Perre - 愛跑步, 只因我愛跑步

perre · 發表於 2012-5-6 20:34:18

原帖由 wyh1011 於 2012-5-6 10:35 發表

 登錄/註冊後可看大圖

想問你電話量距離個apps係咩名
用android有冇

我用開iPhone Nike+GPS，如果用Android，建議用MyMapRun，唔錯架！

perre · 發表於 2012-5-6 20:36:53

日期：5月5日
時間：早上九點起步
短評：今朝由屋企樓下出發，跑過荃灣地鐵站，再沿青山公路左轉上和宜合道，經過運動場做左小小補給再直上，到可風中學右轉上城門水塘，在水塘口的小巴站打打卡，去去廁所洗個臉，原來由屋企跑到呢個位已經有8.5公里了，於是順時針方向再往上跑，繞著水塘，越向上便越大霧，但沿路每一陣子便見到幾個行山人士，所以大霧也沒有甚麼好擔心，但最大霧之處能見度真係得十米架咋，就因為咁，係某個分叉口我轉錯左邊，結果係去左草山，原打算虎眼般直指向針山，結果跑左一個大大大圈，上草山條路重要斜到無朋友，結果行下跑下花左半個鐘先上到頂，由和宜合道開始，差不多全程上斜，越上越斜，上左差不多16公里斜坡，上到二隻大腿後側痛痛抽住抽住，要拉拉筋，翻過草山後，好不容易才來到針山附近的 "鉛礦坳" 指示板，當時GPS顯示已跑了23公里，跟住電話就無晒電了，之後便沿路落山，很快便到3公里後的穗禾苑，再跑多3公里落山便到火炭工業村，去了便利店買了一支水和可樂一罐，休息左一陣便繼續出發，先穿過火碳火車站到河邊，再沿河邊往北走，過了馬場後便過橋往對邊的馬鞍山，之後因為唔識路，早左轉入一條叫恒泰路的路，但轉左入去之後便無晒電，要邊行邊跑，沿住呢條路，但經過好幾個迴旋處，要問問路人才能去到馬鞍山運動場，跟住沖個涼，坐43X返荃灣，由於電話無電，於是我便用MapRun劃番條路出來，佢顯示25里，即40公里，但我覺得最多只有33﹣35公里 ..... 但事但啦，長短唔係問題 ..... 跑得開心咪算囉！

登錄/註冊後可看大圖

perre · 發表於 2012-5-7 22:04:29

日期：5月7日
時間：下午六時正
短評：今晚係老婆調解員課程最後一晚上堂，所以就整個長跑賀一賀佢，放工後係公司樓下起步，先在ICAC轉出海旁，直到北角碼頭才轉番入內街，跟住經過和富中心，城市花園直出天后，跟住入維園，再由銅鑼灣世貿中心附近煤氣公司斜對邊出口離開維園，跟住一直沿告士打道直到杜老誌道過行人天橋出華潤，跟住去左七仔買左支500ml水，再沿會展海旁直出，但修路，唯有係瑞安中心對面上橋直出分域碼頭，跟住直到政府新總部再沿新路到中環碼頭坐天星小輪。
到天尖沙咀天星後，再入七仔買多一支750ml水，跟住由天星左轉入廣東道，經過無數名店之後到中港城，跟住繼續直去，到柯士甸站的行人隧道過對面，之後咬住直上直到盡頭有條行人隧道對面，再直上便到窩打老道果欄出面，之後再上行人天橋，落橋位係旺角富榮花園外邊，沿呢條路北上，好多人跑步，直到帝峰皇X外用紅綠燈過對面大角咀，連過幾支燈後便到匯豐中心，在匯豐中心盡頭便是深旺角一號，呢條路好多人跑步，又濶又少人，一直到尾便是美孚，在美孚爬上荔景再沿荔景山道便可落到葵芳，跟住在葵芳運動場旁沿路直到荃灣德士古道，再轉出海旁沿海邊返屋企，全程差少少27公里，連坐船等過馬路等等共花了三小時零五分鐘。
但呢條路唔會再跑，試一次橫夸港九新界便算了。

