香港長跑網  - 長跑長友

 找回密碼
 註冊
搜索
樓主: perre

Perre - 愛跑步, 只因我愛跑步

[複製鏈接]

升級   2.55%

該用戶從未簽到

 樓主| 發表於 2012-6-17 09:19:28 | 顯示全部樓層
日期:6月17日
時間:上午六點半
短評:在台灣墾丁的第二天,雖然昨晚下了一場大雨,但今早天氣晴朗,做完十五分鐘熱身﹠拉筋後,便由民宿門口向山走,但開頭曬住黎跑,跟住又落毛毛雨淋住黎跑,無耐後又出住太陽落住雨黎跑,但好幸運地有條大彩虹陪我跑左大約跑左3.6公里上斜山路去攻頂,跟住跑左約4公里落山到墾丁大街,但由於太早,差不多全部商店亦未開門,於是便沿海邊慢慢路返民宿,用左1小時15分鐘跑左11.7公里,好C服!


                               
登錄/註冊後可看大圖

升級   2.55%

該用戶從未簽到

 樓主| 發表於 2012-6-18 09:22:00 | 顯示全部樓層
日期:6月18日
時間:早上七點半
短評:今天唔知醒,雖然鬧鐘嚮了,但太攰關係,一訓便七點了,昨天向了北邊路了一個圈,今天便試下向南邊的最南燈塔進發,今天太陽伯伯十分不留情,曬到無朋友,沿路一邊跑一邊用水淋身,加上昨天好似食左五餐,所以順便黎個消脂跑,可以無咁辛苦,但去到燈塔發現原來要買票入場,但我身上得五十蚊,要留番D錢買水,所以去到問口便折返,返到民宿門口剛好10公里理D,用左1小時10分鐘連同1.4公升水∼∼∼好誇張∼∼∼!


                               
登錄/註冊後可看大圖

升級   2.55%

該用戶從未簽到

 樓主| 發表於 2012-6-24 22:41:18 | 顯示全部樓層
日期:6月24日
時間:晚上九點
短評:昨晚通宵工作,今日訓到中午一點鐘,跟住meme麼麼左一陣食少少野便去瑪麗醫院探媽媽,而老婆在家煮飯仔,探完媽媽返到屋企剛好有飯食,食完便同老婆落街跑步,一齊跑到海濱圓型花槽再回到麗城三期,為免爭廁所,所以佢先返屋企沖涼,我就再跑遠D,到汀九橋才回頭,今晚慢慢跑,9.6公里跑左1小時15分,而且沿途又好好風,但跑完連鞋籠都濕埋∼∼∼∼!


                               
登錄/註冊後可看大圖

升級   2.55%

該用戶從未簽到

 樓主| 發表於 2012-6-28 23:14:22 | 顯示全部樓層
日期:6月22日
時間:晚上九點
短評:自從台灣放完電回來後,再捱左幾晚OT加班,媽媽又入左醫院,攰左成十日都回復唔番,但諗住星期六日可能打風,幾日無郁過,所以成九點都落街郁動一下,好彩落到街見到小黑跑完返來,但佢真係唔好彩撞到我,比我捉住佢再跑多次,攪到佢今晚跑左成25公里,可能天口熱加上體力不足,已經慢慢跑,但跑到深井已經唔想跑,好彩有小黑帶住我,回程跑過左汀九開始體力漸漸下降,開始有少少喘氣跡像,但得小黑鼓勵最終捱埋尾果3公里返到荃灣碼頭,跟住去左七仔買寶礦力,合計跑左11.6公里,花左1小時15分鐘∼∼∼∼但跑完條頸有D梗梗地,好似訓"禮“頸咁!@@


                               
登錄/註冊後可看大圖

升級   2.55%

該用戶從未簽到

 樓主| 發表於 2012-6-30 15:30:19 | 顯示全部樓層
打風後的本月最後一日,沒有去跑步,所以便順便月結一下 :-
6月02日 ﹣ 18公里
6月04日 ﹣ 4.89公里
6月05日 ﹣ 15.2公里
6月09日 ﹣ 16.6公里
6月11日 ﹣ 10公里
6月14日 ﹣ 7.61公里
6月17日 ﹣ 12.81公里@台灣
6月18日 ﹣ 10公里@台灣
6月22日 ﹣ 10公里
6月24日 ﹣ 9.68公里
6月28日 ﹣ 11.6公里

