渣打組別介定, 我只想講出大會的不當和不公, 選手不根規則行事

allanccl

去渣打個網頁，查詢成績，會要求你填網上問卷，有好多空位給你發表個人或綜合意見，不用倚賴他人"去間接影響田總"的。

WalkBreaks

........

[ 本帖最後由 WalkBreaks 於 2012-5-21 19:54 編輯 ]

WalkBreaks

有啲人居心叵測。唔好跌入去呀，有d人變態玩分化。國內唔國內，真真假假。天地有正氣。共勉之。

allanccl

• 請勿使用污辱或褻瀆性文字。
• 請勿人身攻擊。
• 請勿意圖挑釁或引發矛盾。

請遵守版規，違規者已被禁言。

管理員示

gasoline

亮哥, 尊重你, 因為冇佢個post都唔會有我個post

WalkBreaks

辛苦晒亮哥！玩下頂咀我仲敢，我見都唔係幾妥好驚呀我。似撩起D野等睇戲。我祝福大家有冇情人既都平安快樂！如有令亮哥難做真係過意唔去！gas hing 我都尊重你呀！

winwin

對, 已經填網上問卷.  賽跑最重要快樂, 體恤, 尊重.
大家情人節快樂!

winwin

WalkBreaks, proud of you on #122

felixcat

Winwin師兄，很高興你出現仲提返我段說話，我以為無人會睇，同有人繼續響度各自各發洩情緒，所以自此我都唔再出聲。師兄既然你開文寫咁大段嘢，經已好值得欣賞，亦之所以係咁，唔好俾件事不了了之。如果想好似你個網名咁雙贏，不如你整理下呢度各人寶貴同有建設性嘅意見，然後歸納出大部分人都認同嘅論據，就直接去信俾田總提出建議。好明顯呢度有好多好有份量嘅師姐、師兄，欠缺嘅可能只係D能夠推動事情嘅人。

我個人唔太認同填份意見書發表下就可以對事情有幫助，師兄你提出嘅問題都幾複雜，唔係三言兩語或大是大非嘅對同錯，單睇你開文後有其他師兄、師姐不斷提出嘅大量補充，就知問題本身係有爭議。咁難得咁短時間就集合咗咁多意見，如果唔將佢整理，除咗唔會令有關方面作出改善以外，仲會令件壞事不斷重復，而大家亦習以為常。

曾經我都就使用一次性晶片寫過建議書去田總，響度都有人有唔同嘅意見，去信後不久田總都有覆我。我覺得大會方面都有認真對侍跑手嘅意見，而同時大會亦有好多限制，同要兼顧唔同人有唔同嘅素求。我唔敢話寫咗封信去會點點點，但我認為「議而不決，決而不行」必一事無成。有關一次性晶片嘅討論可以睇返呢度：https://www.longrun.hk/forum/vie ... &extra=page%3D2。

linching

其實全程馬拉松參加者參加挑戰組的最佳時間為4小時以下，但實際上只有三分一全程挑戰組參加者能夠在4小時內完成。我建議應該改寫為參加挑戰組預計完成時間為4小時45分以下會較好，這數據是參考今年全程馬拉松挑戰組及全程馬拉松1組參加者的完成時間設定，在4小時45分以下亦只有4850人，今年兩個全馬組別出席及完成人數共9970人。

其實有部份人未有參加過全程馬拉松健兒的確可以少於4小時完成，甚至3小時內完成，如果要有紀錄才可以參加挑戰組會扼殺他們奪獎或獎金的機會。

allanccl

filexcat師兄，請不要太武斷! 其實田總有派人去各個網頁收集意見，特別是長跑網，有人睇這貼的，你們所講既，有建設性、可行的，他們已記低了。

另外，閣下說"我個人唔太認同填份意見書發表下就可以對事情有幫助"此言差矣! 個個人都唔填，人地又點知你心裡便諗乜野呢？

小弟唔想出聲，以免干擾大家討論及發表，但閣下所言並不中肯，不能不出聲! 請見諒!

felixcat

亮哥，我只可認同你講，唔再出聲以免影響討論。

臨行前澄清我並非鼓勵參加者唔填問卷俾意見，我只係想話問卷一般設計係做統計分折，附加文字意見當然我相信會大會係會處理，但單睇呢個討論就已經有好多方面嘅意見，你一言我一語，唔整理就難以所謂求同存異。當然如果唔需要討論嘅意見，咁係可以自行向大會發表，不過相信唔係樓主開文嘅目的。