登錄/註冊後可看大圖

阿貓 · 發表於 2012-5-7 22:33:45

[quote]原帖由 perre 於 2012-5-7 22:04 發表

登錄/註冊後可看大圖

日期：5月7日
時間：下午六時正
短評：今晚係老婆調解員課程最後一晚上堂，所以就整個長跑賀一賀佢，

啤梨兄.....好熟悉的路線 , 我都跑過一大段 , 睇到好興奮

上两次你個人歷險跑都刺激喎 , 你好進步喎

加油

[ 本帖最後由阿貓於 2012-5-7 22:35 編輯 ]

perre · 發表於 2012-5-7 23:00:57

原帖由阿貓於 2012-5-7 22:33 發表

 登錄/註冊後可看大圖

[quote]原帖由 perre 於 2012-5-7 22:04 發表

登錄/註冊後可看大圖

日期：5月7日
時間：下午六時正
短評：今晚係老婆調解員課程最後一晚上堂，所以就整個長跑賀一賀佢，

...

你跑過邊段呀？我發現過左灣仔開左係無人區，好好跑。

阿貓 · 發表於 2012-5-8 18:40:00

原帖由 perre 於 2012-5-7 23:00 發表

 登錄/註冊後可看大圖

你跑過邊段呀？我發現過左灣仔開左係無人區，好好跑。

渣華道 - 銅鑼灣避風塘 - 遊艇會 - 鴻興道 -- 會議道 -
分域碼頭街 - 政府總部 - 龍匯+龍和道 - 港鐵站
(尖咀幾個位置nike running時有跑過的)

我週日晨早跑的,,,真係無人區, 淨係遇見4,5個快快腳,,,
(龍和道又新又靜所以吸引我掉頭跑多轉)

[ 本帖最後由阿貓於 2012-5-8 19:29 編輯 ]

perre · 發表於 2012-5-9 10:20:51

原帖由阿貓於 2012-5-8 18:40 發表

 登錄/註冊後可看大圖

渣華道 - 銅鑼灣避風塘 - 遊艇會 - 鴻興道 -- 會議道 -
分域碼頭街 - 政府總部 - 龍匯+龍和道 - 港鐵站
(尖咀幾個位置nike running時有跑過的)

我週日晨早跑的,,,真係無人區, 淨係遇見4,5個快快腳,,,
...

果然同我一樣, 只係 " 銅鑼灣避風塘 - 遊艇會 - 鴻興道 " 呢度唔同, 因我見佢有填海, 唔知入唔入到去.

perre · 發表於 2012-5-12 15:11:41

日期：5月12日
時間：朝早九點十五分
短評：今朝由屋企樓下海旁出發，沿海旁去到德士古道再轉上葵福路去葵芳，經過葵芳運動場時發覺唔記得開GPS，於是開番，但都Count少左約4.5公里，跟住由葵芳上荔景山至美孚，到美孚後沿長沙灣道直到太子，在太子左轉入界限街，沿界限街經過九龍城和新浦崗直到采頤花園，再穿過對面的彩虹村入隧道過去牛池灣街市，到呢度已經跑左17.5公里，於是買二隻蕉補一補給，跟住突然好大雨，結果等了廿多分鐘灣才停雨，之後便開始沿清水灣道上山，由於我靠左邊行人路，好自然地上左彩云村，入到舊清水灣道時發覺係無路，於是返轉頭上左行人天橋，穿過左唔知咩村去番新清水灣道，條斜路大長又斜，好彩我近來操左幾課大欖水塘和城門水塘，還可以慢慢向上跑，但跑跑下發覺唔多對路，條路好似去順利村，結果又跑番轉頭過左條行人天穚，穿過對面的紀律部隊宿舍去左佐敦谷公園，再沿山路直往上跑，跑了唔知幾多上斜山路，終於有斜路落，但開開心心跑落山後才發覺，呢個係傳說中的白石窩大Deep V，當落到底時望住果條上斜，根本就無晒力，結果唯有慢慢行上斜，行行重行行，終於上到頂的壁屋監獄，跟住沿新清水灣道落斜，一路落呀落，到尾黎個U Trun後再落，都唔知落左幾多公里，因為彩虹大雨時GPS放左入背包裡面，直到一個大迴旋處位，發現有行人隧道過對面，路住沿路入西貢，跟住呢段路雖然只係小上斜小落斜，但我越跑越慢，好不容易捱到獅子會附近，還差約3公里便入到市中心，但是還是終於要行了，差不多跑200米行番500米，一直如是才入到市中心運動場。到運動場後GPS顯示28.3公里，時間用左3:41分，加上屋企到葵芳果4.5公里約半小時，今天差不多跑左33公里跑，時間花左4:10分左右。

