極大減肥問題!

exe2748

小笫今年16歲 高173 重180 BMI成29.8(不知是否正確)
細個開始已經唔中意做運動可以話完全冇做過,旦係近排身體已經出現左D問題
所以突登草錢去買左對幾貴既跑鞋,琴晚終於笫一次同朋友去跑步,跑左2分鐘都唔知有冇就已經喘哂氣+有D頭暈,之後好累好辛苦咁繼續頂洛去其間跑下行下由7點跑到9點旦係真正跑加埋得15分鐘,跑完個人好似散哂咁腳唔算好痛旦係腳低熱到好似火燒咁,以前一直都係早餐唔食,午餐都係(番學會食)晚餐就食街飯好多時仲食外賣(多數唔健康同超肥).
所以我諗住早餐食麥皮 水/茶
          午餐可食可唔食 水/茶
          晚餐盡量食大量菜小肉+一碗飯 水/茶

仲有我想問如果減肥其間係咪小小油糖都唔可以食?
同埋夜晚成日都會有D肚餓既話有咩係唔肥右飽肚既食物?
早餐是否一定要食?
遲D番學午餐會出外食,如果出外食既話應該食咩好?

麻煩哂!
THX!

shogikin

跑鞋貴都不一定適合,不如講下是那個跑鞋型號先啦

Kin in Running

tank1438

減肥最忌唔食野,不過當然唔可以食太多,少食多餐,每餐食六成飽就夠....我減肥時一日最少食5餐的,當然高油高鹽高糖就盡量唔好食喇...!!
運動就唔駛好劇烈的跑唔到就急步行,要超過30分鐘先有效...最好有一小時....記住瘦身係長期作戰急唔黎的,我bmi由>28用兩年時間先可以減到<22的....加油呀,有恆心一定得...!!

exe2748

Nike Air Max+ 2012 | Volt / Black

小叻

相信你問任何一位有經驗的香港跑手都唔會揀air max, 不過既然買o左, 你著住如果無腳痛的都可以繼續穿!
我都試過好肥, 亦因為肥開始做運動, 不過我係由行山開始, 減了十幾磅, 之後先跑步!
因為你身型較重, 腳的負荷較大, 建議由急步行開始, 或行下跑下的方式進行, 之後才慢慢加速度和距離.
你倒轉晒喇~要減肥應該係早餐食最多, 中午食正常, 晚上少吃, 宵夜免食! 最好在睡前3粒鐘唔好食野, 剛做完運動1小時內都唔好食...
免吃零食, 口痕我會以生果, 果乾/果仁或香口膠代替! 盡量唔食快餐或加工食物(即午餐肉/香腸/肉丸/公仔面/罐頭食品), 多吃新鮮食物和蔬果!
食飯時先食3份蔬菜, 才吃1份碳水化合物+1份肉類!

講出來好似好麻煩, 其實做耐o左就會養成習慣!
例如我早餐係食麥片, 戒食雪糕/朱古力/汽水(除跑完長課比少少甜頭自己~)
出街食我會食粉面多, 減肥時會食沙律/三文治, 總之蒸煮類, 非炸/焗/炒, 唔多汁...
晚上肚餓... 我都係會食麥皮... 有師兄亦推荐全麥餅乾!

[ 本帖最後由 小叻 於 2012-8-14 17:52 編輯 ]

allanccl

極之贊同小叻師姐! 發育時期千祈不要節食，營養要足夠。

因為去了旅行，沒回覆你的PM，請諒!

我最近(兩個月前)見一個舊同事，他以前是大肚腩的(我估都有38-40")，這次見他，剩下小肚腩，問他點樣減，佢話因為太肥，身體出了很多毛病，於是睇醫生(是政府醫生)，醫生叫佢減肥，並寫紙給他排期去見營養師，營養師叫他不要節食，只需戒油鹽糖便可，重教識佢甚麼是FAT(肥/脂肪)，早餐要食多，但不能食公仔麵，要食米粉，飲咖啡不能落糖及奶(單糖及飽和脂肪)，不能食麥皮(因為快餐店的麥皮加了糖及全脂/植脂奶，是飽和/反式脂肪)，豬排可以食，但係唔准食吉列(炸)豬排，只可煎及將肥肉切走，不准食香腸、午餐肉等等看似瘦肉，但內裡不知有幾多肥肉成份的肉。不准食雪糕.......，我見他對食物內的油及糖瞭解很好，和他食下午茶，本來是豬排麵，他會叫要煎的豬排，不要麵改湯意粉。 如此識飲識食，沒節過一餐食，佢話第一個月便瘦了廿磅，第二個月也瘦接近廿磅，他沒做甚麼運動(好懶的人，放工後一日到黑都打網上遊戲)。
如果佢有做運動，效果應該更好! 今天會去找他喝下午茶，看看他減肥情況及敘敘舊。

KennyW

我都係初跑步，又係想KEEP FIT
平時一個星期打一次波，之後就買跑鞋決心轉跑步
起初就真係好辛苦，跑19分鐘就冇氣冇力
但一星期KEEP住跑2晚，兩星期後就好自然咁跑到30分鐘了

跑到30分鐘的時間維持了3星期
之後岩岩又跑完，跑到自己想停為止，睇番時間，係50分鐘

所以只要你有恆心就可以KEEP到個運動量

同時，我而家早餐食最多（兩個包加奶）
午餐食一個普通飯盒
而夜晚就只係食兩啖飯，少少送，如果當晚要跑，就食完後隔一個鐘先跑，跑完唔再食野，只飲水

而家咁樣，食量真係比以前減左30﹪，加上定時運動，真係比以前輕左DD

exe2748

如果我想令到個胃細d既話係咪每餐都食小d野就可以?
3餐都唔可以有油鹽糖?係咪小小都唔可以食?

