非洲毛里裘斯馬拉松 Mauritius Marathon (15 Jul 2012)

felixcat · 發表於 2012-2-7 23:39:00

自稱擁有全世界最美麗的賽道，跑經已列入聯聯合國教科文組織的保護區:莫恩山文化景觀（Le Morne Cultural Landscape）
http://www.ilemauricemarathon.com/en/page/1

時時聽到D非洲選手都係過江龍，非洲本士嘅馬拉松好自然諗都係臥虎藏龍，而毛里裘斯馬拉松就相對其他非洲馬拉松，較小型同以遊客為主，時限6小時較容易入門，同時係AIMS認可比賽。唔知有冇其他師兄/姊參加過其他響非洲舉行嘅馬拉松可以分享吓呢?

[ 本帖最後由 felixcat 於 2012-6-28 08:12 編輯 ]

felixcat · 發表於 2012-6-26 22:46:04

原帖由 上水馬王 於 2012-6-26 11:09 發表

 登錄/註冊後可看大圖

嘩，好開心！

你今次的行程點安排呢？會唔會去埋馬達加斯加玩呢？

係呀，好期待呀，雖然我都好想去馬達加斯加，不過果段時間假期有限，所以無計劃去，留返下次有機會先再諗。今次我去毛里裘斯跑馬坐毛航直飛，十日假有一半時間響毛島，中間"免費"經法屬留尼旺島(Reunion)停幾日先回程返香港。留尼旺島響毛里裘斯隔籬，同樣係響馬達加斯加東面嘅一小粒島嶼，大概都只有兩個香港咁大，不過人口加埋都只得兩百萬。

上水馬王 · 發表於 2012-7-3 01:04:05

原帖由 felixcat 於 2012-6-26 22:46 發表

 登錄/註冊後可看大圖

係呀，好期待呀，雖然我都好想去馬達加斯加，不過果段時間假期有限，所以無計劃去，留返下次有機會先再諗。今次我去毛里裘斯跑馬坐毛航直飛，十日假有一半時間響毛島，中間"免費"經法屬留尼旺島(Reunion)停幾日先 ...

諗起個行程都替你開心，祝你旅途愉快！
岩岩晌呢度睇到原你之前去過挪威跑午夜太陽馬拉松，真羨慕呀，我都希望可以每年出外旅行順便跑個馬拉松

JACKSO · 發表於 2012-7-3 11:31:10

Add oil, Felix !!!

felixcat · 發表於 2012-7-4 00:52:47

多謝馬王師兄同JACKSO師兄打氣同加油呀，我馬力有限每年跑一次馬夠皮喇，所以容許自己有個小小願望，每年到外地跑一次馬。下星期到埗後會如常做現場直撃，同大家分享下賽程。

上水馬王 · 發表於 2012-7-7 00:38:00

原帖由 felixcat 於 2012-7-4 00:52 發表

 登錄/註冊後可看大圖

多謝馬王師兄同JACKSO師兄打氣同加油呀，我馬力有限每年跑一次馬夠皮喇，所以容許自己有個小小願望，每年到外地跑一次馬。下星期到埗後會如常做現場直撃，同大家分享下賽程。

期待！

felixcat · 發表於 2012-7-15 00:18:05

終於嚟到毛里裘斯喇，尋日從香港搭毛航出發，大概飛九個多鐘就到達，嚟到嘅時間已經係黃昏，食完晚飯就休息。

登錄/註冊後可看大圖

今日有一整日時間準備，先租咗架車巡視下條賽道。呢場響毛里裘斯西南面嘅賽事，跑經嘅地方都係郊區同一D小村落，而部分亦有沿海嘅公路。上落斜唔算太大，最甘係接近20K時有200米爬升近40米嘅小山坡。

登錄/註冊後可看大圖

毛里裘斯係響南半球，呢度而家係全年最涼嘅時候，氣溫得二十度、濕度大概60%，應該幾適合長跑。如果唔係太凍同頂得順，我會著長跑網背心出賽，只希望唔好落雨，今朝早都落過一場好大嘅過雲雨。

今晚大會有個簡介會同聚餐，而聽日六點半就開跑，所以要早D休息。跑完先可以繼續報道，希望有好消息同大家分享啦。

[ 本帖最後由 felixcat 於 2012-9-25 00:03 編輯 ]

felixcat · 發表於 2012-7-15 18:32:13

剛剛跑完喇，雖然跑到死死下，好好彩都PB咗同sub4，而家要休息下先，等陣瞓醒再貼D賽事精華。

登錄/註冊後可看大圖

[ 本帖最後由 felixcat 於 2012-9-25 00:04 編輯 ]

chuen3182 · 發表於 2012-7-16 00:15:15

謝謝 felixcat 分享毛里求斯跑步過程和樂趣、還有靚相片~期待

felixcat · 發表於 2012-7-16 11:35:41

瞓醒食飽又可以繼續報道今年第三屆嘅毛馬。尋晚嘅簡介會響酒店內舉行，似乎參加人數唔係太多。不過可能大會無乜經驗，D細節例如朝早幾點鐘接D跑手、有冇行李寄存等都一一答唔出，不過幸好參加人數唔多，而贊助賽事嘅酒店又提供咗好多方便，所以都算勉強攪得掂。

