香港長跑網  - 長跑長友

 找回密碼
 註冊
搜索
查看: 1427|回復: 4

關於渣打馬拉松2012輪椅賽

[複製鏈接]

升級   45.79%

該用戶從未簽到

發表於 2011-10-25 14:27:47 | 顯示全部樓層 |閱讀模式
小弟呢幾日無聊得滯上YOUTUBE睇返關於渣打馬拉松既新聞! 上年搞得滿城風雨既輪椅賽最終都搞唔成! 田總表示係參賽人數不足而取消! 平機會就表示強烈要求田總2012既比賽一定要有輪椅賽!


http://www.###tube.com/watch?v=LW0wtkKZdE8&feature=fvst  (請自行將###換成適當之英文字母)

小弟於是去八掛下點解搞唔成輪椅賽! 何解會唔夠人數比賽? 去渣馬既官方網一睇, 原來參加輪椅賽並唔係所有坐輪椅既傷健人士可以隨便參加!  官網寫明如下:

全程馬拉松輪椅賽事之參賽者,必須年滿20歲或以上方可參加。參加者必須在報名時提交1) 殘疾人士登記證 或2)專科醫生或 3)政府醫生 所簽發的傷殘人士證明文件,以證明其身體殘疾。參賽者必須曾獲國際殘疾人奧委會所頒發T53T54證書,並與報名表一拼遞交。
全程馬拉松輪椅賽事
全程馬拉松輪椅比賽輪椅標準 (以下是根據國際殘疾人奧委會的條例。倘英文本與中文譯本任何不相符之處,則以英文本為準。)

  • 輪椅應有兩個大輪及一個小輪。在所有比賽中,小輪必須放在輪椅的前方。
  • 輪椅任何一部分闊度均不能超出前軸輪的軸心及兩個後輪的軸心。輪椅主體離地面的最高應為 50厘米。
  • 輪椅的垂直平面不能超出後輪的邊界。
  • 已充氣的大輪的最大直徑不能超過70厘米,而已充氣的小輪最大直徑亦不能超過50厘米。
  • 每一個大輪只允許有一個平而圓滑的推輪輞。只有單手的輪椅參賽者才可獲豁免此規例。
  • 輪椅參賽者不准使用機械齒輪或槓桿作賽。
  • 輪椅參賽者可以用手推動輪椅或者使用機械轉向裝置。
  • 輪椅參賽者可以用手轉動前輪轉左或右。
  • 公路賽不允許使用鏡子。
  • 所有輪椅參賽者必須戴上頭盔。


先唔討論參賽資格, 講一講張輪椅! 參賽者一定要有一張同上述所講既輪椅已非容易之事! 再睇一睇參賽資格! 大會規定要參賽者必須曾獲國際殘疾人奧委會所頒發之T53或T54證書,於是小弟好奇下SEND EMAIL去國際殘疾人奧委會田徑項目委員會(香港) 去問一問如何可以獲得呢項資格, 回覆如下:


感謝你的查詢

根據國際殘疾人奧委會 - 田徑項目級別鑑定指引。
國際殘疾人奧委會田徑項目委員會是唯一認可的法定機構負責管理、執行及頒發田徑級別鑑定的單位。

田徑級別鑑定一般會由比賽主辦單位邀請合資格的級別鑑定師在比賽前2-3天進行。
而在分級完成後,運動員將會收到由國際殘疾人奧委會田徑項目所簽發的級別鑑定證書一張。
至於級別結果將會按運動員殘疾情況及能力而定。
現時本會在田徑項目並沒有國際殘疾人奧委會所認可之田徑項目級別鑑定師。


由於2012渣打馬拉松輪椅組賽事是由香港業餘田徑總會主辦,

因此建議閣下可向主辦單位查詢會否在比賽前提供級別鑑定。

謝謝




根據以上既回覆, 我又打電話去問香港業餘田徑總會, 查詢有冇提供呢類合資格的級別鑑定師既服務! 佢地既點覆係.....! 佢地既建議係, 呢類既傷健跑手需要到外地參加輪椅比賽拎取呢項資格!

總括黎講, 一般傷健人士要參加全馬既輪椅賽可謂要過五關斬六仗! 我相信來年既渣馬全馬輪賽應該都係會胎死腹中!

升級   76.55%

該用戶從未簽到

發表於 2011-10-25 14:35:31 | 顯示全部樓層
多謝師兄提供資料。

咁攪法,九成攪唔成。

到時田總又縮骨過關

升級   8.8%

該用戶從未簽到

發表於 2011-10-25 15:02:29 | 顯示全部樓層
我覺得, 要用專用的輪椅是有必要的,
始終是因為安全及公平.

但那張証書就真係為難了好多人.
我覺得有醫生証明可以參賽, 再加合資格的輪椅已經足夠, 為何又要什麼[T53或T54證書]

升級   45.79%

該用戶從未簽到

 樓主| 發表於 2011-10-25 15:39:01 | 顯示全部樓層
原帖由 vichui77 於 2011-10-25 15:02 發表
我覺得, 要用專用的輪椅是有必要的,
始終是因為安全及公平.

但那張証書就真係為難了好多人.
我覺得有醫生証明可以參賽, 再加合資格的輪椅已經足夠, 為何又要什麼[T53或T54證書]


我都認同要用專用的輪椅! 不過到依家我都唔知邊度有得賣呢張輪椅!

更加緊要既係, 到依家都唔知可以去邊度先可以拎到T53/T54 證書!一般既傷健人士點去搵呢? 我唔係歧視, 而係一個現實既問題, 一般既傷健人士經濟上都唔係咁可以afford得起去外國比賽, 更何況要取得呢項T53/ T54資格! 所以我認為業餘田總既然搞得呢類比賽就係有義務去提供呢項認證服務!

升級   82.63%

該用戶從未簽到

發表於 2011-10-25 16:46:53 | 顯示全部樓層
如果攪一個比賽,又無足夠配套,又設各種關卡,我好質疑攪輪椅賽的目的...
我又唔見健全人士既比賽要求我地呢樣果樣,例如智能報告、健康報告,又或者裝備要求唔可以著白飯魚或籃球鞋等等...
您需要登錄後才可以回帖 登錄 | 註冊

本版積分規則

香港長跑網

小黑屋|手機觸屏版|電腦版|Archiver|香港長跑網 |網站地圖

GMT+8, 2016-12-11 21:55 , Processed in 0.171769 second(s), 25 queries .

Powered by Discuz! X3.2

© 2001-2013 Comsenz Inc.

快速回復 返回頂部 返回列表