Perre - 愛跑步, 只因我愛跑步

tank1438

真勤力,我都落機第二日先去跑,你一落機就跑...勁..
夏天不用怕...克服到就冬天好收成架喇...

kennysze

你咁練法，一定越來越有進步! 加油!

perre

原帖由 tank1438 於 2012-4-9 21:47 發表

                               
登錄/註冊後可看大圖

真勤力,我都落機第二日先去跑,你一落機就跑...勁.." />" />
夏天不用怕...克服到就冬天好收成架喇..." />" />

所以咪跑爆左, 隔左二日都未復完 ...

perre

日期：4月11日
時間：晚上七點半
短評：今天狀態不佳，四川放電之旅還未完全回復，腳腿無乜力，加上天氣好熱，於是便超慢地 Jog 左 10K， 係海旁來來回回中，好像見到火火師兄和溫溫師姐，但又好似唔係，唔知係唔係眼花呢！

                               
登錄/註冊後可看大圖

perre

日期：4月15日
時間：下午四點半
短評：29度的下午，果然很熱，由麗城出發，跑到汀九村已覺得汗
流如柱，於是連Tee都除埋，赤膊跑青公，一邊跑一邊感到夏日之
汗水在胸腹肌之間和背肌的坑紋中流動，當抵達深井後便閃入七仔買
左支水，之後在嘉頓籃球場休息了一會和做了3 sets Situp，才慢慢Jog返麗城，返到麗城全身濕透，莫說底褲，
連面褲到濕透了∼∼∼

                               
登錄/註冊後可看大圖

perre

日期：4月17日
時間：晚上八點
短評：休息左好幾日，今日狀態好好，平時同一段由麗城來回深井嘉頓籃球場迴旋處，加上落斜上斜，平時都要56分鐘多D，攰果日要58分有多，今日既然做到54分，唔錯唔錯，感覺狀態比復活跑當日更好！

                               
登錄/註冊後可看大圖

kennysze

今日真係好清涼，跑得好舒服!

perre

Date : 19 April 2012
Time : 18:45
Description : Completed 7 normal rounds at Happy Valley

                               
登錄/註冊後可看大圖

perre

日期：4月21日
時間：早上10點
短評：小Perre大冒險今朝係城門水塘小巴站出發，原打算先到大埔或沙田作補給，之後再攻入馬𩣑山，但最後去左火碳，原本見山翻山，見水澗水，有樓梯破樓梯，很順利，但去到一段約500M大斜，捱左上去後見到有分叉路牌寫住去針山草山或水霸，好似唔對路，因為之前已經係Google Map睇過，去沙田大埔好似唔係呢個位，感覺好似跑多左，結果又跑返轉頭，大約路左800米左右，見到有路人甲哥哥，問完佢，佢話大埔唔識點去，直去轉入針山草山條路就沙田，心諗，沙田都好啦，於是又返轉頭，捱完呢500米斜路，原來跟住左轉上針山草山果條斜路重甘，大約1.5公里左右，足足抖左二次氣先上到去，跟住再跑無耐，又係分叉路，今次左草山，右針山，於是又停低上下Facebook問下人，結果就向左針山方向跑，呢條路全程係小落斜，好舒服，路到尾竟然係一個直升機場，場後有條樓梯，應該叫天梯，直山一座好高嘅山頂，心諗得一條路，焗上啦，好艱辛才上到一半，今次見到有路人乙叔叔，問一問佢，佢話呢條路上到頂，跟住都係返城門水塘，去沙田係來這裡中途有小徑的，於是帶著沉重的心情跑返轉頭，剛才的小落斜又變成小上斜，果然落左咁多早晚要還番咁多，去到某個位又真係見到有小徑，重有二條Tim，好彩呢個時候見到有路人丙同路人丁，係一對日本夫婦，佢地重好好心拎埋地圖教我點走，有他們指示後，我便沿小徑邊行邊跑直奔向沙田，去到某個叉口位，今次政府終於有一個好指示了，左去乜乜苑，我唔識，但右去沙田機鐵站，咁就當然搵條識的路跑啦，入左呢條路無耐，係一條大約400級的樓梯，但好彩向下走，OK無問題，路住沿住一條泥路，跑左大約500米後，頂佢個制，成十頭野狗一見到我，由扒係度變成企係度，條路得二個人身位咁闊，比佢地霸晒之餘重狂wo ... 我，我最最最最驚野狗架啦，登時腳仔都軟晒，真係腳仔好似無晒血咁，無晒力，只能夠慢慢向後行，唔敢跑，還不時回頭望下有無追來，好好好好驚驚∼∼∼∼唉，又應該左，落左幾多，早晚要還，迫於無耐又要上番呢400級樓梯，真係頂佢個制丫！前路芒芒都唔知重有幾遠先離開呢座山頭，到呢度已經跑左約11公里多少少，為應付前方不明路段，於是毫不猶疑食一包GEL先，以防萬一攰死山頭。好不容易捱過呢條漫長樓梯，於是唯有向XX苑進發啦，路標寫住3公里，但條路唔好走，全泥路全土路，D梯級都係由泥土而成，好不容易終於去到火碳XX苑，路住沿馬路一條跑落山，直到火碳大排檔對面的便利店補充一下，再望望時間，原來已12:36分了，估唔到短短16公里路，花左2.5小時，如果無走錯路，我諗12﹣13公里可到火碳，再減埋睇地圖搵路，上Facebook等等，1小時45分理可完成，因為要返去同老婆食Lunch，所以未能一舉攻下馬𩣑山，唯有下次再玩過啦∼∼∼

