你跑步為乜？參加跑步比賽為乜？

欣樺

跑步可以強身健體之外, 還可以抒發情緒, 有時候心情欠佳, 跑下步可以平衡一下. 參加比賽是挑戰自己, 但多多少少都希望可以跑好一點, 如果可以消脂又能提升速度, 會有很大滿足感, 對我來說, 是真貴的回憶.

阿聰

原帖由 大俠 於 2010-12-23 23:43 發表

                               
登錄/註冊後可看大圖

健身跑 - 每次練習都會好開心好舒服, 唔需要快
競賽跑 - 每次練習都會好Q辛苦, 過程未必享受; 比賽跑到死下死下, 唔PB都唔開心
逍遙跑 - 鍾意就快跑, 唔鍾意就hea, 有力就同人死過, 無力就隱形 (我係呢隻)

咁我都希望係第二個，才能夠苦盡甘來。

skuirtfcali

初初跑係為減肥... 跑跑下就變左為健康..
跟住就唔跑唔舒服,長短都要跑下先訓得著... 同樓上ching一樣,好似要同自己過唔去咁,跑得越辛苦越開心

cj033258898

其實都唔知點解會喜歡，記得係中學時代見d同學參加運動會跑100, 200, 400, 4x100…1500當時我覺得呢班友傻傻地，咁辛苦又浪費時間幹麼，真係估唔到今天我會變成昨天的他(重要跑比他們跑更長更遠…)

跑步令我改變了很多，亦令我懂得去真惜一些值得真惜的一齊。

我從小五時已有吸煙的習慣，值至幾年前參加第一次渣馬10k令我改變一生。

在很多年之前與一位同事放工後常到沙田做gym(平均一星期去兩次左右)，記得每次做gym都會跑吓步，就從那時開始就續漸喜歡在跑步機上跑步，因為每次跑都會比上次跑多點，就是這樣開始覺得在跑步機上找到一些成功感，當時有同事對我們說(你兩個咁鍾意跑步點解唔去跑馬拉松呀!!)，就是這樣我與我同事參加(2008渣馬)亦係小弟第一跑馬拉松，但當我每次在跑步機練跑時，唔知點解會想起一些很矛盾事情，由於吸煙的關係(我當時係一名煙民)，跑步對我來說係幾辛苦的事情(我每日食超過一包煙)，唔知點解當時有一種想法，如果唔食煙去跑步會相羞幾多??就係咁小弟從2007-10-26開始在沒藥物,壓力及宗教的情況底下把煙戒掉，食了廿年終於可把它放下亦同時放下一些無為的執著，我亦可以好肯定講在沒吸煙的情況下，真正感受到咩叫越跑越有，長跑不旦帶給我健康還給我一份永不言敗的信念，戒煙除家人的支持還有這份堅毅不屈的精神。

super50

其實我第一次想去跑馬拉松既原因都幾攪笑
由於小弟做飲食業，所以都好早返工，每天晨咁早四點幾
就要起身返工，話說有一個星期日，小弟如常早起出門返工
，平時幾乎包車得幾個人，點知駕巴士人山人海，到出左東隧
重大劑，點解架巴士同平時相反方向行，心急到死，因為遲到會無左
勤工，後來知道係每年一度馬拉松，巴士要改道而行，就係咁樣攪到我
一落車就要9秒9撲返公司，跑到我又氣湍又腳軟、重差D遲到，谷鬼氣
之下，決定參加馬拉松，等自己果日可以有籍口放假唔駛返工
到左今時今日，我很享受跑步既樂趣，亦都很享受比賽
(2010年2月28日人生的第一個10K)就這樣開始左我既跑步生涯

[ 本帖最後由 super50 於 2011-1-4 22:15 編輯 ]

purejoey

我開始跑步的原因係「怕蝕底」。

因為當時屋企樓下起左將軍澳運動場。貴為東亞運田徑主場又係樓下，唔跑都踩幾腳呀。
就係咁展開從未諗過的跑步人生...