登錄/註冊後可看大圖

好似今朝比賽日，大會終於係有車安排咗，不過場賽事六點半開始，架車成六點先開，去到起點只剩返五分鐘就開始。幸好跑手唔多而且大部分係外遊客，唔計較咁多，俾著D港式投訴真係有排噪呀。

登錄/註冊後可看大圖

唔知大家響簡介會張有冇留意，大會邀請咗101歲嘅Fauja SINGH參加跑10K，同為當地防癌機構籌款，所以佢嘅出現自然成為大家嘅合照目標喇。

登錄/註冊後可看大圖

講返個比賽，全程馬拉松起步點位於莫納山文化景觀 (Le Morne Cultural Landscape)，響毛里裘斯西南角嘅半島上，有一座五百多米高嘅玄武質岩山，被列入聯合國教科文組組世界遺產名錄，而且變咗著名景點之一。

登錄/註冊後可看大圖

而半馬起步點位於另一個著名景點Baie du Cap，亦即係我之前貼響髮夾灣果舊大石，全馬跑到30K都會經過呢度。

登錄/註冊後可看大圖

全馬起步後先會北上往位於15K嘅

ette Riviere Noire折返點，途中上落唔算大，不過都有D起伏。經過咗20K嘅水站就要急上40米嘅斜坡，感覺同香港跑萬宜上北丫差唔多。

登錄/註冊後可看大圖

今日天氣都唔錯，朝早無落過雨，感覺氣溫無咁涼，跑咗兩個鐘度仲開始有D熱添，不過當然唔係香港而家果D酷熱啦。

登錄/註冊後可看大圖

終於捱到30K響Baie du Cap嘅水站，不過呢就開始隻小腿就有D野，要就著嚟跑，最幣之後又一路開始暗斜，到38K先開始落斜。

登錄/註冊後可看大圖

所以自己叫自己忘記痛楚，留意多D咁靚嘅風景，呢度望返La Morne都好正下，一於繼續慢步向終點。

登錄/註冊後可看大圖

死死下終於去到我嘅沙灘，位於St. Felix beach嘅終點。大會響終點先有個感應器記錄時間，所以無分段時間，咁又唔知為乜要唔整多一、兩個。不過抵讚嘅係過終點即刻有人俾個獎牌以外，就跟著攞返個RFID嘅sensor再用，跑友又可以留返塊號碼布留念。

登錄/註冊後可看大圖

終點有嘉年華會，氣氛都唔錯，而且有飲有食提供，D非洲人有音樂就聞歌起舞。獎牌獎杯方面都有唔少，有10K、半馬、全馬嘅分齡組別獎牌。

登錄/註冊後可看大圖

男子冠軍係德國人，時間係2'41''；而女子冠軍係奧地利人，時間係3'37''。獎品除咗佢地手上嘅獎牌獎杯以外，佢地出年可以有免費酒店住添。

登錄/註冊後可看大圖

我響呢度報道毛馬嘅賽事係咁多先，繼續我要享受餘下響毛島同留尼旺島嘅行程。

[ 本帖最後由 felixcat 於 2012-9-25 00:06 編輯 ]

chuen3182 · 發表於 2012-7-16 14:05:05

Felixcat ching報道很詳細，還嚮往毛島及留尼旺島的享受度假報道⋯⋯

謝謝

felixcat · 發表於 2012-7-18 01:09:22

駿哥出到聲咁我又膽粗粗講下D旅遊野。響毛島我總共住六晚，除咗有三晚住大會指定嘅渡假酒店外，其餘三晚住D私人旅館。毛島有好多好靚嘅海灘同酒店，可惜我係「水上人」無福消受。

登錄/註冊後可看大圖

我比較鐘意山所以去咗南部嘅Black River Gorge National Park，距離馬拉松起步點La Morne只有半個鐘車程。雖然毛島響非洲不過就無非洲大陸果啲Big Five，但換嚟係好靚同憩靜嘅大自然。咁尋日去公園途經咗間好正嘅餐廳，呢間叫Le Chamarel Restaurant響半山有全海景同高級侍應招待，唔使港幣二百蚊食咗個扒當獎勵咗自己

