香港長跑網  - 長跑長友

 找回密碼
 註冊
搜索
樓主: tank1438

癲友跑山盡情癲...喇喟!!

[複製鏈接]

升級   100%

  • TA的每日心情
    慵懶
    2013-10-6 15:26
  • 簽到天數: 1 天

    [LV.1]初來乍到

     樓主| 發表於 2012-11-20 01:56:05 | 顯示全部樓層
    也許我們沒有經驗,沒有一級裝備,沒有充足操練.......!

    但我們有一顆"癲"的心,加上有萬眾一心的支援,幾艱苦的路我地都一齊踏過,呢102公里,絕對不是距離同時間的問題,而係我們之間友誼的融合過程!

                                   
    登錄/註冊後可看大圖

    毅行者2012,完成得絕對不易,起步前幾日天文台一路都預測有雨,正為此擔心了好幾日,不過起步前天公造美,只是陰天而雲層也不太厚,起行時仲心中多謝緊老天爺對我們的惓顧,所以第一段北潭涌+西灣時時行時跑輕鬆地2:41完成.
    而第二段由於上一段太輕鬆所以行/跑快左只用了1:32,分段時間竟然在20內,其實因種種原因我地目標時間已經由20改做無目標,而預期就係23左右!可能興奮得滯埋下兩位隊友狀態3上3落令之後蝕突時間!
    在北潭坳成成加入做陪行十卜,慶幸佢到來,蝦佬在上嶂上時開始氣喘,成成就幫他帶腰包水樽,在困難中慢上,我內心很抯心蝦佬的狀況,亦不停叫佢收慢,身體要緊,唔好夾硬來!所以要2:59先去到水浪窩!
    因人多同有十卜山長水遠買飯來,所以忘形地用了好長時間,而CP打卡的工作人員竟然係視障的教練吳SIR,食飯補給後應該有半小時停留才離開!飯後蝦佬程況好了些少,之後上馬鞍開始天色有變雲層逐漸厚,行行下真係有雨點,未到萬里長城,就落起雨來真大鑊,而此時TKO HONEY的法官從後叫我們,真估不到咁快被他們追到,佢地應該都係第一隊兩點起步的追到我們,當然其實我們都已經過了不少11點起步的隊伍,甚至9時起步的都有,而後來應該都唔少9點起步的都給我們過頭,因我們過終點前只得二百多隊衝線,而分四段時間起步,如平均分應該有六百隊早過我們起步的..!!在微雨加塞人的情況下第4CP要3:32才到達!
    過了基維爾營CP後大家都記住有喵姐糖水加可樂飲,所以都行得起勁,不過同時間雨亦大了很多..@@

                                   
    登錄/註冊後可看大圖

    在雨中飲喵姐預備的紅豆沙湯圓,真係甜到入心..!!停留8分鐘左右就道別向畢架山進發,而,雨又再大,我們穿上雨衣繼續上,而EDDY就開始狀態下降,不時跟不上大隊,幸運地彈弓人WILLY在成成回家休息的同時,佢即場捱義氣接力,幫蝦佬同EDDY攞物資,負重行到城門施SIR加入先減輕他的負擔!此CP4-5用了2:26
    在CP5補給時相當大雨,而我們起行時基本上無其他隊伍離開,我們做招牌加油動作時更搏得全場加油之聲,昂然離開後就向大埔道,金山出發1:23到達走私坳!而此CP竟然打卡後要行3分鐘上斜先有補給,因施SIR在城門等我們有早餐食,我們就不停留了!在3點半到燒烤場,施SIR已經放好五份早餐等緊我地!真係無話可說了晚上10點先落機,回家休息1小時左右就去買早餐打的上來等我地,咁既十卜邊樹揾呀...真心佩服!

                                   
    登錄/註冊後可看大圖

    用十五分鐘左右解決晒D美食後再滿足地上針草帽,在擔心蝦佬同EDDY的同時,我右腳大脾後筋竟然有點狀況,但又未至於作抽,只是不太自然!於是放慢少少步伐與避重就輕地多用左腳,但作為隊中精神之柱的我只好頂箸牙關強忍前進,唔可以令其他人有閃失!去到 鉛礦坳 用了2:41
    之後上最後的高山大帽山,其實此時心中恐懼感好大,怕一抽難捱,但只不停心呼吸,繼續頂,而有施SIR同WILLY幫蝦佬及EDDY令我相當安心,幾經艱苦捱到上白波波,心中安心好多,因可以有4K幾落斜給我鬆腳...在此時跟胡SO慢JOG落山,唔係呢幾K鬆腳,我可能真係抽筋離場了!,在CP交完水費等齊人打卡再去荃錦坳接受癲友十卜的鼓勵與JUDY準備的糖水,心中倍感溫暖!之後一行十人列隊半行半跑回大棠,最瘋狂的是在最後3K時,時間為22小時40分在大棠燒場閘口前等齊人,我地竟然想到盡人事SUB23喇,於是衝埋去,到入大棠渡假村時更放縱的開到4分幾1K我走回終點,我自己都接受唔到一隊人行完100K山,最後兩K竟然9分鐘左右完成,而我後嘐摺腿在之前有作抽的情況下竟然可以大過90度的跑回去....證明我地癲友真係無改錯名..!!

