跑步遇狗

tsw01

大家跑街時遇到惡狗攔路，會點做？

redred

請問各下係ching/ctse ?
先要睇咩情況
1. 有無狗帶將狗綁住 ?
2. 佢係吠定巳經e曬牙 ?

其實,狗有佢地自己既地盤
如果佢一直吠,對你巳經唔友善既話
唔好硬去,因為隨時會為左保護自己而去攻擊人

最好, 扮睇佢唔到,唔好望佢,因為你望佢,佢覺得你挑戰佢
都係慢慢調頭慢行
唔好狂跑呀, 有d狗好鐘意追跑既人架

總之,跑步最緊要安全

tsw01

我係ching ，我果次一個人跑長課，跑到差不多邊境路10字位時，突然有兩隻狗由路邊衝出黎，佢地不停「費」我，重跟住我。我手上只有一個膠水樽，諗住有咩衣旭就扑佢地。好彩佢地跟左我二三十米就無再跟，不過當時個心都幾寒。

onon

好狗唔攔路!
攔得路的...無論係住家定係流浪...都算壞狗!
梗係避開佢啦!

叮叮噹

原帖由 tsw01 於 2008-7-16 22:55 發表

                               
登錄/註冊後可看大圖

我係ching ，我果次一個人跑長課，跑到差不多邊境路10字位時，突然有兩隻狗由路邊衝出黎，佢地不停「費」我，重跟住我。我手上只有一個膠水樽，諗住有咩衣旭就扑佢地。好彩佢地跟左我二三十米就無再跟，不過當時 ...

你驚佢都驚，飲杯竹葉青！
只要你離開它們的地盆，就唔會理你了．

龜速行

真人真事. . . . . .

一個下午,  一個傻人,一條公路

跑下跑下跑下

過左地盤有隻狗走出嚟吠我

傻人心想

加速加速加速加速

龜速又快得過隻狗？



oh ! 隻腳濕濕地

隻狗鼻 "hi"住隻我腳

"big pan" 死就死

轉頭扮狗吠

仲要兇過佢



又得喎

隻狗立即 hang 機

加速加速加速.......閃

=chairman=

原帖由 龜速行 於 2008-7-16 23:37 發表

                               
登錄/註冊後可看大圖

真人真事. . . . . .

一個下午,  一個傻人,一條公路

跑下跑下跑下

過左地盤有隻狗走出黎吠我

傻人心想

加速加速加速加速

龜速又快得過隻狗？



oh ! 隻 ...

嘩， Ching 竟然可以嚇走隻狗？

以前唔識野，有一次跑步的時候經過隻狗旁邊，佢跟住我，我知道仲加速跑！ 隻狗梗係不停追住我啦 ~~ ~好彩個主人識得喝住隻狗 ~~   如果唔係我或者以後都冇得跑步 ~~  

[ 本帖最後由 =chairman= 於 2008-7-17 01:23 編輯 ]

龜速行

=chairman= c hing

隻狗不是好巨! 是唐狗

我好好彩 ar!!

力

make sure no eye contact with the dog, keep the same speed, then run away

redred

原帖由 tsw01 於 2008-7-16 22:55 發表

                               
登錄/註冊後可看大圖

我係ching ，我果次一個人跑長課，跑到差不多邊境路10字位時，突然有兩隻狗由路邊衝出黎，佢地不停「費」我，重跟住我。我手上只有一個膠水樽，諗住有咩衣旭就扑佢地。好彩佢地跟左我二三十米就無再跟，不過當時 ...

CHING 1人點對付2隻狗
千萬唔好搵命摶

而且我係狗痴
佢地吠都係想保護自己地盤
等於唔識既人入你屋企,你都會打人啦
佢吠你叫你走巳經好比面你啦
所以走出佢地地盤
佢地跟跟下你見你閃左
佢地會自動停低,然後方屋企

希望大家無咩必要
或者d狗唔攻擊大家既
大家都唔好去打佢地啦

cfchan

個人經驗，一定唔可以快跑避狗，因為狗係好鍾意追住移動的物體
一定要慢慢過狗狗地盤，同唔好直接同狗狗有眼神接觸，只在佢地走得好近時先"凶"下佢地，咁應該會安全通過。呢個方法，就算係踩單車都岩用！

Gills

如不幸遇襲, 而手上有水, 務必用水潑向狗隻, 之前睇過紀錄片講一頭失常狗隻, 口咬小孩, 其他人用棍打狗, 不止冇用仲愈咬愈實, 好彩有人用水潑向該狗隻, 才得以解困.