本月可能去下旅行,開下OT,跑步時間少左以及體力回復慢左,力不從心下只有
跑左11日共126.39公里

升級   2.55%

該用戶從未簽到

 樓主| 發表於 2012-7-1 18:03:31 | 顯示全部樓層
日期:7月1日
時間:早上八點正
短評:今朝在東涌機鐵站拉筋後便慢慢起步,首先慢跑左約3公里到東涌遊樂場當熱身,跟住就係惡夢開始了,由呢個水平線位置開始,一直跑石級向上,係石級,意思係用大小不一的石頭砌成的石梯,有D石好高,隻仔差唔多成90度角先上到去,我都唔知走左幾多級,只知由呢個水平線,一路上到鳳凰山頂海拔910米都係石級,跟住沿伯風坳落山,大約落左400米海拔左右,但都係呢D石級,中途還遇到三號風球咁大的風,遇到大雨,成個天黑晒,而且在鳳凰山頂全都十里迷霧,落完呢400米後還要過對邊馬路,再重上番400米到海拔約900米的大東山,點知原來又係呢D石級,到最後由海拔900米的大東山頂返回水平線,都係呢D石級,粗略估計,今日走左成10000級呢D石級,我以上落共約2600米海拔,每米約4級石級而計出來的。
由於有泥路,又有幾滑的青苔,所以步步為營,以免跣親,所以足足用左7小時才能成呢23公里路程,而且因為上落石級用左好多小腿和滕頭的力,而且為左每步唔好跣親,所以經常望住地下來走,攪到而家由頭到腳板底都係酸痛 .... 呢劑起碼痛好幾日,同埋呢條路試過一次便算了,唔好再攪,好辛苦!


                               
登錄/註冊後可看大圖

升級   2.55%

該用戶從未簽到

 樓主| 發表於 2012-7-2 18:46:43 | 顯示全部樓層
日期:7月2日
時間:下午三點半
短評:昨天走完2 Peak,今日做一個Recovery Run,由欣澳機鐵站跑到東涌,但在三十多度烈日當空之下,已經慢到8分1公里的速度,但還是覺得好辛苦,在起步時已飲左支350ml水,再拎住支770ml的水,但都捱唔返東涌,可能中途有一段跑錯跑,由原本約11公里的路程變左12.8公里,所以D水才捱唔到返東涌,所以去到東涌後第一件事是買水,第二件事係去政府籃球場更衣室沖涼,呢個更衣室又真係幾好,除左乾淨之外,重係有企缸的,唔錯唔錯!
由於太陽伯伯利害得很,加上呢個時間係西斜,所以決定今日唔攻入大澳,留番下次朝早先跑入去,因為朝早應該曬唔到入東涌果條路,會C服D∼∼∼


                               
登錄/註冊後可看大圖

升級   2.55%

該用戶從未簽到

 樓主| 發表於 2012-7-8 13:33:56 | 顯示全部樓層
日期:7月8日
時間:早上八點
短評:今朝起身流洗完後,見太陽伯伯雖然訓醒左,但又未醒晒,便覺得大好時機,於事去了青衣城老麥食完早早後再去欣澳,由欣澳開始跑去東澳,到東澳地鐵站11.1公里花左1小時10分,呢段路今日算唔錯,太陽伯伯跟白雲哥哥亙相糾纒,令我可以係陰影下作業,但可能得一個蛋散自己跑,越跑越慢,跟住覺得慢得濟時又快返少少,全段路就咁時快時慢地去到東涌,跟住係七仔補給﹠休息左一陣之後便起程去大澳,由東涌去大澳約14公里,但花左二粒鐘,其一係刻意放慢之餘,跑左約7公里後落左一場大雨,剛巧有個阿姐賣水,便係佢把太陽傘下避左成20分鐘雨,但好彩呢場雨降左唔少溫度,雨勢差不多停後便繼續向前,但有D幾斜下的小斜路便行上去,所有十級八級的樓梯都係行上去,直到深屈村,更加嘆左杯奶荼和餐蛋治,飲飽食醉後再出法,但跟住段路係沙石路,無咁好跑,所以速度又放慢了,結果攪下攪下,花左二個多鐘才完成呢14公里路。


