Perre - 愛跑步, 只因我愛跑步

perre · 發表於 2012-8-1 22:05:06

日期：8月1日
時間：晚上八點
短評：是日炎熱＋大煙霞，但今天返工實在一股怨氣，做到屎屎下咁，於是在這股怨氣推動之下，在炎炎夏日比平時跑快左少少，去程5公里28分54秒，回程5公里31分50秒，跑完返來需然一身濕晒，但腳同氣都好好，原來今日狀態幾好，回程再扯盡D快過去程都應該無問題。

登錄/註冊後可看大圖

perre · 發表於 2012-8-5 19:05:23

日期：8月5日
時間：下午五點
短評：去完澳門返來執好野﹠洗落衫，見腰已好左好多，只係還有少少緊但唔痛，於是落去海旁做左Part全身拉筋，跟住慢慢跑左去青龍頭再拉多次順便小休一下，之後回頭返深井籃球場斟水小休和再拉筋，最後便慢慢跑返荃灣。14.68公里在32度之下好辛苦，時間慢都不特止，最後2K重要2吸1呼∼∼∼屎唔屎？

登錄/註冊後可看大圖

perre · 發表於 2012-8-7 21:41:00

日期：8月7日
時間：晚上八點
短評：星期六晚捱左晚通頂後星期日執左14多公里，個人今日都攰攰地，於是做隻Recovery Run，對腳仔真係好酸攰，一路Run一路酸，酸左成25分鐘先至順番 .... 是晚跑左4.84公里，用左41分04秒，平均8:30/公里 .... 但好C服，臉不紅氣不喘，雖然無帶心跳帶，但估計心跳應該唔過130下，但照呢個速度，一隻馬剛好6小時 ..... 照計東京應該唔洗坐巴士掛？

登錄/註冊後可看大圖

perre · 發表於 2012-8-9 22:30:40

日期：8月9日
時間：晚上八點半
短評：今晚雖然又出晒汗，連鞋襪都濕晒，但今晚其實唔熱還有D風，所以試下用約7:00/K慢慢跑去機場展覽館，剛好4公里用左30分鐘當Open Lung，之後回程就試下盡力加速，回程頭2公里用平均5分唔洗1公里的速度，當中包括上落斜，但過左二公里後發覺爆爆地，所以餘下二公里減番落約6分1公里的配速回來，返到來剛好8公里，用左51分59秒。

登錄/註冊後可看大圖

perre · 發表於 2012-8-11 16:40:00

日期：8月11日
時間：朝早八點半
短評：今朝六點起身，七點便入到東涌食早早，約埋K隆星人、Joe、Wilson、Eddie、傻蝦、咪姐、卡樂B和力高共九男女在八點便入到大嶼山石壁水塘，開始時Eddie腳仔痛，所以去到大澳果十幾公里都係慢慢行，而我地頭6公里正常地沿引水道跑，跟住係分流有4公路沙土路就慢慢跑，之後有4公里進入了港式亞馬遜，沿路都唔知咩路，總之很難走，最後果2公里又回復到石屎路，可以慢慢跑入大澳市中心，呢16公里跑下行下等下人，共花了三個半鐘才到大澳，跟住Joe約左人去跑麥徑，而Eddie因傷而雙雙先行離開，其他的人便在大澳食飯，食完飯，因為傻蝦中途扒街，腳眼位腫左，而其他人因下午有事所以先行離開，得番我和K隆星人，於是便一口氣由大澳跑返東涌，跑左頭12公里之後我都唔多頂得順，返到東涌見到馬路後果2公里都係慢慢行返地鐵站！
今日合共攪左30公里多D，真係散晒！但唔知係咪今日厚雲＋密林，GPS做唔到地圖？

登錄/註冊後可看大圖

但我拎左Sze Sir張地圖貼下，我同佢由頭跑到尾，條路係一樣嘅∼∼∼

登錄/註冊後可看大圖

[ 本帖最後由 perre 於 2012-9-9 20:04 編輯 ]

