|
四年間完成了八隻馬,兩隻領跑六隻自己跑,各有唔同得著! 今年渣馬絕對係最辛苦一隻,之前幾難捱都好,心情都無咁激動! 其實今個賽季篇排得唔錯,諗住12月玩完山就開始密集高強度訓練渣馬取BQ! 但不知何故左腳腂在12月頭出了點狀況,但扎住上又ICC樓梯賽奪獎真吹脹! 經歷完TNF100以為無問題,點知後一星期開操跑兩日30KBACK TO BACK就出事! 腳腕位痛到行都成問題.於是只好休息同之後都唔做高強度練習! 在美記半馬跑到不知所謂,原本都諗住今年兇多吉少,但馬年開始可能休息夠, 兩個小型賽事竟然跑出意料之外的好成績,PB外仲差少少有獎,於是BQ又好似重燃希望! 雖然BQ到我都未必有時間去亦未必抽到,但呢個都算係跑友間的一個LEGEND!
今年抆車邊企優先區,可以見證到拱橋倒下再挺起................希望我都可以! 一起步就全無阻擋,心中叫自己收慢收慢,但對腳就始終唔聽話,之後見到某知名女將就諗住 跟佢穩定的車,點知佢係穩定,不過係穩定的快,在天未光涼浸浸的情況下未見辛苦,但5K望 錶21分幾就知再跟會出事,於是收慢,一 收慢少少胡SO就剎上來之後法官又來,到10K44分幾 比預計快左兩分鐘,心知不妙於是再收慢少少,上到青馬大橋好大風,吹到我左搖右擺,跑到 舞龍咁,最衰我附近人唔多,想找個人擋風都無>.
今年好特別,唔知咩事除了頭幾K,在我附近的人都不太多,過我同我過既人都唔太多, 好似跑左個孤獨馬拉松咁,當然可能係我半程後跑到神智不清睇唔到都未定!XDD 我沿途都聽到好多跑友向我打氣,但唔係好近的我基本上係分唔到係邊位真不好意思! 而今年亦有不少認識的跑友出了狀況,一些唔應該我會見到的人在我視線範圍出現,之後在我 後面消失,希望大家都無受傷,只係少問題吧!
可能受兩橋的強風...吹"拂"左個人,在半程後無好似無意識的跑,PACING都仲KEEP到,連長青後 的上斜位都突破到魔咒,30K比去年快4分鐘,原本諗住BQ有望,但落西隧時右腳大脾後筋有D反應, 於是只好收慢,而在上斜時更要收到步幅好細黎上,在加步頻下都未係蝕太多,上到頂準備落斜時, 看錶計過去盡應該趕到,但一發力到左腳大脾後筋抽出黎,呢一刻注定BQ無望,但落得場一定要 盡力唔可能咁易放棄,在不斷心呼吸,無水都食多粒鹽丸下,慢JOG又JOG番順隻腳,在悲痛中強忍 的跑回終點,在入維園開始熱淚盈眶,衝線時悲喜交集,流下男兒淚.................
冷靜後,細想....在美記半馬比上年慢左3分鐘的情況下,渣馬可以倒轉頭快番3分鐘,其實已經好難得! 而能夠沉著應戰都係一次好好的經驗!
全場 挑戰 組別 大會 晶片 10K 半程 30K 807 758 278 MMM1 23180 3:37:47 3:37:14 0:48:25 1:43:14 2:28:48 (2012)
524 484 192 MMM1 23310 3:24:34 3:23:38 0:47:43 1:38:30 2:22:15 (2013)
425 406 146 MMM1 23714 3:20:32 3:20:26 0:44:40 1:35:27 2:17:23 (2014)
| 
發表於 2011-2-24 10:02:22
樓主
發表於 2011-2-24 10:48:44
.gif)
ching由減肥到跑全馬都好有毅力, 繼續加油, 唔好俾佢停~~~
hihi 我都由200lbs減到150lbs之後fat番
.gif)