                               
登錄/註冊後可看大圖

升級   0%

  • TA的每日心情
    開心
    2013-10-13 22:22
  • 簽到天數: 1 天

    [LV.1]初來乍到

    發表於 2012-7-8 13:39:00 | 顯示全部樓層

    回復 168# 的帖子

    食埋野,兩個鐘14公里差唔多啦!

    升級   2.55%

    該用戶從未簽到

     樓主| 發表於 2012-7-11 21:13:03 | 顯示全部樓層
    日期:7月11日
    時間:晚上七點半
    短評:襯老婆煮飯便閃出去試試新錶,因為趕住返屋企食飯,所以跑左一轉來回汀九機場展覽中心,去程Pacing時速約11公里,回程放番慢少少時速約8.5公里,呢個Pacing係即時,不過之前設定錯左做時速,下次要改番做分鐘先得,另外拍一拍錶面就自動著燈,好方便,另外連接上衞星好快,38秒便接通,跑完返來後GPS錶顯示7.64公里,而iPhone GPS顯示7.77公里,相差90米,當然我信GPS多D啦!


                                   
    登錄/註冊後可看大圖

    升級   2.55%

    該用戶從未簽到

     樓主| 發表於 2012-7-14 13:07:06 | 顯示全部樓層
    日期:7月14日
    時間:早上九點
    短評:今朝入到東涌,先食番個雙蛋拼腿通,跟住係地鐵站附近拉拉筋,鬆一鬆後便起步,在太陽底下一路沿北大嶼山公路旁到白芒約3公里都Keep住5分半左右Pacing,跟住沿奧運徑過左白芒村及一個唔知咩村後太陽伯伯便不敵黑雲姐姐,到呢度大約跑左5公里多D,路線應該係大東山和二東山的丫口位,雖然不算高山,但都要翻過呢個丫口係,由呢度開始去到約7K半左右都係上斜或樓梯,但可能在山谷之中,雖然沒有太陽,但風都無滴,好焗促,好不容易邊行邊跑翻過呢個山口,跟住一段約2公里鬆D嘅樓梯+落斜直達梅窩。
    到梅窩後先補給一下水,再小休5分鐘便沿岸邊跑,到到差不多盡頭時,有一條大上斜,跟住係亡命大樓梯,花了近半小時終於到山頂的涼亭,呢個位風景怡人,遠挑港島九龍和新界,係一個睇日出勝地,在這裡休邊左15分鐘便開始向愉景灣出發,沿路落斜好C服,但都收到近7分Pacing以Recovery一下,去到愉景灣商場巴士站,約跑左15公里路翻過二個山頭,花左2小時20分。
    但已經成個人變成水人一般,又無地方沖涼,但都唔理三七廿一跳上去欣澳的巴士,但要HKD9.1好貴,落車時發覺自己坐果個位已經有一個小水塘,當然用汗做成架啦,跟住又跳上欣澳地鐵去青衣,我企係門口附件,雙腳少少分開,短短十分鐘車程,D汗不停地由褲向下滴,好似水喉閂唔實,差不多落車時地下已經有一個小水塘,還向四處流動,果真奇景,好不容易捱過四圍目光到青衣,即時閃去坐的士返屋企,沖完涼開埋冷氣真係好C服。


                                   
    登錄/註冊後可看大圖

    升級   0%

  • TA的每日心情
    鬱悶
    2013-10-6 06:23
  • 簽到天數: 2 天

    [LV.1]初來乍到

    發表於 2012-7-17 16:44:28 | 顯示全部樓層

    回復 171# 的帖子

    近來天氣,日光時跑10km以上,跑完拉筋時,一打開大腿V型下壓,陣味自己都覺

    升級   2.55%

    該用戶從未簽到

     樓主| 發表於 2012-7-17 22:31:34 | 顯示全部樓層
    原帖由 little-fish 於 2012-7-17 16:44 發表
    近來天氣,日光時跑10km以上,跑完拉筋時,一打開大腿V型下壓,陣味自己都覺


