跑族半程馬拉松聯賽（第3站）香港站

shogikin

歡迎各位參加者
到<跑友投票區>賽後投票

注意不要投錯比賽

Kin in Running

ht00272

原帖由 denis3885 於 2012-7-19 15:52 發表

                               
登錄/註冊後可看大圖

跑族半程馬拉松聯賽（第3站）香港站
(2)由於避免7.5K與半馬一同起步引致7.5K衝線有混淆，所以分兩個時間起步；半馬起步時間為08:15hrs、7.5K起步為08:45hrs。

呢個比賽明明寫住7。5公里起步為08點45分。
點知我八點半到以爲冇問題，其實7.5k一早就起步了。不止我一個人遲到。
第一次見一個比賽可以提前起步。


之後點追都冇用啦。
自己跑的時間本來有獎變o左冇獎。跑完仲聽到會計chip time， 原來都唔係。
所以我覺得呢個比賽跑嚟都冇用冇意思。我之後點解釋都冇用。
只會覺得今天浪費了時間，浪費了錢。

johnrun

原帖由 ht00272 於 2012-9-23 14:34 發表

                               
登錄/註冊後可看大圖

呢個比賽明明寫住7。5公里起步為08點45分。
點知我八點半到以爲冇問題，其實7.5k一早就起步了。不止我一個人遲到。
第一次見一個比賽可以提前起步。


之後點追都冇用啦。
自己跑的時間本來有獎變o ...

雖然我跑半馬, 但我好認同ching既睇法.
仲要早左半個鐘都有, 我係上左線先聽到個MC話7.5K會同半馬同步起跑...

ngyinfor

請問幾時有紀念 T-shirt 攞 ???? thx !!!!

ht00272

T-Shirt 之外希望你地可以搵返我既真正成績同獎牌啦。
我明明準時到都可以話是我錯。

allanccl

昨日的賽事接獲數名參賽跑手的投訴，關於7公里組別起跑時間提早半小時及指第一貼講頭六名都有獎盃一事。

比賽前一個晚上我們一班義工在通宵的準備，務求達至完美安排，各項細節如水站、晶片地氈等等已經預備及安排妥當，誰也料不到竟然有一卡板的蒸餾水(約有一千瓶)找不到，以致在壩上的水站不夠飲用水，在這酷熱的天氣下，沒足夠的飲用水降溫，又要避開炎熱的太陽，舉辦一個賽事我們首要注重是跑手們的安全，所以將7公里組別也改為與半程馬拉松同時起步，期望能避免中暑等意外發生。但不幸地昨天有一名國內參賽跑手中暑，我們義工們已即時施以急救及召救護車救援及送院，該跑手現在醫院深切治療部留醫，情況仍然危怠。我們心裡擔心及難過，安排了他的家人來港、安排住宿並找義工陪伴。

對於因為起跑時間改早，令致有7 K跑手變成遲開步，完賽後曾多次向晶片公司負責人提出要各跑手的個人時間紀錄，但因其他三鐵的賽事正進行得如火如塗，始終也沒法提供給我們，所以也無法根據晶片時間而即時調整名次，對此跑手本網只能深切致歉! 如閣下PM本人銀行戶口號碼，會退還報名費，以表歉意!

因這賽事是跑族舉辦，本網只是協辦，所以獎盃及獎牌均由跑族提供，以往幾年在國內舉行各站的半馬及5/7K賽事，獎項都是男/女子半程是頭三名獎盃、1-6名獎牌，5/7K賽程只設男/女子第一名各獎盃一個，1-6名獎牌一面。在本貼第一貼所講的前6名有獎並非指所有人都有獎盃，敬請見諒!

賽後紀念T恤因運動版圖方面出錯，以致未能即時派發，會安排給大家補發，內容日內公佈。
   
經一事長一智，希望大家對今次、以前或日後同類活動有要求建議者，可以向我們或在此提出。
   
昨天於終點前意外中暑及跌傷，現正身在大埔醫院留醫的跑手，祝願他早日康復。



香港長跑網幹事
亮哥示

藍衫

祝願他早日康復。

REVISED

祝願傷者早日安康, 多謝昨天義工朋友的幫忙 。

sumofjack

我無參加到今次比賽, 不過HK$80的參賽費用算是比較相宜的比賽呢。最緊要係大家跑得開心, 跑得健康。

要搞D咁大型既活動, 就算係大公司搞都要花好多人力､時間去做呢。同埋畢竟長跑網都係義工來的, 大家應該多D鼓勵, 今次搞得唔係太好, 就俾D意見, 等大會下次可以搞番好D啦! 加油呀!

All the best to the 中暑選手!

tn2535055

原帖由 john0711 於 2012-9-23 15:07 發表

                               
登錄/註冊後可看大圖

雖然我跑半馬, 但我好認同ching既睇法.
仲要早左半個鐘都有, 我係上左線先聽到個MC話7.5K會同半馬同步起跑...

