自己有時真係會動搖

方包仔

相信大家都會試過,好有HEART咁練習,可惜自己成績不斷都冇進步,可能仲退步嘅時候,真係會覺得好頺,冇曬動力,唔知繼唔繼續落去好..

LMF

我覺得呢個就係學習"堅持"的時候,
跑步除左鍛鍊身體,亦鍛鍊心靈同意志,
好艱難先有少少進步,咁先值得開心,苦盡甘來,
如果下下咁易升呢,冇曬挑戰性,有咩好玩,
通常我遇到呢d樽頸位,就同自己講,要keep住都唔易,
唔操可能死多兩錢重,為有繼續操下先,
再請教下人,有咩辦法有新突破啦
ching加油呀!!

econecon

原帖由 LMF 於 2010-12-28 02:53 發表

                               
登錄/註冊後可看大圖

我覺得呢個就係學習"堅持"的時候,
跑步除左鍛鍊身體,亦鍛鍊心靈同意志,
好艱難先有少少進步,咁先值得開心,苦盡甘來,
如果下下咁易升呢,冇曬挑戰性,有咩好玩,
通常我遇到呢d樽頸位,就同自己講,要keep住都唔易,
唔 ...

有時退步左. 冒求去練習番可以操番個態同埋keep番本身已經去到既水平. 只要有少少快左(同自己比)就已經好開心.

Oscarynk

條學習曲線就係咁，初初有個起飛的階段，好快就有進步，我八月開始跑步，頭兩個月就係起飛階段，由跑十多分鐘到可以跑兩個鐘，由只跑數K到可以支持到一個半馬。不過之後就會到一個樽頸，好難見到進步，我現在就是這樣了，失去了當初要跑兩個鐘，20k的動力，因為已經跑到，但要再set高標準又好難達到，好似我原本希望2010年完結前可以用50分鐘跑完10k，但係由75分鐘進步到60分鐘就好易，由60分鐘進步到55分鐘已經九牛二虎之力，要50分鐘一定唔得，樽頸階段真係好難捱。當然知道其實一直在進步中，例如每次復元的時間都在減少中，不過這段日子相信好捱上半年以上。如果過得到樽頸，自然因為這段日子的不停訓練，會有長促進步的。這大概是所有學習都必經的。

我覺得如果把跑步培養到成為一種習慣的話，就比較易渡過樽頸階段。

LMF

小弟愚見,其實長跑又好,做其他運動都好,成個進程就好似一個彈工螺旋線咁,
去到某個高點,又會回落番,又住又會升上另一個高點,又回落,又再上.......
比較每一次的高點,或所謂的低潮,都是進步必經的進程,
冇橫風橫雨,點知天晴的可貴,冇低谷,何來高山?
退步是進步的必經之路,
意識到自己唔妥,已經好叻,好多人都冇自知自明,
唔掂,咪想辦法搞掂佢,搞得掂,咪升尼囉

laisam06

跑步係我應允左自己生日做到既一個好習慣, 因為自問生活習慣好差.
今年4月先開始學人跑, 依家天時凍, 每星期都keep到三次, 100分鐘以上, 算係咁啦.
比賽都玩左兩個, 黎緊都有兩個, 唔好問我目標時間, 唔腳痛唔受傷就算喇.
下年我會比壓力自己....掛

hotbloodedalva

原帖由 Oscarynk 於 2010-12-28 16:51 發表

                               
登錄/註冊後可看大圖

條學習曲線就係咁，初初有個起飛的階段，好快就有進步，我八月開始跑步，頭兩個月就係起飛階段，由跑十多分鐘到可以跑兩個鐘，由只跑數K到可以支持到一個半馬。不過之後就會到一個樽頸，好難見到進步，我現在就是這樣 ...

Ching,......好有同感......但你都巳經可將半馬時間完成於2 hr.内.....我重爭4 min. ar.....嗚...不過好同意你的看法,我的情況也跟你很似......

tomcat

ching,冇進步,就要尋找方法/試/改變,
尋找合適自己的.

進步唔會係線性向上.

況且除了成績上的進步,仲有好多方面的進步要你去發掘.

Left3

好好的問題…
我係一個冇咩跑步细胞嘅人….只識不停堅持練習…
我09年第一次SCM全馬用4:30完成, 09年11月上馬進步了13分鐘, 剛剛在台北全馬再減了28分鐘, 3:49完成。練習時樽頸不少, 夏天太熱, 工作太忙, 病, 傷…等等, 我冇刻意去突破, 但練得多就自然會進步，記得有次天氣涼d, 又換左對新嘅薄底鞋, 之前3日又冇練, 结果發覺自已原來可以跑得快好多, 連續两组10k都可以用比平時每K快30秒完或, 打破咗5:30/k的沉悶局面, 一次之後自已知道有可能做到的話, 就多咗信心。
同意進步唔係直線既, 要轉練習方法, tempo, interval, fartlek…等等, 換對鞋, 換條褲, 轉地方, 同呢到的ching/ctse一整練…。
我而家又面對另一個樽頸, 點樣再快d? 再保持均速耐d。唔爆咁多! 都係一個要突破自已嘅關卡。冇計, 試唔同練習模式，多問, 多練。
Keep it up, enjoy!
一定突破到既!!!!

得得地

原帖由 方包仔 於 2010-12-28 00:34 發表

                               
登錄/註冊後可看大圖

相信大家都會試過,好有HEART咁練習,可惜自己成績不斷都冇進步,可能仲退步嘅時候,真係會覺得好頺,冇曬動力,唔知繼唔繼續落去好..

我自己都有諗過哩個問題.
PB 令到人好興奮, 我都怕有朝一日冇咗 PB, 會點 ?   