    自己D味唔臭架∼∼∼

    升級   2.55%

    該用戶從未簽到

     樓主| 發表於 2012-7-17 22:32:39 | 顯示全部樓層
    日期:7月17日
    時間:晚上九點
    短評:食完飯抖左一陣便落左樓下海旁,舒展左一陣筋骨後便開始起步,頭果公里多都Keep係約615左右,但無耐發覺好似後邊有D腳步聲咬住我,於是乎便貼少少欄諗住比後面過啦,但佢又好似唔想過,係咬住我,明顯我又聽到佢D腳步聲喎,跟住我便有意無意開快少少,差唔多約530左右,去到上機場展覽條斜路時重可以扯到515,上完呢條斜路就明顯再聽唔到後邊有腳步聲了,去到深井籃球場5.01公里用左28分09秒,跟住第一時間埋左水機食水,抖左五分鐘後便慢慢Recovery Run番去,大約715上落Pacing,返到屋企下邊位置10.18K用左1小時12分連休5分鐘。去果程真係好熱,熱Q屎,返來果程就好C服∼∼∼


                                   
    登錄/註冊後可看大圖

    升級   2.55%

    該用戶從未簽到

     樓主| 發表於 2012-7-19 21:15:13 | 顯示全部樓層
    日期:7月19日
    短評:今日去左葵涌做野,返屋企慳左唔少時間,一返到屋企後便出去跑步,出去時太陽還好熱,外邊大約33度,簡直係練緊九陽神功。由屋企下邊海旁到深井籃球場剛好5公里,用左30分23秒,約6分Pacing,但去到籃球場已經熱死了,係水機飲完水跟住順便去廁所洗個臉,前後小休左5分鐘後便向青龍頭出發,跑到百佳外邊天穚位折返回深井籃球場剛好5公里,今次用左33分鐘,平均Pacing約6分半,跟住已經熱到爆爆地咁,係籃球場補左水,再洗洗臉小休10分鐘,跟住便跑返荃灣,剛入到海旁便收步,差500米都捱唔返起步點,呢段跟跑左4.5公里,花左約33分鐘,Pacing差唔多7分多D。
    返到屋企沖完涼,立即放對鞋入洗衣機洗洗佢,跑緊都覺得好臭∼∼∼跟住攤左係梳化足足半個鐘郁唔到,原來收工加上天口熱真係比平時星期六朝早跑步辛苦好多。今晚九點半要訓教鳥∼∼∼


                                   
    登錄/註冊後可看大圖

    升級   2.55%

    該用戶從未簽到

     樓主| 發表於 2012-7-21 12:31:14 | 顯示全部樓層
    日期:7月21日
    時間:朝早八點正
    短評:今日跟施Sir, 坦克, Willy, 卡樂B,Lewis, Joe等一行七人由荃灣海旁跑上香港第一高峰白波波,上到頂共13公里,花了二小時,跟住落返川龍坐小巴走,今日共玩左約20公里路程。
    但施Sir果真唔係地球人,上到白波波佢既然係背狼嘅個西瓜出來,重有冰袋和乾冰,在夏日炎炎一個冰凍西瓜簡直如獲甘露,施Sir果然堅!