                                   
    登錄/註冊後可看大圖

    http://www.oxfamtrailwalker.org.hk/oxfam/webtracking.jsp

    升級   100%

  • TA的每日心情
    慵懶
    2013-10-6 15:26
  • 簽到天數: 1 天

    [LV.1]初來乍到

     樓主| 發表於 2012-11-20 10:15:08 | 顯示全部樓層
    毅行感受篇:
    經驗少的我們,由於種種原因,只進行了8次操練,而且只行了一次雙坳,最長都只係57KM....幾多附出幾多收穫,所以行得慢係無得怨的,不過艱辛下完成,正好體驗毅行之真諦,唔知係我理解錯,定係毅行已變質..??乜毅行原來係競賽來嗎??我一向以為活動意義係與隊友/支援同甘共苦去面對艱辛的百公里路段,去感受貧窮人面對的艱辛的一項籌款活動,但現在好似成為了不同品牌較競的賽場,大公司用六萬八出隊當出下名做下慈善我可以理解,但某品牌出動大量隊伍,誓要爭奪冠軍,又話要幾快幾快,有咩意義??某幾屆冠軍唔敢接受挑戰借其他原因唔參加,攞唔到第一就唔玩,不如以後都唔好玩喇..!!在我來說齊齊整整一隊人一齊完成就已經係勝利,我們做到了...WE DID IT!

    [ 本帖最後由 tank1438 於 2012-11-20 10:16 編輯 ]

    升級   100%

  • TA的每日心情
    慵懶
    2013-10-6 15:26
  • 簽到天數: 1 天

    [LV.1]初來乍到

     樓主| 發表於 2012-11-20 11:06:08 | 顯示全部樓層
    毅行十卜篇:

    每一個成功的活動,最重要都唔係出場果個,幕後功臣先至係最重要,今次毅行癲友能夠勝利完成,全靠以下各位:

    小二班長:一個癲癲得得的年輕女子,已回歸外地的她,在我們最需要佢的時間出現,欠了她的幾個月癲友們好似硬係少了點什麼的,她今次做支援統籌,一手一腳從頭到尾義無反顧的幫助真係無言感激!

    ADD文:一個經常在你需要幫助就出現的奇人,晨咁早就到起步點影相,之後由幫手運送物資,預備晚餐,打點一齊!

    成成:癲友毅行資訊站,經驗最豐富的癲友,不斷向我們提供唔同的資訊,仲陪行北潭坳至獅子亭與荃錦坳至大棠,無佢蝦佬真係好難回魂

    Wilson:一個從山上來的癲友,在上廣州初馬前都黎做我地十卜,水浪窩同獅子亭都發揮作用!

    Mill 姐: 癲友班主任,無佢就無癲友呢個組織,雖然種種原因未能同行,但佢都出盡心機在獅子亭準備糖水,可樂給我們行到中段有一種回家的溫馨感覺,可以提起勁去接受下半場的挑戰!

    彈弓人Willy: 另一個從山上來的癲友,之前做過十卜,未正式行過毅行,從獅子亭開始陪行到大棠,有佢相助令我安心好多,因之前獅子亭至城門係未有人認頭陪行,我已担心很久,佢即場答應,仲文裝一度加大背包上路,仲要攞埋eddy同蝦佬的腰包水樽,令我相當敬佩!

    萬里奇人施sir: 帶學生去北京考察,十點落機家到未回已打電話給我問我們狀況,回家後只少休1小時,我怕打給他會影響佢家人,深夜2:30whatsapp佢,不消兩分鐘佢就打黎問我地想食咩早餐,然後打的到城門等我們,在我們落到城門燒烤場時,他就即時送上熱熱湯麵給我們,真係感動到想喊!之後陪行到大棠,亦幫手照顧蝦佬同eddy,仲要到大棠後,我地攪晒一切後事佢竟然再由大棠跑去三聖先夠皮@@

    癲友糖心朱迪: 有佢就有好野食,操雙坳時的糖水三文治令各癲友感動至深,今次再黎愛心糖水,仲因應天氣改變而改了款式!之後再荃錦陪行到大棠!

