|
中暑後...
第一日 20110815
跑完中興盃後中暑, 醒返時係救護區下, 救護員不停問我問題, 以確保我清醒
e.g. 叫咩名, 現在係邊, 有冇朋友一齊來, 有冇食早餐, 現在覺得點..等等....
之後過了十分鐘, 又重復問題之前既問題, 不過今次同我量體溫, 心跳, 血壓,
個師姐睇完個體溫嚇了一跳, 細細聲同另一個師兄講...108...我都嚇了一跳,
心諗我發生了咩事, 會唔會有事架.....此時, 師兄可能驚我嚇親, 同個師姐講
"你跑完都燒啦", 師姐即刻保獲, 同我講:"呢個正常既, 無事既, 你放心, 慢慢
繼續呼吸, 放鬆的".....
之後又過了幾分鐘, 師姐又來問:"覺得點, 有冇好的? 個心有冇痛? 係唔係口乾
呢? 不過現在唔建議你飲好多水." 之後就比左張濕左水既紙巾, 濕一濕口......
過多幾分鐘, 師姐又來話:"不如試下坐起丫, 訓得耐都唔好架, 你要唔要試下?..."
我見自己好似Cool Down番少少, 就盡力試下, 慢慢用手幫助坐起, 因為血壓低,
開頭坐起有少少唔集中(即少少暈), 之後好快就無左呢個感覺, 坐了幾分鐘, 師姐
面色都好番少少, 過多幾分鐘, 又叫我試下坐係張椅到, 再過多幾分鐘, 終於叫我
起身, 初時起身因為太急, 又唔知自己腳軟, 好在身後有得挨下, 最終都成功了....
病症: 頭痛, 四肢無力, 口乾, 無食慾, 時不時出汗
第二日 20110815
可能因為跑完就即停, 無拉筋, 無Cool Down, 所以周身酸痛, 當日勁唔想返工!
病症:頭痛, 周身酸痛, 口乾, 訓得唔好, 無食慾
第三日 20110816
開始有番食慾, 無再口乾, 訓得算可以了
病症:周身酸痛
第四日 20110817
無乜特別了, 食得訓得
病症:大小腿酸痛
第五日 20110818
偷偷試跑了, 一朝早就去運動場, 自拉一拉筋, 慢跑了2公里, 平均 2'12一個圈,
見無不良反應, 再走多2公里, 平均 2'12一個圈, 最後跑了4公里.
病症:大小腿酸痛
第六日 20110819
又去偷偷地晨運了, 同的公公婆婆say hi, 慢跑了4公里, 不過仍然好似腳軟軟咁
2'14" 2'10" 2'09" 2'07" 2'06" 2'04" 2'03" 2'01" 2'00" 1'58"
病症:小腿酸痛
第七日 20110820
今日無跑了, 休息一下, 亦無酸痛, 可能是前兩日的慢跑帶走了我的酸, 恢復了嗎?!
[ 本帖最後由 tommyleung 於 2011-8-20 10:16 編輯 ] |
|