所以過度付出體力﹝成績提升而不覺辛苦﹞，令運動過後身體反而未能適應過來，其實，果日跑完的cool down等做得齊嗎？

[ 本帖最後由 Oscarynk 於 2010-10-19 16:51 編輯 ]

clerkb

我亦睇過Lore of Running .不過看了時間太久，及此書實在太厚，資料多又深入，從各方的結論，　咖啡因是對跑步是好，壞參半的．　極限好像是兩柸，　以上寫的我亦有睇過．另一外，　冇記錯，可以提高氧氣的攝取量的, 不過量是好東西來的

leehyalbert

原帖由 Oscarynk 於 2010-10-19 16:45 發表

                               
登錄/註冊後可看大圖

剛剛睇左少少Lore of Running，是一本籨多元角度討論跑步的書，當中有三處論及咖啡因在跑步運動的影響，雖然我未深入理解，不過好似有點關係，所以提出來大家研究一下，當然大家最好找原書一看。

咖啡因的研 ...

其實果日同平日無mug分別, 我一直都提醒她一定要做齊warm up同埋cool down, 佢一直都做得好足

Oscarynk

想問下咁事隔幾日，仲有無事？

見師兄咁講，昨日早上練跑前都飲左杯咖啡﹝只不過是我的french press內仲有飲過的咖啡再加水而已﹞，跑了兩小時，只係jogging的速度，但對比上星期的成績，平均心率高左5下，跑多左2km，頭5k感覺很好，不過最後3km就幾想死，唔通咖啡真係有多少影響？不過過左成日都冇其他問題，一切如常。

miller

睇番你太太個情況可能係overtrain，跑緊o個陣會唔覺，跑完停左一輪個心跳都keep住落唔到，如果第二朝起身個心跳都較平時高的話就應該係咁…

IpYiu-Ki

原帖由 clerkb 於 19/10/2010 17:37 發表

                               
登錄/註冊後可看大圖

我亦睇過Lore of Running .不過看了時間太久，及此書實在太厚，資料多又深入，從各方的結論，　咖啡因是對跑步是好，壞參半的．　極限好像是兩柸，　以上寫的我亦有睇過．另一外，　冇記錯，可以提高氧氣的攝取量的, ...

多嘴講幾句 因人而言有D人飲左會心跳快左和頭暈 有D會影響個胃同有胃酸倒流 平時小做運動飲完做再運動我見意最好唔飲

Oscarynk

樓上講得O岩，如果平日都唔飲咖啡，真係無謂試。另外，同在另一條thread討論開飲左X牛跑步一樣，如果跑步係為左興趣同強身健體，真係無需要食藥，就算唔係禁藥都係咁話。

Frankie7

Albert C-Hing,

據你所講既情況應該與咖啡冇直接關係. 咖啡因可能會導至心率加速, 但3小時後才發作可能性極之低.
況且你太太呼吸困難及手又有麻痺,我勸你盡快同佢睇心臟科. 暫時不應做劇烈運動. 小心為上.

tyler

講開咖啡，唔記得邊度睇過話適量可以減少運動後肌肉痛，但聽下算數
個人經驗，飲完之後快則半小時的小便己有咖啡味，如果隔幾粒鐘應該會咖啡排走得七七八八。
可能各人體質有異，咖啡對小弟來說談不上任何提神作用，臨訓前半小時一大杯也可入睡

IpYiu-Ki

師兄早晨：呀嫂個咖啡病情況如何， 講述大家分享下。

muimui0942

我每次跑步前一小時都飲一杯齋啡，我覺得唔關咖啡事。

leehyalbert

原帖由 IpYiu-Ki 於 2010-10-26 07:38 發表

                               
登錄/註冊後可看大圖

師兄早晨：呀嫂個咖啡病情況如何， 講述大家分享下。

多謝各位師兄既關心!

後來我太太都唔係好放心, 因為先前我地有個朋友心肌梗塞過左身, 雖然同太太症狀好唔同, 但各位都知道近年耐唔耐就有人因跑步或運動其間猝死, 始終都有陰影, 最後都決定去搵個心臟科醫生睇下, 做檢查, 例如超聲波, 陀住個機24hr mon住心跳等等. 結果都發現唔到問題, 唯一check到就係我太太血壓長期偏低, 雖然暫時鬆一口氣, 但始終我都唔明, 如果血壓一直偏低, 點解成兩年以來跑步同運動期間都無咁情況出現?  

點都好啦! 現在佢睇中醫, 醫師話佢有心悸, 開左藥單, 叫佢食一段時間, 希望有改善啦!!!

[ 本帖最後由 leehyalbert 於 2010-10-26 12:53 編輯 ]

szetospencer

其實應該唔關事架喎~ 係咪咁岩咋~
如果真係關事既.應該係個別例子~可能你太太唔可能飲完Coffee 之後做 運動掛~

IpYiu-Ki

師兄隔左咁耐情況點呀！

aaroncslee

相信真係不同人會有不同效果, 各位都係要小心飲食~~

gpson

分享一下, 小弟唔係對咖啡有問題, 係奶茶.

三十幾歲飲左奶茶十幾二十年, 前幾年爆肥後做運動減肥, 介左飲奶茶.
減完幾十磅過左一年左右, 開始飲返少少, 結果每次飲完3-5小時後覺心跳加速,
但用心跳錶check 是同平時一樣, 只是有心跳加速同虛虛浮浮的感覺, 依家
要跑步的日子都唔敢飲, 以前未出現過依個問題.....   聽講奶茶入面都有咖啡因

chowsmile

原帖由 gpson 於 2011-12-14 12:09 發表

                               
登錄/註冊後可看大圖

分享一下, 小弟唔係對咖啡有問題, 係奶茶.

三十幾歲飲左奶茶十幾二十年, 前幾年爆肥後做運動減肥, 介左飲奶茶.
減完幾十磅過左一年左右, 開始飲返少少, 結果每次飲完3-5小時後覺心跳加速,
但用心跳錶check 是同 ...

其實奶茶係有咖啡因的.

http://www.hkheadline.com/living/living_content.asp?contid=84641&srctype=g

你可參考下

ivan

原帖由 chowsmile 於 2011-12-14 13:00 發表

                               
登錄/註冊後可看大圖

其實奶茶係有咖啡因的.http://www.hkheadline.com/living ... ontid=84641&srctype=g你可參考下

其實如朱古力, 朱古力奶, 茶,汽水等等都有咖啡因..

佢既作用係提神, 但某程度上係令你透支體力....

自己飲完紅牛跑渣打10k仲pb埋, 但第二日好倦, 因為不自覺透支....