登錄/註冊後可看大圖

tank1438 · 發表於 2012-5-12 17:05:47

掂呀!全馬無難度喇!你不如8月去北海道跑喇

hcli · 發表於 2012-5-12 18:07:38

北海道限時5小時，但Perre你得嘅！

perre · 發表於 2012-5-12 18:43:40

原帖由 hcli 於 2012-5-12 18:07 發表

 登錄/註冊後可看大圖
北海道限時5小時，但Perre你得嘅！

梗唔得啦，今日四粒鐘先捱33公里，如下9公里一粒鐘唔掂！

tank1438 · 發表於 2012-5-12 19:43:08

原帖由 perre 於 2012-5-12 18:43 發表

 登錄/註冊後可看大圖

梗唔得啦，今日四粒鐘先捱33公里，如下9公里一粒鐘唔掂！

仲有幾個月你練,你得既...

阿貓 · 發表於 2012-5-13 23:40:33

原帖由 perre 於 2012-5-12 15:11 發表

 登錄/註冊後可看大圖

但開開心心跑落山後才發覺，呢個係傳說中的白石窩大Deep V，

好香艷喎跑

大Deep V...啤梨兄...你咁操法, 一定電呀

加油

perre · 發表於 2012-5-16 21:34:24

日期：5月16日
時間：下午六點多
短評：今天正好在元朗倉做Site Visit，放是收工後在元朗運動場換衫，便出發打算跑番荃灣，但起步無耐已經覺得唔多上力，跑左三公里半去到洪水橋便要入七仔買水，比預期早左少少，跟住沿路好多回收場，有D回收場有狗狗，攪到跑下停下，見到狗狗唔敢跑，攪攪下越跑越慢，一路跑過鍾屋村、虎地、藍地、嶺南大學、屯門市廣場、置樂區後到兆麟運動場，剛好十公里，但足足用左一小時八分鐘，跟住都唔多上力，去到黄金海岸又入七仔買水，跟住慢慢跑到大欖巴士站約16公里，已好散散地，於是食左包Powerbar，跟住捱到青龍頭已經好散下，跟住跑下行下到深井，右腳板底有小許想抽根跡像，於便算數，坐綠VAN返屋企，未能完成元朗跑返歸，但星期日又約左人跑荃西翻城門入馬鞍山，今晚唔好去得太盡，適可而止便算，但呢21.1公里花左2小時29分 .... 起步時預計2小時10分入乜都到深井，足足慢左一截。難道天口熱﹠孭住個重重背包有影響？

登錄/註冊後可看大圖

perre · 發表於 2012-5-20 13:40:10

日期：2012-05-20
時間：倒屎咁早嘅六點半
短評：上次因為跑錯路和電話壞了，不能好好記錄到路線距離資料，
所以今天約埋坦克、小克、K隆星人、傻虾、娃屎、Joe等一行七
人再跑一次呢條路，今次好好無跑錯路，由屋企入到馬鞍山運毒場約
25公里，下次會試下由屋企入大埔先。

