再操青公之旅巧遇高手師兄!

camij6152

前日小弟又再出發, 同一條路線, 不過跑跑下遇到另一位師兄 .............話說小弟跑到小欖左右, 0係對面馬路見到有位師兄用快速追上 , 心諗師兄應該幾跑得呢! 過一陣師兄過馬路, 終於我地0係大欖附近"相遇" , 大家原來都係由屯門去荃灣西來回 , 佢就由大興起步, 我就友愛起步!  沿路大家一路跑一路傾計 , 原來師兄(估計40+)除正職外乃兼職游水教練一名, 先後參加渣打全馬6次,  試過跑10k(冇問咩比賽)得頭10名內, 果真世外高人, 自愧不如 ......
一直去到荃灣西七仔補給, 師兄仲爭住俾錢 , 真係多謝多謝, 不過我梗係唔使啦!下次先請啦!  之後再起步, 見師兄健步如飛,我就差少少喇!  原本計劃回程時要0係深井再補給, 不過師兄又冇需要, 放棄左....... 唯有去到近大欖自己拎出秘密武器>>>>power gel一包是也 ! 呢包power gel 原本係一包善良既power gel, 佢既作用就係萬一有咩事先諗住食! 點知呢次就食左....... 師兄上落斜既速度頗快, 更唔覺佢攰, 我就做"跟得"夫人, 要師兄就住小弟跑! 真唔好意思!
去到小欖幾條長命上斜位, 小弟都要收慢車上 , 但係因為要跟貼師兄, 冇計! 照去! 於是問題就出現, 左右大腿作老抽狀! 此情況同上年跑渣打時一樣, 心諗唔通要收皮?  即時想辦法作出對應! 唔通停低拉筋?  但係師兄跑得興起! 於是乎發揮小弟既"小宇宙" , 幸好小弟識dd游水秘技, 就係懂得點樣控制肌肉唔抽 , 於是繼續捱落去........呢個辦法果然work, 去到三聖時已經冇再抽 , 回復正常! 不過另一個問題出現 , 就係feel到有"撞牆"感覺出現 ! 其實一早已知會有呢個問題,  因為頭先俾師兄帶住跑, 冇買到野食.......不過好彩最尾去到友愛我就同師兄分手喇! 自己再慢跑至蔡意橋,  呢一刻望一望錶, 3小時50分! 仲快過上次!不過我就餓到想死咁滯........一返到屋企見有蛋糕即食兩個 , 同時吃下兩個丁丁麵 (對上一次同時吃兩個丁丁麵肯定係10幾年前中學時代.....)再加一罐可樂!!! unbelievable! 先覺得飽咋!

今次又學到野lu! 雖則冇同師兄交流同交換連絡方法, 甚至冇問佢咩名, 不過都多謝你!