2012-4-8 特步郑开马拉松赛

luhui

是啊, 2010年(第四屆)是一條跑不完的直路(鄭開大道), 兩旁是見不到盡頭的農地和農民觀眾, 之後是再轉右然後再折返的. 去到終點就見到已經冲好涼換埋衫的堅哥. 然後就去打崩頭領証書, 結果系統失靈印唔到. 不過之後大會郵寄給我.
這就是我的第一隻馬 !!

allanccl

已取號碼布，今年的跑衫及衭好靚啊!

AY60

亮哥，堅哥，Luhui加油啊!

allanccl

原帖由 AY60 於 2012-4-6 21:04 發表

                               
登錄/註冊後可看大圖

亮哥，堅哥，Luhui加油啊!

謝謝AY! Luhui無黎呀，貓咪聽日到!

allanccl

去了鄭州動物園參觀

fwk322

亮哥，堅哥，Luhui, 貓咪 加油

AY60

原帖由 allanccl 於 2012-4-6 21:06 發表

                               
登錄/註冊後可看大圖

謝謝AY! Luhui無黎呀，貓咪聽日到!

差d吾記得,國內馬拉松點可以吾預貓咪，你地都 齊齊加油PB!

allanccl

聽日會去百里溝玩，離鄭開兩個半小時車程。
跑完會去武大賞櫻。遊下黃鶴樓及東湖賞櫻花。

allanccl

原帖由 fwk322 於 2012-4-6 21:15 發表

                               
登錄/註冊後可看大圖

亮哥，堅哥，Luhui, 貓咪 加油

多謝Thomas!

luhui

AY, 謝謝了，但我是長假失蹤份子啊！下一站無錫。亮哥，330啊！

luhui

謝謝Thomas,小弟失禮了！

fwk322

luhui C兄, 好開心見到你們有得跑有得玩 哈哈

allanccl

原帖由 luhui 於 2012-4-6 21:34 發表

                               
登錄/註冊後可看大圖

AY, 謝謝了，但我是長假失蹤份子啊！下一站無錫。亮哥，330啊！

哈哈! 消閒跑已矣，無壓力! 330只是講下姐，以跑馬為名，遊山玩水才是此行目的。
今年呢度好熱好晒，今日在太陽晒住下有成30度，後日再谷.....爆硬，所以玩下算了! 唔會搵命搏架，嘻嘻!

allanccl

開跑前4:00的兔子(領跑員pacer)在身邊

onionufo

勁呀，400pacer仲要係女仔
你跑成點？有冇pb左sub330

allanccl

我跑完馬了，今早吃過早餐(超簡單的每人一磅面包加一樽水)，清空大小便後，便步行一公里去坐大會車，坐了18K去到起點時氣溫已經18度，一落車太陽勁晒，今天無風，心諗屎緊，都要試一下，今次排得好前，第二排，特邀選手在正式起步線上，我們在15-20M後便，一鳴槍，傻傻地頭兩K跟左人地跑快左4'30/K，跑到5k時口乾得不得了，開始每個水站及飲料站都飲水，開跑前有幾十部救傷車來了候命，點之這時已經有兩部響住"威呀威呀"的在很遠的對面行車線飛去開封，心諗咁快就有人送院？ 到跑約5K半突然醒起落車到而家未殊殊，立即走埋行人路邊對住d花唱歌。到6K位遇見一個貴州不"界"不相識的"深圳一陣風"師兄跑過，叫了他加油，佢就一陣風咁跑了，追唔到。都係跑番自己個速度，慢慢黎5'/K，跑到20K，後面傳黎熟識的聲音，原來係堅哥，佢講左一大堆野就跑走左，剩番我一個人跑，跑到21K半馬終點位睇錶，1:46接近1:47，sub3:30無望，唔知點解好開心，無晒壓力，可以慢慢hea，跑到29k 又見番"一陣風"師兄在步行，大叫加油，做乜行呀？ 佢話無力啦，好熱呀! 不理他，但心諗，係咪跑番慢d安全d？大腦都未決定，對腳已經實行了......慢粥(jog)，唔好理人地講加油! 跑呀跑，跑呀跑，到接近37.5K水站前想飲水，有格救傷車頂住去路，要繞過佢先埋得水站，個心諗....搞乜鬼呀阻住晒! 點之埋到水站見到有個約40歲既男子訓係地上郁都唔郁，醫生在搶救他。 個心又冷多一截，唔...一定要再跑慢d，長跑長有丫嘛! 結果，以3:45完成，衝終點後有個靚女義工給我披上大毛巾保暖，然後摻扶我去拿紀念品及打印証書，本來還有力行的，但突然雙腳無晒力，真不好意思! 拿回行李就去取回晶片錢¥100，全部都唔洗等，好快，好有效率，值得俾十個讚! 心裡想條路仲未開，去搵間茶樓食野飲多d水，一點半食完後去搭車返鄭州，出乎意料之外，今次大會竟然用豪華旅遊巴士送我們返鄭州，實在太好了，坐在舒適的坐位上，瞬間已睡著了，睡醒已到鄭州，回到酒店沖涼休息後，晚上去食大盤雞，太美味了，明年一定要再來.....食大盤雞!

onionufo

【特邀選手在正式起步線上，我們在15-20M後便，一鳴槍，傻傻地頭兩K跟左人地跑快左4'30/K】<-------笑左，呢度真係好搞笑，估唔到咁都會比佢地迷惑左

【出乎意料之外，今次大會竟然用豪華旅遊巴士送我們返鄭州】<-------唔係年年都係咁咩？我09年都有坐過

今次個完成獎牌真係一大亮點，設計好有心思，係我見過最靚一個。
紀念品竟然又係刀？唔通年年都係？如果咁你屋企咪收收埋埋好多把刀？
最後都要恭喜你跑到3:45佳積，前半走到1:4x可見你進步明顯

馬拉

恭喜亮哥又食完隻鄭馬！
跑、食、游真係無得頂！

allanccl

原帖由 onionufo 於 2012-4-8 20:35 發表

                               
登錄/註冊後可看大圖

【特邀選手在正式起步線上，我們在15-20M後便，一鳴槍，傻傻地頭兩K跟左人地跑快左4'30/K】<-------笑左，呢度真係好搞笑，估唔到咁都會比佢地迷惑左

【出乎意料之外，今次大會竟然用豪華旅遊巴士送我們返鄭州】<-------唔係年年都係咁咩？我09年都有坐過

今次個完成獎牌真係一大亮點，設計好有心思，係我見過最靚一個。
紀念品竟然又係刀？唔通年年都係？如果咁你屋企咪收收埋埋好多把刀？
最後都要恭喜你跑到3:45佳積，前半走到1:4x可見你進步明顯

我第五次跑鄭開，以前都係迫巴士(平時用黎載市民果種)，四年都係企及迫，今年才改用豪巴，超舒服，無企位，有冷氣，正!
舊年把刀，我地廣州坐和諧號時安檢被沒收了。
如果同舊年鄭開比，係快左10分鐘，同舊年上海比就慢了六分鐘，哈哈哈!

allanccl

原帖由 馬拉 於 2012-4-8 20:40 發表

                               
登錄/註冊後可看大圖

恭喜亮哥又食完隻鄭馬！
跑、食、游真係無得頂！" />" />

謝謝馬拉兄!
跑馬變成次要，我地好似鍾意食、游多d，嘻嘻!
22號蕪錫，你去不去跑？