登錄/註冊後可看大圖

perre · 發表於 2012-5-22 21:42:29

日期：5月22日
時間：晚上八點
短評：好耐無試過夜晚呢D時間落街跑步，今晚天氣清爽，得24度左右，又有D風，好C服，所以跑左一個來回到嘉頓修路處回頭10公里，全程刻意跑快D，上斜幾段更比多D力扯盡D，但落斜反而收番少少，以免弄傷，只係大約去到9.5公里時，右腳腳板底扯左六七下，擔心整傷，所以立即收油，去到GPS顯示10公里時便收步，花左51分37秒，比復活跑輕輕快左2分鐘，但跑完腳力還有好多，條氣行左二分鐘便回順，整體感覺係強左少少，唔錯唔錯。

登錄/註冊後可看大圖

perre · 發表於 2012-5-26 13:56:31

日期：5月26日
時間：早上8:30分
短評：今朝約左Willy, 小黑和新朋友B隆星人一齊跑山，至於點解叫B隆星人，稍後再講，先講去跑左去邊，我地一行人由麗城出發，上左油甘頭村，再沿引水道跑到荃錦公路，之後沿荃錦直上，經過川龍到大帽山公園，再沿大霧山道上到閘位，之後一路上到頂𡶶的天文台盡頭，跟住回程到順龍飲茶，共19公里多少少。今天起步時有幾粒小雨，去到荃錦後見到少少陽光，差不多大霧山頂時如入百里雲霧之中，能見度只有10米，回程更傾盆大雨，去到川龍連鞋籠都濕埋。但好開心，因為認識到B隆星人，還記得當日認識K隆星人時已十分震撼，因為他來自外星，一日能跑105公里，耐力十分利害，對我來說簡直是技驚四座，至於今日認識的B隆星人，他應該都係來自外太空，果然係今年初渣打馬拉松頭15名內的跑友，係我眼中根本係同肯雅跑手同一個Level，咁耐已來，我只係想像肯雅人點跑3分鐘1公里嘅速度，今日過左川龍後﹠在大霧山路攻頂時，原本B隆星人跟後邊的小黑吹吹水，但突然在我身邊界過，我見佢跑得好輕盈，完全無死跑嘅感覺，呢排我都跑左幾次山，於是便想追追佢，睇清楚佢跑姿，我估當時我需然上斜，但谷盡死力果100米都應該有6分鐘1公里，但30步之內一個彎後，既然連佢屁股都見唔到，我估佢當時有4分鐘1公里，上條咁嘅斜路既然有咁嘅速度，還不是來自太空 ?? 真的要同佢跑多D，學習學習。

登錄/註冊後可看大圖

perre · 發表於 2012-5-29 22:48:08

日期：5月29日
時間：晚上八點半
短評：今晚食完飯約左老婆落海旁跑步，見佢興高采烈便一齊落去，拉左15分鐘筋後便開始慢慢跑，無睇速度無睇距離，慢慢同佢跑到海濱公園迴旋處，我估大約2公里鬆少少佢便開始要慢慢行，第一次係呢度跑都有2公里多已經叻叻！跟住佢先行返屋企沖涼，我就繼續來來回回慢慢跑，前後跑左90分鐘，跑完後睇睇GPS，原來都有13.18公里，但完全唔喘氣，好C服！

登錄/註冊後可看大圖

perre · 發表於 2012-5-30 22:12:34

日期：5月30日
時間：晚上八點半
短評：昨晚Con梳Server做到成點，跟住二點又起身埋尾，今朝又試個新Backup試到頭暈暈，加上心中一口怨氣，本應今日要休息下，但今日又坐左成日，想郁下個人，老婆又去左街，於是乎便由屋企下邊海旁慢慢慢慢跑到深井籃球場掘頭路折返，剛剛好10公里，返來後睇下時間，真係好慢慢慢慢架，用左1小時6分鐘，但好熱，出左好多汗，跑完後條短褲仔都重不停滴汗，隻鞋又濕晒，真係要買多對交替用，但今日同昨日速度差唔多，需然今日都好攰，但全程慢慢跑無扯蝦好C服！

登錄/註冊後可看大圖

momolone · 發表於 2012-5-31 12:06:57

ching 真係勤力!!

我有ching一半o既恆心毅力就好喇﹗

		自動登錄	找回密碼
密碼			註冊