登錄/註冊後可看大圖

可惜兩日上到山都唔好天落雨，唔行得盡興，所以今日見唔係好攰就去咗個叫
La Vallee de Ferney嘅保護區自由行，鍾意去大自然尤其係對植物有興趣嘅行山友一定鐘意，果度仲保育咗D大龜添。

登錄/註冊後可看大圖

聽日會轉去毛島對岸一個更細嘅島，島上有個叫Ile aux Aigrettes嘅自然保護區，會參加個生態導賞團。另外最後要介紹埋呢兩晚嘅住宿，係一間叫
La Hacienda嘅旅館，?64雙人房連早餐，可以自己煮野食。最重要係響山上面但揸車可直達，而且好憩靜同埋得幾間小屋仔，夜晚響屋內真係靜到耳嗚呀。

登錄/註冊後可看大圖

[ 本帖最後由 felixcat 於 2012-9-25 00:07 編輯 ]

allanccl · 發表於 2012-7-18 10:11:40

謝謝分享!
天堂般的風景，夢想的賽道!
全程跑了42K，請問全個行程用了多少$K？真希望能去跑一次!

felixcat · 發表於 2012-7-18 12:41:06

亮兄，去毛島加留島機票共0.9K，如果只去毛島機票加酒店應該最平0.7K都可以。大會指定酒店太貴唔建議住，所以唔好提啦。租車就六日共?150，抵呀，去邊住邊都得。埋單應該少於2K卦。

chuen3182 · 發表於 2012-7-18 13:15:04

大自然景色靚，香港人比較少到的地方，你影啲相很靚，謝謝 felixcat ching 給大家分享

allanccl · 發表於 2012-7-18 15:58:50

原帖由 felixcat 於 2012-7-18 12:41 發表

 登錄/註冊後可看大圖

亮兄，去毛島加留島機票共0.9K，如果只去毛島機票加酒店應該最平0.7K都可以。大會指定酒店太貴唔建議住，所以唔好提啦。租車就六日共?150，抵呀，去邊住邊都得。埋單應該少於2K卦。

嘩! 仲平過返大陸跑! 出年如果仍有這麼便宜的機票，一定要去!
請問平機票是在那裡可以找到？

felixcat · 發表於 2012-7-19 00:42:37

原帖由 allanccl 於 2012-7-18 15:58 發表

 登錄/註冊後可看大圖
嘩! 仲平過返大陸跑! 出年如果仍有這麼便宜的機票，一定要去!請問平機票是在那裡可以找到？

係呀亮兄，毛島使歐羅同香港使人仔一樣方便，近排歐羅低入定D喇。

felixcat · 發表於 2012-7-19 01:36:44

原帖由 Carly 於 2012-7-19 00:18 發表

 登錄/註冊後可看大圖
恭喜菲力大哥毛馬順利完成兼PB！你跑的毛馬超正喎，風光明媚，尤其係post#12中果片清澈的海洋真係引死我！不過參加人數好似好少咁，見你一個人跑哂成條跑道，有無無敵是寂寞的感覺呢？毛國的龜同達爾文講的龜同 ...

嘉莉師姐你D問題好深呀，我D生物知識又低唔知點回呀。

咁先講跑馬啦，全馬總共唔夠六十人跑，跑快跑慢好多時都係成條街自己一個人跑，60歐報名費超抵啦，平時香港咁多人，放假梗係去D少嘅地方喇，呢個亦係我揀毛馬成為我嘅非洲賽事原因之一。

毛龜係叫Aldabra Giant Tortoise，同加拉柏戈斯群島(Galapagos)果D都統稱巨龜，不過品種計唔一樣，毛龜係近乎馬達加斯加同非洲嘅品種，而加島龜較接近厄瓜多爾嘅品種。我扮專家完畢，有關毛龜嘅資料可參考Mauritian Wildlife Foundation，而巨龜(Giant Tortoise)可參考wikipedia。

至於火焰木，我無見過有木著火喎，毛島未凍到燒木喎。不過如果講香港都有嘅火焰木(African tulip tree)，呢度都有呀。

felixcat · 發表於 2012-7-19 01:56:08

原帖由 chuen3182 於 2012-7-18 13:15 發表

 登錄/註冊後可看大圖
大自然景色靚，香港人比較少到的地方，你影啲相很靚，謝謝 felixcat ching 給大家分享

駿哥，唔好客氣。聽日我過留尼旺島，有興趣我可以繼續報道一下非跑步嘅旅遊行程。

jbrun · 發表於 2012-8-2 11:30:04

有興趣呀,ching,可不可以再講下去?

[ 本帖最後由 jbrun 於 2012-8-2 11:31 編輯 ]

		自動登錄	找回密碼
密碼			註冊

非洲毛里裘斯馬拉松 Mauritius Marathon (15 Jul 2012)

回復 2# 的帖子

回復 11# 的帖子

回復 13# 的帖子