阿聰

原帖由 purejoey 於 2010-12-29 21:52 發表

                               
登錄/註冊後可看大圖

我開始跑步的原因係「怕蝕底」。

因為當時屋企樓下起左將軍澳運動場。貴為東亞運田徑主場又係樓下，唔跑都踩幾腳呀。
就係咁展開從未諗過的跑步人生...

我當時又冇諗過"怕蝕底"呢樣野喎
只是想到人做我又做，但做完又有益健康

現在花在跑既時間的確少左，但我都希望好似你咁勤力練習。

阿火

原帖由 cj033258898 於 2010-12-28 21:45 發表

                               
登錄/註冊後可看大圖

其實都唔知點解會喜歡，記得係中學時代見d同學參加運動會跑100, 200, 400, 4x100…1500當時我覺得呢班友傻傻地，咁辛苦又浪費時間幹麼，真係估唔到今天我會變成昨天的他(重要跑比他們跑更長更遠…)跑步令我改變了 ...

睇完令我好感動！
為你嘅改變又感到開心！

阿火

我嘅跑步開始....2009年秋天，有一晚，係我人生其中一個低潮。我唔
開心到喊唔出但個心好痛，成個人發呆就好似Forres
t Gump咁，無啦啦著上跑鞋起街不停跑步，直到跑到累至停。於是，剎那間全身舒服，汗水似代替左淚水同傷心一齊排出體外..
..


而家....
有時生活瑣事都會令我煩擾和低落，有時連身邊朋友很難明白自己處境時，我就會出去跑跑步當「跑步」係我親密知己看待....

得得地

自己在 facebook 裡, 寫低了對長跑的感覺.
節錄部分如下:


長跑起跑

2008年離開繁重的工作, 計劃求婚準備結婚, 亦都想尋求生活的轉變.
看到電視節目, 一位老師在校內練跑, 準備長跑馬拉松,
那一刻, 突然心血來潮, 想去嘗試長跑.

其後相隔半年, 放低工作, 慢慢開始去實行.
2008年8月奧運正熱烈地進行, 看到這段短片, 覺得莫名感動.
( http://www.youtube.com/watch?v=vRyOQqlzBBU&feature=related )
希望可以有朝一日, 我也可以說: [我唔係頹, 我係一名運動員.]
(即使只是一個有運動的普通人, 也好.)

長跑比賽

2008年11月23日, 我在數碼港參加了我的第一項長跑 5km 賽.
由2009年1月1日元旦跑第二個長跑賽開始,
我便至少每一個月都有一次參加長跑比賽,
現在差不多參加了四五十場長跑賽事.

渣打馬拉松

我的第一個 10km 賽, 是 2009年渣打馬拉松.
賽後我覺得, 參加了一項長跑賽, 便已經可以跟 55000名跑手做朋友了.

來年二月的渣打馬拉松, 會是我第一次正式參加全馬拉松 42.195km.
這一年更增加至 65000名額, 我們都會以衝過維園終點為目標,
大都是戰友了.

細心一想, 這卻有點可笑,
在香港七百萬人口, 65000人也不足一個百分比,
在那一天, 即使我們在努力跑步運動,
還是有 99% 的人在睡覺, 或是做他們平常的工作.
參加全馬拉松的人數, 只有一萬人, 我更加是屬於 [不正常] 的人了.

長跑引言

在 Facebook 裡, 我的格言是:

I try, not because I can;
I can, just because I try!

無論將來如何, 這一次就讓我試一次,
繼續努力去至少跑一次全馬拉松吧 !


I'd rather do something I love badly,
than feel bad about not doin' something I love.   [Sylvester Stallone]

[ 本帖最後由 得得地 於 2010-12-30 12:48 編輯 ]

allanccl

原帖由 得得地 於 2010-12-30 12:47 發表

                               
登錄/註冊後可看大圖

I'd rather do something I love badly,
than feel bad about not doin' something I love.   [Sylvester Stallone]

贊同贊同!
最鍾意呢句!