另外當然有部分人可能認為意見提出咗，跟著點做嘅責任就應該由大會付。我想只係提出問題好多都會提出，但經深思熟慮同分折問題後嘅建議相對係少，亦因此集思廣益先會令問題越辯越明，而我覺得咁至係討論區所需。無論如何，離題言多請見諒。

winwin

felixcat, 同意. 我往後會嘗試做你建議的建議書去田總.
如果他們有任何回复，我將在這裡發布. Thanks

炒炒

原帖由 felixcat 於 2012-2-15 01:01 發表

                               
登錄/註冊後可看大圖

亮哥，我只可認同你講，唔再出聲以免影響討論。

臨行前澄清我並非鼓勵參加者唔填問卷俾意見，我只係想話問卷一般設計係做統計分折，附加文字意見當然我相信會大會係會處理，但單睇呢個討論就已經有好多方面࢚ ...

我同意直接去信好過填問卷

我唔係話填問卷冇用.
而已去信, 佢可以覆到你, 有個雙向溝通作用.
唔駛估估吓究竟有冇人理

saki

其實田總有聽跑手意見

係2009年, 渣打完左後, 有一群跑手曾發起聯署簽名, 就賽事提供一些意見

田總收到信後, 曾邀請部份跑手出席會議, 之後, 有部份建議被接納及實施
1) 全馬完成者有獎牌 (2010)
2) 全馬完成時限加長半小時, 至六小時 (2011)
3) 在維園設立較大休息區 (2010)
4) 將賽道修改, 改善擠塞的情況 (2010 改跑昂船洲大橋)

所以, 有意見不妨向田總提出

sunrise

原帖由 saki 於 2012-2-15 15:15 發表

                               
登錄/註冊後可看大圖

其實田總有聽跑手意見

係2009年, 渣打完左後, 有一群跑手曾發起聯署簽名, 就賽事提供一些意見

田總收到信後, 曾邀請部份跑手出席會議, 之後, 有部份建議被接納及實施
1) 全馬完成者有獎牌 (2010)
2) 全馬完成 ...

聽就一定有聽, 不過就聽一些唔聽一些! 上年就有人要求增加輪椅賽, 田總聽了, 人地要求的就只是10K賽, 佢就玩大了, 沒有循序漸進, 沒有細心安排下, 馬上就增加了3K及全馬輪椅賽, 犧牲了全馬及半馬跑手, 攪到半馬塞全馬; 我上年已指出輪椅賽唔適合同跑手共用賽道, 田總又唔聽, 今年就出現人車爭路的情況, 險象環生. 其實呢到好多會友提出了很多有建議性的意見, 田總只要肯用心去研究, 渣馬一定可以做得更好!

[ 本帖最後由 sunrise 於 2012-2-15 22:53 編輯 ]

WalkBreaks

容我對現行分組及報名表(印刷)設計意圖作一些個人揣測。
１  要填上過去幾年十公里以上往績，似是關於安全或責任考慮多於用以分組或排位。但我不知道“精英起步區”資格是否根據此項資料判別。
  2    要根據估計完成時間選挑戰或一組。我認同有必要採用“估計”係因為要為在較短距離已取得佳績，或預期自己在短期內有大進步之人士，留一個入口。一刀切分兩組相信有方便行政的考慮。而estimated, 不寫by甚麼，意義上，退一步係將個責任轉嫁到選手身上，衰啲講係洗左手，但當要進一步，當有必要做額外操控，就可以掉轉指出某某的估計跟大會估計大出入，因而可保留權利彈走某人。我之前有講要搞清有冇犯規，部分完因係覺得好難捉到大會在此方面有失責之處。

