藍芽耳筒

bobdog0224 · 發表於 2012-10-1 01:05:33

請問各位Ching當跑步時有無人用藍芽耳筒?本人在找一款可用於跑步的藍芽耳筒.

Jaybird freedom 或Philips SHB6017 這兩款可以嗎?
或有無Ching 可推介一吓?

謝謝!

[ 本帖最後由 bobdog0224 於 2012-10-1 01:20 編輯 ]

rl0497 · 發表於 2012-10-10 12:56:57

我用緊JayBird Freedom，電力可以有六至七個鐘嘅聽歌時間，都戴得幾舒服，我打籃球嘅，誇張到有次練射波走籃戴住佢都唔會飛出嚟，不過佢有兩個缺點：一，佢條線有少少黐頸，條頸一有汗嘅時候就會有啲黐住黐住。二，佢講電話嘅時候聽係冇問題，好清嘅，不過對方聽你嘅話就會有啲辛苦，至少我啲朋友都係咁講嘅，所以我唔太建議成日拎佢嚟講電話，不過佢聽歌啲聲唔差嘅。佢有永久保用，當然佢所謂嘅永久保用係呃人，只係包你如果俾汗整壞嘅話佢會一換一俾返個新你嘅，不過我未試過，我只係大約用咗三個月，暫時都幾滿意，不過佢只係防汗，唔會好似你提及嘅另一個Philips SHB6017嘅可以防水，所以你要好好睇睇，不過我買之前都睇咗千幾個review，諗咗好耐先至扑鎚買Jaybird。

paulsham · 發表於 2012-10-12 09:43:18

我用緊platronics backbeat 903+, 非常滿意~

bobdog0224 · 發表於 2012-10-12 15:41:09

Thanks rl0497 意見, JayBird Freedom 我也考慮中...

請問 paulsham 兄, 小弟也是用緊903+ 但在幾個月內已換了兩次...他們說可能是汗水影響. 請問你有無這方面的問題?

paulsham · 發表於 2012-10-12 17:32:40

903+ 我用左11個月, 壞左, 然後去荃灣維修中心度換, 隔唔夠兩星期又壞, 再換。

宜家呢個好少少, 但間唔中都失靈。

所以我覺得佢換俾你果d都係次貨。不過好彩我住荃灣，一壞即換。

不過個performance 我覺得903+算幾好。續航力同音質o係運動藍芽黎講都算唔錯。

rl0497 · 發表於 2012-10-12 20:27:24

不過Jaybird冇代理，香港基本上只得一間網店有得賣，雖然嗰間網店話係大集團，我打email去問嘢亦好快覆，不厭其煩咁答得好詳細，不過講到尾都係水貨，我唔清楚究竟保養方面佢有做得幾好，不過有樣嘢我要提提嘅，就係我想買定一啲配件（例如耳塞之類）佢係冇嘅！我問佢可唔可以幫我訂，佢地話冇，所以你亦要考慮一下如果唔見咗啲配件要配返會有幾麻煩！尤其係佢條叉電用嘅USB線，係一個專用頭，出面基本上唔會搵到，跌咗嘅話你屋企又多舊垃圾喇！不過佢勝在送貨快，同某程度上叫做平過喺美國買。

Jaybird 啱啱出咗個新model，可惜係哩間網店冇引入，新嘅可以用正常Micro-USB叉電嘅，你等得又或者想知，都可以問吓哩間網店會唔會引入嘅！

Plantronic 903+我本都都考慮，不過我因為係四眼嘅，完全唔駛諗喇，因為佢係掛耳式好大舊！我戴眼鏡根本用唔到。

bobdog0224 · 發表於 2012-10-12 22:20:45

多謝 rl0497 同paulsham 兩位師兄長細意見, 十分多謝.

jbrun · 發表於 2012-11-27 13:52:49

原帖由 rl0497 於 2012-10-12 20:27 發表

 登錄/註冊後可看大圖

不過Jaybird冇代理，香港基本上只得一間網店有得賣，雖然嗰間網店話係大集團，我打email去問嘢亦好快覆，不厭其煩咁答得好詳細，不過講到尾都係水貨，我唔清楚究竟保養方面佢有做得幾好，不過有樣࢝ ...

師兄, 可不可以pm Jaybird個香港網店給我呢?
另外,你而家用成點?

smallegg · 發表於 2012-11-27 13:55:06

Philips SHB6017 岩岩用黎跑左unicef, 落狗屎咁都冇事!!!幾好!

water0712 · 發表於 2012-11-27 14:09:23

我用緊platronics backbeatGO

rl0497 · 發表於 2012-11-30 11:56:28

jbrun，請收PM，因為唔知哩度可唔可以公開人家商用網頁，所以PM咗你。
哩個月由於我去咗個大旅行，所以停咗一個月冇跑到，亦冇用過個Jaybird，不過之前用咗三個月，每個禮拜都大概用三次，每次三個鐘，狀態仍然幾好，所以我都推介你試吓。

另外，該個網頁亦都有Jaybird新型號賣，不過之前睇Amazon啲Reviews對佢評價一般，尤其係電量方面比較短，除咗佢輕咗同講電話收音比我用緊嗰隻好咗之外，有人話連啲制嘅位置都有問題，我諗你最好睇多啲review消化一下先喇。

提示，其實我用緊嗰隻個開關制都比較實同要咁耐啲先會反應，佢本身係設計成咁嘅，並非壞咗，基本上我都好滿意。

不過Plantronic出咗隻BackBeat GO，好似話防汗幾好嘅，你可以睇吓，至少佢一定有行貨唔話保養問題先。

我下個禮拜會再開始用返隻JayBird Freedom，所以有乜特別狀態出咗問題嘅話會再向你報告。

jbrun · 發表於 2012-11-30 13:55:20

原帖由 rl0497 於 2012-11-30 11:56 發表

 登錄/註冊後可看大圖

jbrun，請收PM，因為唔知哩度可唔可以公開人家商用網頁，所以PM咗你。
哩個月由於我去咗個大旅行，所以停咗一個月冇跑到，亦冇用過個Jaybird，不過之前用咗三個月，每個禮拜都大概用三次， ...

rl0497師兄,謝謝.

		自動登錄	找回密碼
密碼			註冊

藍芽耳筒

回復 1# 的帖子