    Tarry: 陪judy一同送上物資與糖水,之後同行,起初知佢同judy同行9-10段還有些担心,但既然唔睇時間一齊玩又何須担心呢,最後證明無錯的,佢地兩個在最後兩段攪下氣氛,令我地4子輕鬆好多,疲倦感亦為之減少..!!多謝晒^^

    Denny: 長短周都掉假過黎陪行荃錦至大棠與打氣,相當夠義氣..!

    阿銓:下星期去大阪跑初馬都黎打點一切,半夜起身準備好我地荃錦的物資,4對跑鞋真係唔少野的,之後又要收拾再送物資到大棠給我們
    好似仲忙過我地行的4子真唔話得!

    https://fbcdn-sphotos-e-a.akamaihd.net/hphotos-ak-prn1/s480x480/604045_10151157246323386_557570693_n.jpg
    再次衷心多謝大家的幫助,火有火裡去,以後大家既事就係癲友既事....赲湯道火都一定會幫忙..!!

    [ 本帖最後由 tank1438 於 2012-11-20 11:14 編輯 ]

    升級   100%

  • TA的每日心情
    無聊
    2013-10-30 13:01
  • 簽到天數: 1 天

    [LV.1]初來乍到

    發表於 2012-11-20 11:34:43 | 顯示全部樓層
    其實自己到咗獅子亭己疲憊不堪, 加上極度眼瞓, 往後既路段都係冇意識既情況下慢行,
    多謝隊友對我既包容, 更多謝支援隊既恊助及鼓勵, 先可以完成全程, 在此再一次多謝咁多位癩友,
    大師兄講得啱, 以後大家既事就係癲友既事....赲湯道火都一定會幫忙..!!

    升級   100%

  • TA的每日心情
    慵懶
    2013-10-6 15:26
  • 簽到天數: 1 天

    [LV.1]初來乍到

     樓主| 發表於 2012-11-20 11:36:52 | 顯示全部樓層
    癲友四子篇:

    在五六月時無緣無故因想癲友間做一件值得紀念的事,就膽粗粗的一同抽毅行者,在入了八九張飛下,只得傻蝦中簽,在各人不好意思互相推讓下,我,eddy同胡so就硬箸頭皮頂硬上接受挑戰,而山野狂人靚仔joe就外判到傻佬隊,恭喜佢幫傻佬隊爭取佳績做到super!

    蝦隊長:體能可能唔算好強,但傻勁一定係癲友之最,一切事無人當我擔當的心情做人,令人佩服!

    胡so: 癲友型男,又一山上來的跑友,年輕力壯頭腦靈活,全程唯一無狀況的英雄!

    Eddy: 好爸爸,經常帶囝囝參與癲友美食活動,有一定體能,操練時披醒準到得人驚,所以今次一早設定為領軍人物,可惜正日狀態麻麻,不過都堅持到最後已經相當難得!

    坦克: 四子裡最一無是處之人,被癲友們戲稱為"大師亨",其實心靈最弱,溝通能力又低,處事亦不夠果斷,今次毅行有咩不足都可以入我數!


                                   
    登錄/註冊後可看大圖


    [ 本帖最後由 tank1438 於 2012-11-20 13:22 編輯 ]

    升級   61%

  • TA的每日心情
    開心
    2013-10-18 19:39
  • 簽到天數: 1 天

    [LV.1]初來乍到

    發表於 2012-11-20 12:00:40 | 顯示全部樓層
    好精彩既全紀錄~ 恭喜完成~

    升級   26.4%

  • TA的每日心情
    奮鬥
    2013-12-6 11:32
  • 簽到天數: 5 天

    [LV.2]偶爾看看I

    發表於 2012-11-20 13:51:48 | 顯示全部樓層
    恭喜癲友大師亨,胡蘇,大頭蝦同eddy,順利完成毅行!!
    其實,如果唔係廣馬關係,真係想同您地一齊癲最後50KM。

    升級   37.6%

    該用戶從未簽到

    發表於 2012-11-20 14:35:35 | 顯示全部樓層
    精彩 !

    其實我都想借此機會向隊友, 特別喺Jacky 同Eddy 說聲"對唔住."

    我哩個"催命符"成日喺CP 點催催催......明知你地未飲完杯熱飲, 氣都未唞完, 都好唔人道叫快D行...成日都滾水淥腳. 到M9後, 又放火犴走.沒有顧及你地既狀態..其實我都喺想大家meet 到 sub 24, 甚至 sub 23 既目標時間, 為毅行畫個完美既句號.

    我承認我喺比較急躁...  .

    如有得罪, 請各大人原諒..........

