|
我今日放假.
終於的起決心晨早起身.
係西鐵站放低架電單車之後.
06:25係柏麗灣船碼頭開始跑.初初既路都算平坦(因為冇斜路)
去到汀九橋時24分左右,到深井嘉頓既時候(應該可以直cut過對面,點知我照跑行人路落左去), 到發記既時間約32分鐘.
一直冇停過盡量keep住全馬既速度慢慢跑. 到跑左一小時既時候已經望過去對面係大嶼山欣澳.沿途風景都幾優美,好彩既話太陽伯伯剛剛先出來曬........
到達大欖路段真係有點幾蝦下跑,要轉左入去海員訓練中心,之後要過馬路.又上斜又落斜,當中某些路整緊地而封路.
去到黃金海岸既時候時間01小時:28分.買支水補給後繼續前進....雙腳開始有點累了,只要靠點意志支持落去到屯門.
師兄講得岩,經過三聖之後,轉入去青善街一直去到市中心........最後時間1小時50分鐘.........
慢慢行去屯門西鐵站坐車返荃灣西鐵.........
車廂中既人可能都覺得我痴痴地,著跑衫跑褲拎住條毛巾(因我成身都濕晒).
由屯門坐車返荃灣..........haha!!!
不過辛苦過後都覺得幾有趣呢. |
|