                               
登錄/註冊後可看大圖

perre

日期：4月22日
時間：早上八點
短評：昨天操山後，今天體力未復原，但起步時企左係前排，除左第1公里係5:50/K之外，跟住第2可能比後邊一堆人推住，速度上到5:01/K，但跟住發覺唔對路，好似快左D咁，於是第3，4，5公里都收番到5:14-5:18/K，沿途有個11-12歲的小朋友，大家亙界左一輪，到第6K已覺得爆爆地，為左應付最尾果條長命斜，呢一公里再收慢到6:19/K，但個小朋友已經一枝箭地向前衝，到開始上長命斜無耐，我又見到佢頂唔住，開始行路，呢段時間，我加速界左佢，但加速左無耐，到我頂唔緊，輪到我行左一陣，大約10秒左右，跟住佢又界番我，如是者跟一個11-12歲的小朋友在大斜路上亙界一番 .... 但到最後終點前10步，突然比佢一枝箭地超過了我 ..... 無仇報！
後來睇番，原來呢班小朋友軍團唔講得笑，第三名只係33分幾便完成，連坦克大師兄都 ....... 我一向都唔敢睇少女人，家陣連小朋友都唔可以睇少了！

                               
登錄/註冊後可看大圖

阿娟

来看看师兄，好厉害。加油。

perre

原帖由 阿娟 於 2012-4-22 14:00 發表

                               
登錄/註冊後可看大圖

来看看师兄，好厉害。加油。

娟師姐, 比起你你的毅行和渣馬, 小弟只係入門新手 ... 還需努力呀~~~

perre

日期：4月27日
時間：晚上七點
短評：原本今晚有來自港九新界的80位朋友一齊跑步，但天公不做
美，活動取消，但一眾荃灣癲友仍然繼續努力，十多人一齊在大雨中
出發，由荃灣跑到入屯門跟其餘眾人食飯，要多謝各癲友等埋我呢個
慢慢慢腳。

                               
登錄/註冊後可看大圖

tank1438

話左等你,一定等既...!!

perre

日期：4月29日
時間：下午三點
短評：今天做查左一Pat萬秀雷敦係大腿，跟住係屋企樓下拉拉筋
，之後差唔多7分1K嘅速度慢慢跑，跑到去葵芳買左支水，又拉拉
筋，之後沿荔景山路去美孚，到左美孚一直去到過左萬克頓山右轉直
落南昌，差唔多11公里左右，呢條路都OK，闊過一架車，又少人
，又少車，途經海麗村外和英華小學等正間，呢條路幾好跑。之後从
西鐵返屋企。

                               
登錄/註冊後可看大圖

perre

2012年4月份
本月月初去了九寨溝，又小病了幾天，陪泰國來港的親友等，本月明顯跑少了
4月01日：10公里 + 12.6公里
4月02日：5.15公里
4月09日：14公里
4月11日：10公里
4月15日：10.5公里
4月17日：10公里
4月19日：9.76公里
4月21日：15.6公里
4月22日：7.64公里 + 4公里
4月27日：18公里
4月29日：10.9公里
Total : 138.15公里

micrathon

今日竟然有2位癲友單獨由荃灣區跑出九龍區!

perre

原帖由 micrathon 於 2012-4-29 20:48 發表

                               
登錄/註冊後可看大圖

今日竟然有2位癲友單獨由荃灣區跑出九龍區!

另一位係施SIR？

perre

日期：5月1日
時間：早上九點
短評：今天約了三十多人一齊，其中一半由荃灣西地鐵站起
步，而我則跟另一半人在深井起步，沿青山公路經過青龍頭
、到大欖穿過檻獄到大欖水塘、再經過大霸沿山路又上又落
到大棠路、再經過大棠渡假村、荔枝山庄直到元朗市中心食
B仔涼粉，食完B仔後我和部份人回家，部份人繼續沿青山
跑回屯門。果然十分勞動的勞動節。

                               
登錄/註冊後可看大圖

wyh1011

想問你電話量距離個apps係咩名
用android有冇