|
|
SCM 2012
20120205
5'36" 5'06" 6'06" 5'09" 6'00"
5'15" 5'56" 5'45" 5'05" 5'15"
6'41" 3'42" 5'21" 5'21" 5'02"
5'34" 5'11" 5'08" 5'06" 5'16"
5'23" 5'00" 7'25" 2'34" 5'01"
5'36" 5'11" 5'37" 5'18" 5'29"
5'30" 5'19" 5'30" 6'13" 5'58"
6'57" 6'57" 7'01" 7'46" 6'36"
6'39" 7'52"
10K 0:55:18
21K 1:53:09
30K 2:40:25
42K 3:58:50
(PS: 11k 及 23k 位 miss左里數牌)
事前準備:
經過上年的醣原負荷肚瀉法, 今年無再用呢個方法, 只係賽前幾日開始加飯. 裝備方面一早就已經預備好了, 鞋, PowerGel, 手套, 衫等等, 唯最後本來想了解天氣才買雨衣, 最後都唔記得買, 好在只係賽前的一陣雨.
賽前一晚:
感覺輕鬆, 下午小睡了兩三個小時, 然後晚上十時上床, 無特別緊張, 一訓就天光.
比賽當日:
三點多起身食個大麥包, 飲定500ml水, 換好衫, 點齊裝備, 四點多就落樓下的M記食個通粉, 之後就坐地鐵去場地. 到了場地便找找大西北, 找了數分鐘, 終於見到Nancy, 打了招呼後就即時準備, 熱身及去埋toilet, 不久就大隊行去寄行李, 就在此時開始有微雨, 開始有點擔心, 寄完行李雨仍未停, 而且越落越大, 但為了要早點上線, 各人亦只好繼續在雨中等候, 終於在起跑前雨停下了, 實在太好了.
賽前沒有定下一個好目標, 或者完成就是其中一個目標, 但因為女友會到場打氣, 都要給她一個參考時間, 幾時出現在cwb一帶, 我只同她講: 你預我4小時 +/- 15分鐘回來啦, 這或者算是我的目標時間吧.
起跑時因為有大西北在附近, 特別是esther (因為大家差唔多pacing), 起跑都唔算走得好急, 頭1k 5'36", 第2k有少少落斜 5'06", 都算合理, 總之頭4-5k, 仍然在esther附近, 直到7k上斜開始, 我開始自己一個走, 間中到了水站時, 會見到esther過頭, 之後我飲完水又好快趕上, 上了昂船洲大橋開始平路, 步速開始加快, 開始走番近pmp, 刻意在最左邊走, 即馬路的最左邊, 這處最平, 不過亦有問題的, 就是地下相距數米會有個四方的東西(貓眼石?), 我就衰過一次, 上了昂船洲大橋頂時, 四周看風景, 唔小心踏了上去, 好在無咩問題.
過了昂船洲大橋, 10K 約55分, 上斜來講唔算好慢, 到了青馬大橋, 看看地下真係好爛, 只好又找最邊邊的地方走, 因為車行唔到, 保養得最好同較平, 基本上之後好多時都開始做5分頭, 因為多平路. 到了半程準備轉入汀九時, 看看時間, 1小時53分幾, 應該是pb了之前美記半馬時所做的紀錄, 快了數十秒  不過開始唔專心, 步伐有點亂, 開始時不時要在心數1,2,3,4去控制步頻, 但轉入汀九, 又是平路, 步速仍可維持.
不經不覺又跑到30K, 時間是2小時40分, 時間算唔錯, 亦在此時對SUB4有好大信心, 不過可能就是因為咁, 唔知係唔係個人都放鬆了, 所以開始唔專心, 準備回程去西隧入口, 跑來跑去都未見西隧, 此時我應該開始好唔耐煩了, 所以入西隧前食一包Gel, 停了數十秒, 就可能係呢一個停頓, 開始了我的8k抽筋, 入了西隧都是慢走, 走到出口hamstring開始有反應, 捱了一段又開始到小腿抽筋, 條筋好似左右發下發下, 只好又停下來, 行了幾數十秒又再次起步, 之後都斷斷繼繼跑下幾分鐘行下一分鐘. 時間一分一秒過去, SUB4的信心亦大減, 不過因為之前30k時間唔錯, 仲有水位可以走, 跑到cwb, 左望右望, 都唔見女友, 因為都唔知她企咩位, 但因為步速十分慢了, 最後都見到她, 打了招呼後繼續向前, 到了打氣團位置, 見到Wong Sir, 可能之前前面有位ching/ctse經過, 他們都注意在別的方向, 時間已經無幾多, 我只好繼續前進, 最後的1k仍然要半行半跑, 最後終於入到了會場, 看見大會時間已經3小時58多, 急不及待跑埋最後一百米, 但仍是抽住抽住的, 過終點時終於可以Sub4, 幾個月來既辛苦練習, 都算對自己有個交代....
本月已跑 47KM
[ 本帖最後由 tommyleung 於 2012-2-22 22:48 編輯 ] |
|
樓主
發表於 2012-1-24 10:09:55