[ 本帖最後由 exe2748 於 2012-8-16 01:55 編輯 ]

exe2748

如果跑完再食既話係咪會肥?
成日跑完之後都好肚餓,間唔中食7仔/ok d飯同埋早餐食麵/飯既話有冇問題?

[ 本帖最後由 exe2748 於 2012-8-16 01:53 編輯 ]

KennyW

最好跑完後唔好食啦
忍下口
慢慢就會慣

我有時早餐係食麵/飯，早餐食多左，LUNCH就食番輕量D

其實最重要係夜晚果餐食少D，同埋唔好食宵夜

allanccl

原帖由 exe2748 於 2012-8-16 01:45 發表

                               
登錄/註冊後可看大圖

如果我想令到個胃細d既話係咪每餐都食小d野就可以?
3餐都唔可以有油鹽糖?係咪小小都唔可以食?

只要是盡量做，便會有成果! 我的朋友不煮食的，出街在餐廳也可以同伙記講點改點改得唔得，唔得就拉隊走人，通常都給你改的，最重要係....自己知道乜野係肥，乜野唔好食! 第一就係避免食煎炸野。

beepatpat

原帖由 allanccl 於 2012-8-15 00:08 發表

                               
登錄/註冊後可看大圖

極之贊同小叻師姐! 發育時期千祈不要節食，營養要足夠。

因為去了旅行，沒回覆你的PM，請諒!

我最近(兩個月前)見一個舊同事，他以前是大肚腩的(我估都有38-40")，這次見他，剩下小肚腩，問他點樣減，佢話因為太 ...

亮哥, 茶記早餐唔係火腿,腸仔就係餐肉, 真係唔知叫咩食先好, 有冇好提議

tank1438

原帖由 beepatpat 於 2012-8-17 10:09 發表

                               
登錄/註冊後可看大圖

亮哥, 茶記早餐唔係火腿,腸仔就係餐肉, 真係唔知叫咩食先好, 有冇好提議

我代答吓先,提議係減肥就唔好出咁多街食...!!無辦法既就叫鮮肉,唔好叫加工食品..!!

beepatpat

原帖由 tank1438 於 2012-8-17 10:33 發表

                               
登錄/註冊後可看大圖

我代答吓先,提議係減肥就唔好出咁多街食...!!無辦法既就叫鮮肉,唔好叫加工食品..!!" />" />

超難, 唯有盡量避免啦~

小叻

茶記可食蛋/火腿/鮮牛肉/肉片通粉/米粉, 飲料要走甜, 唔好食西式面包, 好多牛油/豬油!
我自己在家用低脂/脫脂奶沖麥皮, 可加生果/果乾/果仁, 都好味咖!
早餐食飯無問題, 因為有一日時間消耗, 而且中午可食少d!
盡量每餐有菜, 無就自己去買蕃茄仔食!

exe2748

可唔可以用豆奶沖麥皮？

KennyW

我自己一星期有兩晚食麥皮當晚飯，用無糖豆漿

早餐有時食M記，有時食吉X家，有時食腸粉燒賣，有時食麵包
中午就有時食飯盒，有時食杯麵，有時就食幾塊餅算
夜晚就：
1. 要跑步就跑前食兩啖飯，兩啖送，個半鐘後跑
2. 唔跑就 A食兩啖飯，多菜少肉 � B只食麥皮

減肥來來去去都係飲食控制同運動，冇第三樣

我自己早餐食得豪（仲要係M記），但要在其他餐度BALANCE番同運動

其實你最大問題只係兩個字： 心癮！
只要你忍到，成功機會都大D

小叻

樓主: 我有用低糖/無糖豆漿沖麥皮, 豆奶唔太ok, 因為唔天然, 而且一定好多糖份!
樓上: 如果你早餐戒埋M記, 午餐戒埋杯面, 應該減得仲好d喎~

exe2748

冇計先用豆奶
因為我對奶敏感

小叻

原帖由 exe2748 於 2012-8-22 20:47 發表

                               
登錄/註冊後可看大圖

冇計先用豆奶
因為我對奶敏感

總之豆漿好過豆奶啦~ 如果要豆奶要揀些無咁甜的! 一定就用滾水, 自己加少少蜜糖!

其實我以前試過好多減肥法, 減肥機, 紅外線, 減肥膏, 營養師, 代餐, 減肥茶, 減肥藥, 減肥餐, 生果餐, 做運動...
都係自己戒零食同多做運動最work!