Pepper · 發表於 2012-8-12 00:03:31

嘩！Jacky 冇事嗎？不過我唔係好佢好多。我唔記得吃中午，差d餓死在大帽山頂！

perre · 發表於 2012-8-13 22:33:10

原帖由 Pepper 於 2012-8-12 00:03 發表

 登錄/註冊後可看大圖

嘩！Jacky 冇事嗎？不過我唔係好佢好多。我唔記得吃中午，差d餓死在大帽山頂！

佢腳眼變左雞蛋咁大∼∼∼慘！

perre · 發表於 2012-8-13 22:35:34

日期：8月13日
時間：晚上九點
短評：經過星期六的30公里之後，今天雙腳仍酸酸痛痛，加上今天心情媽媽地，所以便落街拉左1 Set筋，之後便做左30分鐘Recovery Run，跟住拉多1 Set筋，將所有乳酸排走晒，雙腳舒服晒。
明天開始有6課可以跟中國前國家隊馬拉松隊員王榮春教練學野，好奇待，所以明天開始D野死晒都要準時收工，不好意思！

登錄/註冊後可看大圖

perre · 發表於 2012-8-18 21:59:20

日期：8月18日
時間：下午四點半
短評：今天老婆在家中竹戰，我晚上七點要在青衣跟王教練學習，所以便早D出門口，由屋企樓下經過油柑頭村上引水道，再穿過荃錦公路後繼續沿引水道跑到城日水塘小巴站，之後沿斜路落山再入葵芳經南橋入青衣運動場，跑左18.5公里，但跑到16公里已經爆爆地＋超肚餓，去到宏X花園已頂唔順，要入七仔買二個腸仔包頂住，但食完個人都係無晒力，跟住上課時王教練果D沿地踏步式練習提大腿、腳掌落地方法、重心、Chok手等等 .... 真係放電咁辛苦，如果而家要成套動作改變，真係要每日跑2﹣3公里，每一步都要Monitor住，跑三二個月直到肌肉記憶完全記住晒D動作為止，同埋平時好少動用某D肌肉，真係要有排訓練！

登錄/註冊後可看大圖

perre · 發表於 2012-8-20 22:36:02

日期：8月20日
時間：晚上9點
短評：今晚練習30分鐘的小步跑，所謂小步跑其實係跑步姿勢的基本，意思係全身放鬆，重心放係大約橫格膜位置，雙膊傾前利用重心和地心吸力令腳自然地踏前，雙腳不須用力，只需比力抽起大腿，跟住輕輕放下，但腳掌落腳點不要超過重心位置，即是腳尖唔會超越膊頭，加上NB3090赤足鞋，咁就好自然會前掌著地，而速度就控制係重心的傾斜度，但有一個問題，就係前傾帶重身體向前滾動，加上落腳點唔超過膊頭，咁就好容易腳踭未掂地便又要踏出另一步，雖然電視睇奧運或者其他書籍都有介紹過，但我一向都係全腳掌或先前掌後腳踭落地，今天5K有多都未試過腳踭落地，所以小腳都有D酸酸地，但唔嚴重，而尾段亦有試過約500米加速，加速方法唔係腳掌用力向前推，王教練話滕頭以下唔應該用力，最省力方法係大肌肉去帶動小肌肉，即係只需要拉高大腿，步幅自然會大，大步幅自然會快左，剛才一試又好似真係喎。
但我諗我要花20 - 30次同樣的小步跑練習，令到肌肉記憶完全改變，不用每步都要注意抽腿落腳，仿如傾計時隨時都拎起筷子都唔會錯手勢一樣，變成自然，然後才研究加速∼∼∼∼欲速則不達，要慢慢來！

