唔知有冇人好似我咁呢?

knightxge

我係中學生

一直有一個問題，就係下半身好肥(上身也胖...但我明顯上下身體重和外型大小不合比例...)
對比其他人，我既小腿,大腿,臀部都係特別肥,特別粗(就好似人地話琳巴堵塞，水腫那個情況)

所以跑步經常出現一個問題
就係即使有氣力能繼續下去，都因為腿太累而被迫結束。
結果每次只能夠跑2-4公里已經很累......

唔知有冇過來人又係同我一樣只有下半身肥呢?你用咩方法成功減下半身
我應該點樣著手去減?
希望大家比d意見我啦~

didirene

我以前都係, 下身個PAT AND 大腿係大到唔啱比例, 腰AND PAT  唔對比例, 好難BUY 褲, 依家好好多!

只係在路上跑係好難只減PAT PAT 大腿, 我用方法係:
1, 主力唔係跑步, 係屋企近近地搵條長長斜坡, 冇斜坡就行樓梯, 不斷踏上斜坡, 我講踏上斜坡唔係跑上, 係因為初期你係冇力跑上的, 記住係細細步, 唔好大步攬, 不斷來回踏, 堅持至少40分鐘,

其實原理同你見健身中心D 靚女玩果D踏步機話收PATPAT 一樣, 不過就近搵斜坡我地唔駛入會, 加上係戶外可以出汗出多好多, 收PATPAT 之餘仲可以訓練埋心肺功能!!

好快見效!!

炒炒

原帖由 didirene 於 2012-7-10 10:30 發表

                               
登錄/註冊後可看大圖

我以前都係, 下身個PAT AND 大腿係大到唔啱比例, 腰AND PAT  唔對比例, 好難BUY 褲, 依家好好多!

只係在路上跑係好難只減PAT PAT 大腿, 我用方法係:
1, 主力唔係跑步, 係屋企近近地搵條長長斜坡, 冇斜坡就 ...

真係好難買褲. 早兩年我都仲要特登買大兩吋腰圍就隻肥大腿

knightxge

係呀..e家我著牛仔褲，一係腰圍太大，一係就大腿太窄...
btw, 好多謝didirene既意見呀,係咪pat pat低番就連下半身一齊瘦?
等我又試吓踏樓梯先~

ycw100

同樣情況。點解？因為成日坐係到玩電腦，一樣難買褲，我依家方法就係少跑多提高隻腳快走，或者游水跑步隔日黎