                                   
    登錄/註冊後可看大圖

    升級   2.55%

    該用戶從未簽到

     樓主| 發表於 2012-7-26 20:56:12 | 顯示全部樓層
    日期:7月26日
    時間:晚上七點半
    短評:休了四天,今晚終於無雨了,於是落街試一試對赤足3090,落到海旁時發現風後情況仍然存在,倒樹和落葉只掃到一旁,還沒有清理,加上今天落左一整天雨,在未知鞋仔的性能前,起步時差唔多7分半,可能近四個月日日著住老虎對Kanayo 18,佢係老虎最強緩震的鞋,今晚突然換左對仿赤足鞋,鞋底之薄令我每一步都可以好好感受一下,由起步到汀九橋折返,在呢2.8公里路程Keep住7分半,每一步都可以感受到地上的凹凸,每一步著地都可以清楚感受到腳板落地先後和比力情況,所以我發現原來我右腳係用前掌平均落地,即係近腳指果舊厚肉,但左腳就用前掌近腳指公果舊肉,近腳指尾果邊好似無乜著地感覺,而比力推前亦一樣,可以話係左右唔對稱,一時間我都唔知左定右係正確,但只知左腳係比右腳快攰D,快攰原因可能係小休左幾日,引擘放到凍晒,但左腳先攰就肯定係呢個原因,在去程用慢JOG去感受完自己落腳問題,回程時就試下對鞋性能,首先試下迫自己左腳平均地用前腳掌著地,但都幾刻意才試到,一不留神又變番側埋一邊,跟住試下鞋仔咬地性能,可能鞋仔只有183g重,十分輕盈,只要輕輕力向後推,便輕鬆跑上5:30,而且在地濕濕地情況地亦都十分咬地,對鞋仔真係唔錯,但可能未著過咁輕嘅鞋,緩震亦比老虎大幅減少,腳仔可能受力多左,所以跑左5.6公里回來後,腳仔感覺好似跑完10K咁,我諗呢對鞋暫時用係5-8K路程和改善左腳落地側埋一邊的訓練方面,過一二個月直到對腳習慣左咁薄底嘅鞋才作長一點的距離,咁可以比到時間腳仔適應和減少受傷機會。


                                   
    登錄/註冊後可看大圖

    升級   2.55%

    該用戶從未簽到

     樓主| 發表於 2012-7-27 22:33:51 | 顯示全部樓層
    日期:7月27日
    時間:晚上七點
    短評:原本今晚入去將軍澳踩一踩人地個場,但又因為部份人未能出席,為左等齊人所以留番下次再入將軍澳,攪下攪下今晚又返荃灣跑青公,今晚人少少得果八丁友仔,跑完去左食打冷 .....


                                   
    登錄/註冊後可看大圖

    升級   2.55%

    該用戶從未簽到

     樓主| 發表於 2012-7-28 13:13:11 | 顯示全部樓層
    日期:7月28日
    時間:早上11點
    短評:因為對老虎昨晚玩到濕晒,今朝放左入厠所用抽濕機抽一抽佢,點知剛才跑完返來都算抽左二個鐘啦,但都未乾。。。。
    所以今日著左對NB赤足鞋,由屋企下邊海旁跑到入深井籃球場入邊,剛好5K,睇錶用左30分2秒。跟住休息左8分鐘飲下水,散下熱,洗下臉,再慢慢跑返麗城,回程5公里用左36分幾,但都已經好攰 ..... 今天狀態麻麻地,咁嘅情況9月隻半馬都唔知點扇!


                                   
    登錄/註冊後可看大圖

    升級   2.55%

    該用戶從未簽到

     樓主| 發表於 2012-7-31 21:29:15 | 顯示全部樓層
    又到七月份的總結一下了:
    7月01日 ﹣ 22.1公里
    7月02日 ﹣ 12.8公里
    7月06日 ﹣ 11.5公里
    7月08日 ﹣ 24.6公里
    7月11日 ﹣ 7.77公里
    7月13日 ﹣ 4.32公里
    7月14日 ﹣ 15.7公里
    7月17日 ﹣ 10.1公里
    7月19日 ﹣ 15.0公里
    7月21日 ﹣ 17.4公里
    7月26日 ﹣ 5.65公里
    7月27日 ﹣ 12.0公里
    7月28日 ﹣ 10.0公里
    .
    合計:168.94公里
    您需要登錄後才可以回帖 登錄 | 註冊

    本版積分規則

    香港長跑網

    小黑屋|手機觸屏版|電腦版|Archiver|香港長跑網 |網站地圖

    GMT+8, 2024-3-28 21:21 , Processed in 0.143764 second(s), 21 queries .

    Powered by Discuz! X3.2

    © 2001-2013 Comsenz Inc.

    快速回復 返回頂部 返回列表