MatthewTse

跑步為乜？

自2009年2月9日的下午看完2009渣打馬拉松新聞決定開始跑步, 算算已經是2年前的事, 運動能為我帶來健康，更重要的 ~~ 2年多期間工作繁忙又要兼顧家庭生活操心照料妻子, 衷心感謝跑步運動給我空間平衡及舒緩一下工作及生活壓力!

跑步是一種少有的付出與收入成正比，及憑個人努力可取得成績的事，而工作就比較覆雜及較難掌握，甚至事與願遺．當工作受到挫折及感到無助時，特別覺得它的珍貴．

跑步是一件很孤獨事、很乏味的運動，但在這種孤獨、乏味的時間裡頭，我的心情似乎可以獲得某種程度上的平靜，可以沈澱很多很多很多的情緒！可以思索很多很多的事, 或者可以不想任何任何事. 人很奇怪總喜歡挑戰些什麼，但我性格比較不合適足球籃球, 這個跟性格有關係的，Middle school 時喜歡擲鐵餅,游泳, 幹個體活動, 跟"贏人"比賽不感興趣. 祝大家 2011 工作順利，保重身體!

[ 本帖最後由 MatthewTse 於 2010-12-30 14:23 編輯 ]

Oscarynk

原帖由 MatthewTse 於 2010-12-30 14:21 發表

                               
登錄/註冊後可看大圖

跑步是一件很孤獨事、很乏味的運動，但在這種孤獨、乏味的時間裡頭，我的心情似乎可以獲得某種程度上的平靜，可以沈澱很多很多很多的情緒！可以思索很多很多的事, 或者可以不想任何任何事. 人很奇怪總喜歡挑戰些什麼，但我性格比較不合適足球籃球, 這個跟性格有關係的，Middle school 時喜歡擲鐵餅,游泳, 幹個體活動, 跟"贏人"比賽不感興趣. 祝大家 2011 工作順利，保重身體!

好鍾意依段，因為我自己也有相同的感覺。好多年前愛上踩單車上班，就是喜歡那種孤獨，可以清晨四時起床，可以在路上飛馳一整個小時，可以七時前到運動場沖個熱水浴，可以享受一份清靜的早餐，然後才開始一天的工作，確實，在整個過程中，真的有時間讓我思考問題；記得那時有同事離職移民加拿大，我告訴她我愛上那份清晨獨處的時候，她還以為我發生了什麼事。

同樣，我也是不喜歡那些競賽性的活動，也不愛要組隊才能玩的運動，所以我那時愛上踩單車，掛上掛袋，帶了營幕，就可以去單車露營，距離並不是一個大問題，因為單車的速度較高。但單車要用的器具較多，漸漸，愛上一些更簡單的運動，試過獨木舟，但自己水性不好，考了銀章還沒有考金章，活動受一定影響，後來才發覺原來可以更簡單的跑步，不用太多的預備，換了跑鞋就可以上路。由於住在郊野公園，可跑的路就更多，目前發覺跑trail更好玩，因為要更專注，更可以讓自己absorb入跑步中，不過體能尚未適應，現在主要還是跑運動場。

見大家後喜愛跑比賽，但我自己的興趣不大，不過還是預計2012年會跑中國海岸半馬，跟別人比沒有太多的興趣，但還是定下一些目標讓自己超越。但有時發覺有了目標，會過份target oriented，像近來多了speed work，少了LSD。

阿聰

[quote]原帖由 得得地 於 2010-12-30 12:47 發表

                               
登錄/註冊後可看大圖

無論將來如何, 這一次就讓我試一次,
繼續努力去至少跑一次全馬拉松吧 !


I'd rather do something I love badly,
than feel bad about not doin' something I love.   [Sylvester Stallone]




咁我都幾鐘意呢段，有點似無論如何身先士卒，都要全力以赴的味道。

只要我們嘗試過，就能"死而無憾"。

Josh

for fun, for 折磨自己, for push myself to the limit