登錄/註冊後可看大圖

little-fish · 發表於 2012-8-23 13:22:26

唔係好明點解又去返用四頭肌•••••連同拆解動作拍條片上YouTube +link 睇睇？

perre · 發表於 2012-8-25 11:33:36

原帖由 little-fish 於 2012-8-23 13:22 發表

 登錄/註冊後可看大圖

唔係好明點解又去返用四頭肌•••••連同拆解動作拍條片上YouTube +link 睇睇？

因為騰頭以下唔用力，就算腳放落地都唔洗用力，每一步要比力的只有一個動件，就係抽起大腿，抽起果下大腿四頭機會比力，係抽到整條大腿正面向上，好似步操咁！

perre · 發表於 2012-8-25 11:34:04

日期：8月25日
時間：早上十點半
短評：呢排返工一個人頂二個人，連廁所都無時間去，所以足足七日無郁過了，所以今朝出去做5公里小步跑練習，但太陽伯伯一點情義都無，曬到無朋友，所以早D跑完早D回來，留返D力今晚上堂！

登錄/註冊後可看大圖

perre · 發表於 2012-8-25 22:03:56

日期：都係8月25日
時間：不過係下午六點幾
短評：今天下午係屋企做公司野，做到六點幾才出門口去青衣運動場上堂，於是就咁由屋企快過去，除左青衣橋上落樓梯同埋橋上初段上斜外，同埋運動場對面要上行人天穚外，其他都Keep住5分1公里，去到運動場跑道約4.2公里只係花左24分鐘唔夠，但全身又滴水∼∼∼
今日上堂，做左好多唔同嘅熱身，跟住就玩人生第一次衝圈(即間歇跑)，Program係400米 X 5隻，跑連休每隻4分鐘∼∼∼
第一隻跟錯高手，返到來王教練報時係1:25秒？哇∼∼∼唔係掛？唔怪得扯蝦扯到第二隻起步都未扯完啦，計一計原來Pacing約3分33秒∼∼∼
第二隻都係放番慢少少，返來報時係1:43秒，但條氣到起步都未順到
第三同第四隻Keep住約1:55秒﹠1:58秒，Pacing似番平時果D
到最後第五隻，因為第一隻扯爆左，簡直唔想再跑，但Andy係咪叫我跑埋佢啦，唯有頂硬上啦，好彩起步時有隻電兔，咬住牙仔跟住電兔跑，返到來1:41秒∼∼∼
跑完呢五隻結果係原本打算由青衣跑返荃灣屋企，但變左滴水汗地坐的士返屋企！

登錄/註冊後可看大圖

perre · 發表於 2012-8-27 22:28:59

日期：8月27日
時間：晚上九點幾
短評：呢排返工太忙，攪到好夜才有空，又見星期六衝完後一腳乳酸，所以便落街做30分鐘Recovery，半程遇見小黑一齊慢Jog，之後回程便試下高抬腿，意思係像步操似的抽起大腿至90度再輕返落地，差唔多原地踏步，但我就碎步碎步向前，但每做幾分鐘就自然無比力抽大腿而改左腳板＋小腿彈起隻腳，唯有慢Jog番幾步再試過，重複又重複咁彈下彈下彈返屋企，30分鐘剛好到屋企樓下，彈左3.8公里。

登錄/註冊後可看大圖

perre · 發表於 2012-9-1 15:35:37

日期：9月1日
時間：正午一點鬆D
短評：烈日當空下的正午燒豬跑，其實都唔想呢個時間，但今天實在排得密密麻麻，只能抽到呢個時間出來，順便想試一試條Polar心跳帶，但今天真係好辛苦，又無拎水，由屋企樓下熱身拉筋後起步，頭2K都Keep到5:00內的Pacing，跟住2K已經好熱，要跌到去6:00左右的Pacing，最後果K更加好渴，Pacing跌到7分，其實頭2K如果Keep番慢D就應該會C服D，去程5K約28分鐘，心跳約172-175之間，跟住小休10分鐘入七仔買水＋寶礦力，再慢慢行返深井籃球場才慢Jog返荃灣，以心跳150﹣153之間慢慢跑，返來果程約35分鐘左右！