呢位師兄你好.我唔知你有無參加過第二D既長跑比賽
但如果有參賽既運動員.都應該係開跑前早最小1小時到場
因為馬拉松或者10公里都好,都需要有足夠熱身同賽前準備
除左熱身.仲有要整理比賽裝備.寄行李同聽(林)場大會安排!
我雖然身為長跑網一份子.但無論我去咩比賽都好都會最小早個半鍾去到會場準備!
如果師兄係真係咁注重呢場比賽應該用最早既時間到比賽場地準備好!
自問我每年跑渣打馬拉松都係獨身去會場!我都會4點鍾起身.4點半坐頭班車出去!
去到拍定地點同朋友或網友會合熱身準備!
仲有我打藍球聯賽.永遠都係比其他隊友早到最小半個鍾!
自問我好小會遲到....因為沒有人想遲到同等人地!所以小弟對時間觀念睇得好重!
最好有早無遲....
希望師兄你如果對比賽有熱誠同重視既話下次早點到場準備....唔係下次...係以後每一場比賽都要早點到!!

PS:以上只係我本人個人意見同睇法.與長跑網無關的^_^"希望師兄你以後都可以開開心心咁玩每一場比賽啦!

Primart

雖然賽事未能安排得盡善盡美, 但本人跑得十份開心!
多謝皇上為我射水降溫, 多謝工作人員大熱天時, 一路幫忙和鼓勵!

希望選手們早日康復, 再接再厲!

johnrun

原帖由 tn2535055 於 2012-9-24 17:47 發表

                               
登錄/註冊後可看大圖

呢位師兄你好.我唔知你有無參加過第二D既長跑比賽
但如果有參賽既運動員.都應該係開跑前早最小1小時到場
因為馬拉松或者10公里都好,都需要有足夠熱身同賽前準備
除左熱身.仲有要整理比賽裝備.寄行李同聽(林)場大 ...

haha. 我諗你有d誤會. 其實我一向早到, 未試過遲到. 但無你咁早, 只係早到一個鐘, 原因都係要warm up, 寄行李咁等.

但我只係登d跑7K人唔低. 因為寄唔寄存行李, 做幾多warm up都係運動員既責任, 始終人地無遲到, 只係大會因當時情況而早起跑jei.

ballhung

祝願在院的師兄早日康復,出院回家;
多謝義工師兄師姐鼓勵,支持和幫忙o
謝謝

ht00272

首先祝願傷者早日康復

原帖由 tn2535055 於 2012-9-24 17:47 發表

                               
登錄/註冊後可看大圖

呢位師兄你好.我唔知你有無參加過第二D既長跑比賽
但如果有參賽既運動員.都應該係開跑前早最小1小時到場
因為馬拉松或者10公里都好,都需要有足夠熱身同賽前準備
除左熱身.仲有要整理比賽裝備.寄行李同聽(林)場大 ...

tn2535055師兄,
你咁講好似話我錯.
我8點半到都算係准時到.
8點45分起步如果我9點到我就唔會嘈,依家係大會提前半個小時起步.
我本來夠時間熱身同寄行李. 好似你話"有早無遲".

你跑渣打馬拉鬆如果到時先知提前起步跑渣打馬拉鬆你會覺得點?
你的藍球聯賽.如果你早到最小半個鍾，但係到時有人同你講比賽已經開始左，你會覺得點呢?
不如叫人早四個鐘到場準備啦.對比賽更加有熱誠

tn2535055

原帖由 ht00272 於 2012-9-24 21:12 發表

                               
登錄/註冊後可看大圖

首先祝願傷者早日康復




tn2535055師兄,
你咁講好似話我錯.
我8點半到都算係准時到.
8點45分起步如果我9點到我就唔會嘈,依家係大會提前半個小時起步.
我本來夠時間熱身同寄行李. 好似你話"有早無遲".

...

如果你覺得15分鍾可以夠時間熱身同準備好比賽我無話可說......咁我講錯野囉^_^"SORRY囉^_^"
不過我自己就覺得長跑比賽最小都要半小時既拉根熱身同觀察場地既變化(PS:如果係想上台拎獎的話^_^")

晴朗

公道啲講句，如果我早半個鐘到諗住熱身，點知去到話要即時起步，咁都唔係路噃。仲有如果驚唔夠水，驚跑手中暑，咁半馬嗰批係咪應該提早一個鐘出發？

laputa99

祝願在醫院的ching無事

chengtszhang

我個人意見, 參賽者早到或遲到是個人取向，若大會需要更改比賽時間, 應該預早通知參賽者,臨時臨急比賽當天才更改更必須即時以短訊通知參賽者才公平。

恒恒

tn2535055

原帖由 晴朗 於 2012-9-24 22:12 發表

                               
登錄/註冊後可看大圖

公道啲講句，如果我早半個鐘到諗住熱身，點知去到話要即時起步，咁都唔係路噃。仲有如果驚唔夠水，驚跑手中暑，咁半馬嗰批係咪應該提早一個鐘出發？

唉....比賽既野見人見智啦.....係我立詳.我點都會早多D...因為唔怕萬一只怕一萬出意外咁點算??
做咩都好.時間鬆D.自己準備都好D.岩唔岩...唔係下下都要計到岩岩好...咩係意外..咪係意料之外囉.無人想出意外家係唔係先!
好似三鐵個班咁....咁咪要搵人黎打獲甘

chengtszhang

仁哥，


我認為主辦比賽機構應以公平為首，有任何影響公平的比賽規則要更改須要預先通知所有參賽者。長跑網提早7公里比賽起跑時間半小時而未能通知各參賽者的做法，確實對一些預備8：45起跑的跑手不公平。


恆恆

[ 本帖最後由 chengtszhang 於 2012-9-25 00:39 編輯 ]