WalkBreaks

容我講少少建議。
１ 有意見係放鬆４小時。我會話大會keep住用呢個數幾年，再考慮埋之前師兄所提數據，我估，係估，寫呢個４字，可能已令到選手自選組別所產生的兩組人數比例達到好理想嘅平衡。單調分組時間，例如揾返第六千名的時間去分組未有效，因為成件事係有個動態互動，郁少少個數，對選手選擇分佈的影響很難估。
２  現有表格已包含選手往績資料，如加入“大會保留根據往績分配選手組別”，或同時在一組加個option"不反對為配合大會分組安排調上挑戰組”供選擇，當然，大會寫得呢兩句就要增加資源去調控。
３. 方便大會統計，表格上往績可用分級形式給跑手剔選。這個分級是可以包含以１０k及半馬投射全馬成績夾填寫(相信不難選取普遍認同程式)，方便升級人士。
４，我其實不喜歡分組起步，以似失卻“同場較技”意義。在有限時間空間，若同時起跑，就算跑手自律，咁迫人，難以控制按往績排位。可否設緩衝區，再以晶片核對之前以往績排位所分組別，分批經有晶片確認之關口分批先後進入起跑區，形成較合理排位。

[ 本帖最後由 WalkBreaks 於 2012-2-16 00:56 編輯 ]

小叻

玩了渣馬15年, 其實田總不斷進步, 好多籌委想當年也是跑手, 佢地跑比賽經驗都不弱於大家, 但好多跑手就只係一句唔滿意, 唔夠蕉派, 無人打氣, 就抹煞了大會的功勞!
其實供應食物在IAAF並非必需, 你見渣馬已成AIMS銅章賽事, 吸引了世界各地跑手, 也吸引了不少沒跑的市民參賽, 就知香港跑友實在身在福中不知福了!
至於分組, 太多人同時起步是個問題, 個人認為精英組的意思, 只係方便一些想得獎或造成績(包括個人紀錄)的跑友, 而一組就係for一些唔想太早起身的跑手, 或是不太計較大會成績, 或有實力突圍的跑手!
我跑了39次(包括外地)馬仔, 其實無論你跑任何賽事, 都有機會你阻人或人阻你! 我跑3.5小時內, 但會阻到一些後上的跑手, 但當我去到30k之後, 又會有一些跑手企在一旁拉筋阻住我跑內線! 個人覺得有經驗的跑手, 一定知道如何不阻人和唔被人阻, 和如何閃避!
試過有次跑台馬, 要停紅綠燈, 又要繞大圈接返大路碰上半馬(估計兩個半小時完成)慢腳, 但當時我貼著幾位全馬男子一起衝時間, 結果造了PB!
又試過跑boston, 當時我被分入第9區(以3:20成績計算), 但當天我患了重感冒只能跑出3:37, 後邊1x區的跑手不斷過我, boston賽道雖寬, 但幾乎全程都是很密很多人的, 咁我又係咪阻到人呢?!
其實呢個世界好多野都唔公平, 少少野就唔開心, 沈不住氣的話, 跑馬仔也不會有好成績! 好唔認同一些呼喝人讓路的跑手, 因為如你夠實力, 一定走到位!
我覺得叫跑得慢者唔參加精英組, 某程度上係歧視, 因為跑馬仔要進步30分鐘以上, 對於新手唔係難事, 佢上年sub4唔到, 唔代表今年唔得! 但上年得的, 今件可能因為抽筋或爆了, 或少了練習, 而慢了一粒鐘都唔奇!
睇開d啦, 香港人!


p.s. 入精英區係計上年渣馬成續only, 或者田總排名, 唔係睇你報名時自己寫的紀錄!

[ 本帖最後由 小叻 於 2012-2-16 12:04 編輯 ]

gasoline

原帖由 小叻 於 2012-2-16 11:58 發表

                               
登錄/註冊後可看大圖

玩了渣馬15年, 其實田總不斷進步, 好多籌委想當年也是跑手, 佢地跑比賽經驗都不弱於大家, 但好多跑手就只係一句唔滿意, 唔夠蕉派, 無人打氣, 就抹煞了大會的功勞!
其實供應食物在IAAF並非必需, 你見渣馬已成AIMS銅 ...

終於見到一些較中肯既意見, 小叻ctse, 第1屆跑到而家, 15年....

其實如果唔係企精英區, 正常join左挑戰組或1組都唔會有奬拎, 同埋linching, 拎奬既多數都係0個幾個人(佢地個training program唔係人人頂到), 你跑1組而又sub3, 你都會有一千(要係香港居民)

Walkbreaks, 分組或報名0個0的野(其實我一路都係覺得大會分組係為左分流), 改變左真係有improvement? 2013加油吧!

[ 本帖最後由 gasoline 於 2012-2-16 14:10 編輯 ]