登錄/註冊後可看大圖

perre · 發表於 2012-9-2 20:44:25

日期：9月2日
時間：下午六點半
短評：經過昨日正午時間曬屎之後，今晚乖了，等太陽落左山先跑，今晚為自己做一個小小的數據收集，先拉均全身筋骨，再沿地踏步幾分鐘熱熱身，跟住就起步，頭2公里約莫Pacing Keep係5:40左右，心跳頭1公里約135左右，第2公里升到140多D，跟住汀九村有條小斜，Pacing去到6分幾，心跳都上到約160，跟住一段落斜Pacing約5:30，而心跳仍Keep係160左右，跟住去到機場展覽中心條上斜，Pacing跌到6分半有突，心跳則升到166，跟住開始落斜入深井同埋約500米平路轉入籃球場，整段Pacing約5:20，而心跳入到籃球場時已升到171下，剛好5公里入到籃球場花左29分39秒，雖比作天慢左唔夠1分鐘，但舒服好多，有點氣喘但好快回復，之後按Pause隻錶，係籃球場行下行下睇住個心跳，大約用左4分鐘才見心跳回落番120，之後便唔睇時間慢慢Jog返荃灣做Recovery，只睇住心跳上斜時不多於156下，暗落或平路唔過149，返來後睇番時間呢5公里用左36分鐘，但十分舒服沒有氣喘！

登錄/註冊後可看大圖

perre · 發表於 2012-9-9 20:01:41

日期：9月9日
時間：下午五點半
短評：經過之前正午差D中暑燒豬跑後，昨天早上九點都發覺好屎曬，今晚學乖了，等太陽落山才出動，拉筋後慢慢起步，約6分鐘/K左右，過左汀蘭居無耐，見有個叔叔界左我，我有點唔妥，檢查一下自己狀態，又OO地K咁，於是就咬住佢後邊，除左汀九村上斜或者機場展覽館上斜要6分幾/K之外，其他都係4:5X左右，終於去到深井落嘉頓條斜路界番佢，過佢時眼尾望一望，我差D仆街鳥∼∼原來係手上揸住果支唔係水，係大罐裝生力啤∼∼∼∼ （-_0)" ... 難道係小黑D Friend？隊住啤都跑咁快，差D追佢唔到∼∼果然青公卧虎藏龍！結果入到籃球場5公里位只係用左27分22秒，五月以後都未試過咁快，比人拉一拉真係唔同D。
跟住抖順條氣飲飲水，洗洗臉，約休左7分鐘後重新起步，約7分左右1K慢慢跑番荃灣，入到海濱再回頭返麗城做Recovery，8公里約花左55分左右。

登錄/註冊後可看大圖

perre · 發表於 2012-9-26 23:23:45

日期：9月18日
時間：旁晚六點
短評：今晚落腳點係內蒙古的室韋小鎮，但鎮在四面環山中，沒有日落可影，於是便出動鬆鬆根，天氣約20度，但鎮好少，圍住佢穿插晒都唔夠9公里，但又差唔多天黑，所以都係收工，但狀態唔錯，9公里花左50分鐘唔洗，當中包括不停地過馬路，收步回氣只需2分多鐘，相信黎緊放盡10公里而配速狀態好的話，應該可以50分鐘內！

登錄/註冊後可看大圖

perre · 發表於 2012-9-26 23:24:58

日期：9月23日
時間：早上八點
短評：昨晚零晨二點才回到北京酒店安頓好，差不多三點才訓教，但今早七點半醒左，而且今日係一個十分十分特別的日子，係日係跑步減肥一周年紀念日，而且身處北京，於是乎便換衫出去慢跑，住的酒店很近鳥巢，所以由酒店跑左入去奧林匹克公園，繞著鳥巢和水立方跑左二個圈再跑回酒店，合共跑左11.77公里，花左1小時6分，因為跑得唔快，加上天氣干夾，雖然都跑到一身汗，但跑得好舒服。而因為要趕飛機返香港，所以不能再跑長D囉∼∼

登錄/註冊後可看大圖

		自動登錄	找回密碼
密碼			註冊