大圍新跑手

平時我跑步都預咗會見到d流浪狗，心裡面都諗定如果隻狗沖埋來我實好似踢波咁一腳飛埋去，
好彩咁多次見到狗佢地都冇沖埋來，所以一路都冇野，真係唔知係D狗定係我好彩。

desmond

多口講句，狗口水可以傳染瘋狗症，如不幸俾狗咬請即到急症室打針。雖然瘋狗症在港已相當少見，但大陸仲好多。所以大家遇流浪狗要更加小心。

lvrunner

小弟曾遇狗(有人養的)多次, 每次都即時停步. 從來沒有正面eye to eye 望住佢. 通常佢聞兩聞便走. 呢邊好少流浪狗. 每次D狗都係在住宅區屋旁突然沖出. 最驚係果種pit bull (唔知HK有冇呢種狗). 小弟家在city boundary旁, 隔條馬路便是沙漠. 早幾年初初搬嚟此區時, 因地方還沒有fully發展哂, 小弟亦遇過蛇和遠處看見狐裡和狼(not狼狗)! 但佢地見人就會消失. 小弟呢個area亦有山猫和豹出沒, 但好彩到現在還沒有在民居出現過.

[ 本帖最後由 lvrunner 於 2008-7-16 20:35 編輯 ]

靜水

我成日跑山都會遇到狗，我睇，真係要隨機應變，一般細狗得個"惡"字，可以不理，當佢無到；而大狗一般不吠，但向你吠或跑過來的時侯就需將原有速度減慢並盡可能與隻狗保持有可能的最遠距離，且繼續前進。人都有D會Short Short 地，何况狗！！！萬一真係咬落離，做好反擊心理準備。其中，1) 大聲喝止(把声大過佢)，2) 另外千奇唔好Mout 低(你一定要比佢高大)，3) 真係咬落離，就重擊佢過鼻。(以上1-3只是据聞，未有試過，如有失效, 旣不負責)

力

原帖由 lvrunner 於 2008-7-17 12:32 發表

                               
登錄/註冊後可看大圖

小弟曾遇狗(有人養的)多次, 每次都即時停步. 從來沒有正面eye to eye 望住佢. 通常佢聞兩聞便走. 呢邊好少流浪狗. 每次D狗都係在住宅區屋旁突然沖出. 最驚係果種pit bull (唔知HK有冇呢種狗). 小弟家在city boundary ...

狼! 山猫和豹猫和豹
Is it dangerours?

龜速行

靜水 c hing

"1) 大聲喝止(把声大過佢)"

好似我個 case

都 work work 地

卓卓

原帖由 靜水 於 2008-7-17 13:21 發表

                               
登錄/註冊後可看大圖

我成日跑山都會遇到狗，我睇，真係要隨機應變，一般細狗得個"惡"字，可以不理，當佢無到；而大狗一般不吠，但向你吠或跑過來的時侯就需將原有速度減慢並盡可能與隻狗保持有可能的最遠距離，且繼續前進。人都有D會Short Short 地，何况狗！！！萬一真係咬落離，做好反擊心理準備。其中，1) 大聲喝止(把声大過佢)，2) 另外千奇唔好Mout 低(你一定要比佢高大)，3) 真係咬落離，就重擊佢過鼻。(以上1-3只是据聞，未有試過，如有失效, 旣不負責)

第2點,其中一次我和朋友經清水灣道去將軍澳,路中經過一個地盤俾狗追緊時一齊Mout 低,後果就係個幾隻狗會停底!
會Mout 低 既原因係我老豆話我知,如果狗見到人Mout 低,會知道(你)搵石頭攻擊番佢地,咁事實上當時地下大把石仔,唸住搏一生死

redred

原帖由 Gills 於 2008-7-17 10:03 發表

                               
登錄/註冊後可看大圖

如不幸遇襲, 而手上有水, 務必用水潑向狗隻, 之前睇過紀錄片講一頭失常狗隻, 口咬小孩, 其他人用棍打狗, 不止冇用仲愈咬愈實, 好彩有人用水潑向該狗隻, 才得以解困.

gills 兄, 我以前曾遇過狗咬住人既情況,
情急之下, 試過幾個人打隻狗同d大隻佬用力都打唔開個狗口
用左好耐時間,隻狗先自動放開

用水係一個好方法, 但如果得少少水未必隻隻狗都有用
曾經有教狗師傳同我講,必要時,抽起狗既後腿
佢會即放口,但會向抽起佢後腳既人咬落去
所以,如真係要咁做,要眼明手快,將狗用力拋開,避過佢咬落自己到
(情急底下,狠少少都要,不過,絶對唔建議大家平日咁對d狗)