當我跑咗一年, 以為跑到10km sub-50, 已經差唔多, 唔會想再追時間.
但係跑跑吓, 今年跑到10km 45-47min.
以前真係冇諗過跑到 sub-46,
但係我又諗, 如果再跑落去, 究竟個極限會去到邊 ?
或者係 42-44min ?   (始終如果跑得再好, sub-40 都好多人跑到添.)   

其實如果講跑步, 或者都可以再試吓唔同距離,
跑半馬, 跑全馬, 同跑 10km 真係好唔同.
PB 10km 夠皮, 咪試吓半馬全馬囉.   (甚至去玩三項運動).   

不過, 去到最後, 始終都係要調整心態,
世界高手, 始終都係會 [去到盡],
哩樣都係人生嘅一部分......     

tommyleung

我都有時會咁諗, 自己由開始學跑到現在都未夠一年, 開頭真係好辛苦, 4-5K就覺得攰, 記得最初係運動場完成第一個十公里, 都要1小時15分, 當時已經好開心, 之後都只不過是上上落落, 仍然未可突破1小時, 後來轉練習跑半馬, 初頭要2小時30分完成, 一步步加快個pacing, 2小時20分 > 2小時12分 > 2小時6分, 到現在2小時左右. 但現在當我跑番十公里時, 已經可以跑到52分, 可能同我練半馬有關, 不過現在又到了兩個心理關口, SUB50(10K)同SUB2(半馬), 應該再要過一排先可以再突破了..或者要再增加里數, 跑得更長, 才可以令短程既速度加快...

jshho

>> 相信大家都會試過,好有HEART咁練習,可惜自己成績不斷都冇進步,可能仲退步

jshho

> 相信大家都會試過,好有HEART咁練習,可惜自己成績不斷都冇進步,可能仲退步

任何人, 只要有適當的練習, 休息, 調整, 都會進步的 . 只是進步多少的問題.

當你的水平已經到了一個對於你來說一個比較高水平的話, 要再進步當然要下更多的苦工, 需要付出更多的時間 .
問題在於你覺得值唔值得.

師兄加油啊 !!

hotbloodedalva

原帖由 tommyleung 於 2011-1-7 10:31 發表

                               
登錄/註冊後可看大圖

我都有時會咁諗, 自己由開始學跑到現在都未夠一年, 開頭真係好辛苦, 4-5K就覺得攰, 記得最初係運動場完成第一個十公里, 都要1小時15分, 當時已經好開心, 之後都只不過是上上落落, 仍然未可突破1小時, 後來轉練 ...

雖然我10K可做到pb 51.min但半馬則從未可sub.2..上次沙田城門河半馬去到18K用了1hr 40 min...只剩3k但仍有20 min才2 hr...以為sub2硬 la....點知跟住抽筋,抽到跑唔郁, 要連行連仆咁捱返終點......結果用了2 hr.9 min.....我都好心灰吓。但如今睇得多Chings 的回應.....令我不其然凜然一振, 重新振作, 睇下來緊的美津濃半馬能否sub. 2.....(雖則這條路都幾有難度)

winner1

係呀,由其是工作完己經好倦加上天氣咁凍又大風,D成績又咁上下,都幾down吓~~
而家裏對小朋友(0.3&2.8歲)及太太的時間又小了,真係要多謝屋企人支持~~所以要有份好好睇睇*成績表比自己及家人有個交代...
師兄加油啊 !! x 2

齋老味

小弟雖然 3x歲
但係跑齡只有年幾
仲係成長期.........  

Left3

原帖由 hotbloodedalva 於 2011-1-7 11:22 發表

                               
登錄/註冊後可看大圖

雖然我10K可做到pb 51.min但半馬則從未可sub.2..上次沙田城門河半馬去到18K用了1hr 40 min...只剩3k但仍有20 min才2 hr...以為sub2硬 la....點知跟住抽筋,抽到跑唔郁, 要連行連仆咁捱返終點......結果用了2 hr.9 m ...

ching
10K 51min.
半馬sub2係一定得嘅!!!
應該冇難度! 仲有空間上多d添!!如果係老抽, 就記住補水, 電解質飲料。有機會操多一两次16-18K長課! easy job!

曲奇

原帖由 方包仔 於 2010-12-28 00:34 發表

                               
登錄/註冊後可看大圖

相信大家都會試過,好有HEART咁練習,可惜自己成績不斷都冇進步,可能仲退步嘅時候,真係會覺得好頺,冇曬動力,唔知繼唔繼續落去好..

比賽時放鬆一點心情吧....
或許你練習得多，在比賽時會俾多左好多壓力自己...
令你應有的水準不能發揮呀....


跑步除了做時間外，其實你也要懂得享受呀.....

ching, 請繼續加油加油...

Josh

跑到冇咩動力, 我會去踩下車, 踩到悶, 就去游下水, 游到悶又會去跑下山, 咁多運動, 可以輪住玩gei~
我做運動都係for fun 嘛, 況且好多時玩下其他野, 再跑返又有意想不到既進步

billyida

方包仔跑友 , 相信您比我年輕 , 進步空間很多的 , 不要心灰意冷 , 跑步如果要成績 , 1.就要有一份好的訓練計劃 , 2.要有戰鬥的心 , 3.要有吃苦能力. 我今年51歲由7月份開操訓練馬拉松 , 目標是2012年馬拉松比賽以3小時內完成 , 我顧慮恩素應該比您還多 , 您可參考李前輩的(長跑魔功)著作.
http://forum.hh1977.net/viewthread.php?tid=193 燃點心火 , 哈哈