    升級   10%

    該用戶從未簽到

    發表於 2012-11-20 16:05:53 | 顯示全部樓層

    回復 121# 的帖子

    看完CHINGS們的過程與感受後十分感動, 完全體現了體育精神, 互相扶持, 請鼓掌

    升級   100%

  • TA的每日心情
    慵懶
    2014-2-27 16:31
  • 簽到天數: 9 天

    [LV.3]偶爾看看II

    發表於 2012-11-20 16:46:14 | 顯示全部樓層
    So proud of u guys

    升級   50.35%

    該用戶從未簽到

    發表於 2012-11-20 17:49:03 | 顯示全部樓層
    Good jobs guy ! Coming Back next year !  Sub 20 will be your next year target again ! D

    升級   12.67%

    該用戶從未簽到

    發表於 2012-11-20 19:31:40 | 顯示全部樓層
    癲友!!好野!! proud of u !!

    升級   100%

  • TA的每日心情
    慵懶
    2018-5-17 11:21
  • 簽到天數: 340 天

    [LV.8]以壇為家I

    發表於 2012-11-20 21:03:34 | 顯示全部樓層
    毅行在獅子亭當晚, 我真的幫不到你們什麼...
    最後知道大家平平安安到達終點,(時間也做得很好啦!) 這才是我感到最值得安慰的.
    能夠認識到"癲友:, 這是我的福氣啊!
    願癲友們繼續加油 !!!

    升級   89.25%

    該用戶從未簽到

    發表於 2012-11-20 22:15:59 | 顯示全部樓層
    衰鬼,你講到咁熱血激情,搞到人地心仔bang bang聲,好想下年去報名呀!

    升級   100%

  • TA的每日心情
    慵懶
    2018-5-17 11:21
  • 簽到天數: 340 天

    [LV.8]以壇為家I

    發表於 2012-11-20 22:18:46 | 顯示全部樓層
    原帖由 hcli 於 2012-11-20 22:15 發表
    衰鬼,你講到咁熱血激情,搞到人地心仔bang bang聲,好想下年去報名呀!


    你又想"攞離賤" ?

    升級   100%

  • TA的每日心情
    擦汗
    2014-2-28 14:35
  • 簽到天數: 4 天

    [LV.2]偶爾看看I

    發表於 2012-11-20 22:27:53 | 顯示全部樓層
    坦克,你就好似癲友的精神領袖咁,我比賽前仲擔心右腿傷患能不能挨到終點,你講咗一句,唔好講挨,要享受比賽....當堂令我安心很多,無論點都好,一次毅行又令大家癲友關係更進一步,想想我加入長跑網短短時間開心的時光很多,喪跑+喪癲+喪食......平時大家工作都很忙,壓力很大,癲友絕對係一個減壓開心的團體...

    升級   100%

  • TA的每日心情
    慵懶
    2013-10-6 15:26
  • 簽到天數: 1 天

    [LV.1]初來乍到

     樓主| 發表於 2012-11-20 22:57:41 | 顯示全部樓層
    我都我手寫我心啫,未有癲友前我幾十年黎都扮演一條可憐虫的角色,在此得到大家的尊重,令我信心大增,衰d講:講句話都大聲d!
    所以能夠遇到大家絕對係我的幸運!

    阿銓咁下年一於由你領軍,我會做你完美的十卜,時間唔重要,最重要係享受過程!我地做到了,下年到你喇!

    蝦佬隊長,操練以黎我一路都擔心你狀況,之前的受傷更令我難以安心,你堅持到底的勇氣真令我拜服!
    胡蘇同eddy都表現得好好鳥,喵姐你的出現已經係我地最大的鼓舞點會幫唔到手呢!

    點評

    果然今年由銓隊長領軍!恭喜銓隊!  詳情 回覆 發表於 2013-11-18 21:59

    升級   100%

  • TA的每日心情
    慵懶
    2013-10-6 15:26
  • 簽到天數: 1 天

    [LV.1]初來乍到

     樓主| 發表於 2012-11-20 23:11:17 | 顯示全部樓層
    喟,一人一包膠呀,咪淨係得我一把聲先得架!

    升級   6.6%

  • TA的每日心情
    奮鬥
    2014-1-28 01:49
  • 簽到天數: 1 天

    [LV.1]初來乍到

    發表於 2012-11-21 15:34:01 | 顯示全部樓層
    師兄good,非常好

    升級   14%

    該用戶從未簽到

    發表於 2012-11-21 19:03:15 | 顯示全部樓層
    今年做十卜做得最有感觸既一次,因為今次同大家風雨同路~
    渡過最惡劣既時間之後還有餘力走向終點
    我今次能為大家做十卜感到榮幸~
    您需要登錄後才可以回帖 登錄 | 註冊

    本版積分規則

    香港長跑網

    小黑屋|手機觸屏版|電腦版|Archiver|香港長跑網 |網站地圖

    GMT+8, 2024-3-29 21:41 , Processed in 0.220860 second(s), 27 queries .

    Powered by Discuz! X3.2

    © 2001-2013 Comsenz Inc.

    快速回復 返回頂部 返回列表